22/09/2025
Maayung adlaw diha sa atung mga mahal nga customers ug followers
naa lang tay klaruhon usa ta mu avail ug mo reklamo ug nganu ubos
ang atung hatching rate sa maong incubator 👌
Mga boss, daghan kaayo nato ang nagtuo nga kung maayo ang incubator, automatic na nga taas ang hatching rate. Pero ang tinuod, dili lang gyud incubator ang basehan. Ang pinaka-una nga basihanan mao ang kondisyon sa atong breeding stock — ang tandang ug ang inahin.
Kung unsa ang imong gi-invest nga quality sa breeders, mao ra pud ang imong makuha nga resulta sa hatching.
Una, importante kaayo ang nutrisyon. Kung kulang sa protina, vitamins, ug minerals ang imong mga breeders, daghan gyud kaayo ug infertile eggs. Ang uban pud mahimong nipis ang shell ug dali ra ma-crack.
Ikaduha, edad sa inahin ug tandang. Ang pinakamaayo, mga 8 bulan hangtod 2 ka tuig. Kung bata pa, dili pa stable ang fertility. Kung tigulang na, hinay-hinay na pud ug kaubos ang kapasidad.
Ikatulo, mao ang ratio. Dapat usa ka tandang, unya mga walo hangtod napulo ka inahin. Kung kulang ang tandang, daghan ang itlog nga walay sulod. Kung sobra pud kaayo ang tandang, kapoy ang inahin ug mahimong dili healthy ang mga itlog.
Ikaupat, kondisyon sa tandang mismo. Kinahanglan kusgan, aktibo, ug dili kapoy. Kay kung ang tandang way gana, automatic affected ang fertility rate.
Ikalima, stress-free environment. Dili dapat pirmi gutom, dili pirmi init, ug dili pirmi samokan. Ang stress, usa na sa pinakadako nga rason nga mohinay ang fertilization.
Ug katapusan, avoid inbreeding. Kay kung pirmi ra parehas nga dugo, mosaka ang posibilidad nga weak ang embryo ug lisod mo-hatch.
Busa mga bai, hinumdumi kini:
Bisan unsa ka high-tech ang imong incubator, kung dili maayo ang breeding conditions, ubos gihapon ang hatching rate.
So kung gusto ka nga daghan gyud ang ma-hatch, sugdi gyud sa sakto nga pag-manage sa imong breeders. Healthy tandang, healthy inahin, ug healthy nga mga itlog — mao gyud na ang sikreto sa successful incubation.”
SALUTE AND SHOUT OUT SA MGA BREEDERS UG MGA INCUBATOR-MAKERS OUT THERE 👌
motto of the day 👉 "It’s not the diploma that defines you, it’s the knowledge you carry"
Maong Fight as long as your not win 👌💪
