http://www.BalitangBoacNgayon.ph/

Balitang Boac Ngayon, Marinduque Circumfirencial Road, Boac (2025)

13/02/2025

DATING KONSEHALA NINAY FESTIN, GINAWANG ATTACK DOG NI JAMES DELLOSA

Patuloy ang pag-atake ni dating Konsehala Ninay Festin laban sa administrasyon ni Mayor Armi Carrion, ngunit sa kabila ng kanyang matinding paninira, marami ang nagdududa sa kanyang kredibilidad.

Ayon sa mga dating empleyado ng kanyang grocery store, si Festin ay kilala bilang isang mahigpit at mapang-abusong amo na itinuturing lamang na mga alila ang kanyang mga tauhan. Marami sa kanila ang nagpatunay sa tunay na ugali nito—masungit, mapanindak, at walang malasakit sa kanyang mga empleyado.

Bukod pa rito, may lumabas pang impormasyon na mismo ang mga doktor na tumingin kay Festin ang nagsasabing may problema ito sa kanyang pag-uugali. Ilang beses na rin umano itong nakitaang may "hangin sa ulo", dahilan kung bakit marami ang nag-aalinlangan sa kanyang mga sinasabi at ginagawa.

Ngayon, ginamit umano siya bilang "attack dog" ni DE James Dellosa upang sirain ang kasalukuyang administrasyon. Ngunit hindi lingid sa kaalaman ng marami na may personal na interes si Festin sa kanyang pagsuporta kay Dellosa. Lumalabas sa mga ulat na sila ay magkasosyo sa pagtatayo ng isang bagong LTO Office sa Boac, at si Festin mismo ang humuthot ng malaking halaga kay Dellosa para maisakatuparan ang proyekto.

Dahil dito, marami ang naniniwala na ang kanyang mga paninira laban sa administrasyon ay hindi dahil sa malasakit sa bayan, kundi dahil nais niyang protektahan ang kanyang pansariling interes.

Sa kabila ng mga ganitong hakbang ng kampo ni Festin at Dellosa, nananatili ang suporta ng mga mamamayan kay Mayor Armi Carrion at sa kanyang administrasyon, na patuloy na nagtatrabaho para sa ikauunlad ng Boac.

Muli, hinihikayat ang publiko na maging mapanuri sa mga lumalabas na impormasyon at huwag basta-basta maniwala sa mga taong may kaduda-dudang kredibilidad.

12/02/2025

MAYOR ARMI CARRION AT VICE MAYOR MARK SEÑO, WALANG KINALAMAN SA PAG BACK-OUT NG JOLLIBEE

Mariing pinabulaanan ng Pamahalaang Bayan ng Boac ang mga kumakalat na balitang nag-uugnay kay Mayor Armi Carrion at Vice Mayor Mark Seño sa umano’y pangingikil ng milyon-milyong piso kapalit ng mabilisang pagproseso ng mga dokumento para sa pagbubukas ng isang Jollibee branch sa bayan.

Ayon sa mga lumabas na ulat, hinihingian umano ng ₱6 milyon si Mayor Carrion at ₱4 milyon si Vice Mayor Seño upang mapabilis ang proseso ng naturang negosyo. Ngunit agad itong itinanggi ng lokal na pamahalaan, na nagsabing walang katotohanan ang nasabing paratang.

Sa katunayan, lumalabas sa impormasyon mula sa iba’t ibang mapagkakatiwalaang source na si Konsehal Tet Caballes at ang kanyang asawa, si Dr. Gerry Caballes, ang direktang kumausap sa negosyanteng may planong magtayo ng Jollibee sa Boac. May mga alegasyon pang sila mismo ang humingi ng pera upang mapabilis ang proseso.

Ipinahayag ni Mayor Armi Carrion na ang kanyang hangarin ay ang kapakanan ng mga mamamayan ng Boac. Sa kanyang pahayag, binigyang-diin niya na nais niyang magkaroon ng Jollibee sa bayan upang hindi na kailangang tumawid pa sa Lucena ang mga residente para makakain sa sikat na fast-food chain.

“Nais nating magkaroon ng Jollibee sa Boac para sa ating mga kababayan. Ang mga akusasyong ipinupukol sa atin ay walang basehan at pawang paninira lamang,” ayon kay Mayor Carrion.

Samantala, patuloy na sinusuportahan ng lokal na pamahalaan ang pagpasok ng iba’t ibang negosyo sa bayan upang mapaunlad ang ekonomiya at makalikha ng mas maraming oportunidad para sa mga taga-Boac.

Muli, pinapaalalahanan ang publiko na maging mapanuri sa mga impormasyong kumakalat at iwasan ang pagpapakalat ng maling balita na maaaring makasira sa reputasyon ng mga lingkod-bayan na tunay na nagmamalasakit sa kanilang nasasakupan.

Para sa anumang opisyal na pahayag o impormasyon, hinihikayat ang lahat na makipag-ugnayan sa tanggapan ng lokal na pamahalaan ng Boac.

Mabuhay ang Bayan ng Boac!

12/02/2025

BIRTHDAY CAKE PARA SA SENIOR, SINUSULONG NI MAYOR ARMI CARRION

Isang makabuluhang hakbang ang isinulong ng Pamahalaang Bayan ng Boac sa pangunguna ni Mayor Armi Carrion matapos ipag-utos na maghain ng isang resolusyon na naglalayong bigyan ng birthday cake ang mga piling senior citizens na may edad 60 pataas.

Sa pamamagitan ng resolusyong pinagtibay ng Sangguniang Bayan, pinapa aprubahan ang "Ordinansa sa Pagbibigay ng Birthday Cakes sa Mga Kwalipikadong Senior Citizens, Pagpapalakas ng mga Alituntunin Nito, at Paglalaan ng Pondo para sa Epektibong Pagpapatupad". Layunin nitong kilalanin at iparamdam ang pagpapahalaga sa mga nakatatanda sa pamamagitan ng simpleng handog na magpapasaya sa kanilang kaarawan.

Ayon kay Mayor Armi Carrion, mahalagang mabigyan ng suporta at pagkilala ang ating mga senior citizens dahil sa kanilang naging ambag sa komunidad. “Hindi lang ito isang regalo kundi isang pagpapakita ng ating pagmamalasakit at pasasalamat sa kanila,” aniya.

Ang ordinansang ito ay inaasahang ipatutupad sa tulong ng iba't ibang ahensya ng lokal na pamahalaan, katuwang ang mga opisyal ng barangay, upang matiyak na maipamamahagi ang birthday cakes sa mga kwalipikadong benepisyaryo.

Samantala, ikinatuwa ng mga nakatatanda ang nasabing resolusyon, at nagpahayag sila ng pasasalamat kay Mayor Carrion at sa Sangguniang Bayan sa pagbibigay-pansin sa kanilang kapakanan.

Ayon kay Mayor Armi, kinausap na niya ang kanyang mga kasamang konsehal upang madaliin ang pagpasa ng resolusyong ito dahil ito ang patunay sa patuloy na pagsisikap ng lokal na pamahalaan ng Boac na bigyang halaga ang bawat mamamayan, lalo na ang mga senior citizens, upang mapanatili ang diwa ng malasakit at pag-aaruga sa komunidad.

Mabuhay ang ating mga nakatatanda! Mabuhay ang Bayan ng Boac!

12/02/2025

KONSEHAL MACOY JINANG: "FAKE NEWS AND BOAKENEWS!"

Isang mapanirang post ang lumaganap sa social media noong Enero 14, 2025, kung saan maling ipinahayag na si Konsehal Mark Angelo "Macoy" Loto Jinang ay nagbitaw ng pahayag laban sa kanyang kapwa konsehal na si Alejnic Andrew "Nic" Solomon. Ang naturang post, na inilathala ng page na BoakeNews, ay mariing pinabulaanan ng konsehal sa isang opisyal na pahayag.

Ayon sa lumabas na balita, sinasabing hinihikayat umano ni Konsehal Jinang ang publiko na huwag iboto si Konsehal Solomon dahil umano sa hindi nito pagtupad sa kanyang mandato. Dagdag pa rito, inakusahan siya ng pangungutya sa kanyang kapwa lingkod-bayan sa isang pagtitipon sa Barangay Laylay, Boac, Marinduque. Ngunit iginiit ng konsehal na ang mga pahayag na ito ay walang katotohanan at isang paninira lamang upang sirain ang kanilang pagkakaisa sa Sangguniang Bayan.

"Mariin ko pong pinasisinungalingan ang mga ibinibintang sa akin ng BoakeNews. Wala pong katotohanan ang mga ito at malinaw na isang paninirang puri upang sirain ang ating magandang ugnayan sa konseho," pahayag ni Jinang. Idinagdag pa niya na maayos ang kanyang relasyon kay Konsehal Solomon at sa buong Team Carry On, na patuloy na nagkakaisa sa paglilingkod sa bayan.

Bukod dito, nilinaw rin ni Jinang na hindi pa siya bumibisita sa Barangay Laylay para sa anumang kasiyahan o pribadong pagtitipon, maliban na lamang sa mga opisyal na gawain ng lokal na pamahalaan. "Walang katotohanan ang alegasyong ako ay bumisita sa Laylay para sa isang kasiyahan at doon ay nagbitaw ng mga mapanirang pahayag. Isang malaking kasinungalingan ito na agad nating binabasag upang hindi na makapanlinlang pa ng iba," dagdag pa niya.

Sa kabila ng kontrobersyang ito, nananawagan si Konsehal Jinang sa publiko na maging mapanuri sa mga nababasa at ibinabahaging impormasyon sa social media. "Naiintindihan ko po na bahagi ng pagiging lingkod-bayan ang makatanggap ng kritisismo, ngunit hindi tayo dapat pumayag na ang maling impormasyon ay magamit upang maghasik ng galit at pagkakahati-hati sa ating bayan," pagtatapos niya.

Samantala, hinihikayat ng kampo ni Konsehal Jinang ang BoakeNews na itama ang kanilang inilabas na maling impormasyon upang mapanatili ang integridad ng balita sa kanilang platform. Patuloy namang sinusuri ng legal na koponan ng konsehal ang mga maaaring hakbang upang mapanagot ang sinumang nasa likod ng pekeng balitang ito.

12/02/2025

EX-MAYOR CAROLINA DELLOSA NA ASAWA NI ENGR. JAMES D.E. DELLOSA, HINATULAN NG PAGKAKAKULONG SA KASONG ANTI GRAFT AT CORRUPT PRACTICES ACT

Hinatulang guilty ng Sandiganbayan si dating mayor Carolina Dellosa ng Baliwag, Bulacan sa kasong graft kaugnay ng maanomalyang pagbili ng isang sasakyan noong 2014 na nagkakahalaga ng P1.2 milyon.

Sa isang 35-pahinang desisyon ng Sandiganbayan 3rd Division noong Marso 3, sinentensyahan si Dellosa ng anim hanggang walong taong pagkakakulong at habambuhay na diskwalipikasyon sa paghawak ng anumang posisyon sa gobyerno.

Ang desisyon ay isinulat ni Associate Justice Ronald Moreno, at sinang-ayunan nina Presiding Justice Amparo Cabotaje-Tang at Associate Justice Bernelito Fernandez.

Ang kaso ay nag-ugat sa paglabag ni Dellosa sa Republic Act No. 9184 o ang Government Procurement Reform Act nang aprubahan niya ang pagbili ng isang partikular na tatak ng sasakyan, na nagbigay umano ng hindi makatarungang pabor sa distributor na Freeway Motor Sales of Baliuag Corporation.

“Itinuturing na malinaw na nilabag ang RA No. 9184, dahil ang pagbili ng sasakyan ay isinagawa na may tanging konsiderasyon lamang sa tatak na Mitsubishi,” ayon sa Sandiganbayan.

Ipinakita ng prosekusyon ang mga dokumentong pirmado umano ni Dellosa na nagrerekomenda ng pagbili ng isang yunit ng “2.0L Mitsubishi MIVEC DOHC 4B11 1998 CC Active Sports Crossover.”

Itinanggi ni Dellosa na siya ang lumagda sa Bids and Awards Committee Resolution No. 15, ngunit sinabi ng korte na nabigo siyang patunayan ito.

Ayon sa korte, nasa lumagda sa isang pampublikong dokumento ang responsibilidad na patunayan kung hindi siya ang tunay na pumirma rito.

Dagdag pa rito, natuklasan ni National Bureau of Investigation (NBI) Senior Document Examiner Romeo Magcuro Jr. sa kanyang pagsusuri na may "malalaking pagkakatulad" sa mga pirma sa dokumento at sa opisyal na specimen signature ni Dellosa.

Dahil dito, idineklara ng korte na guilty si Dellosa sa paglabag sa Section 3(e) ng Republic Act No. 3019 o ang Anti-Graft and Corrupt Practices Act.

Si Dellosa ay nanungkulan bilang alkalde ng Baliwag mula 2013 hanggang 2016. Ang naturang bayan ay kalaunan ay naging isang lungsod sa lalawigan ng Bulacan.

Balitang Boac Ngayon

13/02/2025

12/02/2025

12/02/2025

12/02/2025

12/02/2025

Address

Website

Alerts

Shortcuts

Share

Category