21/06/2025
MAY BUKAS PA BANG HINAHANGAD?
~Chenggay
Mga alaala ng kahapon,
Wari yata'y lumaon.
Pangako ng panahon,
Lahat ay tumilapon.
Sa isang sulok,
Mag isang nagmumukmok.
Hinanap Ang sagot,
Bakit mo ako nilimot?
Dalawang taong pinagsamahan,
Natapos di man lang nagpaalam.
Kaybilis ng paglimot,
Pero sakit ay lubhang masalimoot.
Narito ako sa kawalan,
Iniisip Ang dahilan.
Mga paksang ating sinimulan,
Dapat na NGA bang tuldukan?
Kalimutan ka'y di magawa,
Medisina't alak walang magawa.
Sa pagtulog iiyak ng malubha,
Para sa pagod na walang pahinga.
Karamay Ang unan,
Sa pagpunas ng matang luhaan.
Isip ay di mapigilan sa paglakad
May bukas pa bang hinahangad?
