23/09/2023
OPINYON
Ni Boy "Pana" Segovia
Ayaw pagpa kontrol sa pulitika, hinoon, buhata nga ikaw ang mag kontrol sa pulitika; kini mao ang pahayag sa uban nga dugay nang nakiglambigit sa politikanhong kalihukan.
Sa kanunay, gipahinumdum na sa balaod sa politika, labi na nga ania kita sa gitawag nga bugnong pakigbisog sa politikanhong lihok sa barangay ug sangguniang kabataan (SK).
Bisan si kinsa nga midagan sa piniliay sa barangay ug SK nangandoy gyud nga modaug kay sumala pa lagi "the main objectives is to win the political race". Apan wala kita sugoa sa pagpanaway ug pagpangdaut kundili kanunay gipahinumdum sa ahensya sa Commission on Elections kun Comelec ang "Honest, Orderly, and Peaceful Elections (HOPE).
"Elections is democratic way to choice your leaders" apan dili pinaagi sa pagsaway ug pagpangdaut.
Segun pa sa panultihon: "We can not pleased everyone" hinungdan nga wala gyuy perpekto sa usa ka tawo o lider diha sa pagdumala. Apan kini sila (lideres) naningkamot nga maalagaran ug maserbisyohan ang tanan. Duna man seguro silay kasaypanan pero ang pangutana "angayan ba nato silang ikondena?". Dili ba nato hinoon sila sabton ug tabangan aron usab magmalamposon sila ug mahimong lig-on nga lider sa atong katilingban?
Wala ba pod ba nato makita ang daghan nilang nabuhat sa atong komunidad nga sa makausang sayop nila imo nang gikalimtan ang daghan nilang nahimo?
"The progress of our community is a shared resposibility" sa pagtinabangay makab-ot nato ang atong damgong kausaban ug kalamboan. Di ba pod diay responsiblidad nato ang paghimo og kaayohan para sa kalambuan sa atong komunidad o katilingban?
"Think what you can do to the government, do not think what the government can do for you" mao ni ang nindot nga pinulongan nga kanunay nato hinumduman nga molihok usab kita ug maghunahuna kung unsa atong mahitabang sa atong gobyerno ug dili kita kanunay maghulat kung unsa ang mahimo sa gobyerno nganhi kanato.
Ang politika karong panahona, politika sa oligarkiya, kung kinsa kadtong kwartahan ug dunay gahum maoy maghari ug magpasulabi ug kadtong mga uyayod ug walay kwarta mao ang labing alaot.
Ang politika karon usa ka karaang tradisyon nga sistema nga kung duna kay kwarta ikaw ang bulahan kay ikaw ra ang botohan, ang mga walay kwarta magpahipi ug magpadaplin na lang kay pildi na daan sa bul-og sa pagpamalit ug pagpamaligya sa boto.
"Kung wala kay kwarta, walay kay lugar diha sa politika." mao ni ang realidad.
Ang kasagrado sa balota nawala na, "the sanctity of the ballots is totally vanished." kay ingon sa uban nga ang politika giagi na og kontrata, kontrata sa pagpahatag og kwarta.
Mga igsoon, hinumdumi ang panultihon ni Atty. Reuben R. Canoy nga nag-ingon: "Ang lungsod nga nasayod maoy makahatag kusog sa demojrasya. Apan ang lungsod nga mapasagaron maoy makapukan sa kagawasan. Ug ang kausaban nga imong gidamgo matuman lamang human mausab ang imong pagkatawo."
"Kung dili karon kanus-a man ug kung dili kita kinsa man?"
