K5 News FM Bayawan 106.5

15/11/2025

14/11/2025

Happy Birthday Mam!

14/11/2025

ZALDY CO, MIPAGAWAS NA OG PAMAHAYAG; PBBM UG KANHI SPEAKER ROMUALDEZ, GIBUTYAG NGA NALAMBIGIT SA KONTROBERSIYA

Nipagawas na og pamahayag si kanhing Representative Zaldy Co ug gibutyag ang iyang mga seryosong akusasyon batok sa administrasyon ni President Ferdinand Marcos Jr. ug kanhing House Speaker Martin Romualdez.

Sa iyang pahayag, giingon ni Co nga gisugo siya pagtrabaho sa usa ka proyekto nga mokabat og P100 bilyon aron ipasulod sa BICAM deliberations para sa national budget.

Matud ni Co, nagsugod ang tanan niadtong 2024 sa dihang gitawagan siya ni Budget Secretary Mina Pangandaman samtang nagpadayon ang BICAM discussions, diin giingon sa kalihim nga ang mando nga ipasulod ang P100 bilyon nga proyekto gikan mismo sa Presidente.

Dugang pa niya, gisugo siya nga mahimong makumpirma kini kang Usec. Adrian Bersamin, nga matud ni Co, misulti nga tinuod nga adunay direktiba gikan sa Pangulo.

Gipadayag usab ni Co nga adunay miting nga gihimo sa Aguado Building duol sa Malacañang, diin mitambong sila Romualdez, Pangandaman, Bersamin ug Usec. Jojo Cadiz ug didto gi-alegar gihatag ni Bersamin ang listahan sa mga proyektong nagkantidad og P100 bilyon ug giingong gikan mismo ni PBBM.

Gisugyot ni Co nga himuon na lang untang P50 bilyones ang ibutang sa program funds, tungod kay dili angay molapas ang budget sa DPWH sa DepEd. Ang nahibilin nga P50 bilyones mahimong ibutang sa unprogrammed funds, nga pagadumalaon sa Office of the President.

Apan giingong gitawagan siya pag-usab ni Pangandaman ug gidala ang mensahe gikan sa Presidente:

“Ipasok ninyo ‘yan dahil pinangako na sa akin ni Speaker Martin at hindi na pwedeng baguhin… Ang utos ng hari, hindi pwedeng mabali.”

Bisan pa sa pagduha-duha, gi-implementar ni Co ang mando human gikumpirmaha ni Romualdez nga wala na silay mahimo.

Gibulgar usab ni Co nga niadtong Hulyo 19, 2025, mibiya siya sa nasud alang sa medical check-up ug nagplano untang mobalik human sa SONA. Apan sa wala pa siya makauli, gitawagan siya ni Romualdez:

“Stay out of the country. You will be well taken care of as instructed by the President.”

Gi-insister ni Co nga mituo siya kaniadto sa administrasyon, apan sa ulahi nadiskubrehan niya nga gihimo lang siya nga “panakip-butas” sa kampanya kontra korapsyon.

Sa iyang mensahe, giatubang ni Co ang kasuko sa publiko:

“Alam ko na buo ang galit ninyo sa akin ngayon… Pero bago kamo mohukom, tugoti ko nga ipasabot ang tibuok kamatuoran.”

Misaad siya nga ipagawas pa ang dugang detalye, ebidensya, ug mga pangalan nga nalambigit sa kontrobersiya.

Sa kasamtangan, wala pa’y opisyal nga tubag gikan kang Presidente Marcos, kanhi Speaker Romualdez, o sa Department of Budget and Management labot sa maong mga pasangil.

Kini gihatod kanato sa;








👉Mapalit sa Sir J. Alternative Medicine and Healthcare Center nga nahimutang sa Ramon Magsaysay Street, Barangay Boyco, Bayawan City

👉Mamahimo usab nga mapalit sa mga authorized resellers

Nathalie Jane Cayapas | November 14, 2025

14/11/2025

OIC SA ESKWELAHAN SA BUKIDNON GILAMPOSAN SA STAND SA ELECTRIC FAN SA USA KA MAGTUTUDLO, ANGOL!

Naangol ug nakaangkon og samad sa ulo ang Officer-in-Charge (OIC) sa usa ka eskwelahan sa Lantapan, Bukidnon human gilamposan sa stand sa electric fan sa usa ka magtutudlo niadtong Miyerkules, Nobyembre 14.

Nahimo ang maong insidente sulod mismo sa Balila Elementary School sa Barangay Balila.

Base sa inisyal nga imbestigasyon,giila ang naghapak nga magtutudlo sa pangalan nga si alyas John, kinsa giingong nag-wild human napakyas ang iyang fingerprint sa biometric attendance system.

Tungod sa iyang kalagot, gisugdan niya ang pagguba sa pipila ka gamit sa eskwelahan hangtod nga iyang gihapak ang OIC nga giila lang sa pangalan nga si alyas Rasel, hinungdan sa pagkasamad sa ulo niini.

Gumikan sa makakulba nga panghitabo, nanagan ang ubang mga magtutudlo aron makalikay sa gubot.

Dihang miresponde ang kapulisan, giingong gihagit pa ni alyas John ang mga otoridad.

Sa pagkakaron, gitanggong na ang maong magtutudlo sa kustodiya sa kapulisan, samtang nagpadayon ang imbestigasyon aron masuta ang tibuok detalye sa insidente ug sa posibleng mga kaso nga ipasaka batok kaniya.

Kini gihatod kanato sa;








👉Mapalit sa Sir J. Alternative Medicine and Healthcare Center nga nahimutang sa Ramon Magsaysay Street, Barangay Boyco, Bayawan City

👉Mamahimo usab nga mapalit sa mga authorized resellers

Nathalie Jane Cayapas | November 14, 2025
via Abante

14/11/2025

PAMILYA UG SUPPORTERS NI MARJY JANE VELOSO, NAGSUMITE OG HABEAS CORPUS PETITION SA KORTE SUPREMA

Nagsumite og habeas corpus petition ang pamilya ug mga tagasuporta ni Mary Jane Veloso karong Biyernes, Nobyembre 14, aron ipadayag ang ilang hangyo nga mapasig-uli ang hustisya sa kaso sa OFW.

Pinirmahan sa pamilya ni Veloso ug mga abogado gikan sa National Union of Peoples’ Lawyers (NUPL) ang petisyon nga gisumite sa Korte Suprema, diin gipunto nga wala’y klarong ebidensiya nga nagpasangil nga si Veloso sad-an.

Miduyog usab ang grupo sa mga Overseas Filipino Worker (OFW) nga Migrante International sa maong lakang aron makab-ot ang kagawasan ni Veloso.

Matud ni Joanna Concepcion, chairperson sa Migrante International, dugay na ang kakulang sa aksyon sa gobyerno sa kaso ni Veloso ug dili makiangayon ang paglangay-langay sa hustisya niini.

Nagpahayag usab og pagkadismaya ang Migrante International sa ilang pagtan-aw nga 'lihok-bao' ang aksyon sa gobyerno bahin sa kahimtang ni Veloso.

Dugang pa ni Concepcion, ang hustisya alang sa mga kabus hinay kaayo, samtang ang mga kurakot nga opisyal nagpabiling gawasnon.

Kini gihatod kanato sa;








👉Mapalit sa Sir J. Alternative Medicine and Healthcare Center nga nahimutang sa Ramon Magsaysay Street, Barangay Boyco, Bayawan City

👉Mamahimo usab nga mapalit sa mga authorized resellers

Nathalie Jane Cayapas | November 14, 2025

14/11/2025

LISTAHAN SA BUDGET INSERTION NGA GIINGONG GIMANDO NI PBBM

LOOK | Gipagawas sa publiko ni kanhi Rep. Zaldy Co ang listahan sa mga proyekto nga giingong gimando ni Presidente Ferdinand 'Bongbong' Marcos Jr. nga i-insert sa 2025 National Budget, nga nagkantidad ug P100 bilyon.

Kini gihatod kanato sa;








👉Mapalit sa Sir J. Alternative Medicine and Healthcare Center nga nahimutang sa Ramon Magsaysay Street, Barangay Boyco, Bayawan City

👉Mamahimo usab nga mapalit sa mga authorized resellers

Nathalie Jane Cayapas | November 14, 2025
via Rep. Zaldy Co

14/11/2025

JANICE, NAG-WALK OUT SA EVENT!

Wala nakalingkawas sa panan-aw sa ubang miyembro sa press ang kalit nga pagtindog ni Janice de Belen sa usa ka event, dayon mi-walk out.

Ang eksena nakuha atol sa product launch bag-ohay lang sa Swiss Proli night gummies didto sa BGC, Taguig City. Kini ang gipanag-iya ni Julia Montes.

Dungan nga miabot sa event sila si Janice de Belen, Cherry Pie Picache, ug Angel Aquino. Nanglingkod silang tulo sa daplin sa stage.

Wala madugay, padulong sab si John Estrada sa direksyon sa tulo ka aktres nga unang miabot.

Nasiplatan gyud nga mihunghong si Janice sa iyang tapad nga si Cherry Pie, dayon mitindog. Ang nakakita nga showbiz reporter nagtuo lang nga moadto sa rest room si Janice.

Apan human gayud natapos ang event, wala na nagpakita si Janice.

Giingong ang posibleng rason sa walkout scene ni Janice gipamatuod nga mao ang pag-abot ni John, nga kaniadto niya’ng karelasyon.

Sa iyang vlog interview pipila ka bulan na ang milabay, mipahayag si Janice nga open siya nga makatrabaho ang iyang ex-boyfriend nga si Aga Muhlach, amahan sa ilang anak nga si Luigi.

Apan pag-abot kang John, dayag nga mibalibad ang aktres nga makatrabaho kini.

Kini gihatod kanato sa;








👉Mapalit sa Sir J. Alternative Medicine and Healthcare Center nga nahimutang sa Ramon Magsaysay Street, Barangay Boyco, Bayawan City

👉Mamahimo usab nga mapalit sa mga authorized resellers

Rhaelyn Tamala | November 14, 2025

14/11/2025

WATCH| Jennifer Dela Cruz nanawagan sa iyang anak nga si Jennyflor Lasconia, 17 anyos nga nag eskwela sa BNHS nga muoli na intawon sa ilaha kay nabalaka na ang iyang mga kinikanan sa Purok Ipil-ipil, Barangay Suba, Bayawan City.

Nanawagan usab kini sa lalakinnga ka chatmate sa iyang anak nga iuli kini kay menor de edad pa lamang kini.

Pasado alas 7 kagabii, Nobyembre 13, 2025 nananghid ang iyang anak nga muadto sa Hayahay Square kay magpakuyog ang ilang silingan apan samtang didto na sa dapit nakipag chat kini sa lalaki nga iyang nakaila sa facebook.

Ug kalit kini milakaw ug wala na muoli sa ipang balay sukad gabii.

Kini nga balita gihatod kanato sa;









👉Mamahimo nga mapalit sa Sir J Alternative Medicine and Healthcare Center

👉Mamahimo usab nga mapalit sa mga authorized resellers

Randy T. Coronel | November 14, 2025