Ang Bukang-Liwayway

13/08/2025

𝐌𝐀𝐈𝐍𝐈𝐓 𝐍𝐀 𝐁𝐀𝐋𝐈𝐓𝐀: 𝐒𝐚 𝐥𝐢𝐤𝐨𝐝 𝐧𝐠 𝐛𝐚𝐰𝐚𝐭 𝐛𝐲𝐥𝐢𝐧𝐞, 𝐬𝐢𝐥𝐚 𝐧𝐚 𝐧𝐠𝐚 𝐚𝐧𝐠 𝐚𝐦𝐢𝐧𝐠 𝐡𝐢𝐧𝐚𝐡𝐚𝐧𝐚𝐩!🔥

📸 𝐔𝐍𝐀𝐍𝐆 𝐏𝐀𝐍𝐆𝐊𝐀𝐋𝐀𝐇𝐀𝐓𝐀𝐍𝐆 𝐀𝐒𝐄𝐌𝐁𝐋𝐈𝐘𝐀 𝐍𝐆 𝐀𝐍𝐆 𝐁𝐔𝐊𝐀𝐍𝐆-𝐋𝐈𝐖𝐀𝐘𝐖𝐀𝐘 𝐓𝐏 𝟐𝟎𝟐𝟓-𝟐𝟎𝟐𝟔

Mainit na pagbati sa ating mga 𝐂𝐀𝐌𝐏𝐔𝐒 𝐉𝐎𝐔𝐑𝐍𝐀𝐋𝐈𝐒𝐓 na patuloy na naglilingkod at nagsisilbing huwaran sa pamamagitan ng makatotohanang balita at kuwento.

Isang taos-pusong pagbati rin sa ating mga bagong mamamahayag na piniling ilaan ang kanilang oras upang maging bahagi ng Ang Bukang-Liwayway. Salamat sa inyong tapang na sumubok at sa inyong pusong handang matuto. Nawa’y maging kayo ang bagong ningas na magpapatuloy sa pagliyab ng ating adhikain—ang maghatid ng makatotohanang impormasyon, magmulat ng isipan, at magbigay ng pag-asa.

Ngayon ay isa na namang bagong yugto ng ating taon sa paaralan at sa bagong kabanatang ito, nawa’y patuloy na mag-alab ang apoy ng inyong dedikasyon. Maging inspirasyon hindi lamang tuwing may patimpalak, kundi sa araw-araw na pamumuhay sa loob ng paaralan—sa bawat balita, kuwento, at ideyang inyong isinusulat para sa kapakinabangan ng lahat.



-Legendka!

02/08/2025

𝐇𝐚𝐧𝐝𝐚 𝐤𝐚 𝐧𝐚 𝐛𝐚𝐧𝐠 𝐢𝐬𝐚𝐲𝐚𝐰 𝐚𝐧𝐠 𝐤𝐰𝐞𝐧𝐭𝐨 𝐧𝐠 𝐚𝐭𝐢𝐧𝐠 𝐥𝐚𝐡𝐢… 𝐬𝐚 𝐬𝐚𝐥𝐢𝐰 𝐧𝐠 𝐦𝐚𝐤𝐚𝐛𝐚𝐠𝐨𝐧𝐠 𝐡𝐢𝐦𝐢𝐠?

Ngayong 𝐁𝐮𝐰𝐚𝐧 𝐧𝐠 𝐖𝐢𝐤𝐚𝐧𝐠 𝐏𝐚𝐦𝐛𝐚𝐧𝐬𝐚 𝟐𝟎𝟐𝟓, iniimbitahan ang lahat ng mag-aaral ng Baitang 12 na makibahagi sa isang natatanging pagsasanib ng tradisyon at makabagong sining sa pamamagitan ng 𝐒𝐚𝐥𝐢𝐧-𝐒𝐚𝐲𝐚𝐰!

𝐌𝐆𝐀 𝐏𝐀𝐍𝐔𝐍𝐓𝐔𝐍𝐀𝐍 (Guidelines)

𝟏. 𝐏𝐚𝐠𝐥𝐚𝐡𝐨𝐤 𝐚𝐭 𝐋𝐚𝐲𝐮𝐧𝐢𝐧 𝐧𝐠 𝐊𝐨𝐦𝐩𝐞𝐭𝐢𝐬𝐲𝐨𝐧
Bukas ang kompetisyong Salin-Sayaw sa lahat ng mag-aaral ng Bautista National High School mula Baitang 12.

Pagsasalin sa sayaw ng mga Fokloriko o katutubong sayaw ng Pilipinas, ngunit gumagamit ng modernong Pilipinong awitin o musika (Original Pinoy Music, OPM) — isang kombinasyon ng tradisyunal at kontemporaneong sining.

𝟐. 𝐌𝐠𝐚 𝐊𝐚𝐭𝐚𝐧𝐠𝐠𝐚𝐩-𝐭𝐚𝐧𝐠𝐠𝐚𝐩 𝐬𝐚 𝐒𝐚𝐥𝐢𝐧𝐬𝐚𝐲𝐚𝐰
𝐌𝐮𝐬𝐢𝐤𝐚: Dapat awitin o instrumental na nasa wikang Filipino — modernong komposisyon (OPM), hindi tradisyunal folk music.

𝐊𝐨𝐫𝐞𝐨𝐠𝐫𝐚𝐩𝐢:
Hango sa alinman sa kilalang katutubong sayaw (hal. tinikling, pandanggo sa ilaw, sayaw ng mga Igorot, Ifugao o Moro, at iba pa).

Gumamit ng katutubo o klasikong hakbang (steps), galaw, ritmo, postura na totoo sa pinanggalingang katutubong sayaw.

Pagpaloob ng Tema: Maaaring iugnay ang sayaw sa tema ng Buwan ng Wika 2025 (pagkakaisa sa pamamagitan ng wika).

𝟑. 𝐁𝐚𝐥𝐚𝐧𝐠𝐤𝐚𝐬 𝐧𝐠 𝐏𝐫𝐞𝐬𝐞𝐧𝐭𝐚𝐬𝐲𝐨𝐧
Maximum na oras: 4–5 minuto bawat grupo.

Segment na Kinakailangan:
A. Introduksyon – Maikling pagpapakilala (via narrator o poster/display) tungkol sa sayaw at pinanggagalingan na etnolingguwistikong grupo.

B. Pagtatanghal – Sayaw na may modernong Filipino na musika (pwede instrumental o may liriko).

C. Komento (opsiyonal) – 1–2 pangungusap pagkatapos ang sayaw tungkol sa kahalagahan ng sayaw at wika sa tema ng pagkakaisa.

𝟒. 𝐏𝐚𝐦𝐚𝐧𝐭𝐚𝐲𝐚𝐧 𝐧𝐠 𝐏𝐚𝐠𝐡𝐮𝐬𝐠𝐚 (𝐏𝐚𝐧𝐮𝐤𝐚𝐭𝐚𝐧 / 𝐂𝐫𝐢𝐭𝐞𝐫𝐢𝐚)

𝐊𝐚𝐭𝐞𝐠𝐨𝐫𝐲𝐚 𝐏𝐨𝐫𝐬𝐲𝐞𝐧𝐭𝐨
1. Koreograpiya ng Tradisyonal na Hakbang 25%
𝐃𝐞𝐭𝐚𝐥𝐲𝐞: Nagamit nang tapat ang katutubong galaw at hakbang

2. Pagpili ng Musika at Angkop na Interpretasyon 25%
𝐃𝐞𝐭𝐚𝐥𝐲𝐞: Modernong Filipino track— OPM, masining, may kaangkupan

3. Pagkamalikhain at Singkronisasyon ng galaw 20%
𝐃𝐞𝐭𝐚𝐥𝐲𝐞: Harmonisadong koreograpiya, ekspresyon ng mukha, interpretasyon sa musika, magandang pagkakapagsanay ng grupo.)

4. Pagkakaugnay sa Tema 15%
𝐃𝐞𝐭𝐚𝐥𝐲𝐞: Nauugnay ba sa “Paglinang sa Filipino at Katutubong Wika: Makasaysayan sa Pagkakaisa ng Bansa”?

5. Kaangkupan ng Kostyum at Props
𝐃𝐞𝐭𝐚𝐥𝐲𝐞: Nakapagpaganda ang kostyum at props sa kabuoang presentasyon.

KABUOANG PORSYENTO- 100%

02/08/2025

𝐊𝐚𝐲𝐚 𝐦𝐨 𝐛𝐚𝐧𝐠 𝐢𝐩𝐚𝐠𝐬𝐢𝐠𝐚𝐰𝐚𝐧 𝐚𝐧𝐠 𝐭𝐮𝐥𝐚 𝐧𝐠 𝐛𝐚𝐲𝐚𝐧 𝐬𝐚 𝐢𝐢𝐬𝐚𝐧𝐠 𝐭𝐢𝐧𝐢𝐠 𝐚𝐭 𝐝𝐚𝐦𝐝𝐚𝐦𝐢𝐧?
𝐌𝐚𝐤𝐢𝐛𝐢𝐠𝐤𝐚𝐬. 𝐌𝐚𝐤𝐢𝐥𝐚𝐡𝐨𝐤. 𝐌𝐚𝐤𝐢𝐢𝐬𝐚 𝐬𝐚 𝐒𝐚𝐛𝐚𝐲𝐚𝐧𝐠 𝐏𝐚𝐠𝐛𝐢𝐠𝐤𝐚𝐬 𝟐𝟎𝟐𝟓!

Ngayong 𝐁𝐮𝐰𝐚𝐧 𝐧𝐠 𝐖𝐢𝐤𝐚𝐧𝐠 𝐏𝐚𝐦𝐛𝐚𝐧𝐬𝐚 𝟐𝟎𝟐𝟓, pagkakataon na ng mga mag-aaral ng Baitang 9 upang ipamalas ang kanilang talento sa sining ng pagtula sa pamamagitan ng 𝐒𝐚𝐛𝐚𝐲𝐚𝐧𝐠 𝐏𝐚𝐠𝐛𝐢𝐠𝐤𝐚𝐬.

Oras na para marinig ang tinig ng kabataan—malikhain, makabayan, at makapangyarihan!

𝐌𝐆𝐀 𝐏𝐀𝐍𝐔𝐍𝐓𝐔𝐍𝐀𝐍 (Guidelines)
𝐏𝐢𝐲𝐞𝐬𝐚: “𝐀𝐧𝐠 𝐏𝐚𝐠𝐤𝐚𝐢𝐧 𝐧𝐠 𝐇𝐢𝐧𝐨𝐠 𝐧𝐚 𝐌𝐚𝐧𝐠𝐠𝐚" 𝐧𝐢 𝐄𝐝𝐢𝐥𝐛𝐞𝐫𝐭𝐨 𝐍. 𝐀𝐥𝐞𝐠𝐫𝐞

𝟏. 𝐋𝐚𝐡𝐨𝐤 𝐚𝐭 𝐋𝐚𝐲𝐮𝐧𝐢𝐧
Ang patimpalak na ito ay bukas sa lahat ng mag-aaral mula Baitang 9 ng Bautista NHS. Bawat pangkat ay dapat binubuo ng 25 hanggang 30 miyembro.

Layunin ng patimpalak na maipamalas ang kasanayan sa malikhaing pagtatanghal na nagpapakita ng sabay-sabay na pagbigkas sa piyesa ayon sa interpretasyon o pagpapakahulugan sa masining, malikhain at nakaaaliw na pamamaraan.

𝟐. 𝐀𝐧𝐲𝐨 𝐧𝐠 𝐏𝐚𝐠𝐛𝐢𝐠𝐤𝐚𝐬
Dapat maipakita ang maindayog na pangkatang tinig na nagpapahayag ng masining, madamdamin at malikhaing pagbigkas sa nasabing piyesa.

𝟑. 𝐏𝐚𝐫𝐚𝐚𝐧 𝐧𝐠 𝐏𝐚𝐠𝐭𝐚𝐭𝐚𝐧𝐠𝐡𝐚𝐥
Live performance lamang ang pinapayagan. Kailangang itanghal nang harapan ang sabayang pagbigkas sa takdang araw ng kompetisyon.

Kinakailangang kabisado ng mga kalahok ang piyesa upang lalong mapalitaw ang emosyon at maipadama ang damdamin sa pamamagitan ng malinaw na bigkas, ekspresyon, emosyon at galaw.

𝟒. 𝐎𝐫𝐚𝐬 𝐧𝐠 𝐏𝐚𝐠𝐭𝐚𝐭𝐚𝐧𝐠𝐡𝐚𝐥
Ang pagtatanghal ay dapat tumagal lamang ng 7 hanggang 10 minuto. Hihinto ang orasan kapag ang huling salita ay nabigkas na.

𝟓. 𝐊𝐚𝐠𝐚𝐦𝐢𝐭𝐚𝐧 𝐚𝐭 𝐊𝐚𝐬𝐮𝐨𝐭𝐚𝐧
Maaaring gumamit ng mga musika/ chants, props o instrumentong lalong magpapaganda sa pagtatanghal.

----------------

𝐏𝐀𝐍𝐔𝐊𝐀𝐓𝐀𝐍 (Criteria for Judging)
𝐊𝐚𝐭𝐞𝐠𝐨𝐫𝐲𝐚 𝐏𝐨𝐫𝐬𝐲𝐞𝐧𝐭𝐨
Pagpapalutang sa Diwa ng Tula 35%
𝐏𝐚𝐥𝐢𝐰𝐚𝐧𝐚𝐠: Husay sa pagpapahayag ng mensahe at damdamin ng tula.

Pagkamalikhain at Estilo ng Presentasyon 20%
𝐏𝐚𝐥𝐢𝐰𝐚𝐧𝐚𝐠: Orihinal at masining na paraan ng pagganap

Kaisahan ng Tinig 30%
𝐏𝐚𝐥𝐢𝐰𝐚𝐧𝐚𝐠: Linaw, sabay-sabay na bigkas, at disiplina sa tinig.

Kasuotan, Props, at Musika 15%
𝐏𝐚𝐥𝐢𝐰𝐚𝐧𝐚𝐠: Akmang gamit at tunog na tumutulong sa kabuoang epekto ng pagtatanghal

Kabuoang Porsyento: 100%

𝐏𝐚𝐚𝐥𝐚𝐥𝐚:
𝐀𝐧𝐠 𝐩𝐚𝐠𝐬𝐮𝐰𝐚𝐲 𝐬𝐚 𝐢𝐭𝐢𝐧𝐚𝐤𝐝𝐚𝐧𝐠 𝐛𝐢𝐥𝐚𝐧𝐠 𝐧𝐠 𝐦𝐢𝐲𝐞𝐦𝐛𝐫𝐨 𝐚𝐲 𝐦𝐚𝐲 𝐤𝐚𝐮𝐤𝐮𝐥𝐚𝐧𝐠 𝐛𝐚𝐰𝐚𝐬 𝐬𝐚 𝐩𝐮𝐧𝐭𝐨𝐬.

𝐀𝐧𝐠 𝐚𝐧𝐮𝐦𝐚𝐧𝐠 𝐮𝐫𝐢 𝐧𝐠 𝐨𝐟𝐟𝐞𝐧𝐬𝐢𝐯𝐞 𝐜𝐨𝐧𝐭𝐞𝐧𝐭 𝐚𝐲 𝐦𝐚𝐠𝐢𝐠𝐢𝐧𝐠 𝐛𝐚𝐭𝐚𝐲𝐚𝐧 𝐧𝐠 𝐝𝐢𝐬𝐤u𝐰𝐚𝐥𝐢𝐩𝐢𝐤𝐚𝐬𝐲𝐨𝐧.

𝐌𝐚𝐠𝐬𝐮𝐨𝐭 𝐧𝐠 𝐦𝐚𝐚𝐲𝐨𝐬 𝐚𝐭 𝐚𝐧𝐠𝐤𝐨𝐩 𝐧𝐚 𝐤𝐚𝐬𝐮𝐨𝐭𝐚𝐧 𝐚𝐥𝐢𝐧𝐬𝐮𝐧𝐨𝐝 𝐬𝐚 𝐭𝐞𝐦𝐚 𝐧𝐠 𝐩𝐢𝐲𝐞𝐬𝐚.

02/08/2025

𝐌𝐚𝐡𝐢𝐥𝐢𝐠 𝐤𝐚 𝐛𝐚𝐧𝐠 𝐦𝐚𝐠𝐬𝐚𝐥𝐢𝐭𝐚 𝐬𝐚 𝐡𝐚𝐫𝐚𝐩 𝐧𝐠 𝐥𝐞𝐧𝐭𝐞 𝐧𝐠 𝐤𝐚𝐦𝐞𝐫𝐚? 𝐆𝐮𝐬𝐭𝐨 𝐦𝐨 𝐛𝐚𝐧𝐠 𝐠𝐚𝐦𝐢𝐭𝐢𝐧 𝐚𝐧𝐠 𝐭𝐚𝐥𝐞𝐧𝐭𝐨 𝐦𝐨 𝐬𝐚 𝐩𝐚𝐠𝐠𝐚𝐰𝐚 𝐧𝐠 𝐯𝐢𝐝𝐞𝐨 𝐩𝐚𝐫𝐚 𝐢𝐩𝐚𝐡𝐚𝐲𝐚𝐠 𝐚𝐧𝐠 𝐚𝐝𝐛𝐨𝐤𝐚𝐬𝐢𝐲𝐚𝐧𝐠 𝐦𝐚𝐤𝐚𝐛𝐮𝐥𝐮𝐡𝐚𝐧?

𝐈𝐭𝐨 𝐧𝐚 𝐚𝐧𝐠 𝐭𝐚𝐦𝐚𝐧𝐠 𝐩𝐚𝐠𝐤𝐚𝐤𝐚𝐭𝐚𝐨𝐧 𝐩𝐚𝐫𝐚 𝐬𝐚'𝐲𝐨!
Sa pagdiriwang ng 𝐁𝐮𝐰𝐚𝐧 𝐧𝐠 𝐖𝐢𝐤𝐚 𝟐𝟎𝟐𝟓, inaanyayahan ang mga mag-aaral ng Baitang 10 na makilahok sa 𝐁𝐢𝐝𝐲𝐨𝐊𝐚𝐬𝐢𝐲𝐚 – 𝐑𝐞𝐚𝐝-𝐀-𝐓𝐡𝐨𝐧 𝐅𝐢𝐥𝐢𝐩𝐢𝐧𝐨!

𝐌𝐆𝐀 𝐏𝐀𝐍𝐔𝐍𝐓𝐔𝐍𝐀𝐍 (Guidelines)

𝟏. 𝐋𝐚𝐡𝐨𝐤 𝐚𝐭 𝐋𝐚𝐲𝐮𝐧𝐢𝐧
Bukas sa isang (1) mag-aaral mula sa Grade 10 ng Bautista National High School bilang kinatawan ng seksiyon sa kompetisyon ng Buwan Ng Wika .

Layunin ng BidyoKasiya na ipakita ang kakayahang komunikatibo, mapanuring pag-iisip, at pagpapahalagang pampanitikan sa pamamagitan ng pagsasagawa ng isang minutong video documentary/advocacy na nagmumungkahi ng solusyon sa isang kasalukuyang suliraning panlipunan.

𝟐. 𝐏𝐚𝐧𝐚𝐡𝐨𝐧 𝐚𝐭 𝐏𝐫𝐨𝐬𝐞𝐬𝐨
Kabuoang panahon para sa paligsahan: Agosto 5 - 18, 2025.

Dalawang linggo para sa pagsusuri ng tekstong may kaugnay sa tema ng Buwan ng Wika at pagbuo ng iskrip/Storyboard at pagbuo ng bidyo at teknikal na pangangailangan.

𝟑. 𝐍𝐢𝐥𝐚𝐥𝐚𝐦𝐚𝐧 𝐧𝐠 𝐁𝐢𝐝𝐲𝐨 (𝐀𝐝𝐛𝐨𝐤𝐚𝐬𝐢𝐲𝐚)
Mula sa impormatibong teksto, patungkol sa tema ng Buwan ng Wika 2025 kailangang bumuo ng adbokasiya na nakapokus sa isang mahalagang kaisipan o mensahe.

Dapat itong ihayag sa video documentary/advocacy (short video gaya ng reels) gamit ang wikang Filipino bilang kasangkapan sa pagpapalaganap ng mensaheng panlipunan sa digital platform.

𝟒. 𝐏𝐚𝐠𝐠𝐚𝐦𝐢𝐭 𝐧𝐠 𝐁𝐚𝐜𝐤𝐠𝐫𝐨𝐮𝐧𝐝 𝐌𝐮𝐬𝐢𝐜

Maaaring mag-download ng Background Music mula sa internet.

𝟓. 𝐃𝐫𝐞𝐬𝐬 𝐂𝐨𝐝𝐞 𝐚𝐭 𝐈𝐩𝐢𝐧𝐚𝐠𝐛𝐚𝐛𝐚𝐰𝐚𝐥

Dapat naka-puting t-shirt na walang label ng paaralan o rehiyon at maong bilang dress code .

Ipinagbabawal ang paggamit ng:

Hindi maaaring gumamit ng video mula sa internet. Ang lahat ng imahen, footages at elementong makikita sa gagawing isang minutong video ay dapat na sariling kuha mula sa cellphone

Props, costumes, background music, ready-made templates o any app na may preset formats

Cellphone o anumang aparato habang itinatanghal

Reference materials o babasahing teksto at anumang ibang support tools.

𝟔. 𝐏𝐚𝐠𝐬𝐮𝐬𝐮𝐦𝐢𝐭𝐞 𝐧𝐠 𝐎𝐮𝐭𝐩𝐮𝐭

Ang nabuong isang minuto ay maaaring i-upload sa Agosto 18 (hanggang alas-dose ng gabi lamang) sa Google Drive link na magmumula sa TWG.

𝟕. 𝐏𝐚𝐠𝐬𝐮𝐬𝐮𝐫𝐢 𝐚𝐭 𝐏𝐚𝐠𝐡𝐮𝐡𝐮𝐬𝐠𝐚

Lahat ng mga inilagak sa Google Drive link mula sa iba't ibang seksiyon ay matamang susuriin. Mamimili lamang ng 20 pinkatangi-tanging BidyoKasiya.

Ang dalawampung BidyoKasiya ay ipo-post sa opisyal na page ng Kagawaran ng Filipino upang dumaan sa matamang pagtataya at paghuhusga ng mga hurado.

Tatlo ang tatanghaling panalo.
-------------------------

𝐏𝐀𝐍𝐔𝐊𝐀𝐓𝐀𝐍 (Criteria for Judging)
𝐁𝐚𝐭𝐚𝐲 𝐬𝐚 𝐫𝐮𝐛𝐫𝐢𝐜 𝐧𝐚 𝐢𝐧𝐢𝐥𝐚𝐭𝐚𝐠 𝐬𝐚 𝐦𝐞𝐦𝐨 𝐩𝐚𝐫𝐚 𝐬𝐚 𝐁𝐢𝐝𝐲𝐨𝐊𝐚𝐬𝐢𝐲𝐚 (𝐑𝐞𝐚𝐝-𝐀‑𝐓𝐡𝐨𝐧 𝐅𝐢𝐥𝐢𝐩𝐢𝐧𝐨) :

𝐊𝐚𝐭𝐞𝐠𝐨𝐫𝐲𝐚 𝐁𝐚𝐡𝐚𝐠𝐝𝐚𝐧
Nilalaman at Adbokasiya 40%
𝐏𝐚𝐦𝐚𝐦𝐚𝐡𝐚𝐲𝐚𝐠: Naipapahayag nang malinaw ang pangunahing mensahe at layunin ng teksto; holistiko ang bidyo at may tamang ugnayan ng konsepto

Kalidad / Teknik ng Presentasyon 30%
𝐏𝐚𝐦𝐚𝐦𝐚𝐡𝐚𝐲𝐚𝐠: Malikhain, natatangi, at malinaw ang representasyon ng adbokasiya

Hikayat sa Madla 20%
𝐏𝐚𝐦𝐚𝐦𝐚𝐡𝐚𝐲𝐚𝐠: Nakaka-engganyo ang bidyo; may impact at nakapupukaw ng damdamin

Saklaw at Takdang Oras 10%
𝐏𝐚𝐦𝐚𝐦𝐚𝐡𝐚𝐲𝐚𝐠: Naipasa nang tama ang bidyo sa itinakdang oras (limang minutong bidyo / reel)

Kabuoang Porsyento: 100%

02/08/2025

𝐇𝐚𝐧𝐝𝐚 𝐤𝐚 𝐧𝐚 𝐛𝐚𝐧𝐠 𝐦𝐚𝐠𝐬𝐚𝐥𝐢𝐭𝐚 𝐡𝐢𝐧𝐝𝐢 𝐥𝐚𝐧𝐠 𝐠𝐚𝐦𝐢𝐭 𝐚𝐧𝐠 𝐭𝐢𝐧𝐢𝐠, 𝐤𝐮𝐧𝐝𝐢 𝐩𝐚𝐭𝐢 𝐚𝐧𝐠 𝐩𝐮𝐬𝐨?

Sa pagdiriwang ng 𝐁𝐮𝐰𝐚𝐧 𝐧𝐠 𝐖𝐢𝐤𝐚𝐧𝐠 𝐏𝐚𝐦𝐛𝐚𝐧𝐬𝐚 𝟐𝟎𝟐𝟓, muling aangat at binibigyang-tinig ang damdamin, saloobin, at maging ang paninindigan ng kabataang Pilipino sa pamamagitan ng 𝐒𝐩𝐨𝐤𝐞𝐧 𝐖𝐨𝐫𝐝 𝐏𝐨𝐞𝐭𝐫𝐲!

📌 Bukas ito sa lahat ng mga mag-aaral ng Baitang 8.
📝 𝐈𝐬𝐚𝐧𝐠 𝐞𝐧𝐭𝐚𝐛𝐥𝐚𝐝𝐨. 𝐈𝐬𝐚𝐧𝐠 𝐛𝐨𝐬𝐞𝐬. 𝐈𝐬𝐚𝐧𝐠 𝐦𝐞𝐧𝐬𝐚𝐡𝐞. 𝐊𝐚𝐲𝐚 𝐦𝐨 𝐛𝐚𝐧𝐠 𝐭𝐮𝐦𝐢𝐧𝐝𝐢𝐠 𝐚𝐭 𝐦𝐚𝐠𝐬𝐚𝐥𝐢𝐭𝐚 𝐩𝐚𝐫𝐚 𝐬𝐚 𝐛𝐚𝐲𝐚𝐧?
𝐒𝐮𝐦𝐚𝐥𝐢 𝐧𝐚!

𝐌𝐆𝐀 𝐏𝐀𝐍𝐔𝐍𝐓𝐔𝐍𝐀𝐍 (Guidelines)
𝐓𝐞𝐦𝐚: 𝐏𝐚𝐠𝐥𝐢𝐧𝐚𝐧𝐠 𝐬𝐚 𝐅𝐢𝐥𝐢𝐩𝐢𝐧𝐨 𝐚𝐭 𝐊𝐚𝐭𝐮𝐭𝐮𝐛𝐨𝐧𝐠 𝐖𝐢𝐤𝐚: 𝐌𝐚𝐤𝐚𝐬𝐚𝐲𝐬𝐚𝐲𝐚𝐧 𝐬𝐚 𝐏𝐚𝐠𝐤𝐚𝐤𝐚𝐢𝐬𝐚 𝐧𝐠 𝐁𝐚𝐧𝐬𝐚

𝟏. 𝐋𝐚𝐡𝐨𝐤 𝐚𝐭 𝐋𝐚𝐲𝐮𝐧𝐢𝐧
Bukas sa lahat ng mag-aaral sa Baitang 8 ng Bautista National High School.

Layunin ng patimpalak na maipamalas ang kasanayan sa malikhaing pagpapahayag ng damdamin, pananaw, at paninindigan kaugnay ng tema ng Buwan ng Wika sa pamamagitan ng isang orihinal na tula.

𝟐. 𝐏𝐚𝐠𝐬𝐮𝐥𝐚𝐭 𝐧𝐠 𝐓𝐮𝐥𝐚
Ang kalahok ay gagawa ng sariling tula (Spoken Word Poetry) na nakabatay sa pambansang tema:

“𝐏𝐚𝐠𝐥𝐢𝐧𝐚𝐧𝐠 𝐬𝐚 𝐅𝐢𝐥𝐢𝐩𝐢𝐧𝐨 𝐚𝐭 𝐊𝐚𝐭𝐮𝐭𝐮𝐛𝐨𝐧𝐠 𝐖𝐢𝐤𝐚: 𝐌𝐚𝐤𝐚𝐬𝐚𝐲𝐬𝐚𝐲𝐚𝐧 𝐬𝐚 𝐏𝐚𝐠𝐤𝐚𝐤𝐚𝐢𝐬𝐚 𝐧𝐠 𝐁𝐚𝐧𝐬𝐚”

Ang tula ay kailangang tugma sa tema, tumatalakay sa papel ng wika sa paghubog ng pagkakaisa, kasaysayan, at kultura ng sambayanang Pilipino.

Mahigpit na ipinagbabawal ang paggamit ng AI, ChatGPT, Google Translate, at anumang automated tool sa pagsulat ng tula. Kailangang orihinal na gawa ng mag-aaral.

𝟑. 𝐀𝐧𝐲𝐨 𝐚𝐭 𝐍𝐢𝐥𝐚𝐥𝐚𝐦𝐚𝐧
Dapat ang tula ay may 3 hanggang 5 saknong, malinaw ang mensahe, at may makabayang damdamin.

Maaaring gumamit ng talinghaga, simbolismo, tayutay, at iba pang masining na paraan ng pagpapahayag.

𝟒. 𝐏𝐚𝐫𝐚𝐚𝐧 𝐧𝐠 𝐏𝐚𝐠𝐭𝐚𝐭𝐚𝐧𝐠𝐡𝐚𝐥
Live performance lamang ang pinapayagan. Kailangang itanghal nang harapan ang tula sa takdang araw ng kompetisyon.

Ang kalahok ay maaaring basahin ang tula ngunit kailangang ipadama pa rin ang damdamin sa pamamagitan ng malinaw na bigkas, ekspresyon, at emosyon.

Ang kopya ng tula ay kailangang ipasa sa mismong araw ng pagtatanghal, naka-print sa A4 size na coupon bond.

Hindi maaaring ilagay sa kopya ng tula ang pangalan ng kalahok, seksyon, o anumang palatandaan ng pagkakakilanlan.

𝟓. 𝐎𝐫𝐚𝐬 𝐧𝐠 𝐏𝐚𝐠𝐭𝐚𝐭𝐚𝐧𝐠𝐡𝐚𝐥
Ang pagtatanghal ay dapat tumagal ng 2 hanggang 4 na minuto lamang.

Hinihikayat ang malinaw na bigkas, damdaming taglay, at wastong pagbuo ng mensahe sa tula.

----------------

𝐏𝐀𝐍𝐔𝐊𝐀𝐓𝐀𝐍 (Criteria for Judging)
Kategorya Porsyento
Kaisahan ng Tema at Nilalaman 25%
𝐏𝐚𝐥𝐢𝐰𝐚𝐧𝐚𝐠: Tumatalima sa tema, malinaw ang mensahe at layunin ng tula.
Pagkamalikhain at Estilo 20%
𝐏𝐚𝐥𝐢𝐰𝐚𝐧𝐚𝐠: Orihinal at masining ang pagbuo ng tula (tayutay, talinghaga, simbolismo).
Gamit ng Wika 20%
𝐏𝐚𝐥𝐢𝐰𝐚𝐧𝐚𝐠: Wasto ang balarila, ortograpiya, at malikhain ang paggamit ng wikang Filipino.
Pagbigkas at Damdamin 20%
𝐏𝐚𝐥𝐢𝐰𝐚𝐧𝐚𝐠: May ekspresyon, tamang bigkas, at damdaming akma sa mensahe.
Kabuoang Presentasyon 15%
𝐏𝐚𝐥𝐢𝐰𝐚𝐧𝐚𝐠: Kaangkupan ng kilos, tindig, at impact sa tagapakinig.

Kabuoang Porsyento: 100%

02/08/2025

𝐌𝐚𝐡𝐢𝐥𝐢𝐠 𝐤𝐚 𝐛𝐚𝐧𝐠 𝐦𝐚𝐠𝐛𝐚𝐬𝐚 𝐚𝐭 𝐦𝐚𝐠𝐬𝐚𝐥𝐚𝐲𝐬𝐚𝐲 𝐧𝐠 𝐦𝐠𝐚 𝐤𝐮𝐰𝐞𝐧𝐭𝐨? 𝐏𝐚𝐧𝐚𝐡𝐨𝐧 𝐧𝐚 𝐩𝐚𝐫𝐚 𝐦𝐚𝐫𝐢𝐧𝐢𝐠 𝐚𝐧𝐠 𝐢𝐲𝐨𝐧𝐠 𝐭𝐢𝐧𝐢𝐠!

Kung ikaw ay may hilig sa pagkukuwento at nais mong maging inspirasyon sa iba, ibahagi na ang iyong malikhaing boses at ipamalas ang iyong talento!

📌 Bukas ito sa lahat ng mga mag-aaral ng Baitang 7.
Sumali na sa patimpalak ng 𝐌𝐚𝐥𝐢𝐤𝐡𝐚𝐢𝐧𝐠 𝐏𝐚𝐠𝐤𝐮𝐤𝐮𝐰𝐞𝐧𝐭𝐨, pagkat bawat kuwento’y may puwang, at bawat tinig ay may lakas!

𝐌𝐆𝐀 𝐏𝐀𝐍𝐔𝐍𝐓𝐔𝐍𝐀𝐍 (Guidelines)
𝐌𝐚𝐥𝐢𝐤𝐡𝐚𝐢𝐧𝐠 𝐏𝐚𝐠𝐤𝐮𝐤𝐮𝐰𝐞𝐧𝐭𝐨 (𝐁𝐚𝐭𝐚𝐲 𝐬𝐚 "𝐀𝐧𝐠 𝐊𝐚𝐥𝐮𝐩𝐢" 𝐧𝐢 𝐁𝐞𝐧𝐣𝐚𝐦𝐢𝐧 𝐏𝐚𝐬𝐜𝐮𝐚𝐥)
𝟏. 𝐋𝐚𝐡𝐨𝐤 𝐚𝐭 𝐋𝐚𝐲𝐮𝐧𝐢𝐧
Bukas sa lahat ng mag-aaral ng Grade 7 ng Bautista National High School.

Layunin ng patimpalak na maipamalas ang kakayahan ng mga mag-aaral sa malikhaing pagsasalaysay gamit ang mga tauhan, tagpuan, at banghay ng kuwentong “Ang Kalupi” na isinulat ni Benjamin Pascual.

Tinutukoy rin ng gawaing ito ang pagpapalawak ng pag-unawa sa tema ng diskriminasyon, paghusga, at kabutihang-loob.

𝟐. 𝐀𝐧𝐲𝐨 𝐧𝐠 𝐏𝐚𝐠𝐤𝐮𝐤𝐮𝐰𝐞𝐧𝐭𝐨
Ang kalahok ay maaaring magsalaysay ng kuwentong “Ang Kalupi” sa isa sa mga sumusunod na malikhaing anyo:
Monologo (pagkukuwento mula sa perspektibo ng isang tauhan)

Diyalogo (dayalogo sa pagitan ng mga tauhan)

Narrative storytelling (buong pagsasalaysay na may pagganap)

Modernisadong bersyon (halimbawa: may kontemporaryong setting ngunit may parehong tema)

𝟑. 𝐍𝐢𝐥𝐚𝐥𝐚𝐦𝐚𝐧
Kailangang manatili sa pangunahing tema at aral ng orihinal na kuwento.

Maaaring baguhin ang ilang detalye tulad ng pangalan ng tauhan, lugar, o panahon upang maging makabago, ngunit dapat hindi maalis ang mensahe ng orihinal na akda.

Orihinal at sariling likha ng mag-aaral ang lahat ng sasabihin—hindi galing sa AI, Google, o anumang automated tool.

𝟒. 𝐓𝐚𝐠𝐚𝐥 𝐧𝐠 𝐏𝐚𝐠𝐭𝐚𝐭𝐚𝐧𝐠𝐡𝐚𝐥
Ang pagtatanghal ay dapat tumagal ng 3 hanggang 5 minuto lamang.

𝟓. 𝐊𝐚𝐠𝐚𝐦𝐢𝐭𝐚𝐧 𝐚𝐭 𝐊𝐚𝐬𝐮𝐨𝐭𝐚𝐧
Maaaring gumamit ng props o simpleng kasuotan upang makatulong sa pagganap, ngunit hindi ito makakaapekto sa iskor.

Hindi pinapayagang magpakilala gamit ang pangalan ng mag-aaral, seksyon, o anumang palatandaan ng pagkakakilanlan sa mismong pagtatanghal.

-------------------
𝐏𝐀𝐍𝐔𝐊𝐀𝐓𝐀𝐍 (Criteria for Judging)
𝐊𝐚𝐭𝐞𝐠𝐨𝐫𝐲𝐚 𝐏𝐨𝐫𝐬𝐲𝐞𝐧𝐭𝐨
Nilalaman at Diwa 25%
𝐏𝐚𝐥𝐢𝐰𝐚𝐧𝐚𝐠: Naipahayag ba nang buo ang aral, tema, at kwento ng “Ang Kalupi”?

Pagkamalikhain at Orihinalidad 20%
𝐏𝐚𝐥𝐢𝐰𝐚𝐧𝐚𝐠: Orihinal ba ang atake sa pagsasalaysay? Malikhaing pag-arte o pagbibigay-buhay sa kuwento?

Pagkakabuo ng Salaysay 20%
𝐏𝐚𝐥𝐢𝐰𝐚𝐧𝐚𝐠: Maayos ba ang pagkakasunod-sunod ng mga pangyayari? May malinaw bang simula, gitna, at wakas?

Wastong Gamit ng Wika 15%
𝐏𝐚𝐥𝐢𝐰𝐚𝐧𝐚𝐠: Tama ba ang grammar, gamit ng wika, at bokabularyong ginamit?

Boses, Diksiyon, at Ekspresyon 20%
𝐏𝐚𝐥𝐢𝐰𝐚𝐧𝐚𝐠: Malinaw ba ang pagsasalita? Tumpak ba ang damdaming ipinapahayag sa bawat bahagi ng kwento?

Kabuoang Porsyento: 100%

02/08/2025

Ating ipagdiwang ang Buwan ng Wikang Pambansa! 🇵🇭

Kaisa ang Kagawaran ng Edukasyon ng buong bansa sa pagkilala at pagtatampok sa wikang Filipino at mga katutubong wika bilang mahalagang salik sa pagkakaisa ng bansa.

Patuloy na itinataguyod at pinagyayaman ng DepEd ang wikang Filipino at mga katutubong wika bilang instrumento sa pagkatuto at simbolo ng pagkakakilanlan ng bansa.

Maaaring i-download ang banner gamit ang link na ito: https://bit.ly/BuwanNgWika2025_Banner

02/08/2025

🎤 𝐌𝐚𝐡𝐢𝐥𝐢𝐠 𝐤𝐚 𝐛𝐚𝐧𝐠 𝐮𝐦𝐚𝐰𝐢𝐭? 𝗞𝗮𝘆𝗮 𝗺𝗼 𝗯𝗮𝗻𝗴 𝗶𝘀𝗮𝗹𝗶𝗻 𝗮𝗻𝗴 𝗱𝗮𝗺𝗱𝗮𝗺𝗶𝗻 𝗻𝗴 𝗶𝘀𝗮𝗻𝗴 𝗮𝘄𝗶𝘁𝗶𝗻 𝘀𝗮 𝘀𝗮𝗿𝗶𝗹𝗶𝗻𝗴 𝘄𝗶𝗸𝗮 𝗮𝘁 𝗺𝗮𝗿𝗮𝗺𝗱𝗮𝗺𝗮𝗻 𝗽𝗮 𝗿𝗶𝗻 𝗶𝘁𝗼 𝗻𝗴 𝗶𝗯𝗮?

Ito na ang pagkakataon mo!
✨ Ipakita ang iyong talento sa patimpalak na 𝐒𝐚𝐥𝐢𝐧-𝐀𝐰𝐢𝐭— isang masayang pagsasalin at pag-awit ng mga dayuhang awitin sa sariling wika!

📌 Bukas ito para sa mga mag-aaral ng Baitang 11.
Halina’t sumali, iparinig ang iyong tinig, at iparamdam ang tunog ng pagka-Pilipino!

𝐌𝐆𝐀 𝐏𝐀𝐍𝐔𝐍𝐓𝐔𝐍𝐀𝐍 (Guidelines)

𝟏. 𝐋𝐚𝐡𝐨𝐤 𝐚𝐭 𝐋𝐚𝐲𝐮𝐧𝐢𝐧

Bukas sa mga mag-aaral ng Bautista NHS mula sa Baitang 11 ang kompetisyon. Ang miyembro ng bawat grupong kalahok ay 8-10 miyembro.

Layon nitong hubugin ang kasanayan at kasiningan sa pagsasalin ng mga moderno at napapanahong awitin.

𝟐. 𝐏𝐢𝐩𝐢𝐥𝐢𝐢𝐧𝐠 𝐀𝐰𝐢𝐭𝐢𝐧 𝐚𝐭 𝐖𝐢𝐤𝐚𝐧𝐠 𝐏𝐚𝐠𝐬𝐚𝐬𝐚𝐥𝐢𝐧𝐚𝐧.

Kailangang mula sa isang OPM na awitin.

Kailangang isalin ang buong kanta (minimum 2 stanzas & chorus) nang may pagsaalang-alang sa wika at musika.

𝟑. 𝐏𝐚𝐠𝐬𝐚𝐬𝐚𝐥𝐢𝐧

Maaari lamang magsalin ng OPM songs patungong Wikang Pangasinan o Iloko.

Makabuluhan at tapat sa nilalaman ng orihinal na awitin.

Isinasaalang-alang ang diwa, damdamin, at imahen ng orihinal na awitin.

Aangkop sa himig (meter, syllables) ng orihinal upang maawit nang tama.

𝟒. 𝐏𝐚𝐠-𝐚𝐰𝐢𝐭

Maaaring gamitin ang instrumental ng orihinal na kanta o gumawa ng sariling accompaniment gamit ang gitara o instrumento ngunit wala itong karagdagang puntos.

Dapat na maawit nang malinaw, may tamang tono, at may wastong pagbigkas sa wikang ginamit.

𝟓. 𝐏𝐨𝐫𝐦𝐚 𝐧𝐠 𝐋𝐚𝐡𝐨𝐤

Gamit ang A4 na sukat ng kopon ay ipapasa ang sumusunod:

A. Kopya ng orihinal na lyrics.
B. Kopya ng isinaling bersyon (katutubong wika) na may pamagat ng salin-wika.

𝐏𝐚𝐚𝐥𝐚𝐥𝐚: Hindi maaaring ilagay sa piyesa ang anumang pangalan ng pangkat o mga miyembro.

Kung 𝘭𝘪𝘷𝘦 𝘱𝘦𝘳𝘧𝘰𝘳𝘮𝘢𝘯𝘤𝘦, kailangang ihanda ang sarili sa on-the-spot na pagtatanghal.

𝟔. 𝐎𝐫𝐚𝐬
Maximum na haba ng pagtatanghal: 3–4 minuto.

𝟕. 𝐓𝐞𝐦𝐚 𝐚𝐭 𝐊𝐚𝐚𝐧𝐠𝐤𝐮𝐩𝐚𝐧
Bawal gumamit ng awit na may malalaswang tema o salitang hindi angkop sa okasyon.

𝐏𝐚𝐚𝐥𝐚𝐥𝐚: Ang isinaling bersyon ay kailangang orihinal na gawa ng kalahok (hindi AI- o Google-generated).

𝐏𝐀𝐍𝐔𝐊𝐀𝐓𝐀𝐍 (Criteria for Judging)
A. Kalinawan at Katumpaka ng Salin- 20%
(Katumpakan ng pagsasalin sa diwa at nilalaman ng orihinal na kanta, gramatika, ortograpiya, atbp.)

B. Pagkamalikhain sa Salin- 20%
(Gamit ng masining, makata, o malikhaing pananalita upang mapanatili ang ganda ng awit.)

C. Pagkakaakma sa Himig- 20% (Tumutugma ba ang salin sa ritmo, beat, at sukat ng orihinal na kanta.)

D. Tinig at Pag-awit- 20%
(Liksi ng boses, tono, harmony (kung group at kabuoang delivery)

E. Presentasyon at Interpretasyon- 20%
(Dating sa madla: ekspresyon, emosyon, pagdadala sa entablado o video.)

KABUOANG PORSIYENTO- 100%

29/07/2025

𝐌𝐀𝐇𝐀𝐋𝐀𝐆𝐀𝐍𝐆 𝐀𝐍𝐔𝐍𝐒𝐈𝐘𝐎:

𝑰𝒑𝒂𝒈𝒑𝒂𝒑𝒂𝒕𝒖𝒍𝒐𝒚 𝒏𝒂 𝒂𝒏𝒈 𝑷𝒂𝒏𝒂𝒏𝒈𝒍𝒊𝒌𝒆𝒕 2025!

Matapos ang pansamantalang pagkaantala, muling bubuksan ang pinto ng 𝐀𝐧𝐠 𝐁𝐮𝐤𝐚𝐧𝐠-𝐋𝐢𝐰𝐚𝐲𝐰𝐚𝐲 para sa mga nagnanais maging bahagi ng ating pahayagang pampaaralan.

Inaanyayahan ang mga mag-aaral ng 𝐁𝐚𝐮𝐭𝐢𝐬𝐭𝐚 𝐍𝐚𝐭𝐢𝐨𝐧𝐚𝐥 𝐇𝐢𝐠𝐡 𝐒𝐜𝐡𝐨𝐨𝐥 na may hilig sa pagsusulat, pananaliksik at pagbabalita.

📍 Departamento ng Filipino
🕓 4:20 PM – 6:00 PM
📅 Iskedyul ng Panangliket (Screening Schedule):

NGAYON, Hulyo 29-Agosto 1, 2025
📻 Radio Broadcasting

Hulyo 31, 2025
🔬 Science & Tech Writing
🌟 Feature Writing
🏅 Sports Writing

Maging bahagi ng ABL!



-Legendka!

27/07/2025

FAKE NEWS ALERT!

PAALALA SA PUBLIKO ⚠️

Fake news ang ipinakakalat na AI video ng isang FB page tungkol sa umano’y suspensyon ng klase bukas, Hulyo 28.

Muling pinaaalalahanan ng DepEd ang publiko na mag-ingat at maging mapanuri laban sa anumang uri ng misinformation.

Para sa opisyal na mga anunsiyo at impormasyon tungkol sa basic education, bisitahin lamang ang official DepEd Philippines social media accounts.

18/07/2025

𝗞𝗜𝗟𝗔𝗟𝗔𝗡𝗜𝗡: Ang Bukang-Liwayway Editorial Board & Staff for School Year 2025–2026

𝗦𝗮 𝗽𝗮𝗴𝗹𝗶𝘁𝗮𝘄 𝗻𝗴 𝗯𝘂𝗸𝗮𝗻𝗴-𝗹𝗶𝘄𝗮𝘆𝘄𝗮𝘆, 𝘀𝘂𝗺𝗶𝗯𝗼𝗹 𝗮𝗻𝗴 𝗯𝗮𝗴𝗼𝗻𝗴 𝗽𝗹𝘂𝗺𝗮𝗻𝗴 𝗺𝗮𝗴𝗽𝗮𝗽𝗮𝗵𝗮𝘆𝗮𝗴 𝗻𝗴 𝗸𝗮𝘁𝗼𝘁𝗼𝗵𝗮𝗻𝗮𝗻.

Narito na ang bagong hanay ng mga dyornong opisyal na bubuo sa patnugutan ng ABL. Sila ang mga tagapagtaguyod ng panulat at tinig ng mga mag-aaral—handa sa tungkuling magmulat, magbigay-liwanag, at magsilbing tinig ng bayanihan.

Panibagong kabanata ng masigasig na paglilingkod at makabayang pamamahayag ang ngayon ay ating isinusulong!



✍🏻 Jelaine Cebu
🎨 Kirvy Magalong

16/04/2025

Lathalain: 𝗠𝗔𝗟𝗜𝗚𝗔𝗬𝗔𝗡𝗚 𝗣𝗔𝗚𝗧𝗔𝗧𝗔𝗣𝗢𝗦!

𝑁𝑔𝑢𝑛𝑖'𝑡 𝑛𝑔𝑎𝑦𝑜𝑛, 𝑘𝑎𝑦 𝑏𝑖𝑙𝑖𝑠 𝑚𝑎𝑔𝑙𝑎ℎ𝑜 𝑛𝑔 𝑘𝑎ℎ𝑎𝑝𝑜𝑛
𝑆𝑎𝑛𝑎'𝑦 ℎ𝑢𝑤𝑎𝑔 𝑘𝑎𝑙𝑖𝑚𝑢𝑡𝑎𝑛 𝑎𝑛𝑔 𝑎𝑡𝑖𝑛𝑔 𝑚𝑔𝑎 𝑝𝑖𝑛𝑎𝑔𝑠𝑎𝑚𝑎ℎ𝑎𝑛...
-minsan, eraserheads

Sa likod ng bawat lathala, broadcast, at malikhaing obra, may mga pusong nag-alay ng panahon, talino, at serbisyo. Sila ang boses ng kabataan, ang mata ng katotohanan, at ang tinta ng pagbabago—ang ating mga mamamahayag mula sa Ang Bukang-Liwayway.

Sa kanilang matagumpay na pagtatapos, ipinagdiriwang natin hindi lamang ang kanilang tagumpay, kundi pati ang mga sakripisyong kanilang tiniis para maihatid ang makabuluhang impormasyon sa bawat mambabasa at tagapakinig. Saksi ang Bautista National High School sa kanilang paglago at pag-unlad.

Mula sa unang hakbang sa mundong kanilang pinili, hanggang sa masusing pagharap sa mga isyung kanilang ipinaglaban, ngayon ay nagsusulong sila nang may buong dangal patungo sa isang bagong yugto ng buhay.

Mula sa pamilyang Ang Bukang-Liwayway, taos-pusong pasasalamat sa bawat panahong kayo'y naging ilaw at lakas ng ating publikasyon. Ang iniwan ninyong legasiya ay mananatiling inspirasyon sa susunod pang henerasyon. Maraming salamat at mabuhay kayong lahat!

(𝑘𝑖𝑙𝑎𝑙𝑎𝑛𝑖𝑛 𝑠𝑖𝑙𝑎 𝑠𝑎 𝑚𝑔𝑎 𝑐𝑎𝑝𝑡𝑖𝑜𝑛 𝑠𝑎 𝑘𝑎𝑛𝑖𝑙𝑎𝑛𝑔 𝑟𝑒𝑡𝑟𝑎𝑡𝑜)

✍️ Jam Milan
📃 Mel Magat
🎨 Kirvy Magalong