Kulasang GALA

09/12/2025

Madalas ito yung maririnig sa iba,
"Wag na bigyan yan, may pambili naman yan"
Pero alam nyo ba,
Para sa giver masakit marinig ito.

Hindi dahil sa naghahanap sila ng kapalit
sa binibigay nila,
Kundi yung saya sa puso na maalala din sila,
kahit gaano ka-simpleng bagay, sobrang appreciated nyan sila.

Dahil hindi lahat ng giver tuwing may okasyon ay naalala.
Dahil madalas katwiran ng iba,
May trabaho naman yan,
May pambili naman yan.

Minsan, i-appreciate at alalahanin din sila.
Hindi porket may pambili sila,
Hindi na natin sila maalala.
Wala yan sa halaga, kundi mula sa puso na sila din ay mapasaya💗

05/12/2025

Panganay ka—
hindi dahil ikaw ang nauna,
kundi dahil ikaw ang unang tumindig
sa gitna ng gulo,
unang umunawa kahit walang nagsabi,
unang nagbigay kahit kapos.

Ikaw ang tahimik na sandalan,
yung inuuna ang ibang kailangan
kahit may sariling sugat
na hindi naipapakita.

Sa bawat pagod na hindi mo sinasabi,
sa bawat luha na tinatago mo sa ngiti,
alam ko—
matagal mo nang pasan
ang bigat ng pagiging matatag.

Panganay ka…
pero tao ka rin.
May karapatang mapagod,
may karapatang umiyak,
may karapatang alagaan
at alagaan din.

At sana,
sa dulo ng mahahabang araw,
may yumakap din sa’yo
gaya ng yakap na ibinibigay mo sa lahat.

03/12/2025

Masyadong malihim si Ate—
para bang may mga lihim siyang
ikinukulong sa pagitan ng mga buntong-hininga.

At ako, nakatanaw lang,
naghihintay sa sandaling ibahagi niya
ang kahit kapirasong kuwento
ng mundong hindi ko abot.

Pero heto ang totoo—
wala namang Ate si Ate.
Wala siyang pinagkukwentuhan,
wala siyang inuuwiang sandigan.

Kaya marahil tahimik siya,
kaya marahil matipid sa salita—
sanay na siyang dalhin ang lahat
mag-isa.

At sa katahimikan niyang iyon,
may kirot na hindi niya sinasabi,
may kuwentong hindi niya maipasa,
may pagod na siya lang
ang nakararamdam.

At sana, balang araw,
kapag handa na siyang magsalita,
may lugar sa tabi ko
na pwede niyang upuan,
nang hindi na siya
nag-iisang tinatawag na Ate
ng sarili niyang mundo.

03/12/2025

Kung may gusto man ako, ikaw 'yon palagi.
Ikaw ang paborito ko sa lahat.
Paboritong kaaway, paboritong pahinga.
Lagi't lagi, pipiliin kita.
Kahit sa gitna ng gulo o sa tahimik na sandali, ikaw ang tahanan ko. Wala nang iba pa.

04/10/2025

Palaging may sasabihin ang mga tao,
Kahit anuman ang gawin mo.
Lalo na sa lipunang puno ng mga hurado
Palagi silang maghahanap ng mali sa'yo.

Tulungan mo ng sampung beses at tanggihan mo lang isa.
Madamot ka na.
Maging mabuti ka ng isang taon at magkamali ka ng isang araw
Masamang tao ka na.

Hindi mo kasalanan,
At wala kang kailangang patunayan,
Dahil hindi kailanman magiging maganda sa kanila ang iyong pagkatao
Kung ang pinakikinggan nila ay maling kuwento.

Totoo, madaling maging tao,
Pero mahirap magpakatao,
Dahil kahit mabuti ka pa at totoo
Hindi mo mababago ang isip na sarado.

23/09/2025

Balikan mo rin ‘yung ikaw na pinangarap ang lahat nang walang iniisip na balakid, ‘yung hindi iniintindi ang gastos, ang bigat, ang layo, basta ang alam mo lang, gusto mo at kaya mo.

Dahil kung minsan, kailangan mong paalalahanan ang sarili na hindi ka palaging pagod, na hindi ka palaging talo, na minsan, naging ikaw din ‘yung bata na walang ibang baon kundi tapang at paniniwala.

Balikan mo rin siya, hindi para muling maging bata, kundi para maalala mo na minsan, naging matapang ka rin kahit walang tapik sa balikat, kahit walang pumalakpak. Baka kasi hindi mo kailangan ng bagong simula, baka kailangan mo lang paalalahanan ang sarili na minsan ikaw rin ang bumuo ng sariling paniniwala na kaya mo ang lahat.

31/08/2025

Totoo pala
hindi ka sa tao napapagod,
kundi sa sakit
na lagi nilang ipinadadama.

Kahit gaano mo sila kamahal,
kapag pabalik-balik ang dahilan ng luha,
darating ang oras
na ikaw na mismo ang lalayo.

Hindi ibig sabihin
na nawala ang pag-ibig,
o naging mababaw ang nadama.
Minsan, kahit puno ng pagmamahal,
napapagod din ang puso.

At sa pagod na ‘yan,
natututo kang bumitaw
hindi dahil ayaw mo na,
kundi dahil sawa ka na
sa sugat na paulit-ulit lang
na tila hindi na nagbabago.

15/08/2025

Mapunta ka sana sa taong ikaw ay makakabisado.

Kung paano ka patahanin sa tuwing dinadalaw ka ng matinding bagabag. Nauunawaan ang tahimik mong pag-iyak. Kaya kang damayan sa panahong mahirap, at magpupumilit kahit pumipiglas ka sa pagyakap.

Mapunta ka sana sa taong pinapahalagaan ang lahat sa iyo. Mga bagay na hindi pinahahalagahan ng mga tao. Nauunawaan ang mga mata mo, at kahit 'di magsalita, kahit 'di ka lumuha—alam niya ang lahat mong takot , pangamba at haka.

Mapunta ka sana sa taong nakikilala ang puso mo. At kailanman ay hindi mag-iisip na pagtaksilan ito. Pagkat banayad at totoo— ang pag-ibig na hinintay, pinagtiyagaan, pinagpanata't , pinuhunanan.

Doon sana ang maging katapusan ng iyong kwento.
Ang mapunta ka sa tamang tao, tama para sa'yo.

20/05/2025

17/05/2025

Sa huli, tayo pa rin ang lalabas na masama
sa mata ng mundo, sa kwento ng iba,
kahit tayo ang unang umiwas sa gulo,
kahit tayo ang unang umintindi nang buo.

At ganyan ang hustisya ng mundo.
Ang mas maingay, mas kapanipaniwala.
Ang marunong magpanggap, mas pinaniniwalaan.
At tayo, kahit tayong totoo,
tayo pa rin ang lalabas na masama.

Pero ayos lang.
Dahil hindi natin kailangan ng palakpak
kung ang katahimikan natin ay kapayapaan.

04/05/2025

Let Them Go

If someone wants to leave your life, let them go. If someone chooses another person over you despite receiving all your love, let them be. Allow them to live their life as they wish.

If someone creates distance in a beautiful relationship without reason, let them go. Prioritizing someone who never considered you a priority is foolishness. Distance in a relationship is also a form of disrespect.

If someone can go days, months, or even longer without speaking to you, let them be. They never truly realized your importance.

If someone doesn’t miss your presence, if they can live without seeing you, let them stay where they are. Love cannot be one-sided. Holding on to someone who has withdrawn from you only leads to self-humiliation.

At the end of the day, the undeniable truth is: you cannot hold onto anyone forever. Everything in life is temporary.

You were born alone, you have fought your biggest battles alone, and one day, you will leave this world alone. So choose wisely. If someone prioritizes another over you, then to them, you are nothing more than a part of their past.

Holding onto someone who never chose you is self-deception. The past is an illusion—memories are merely experiences and lessons. So, don’t look back. There is nothing left behind. Life is yours alone, and you must walk your path by yourself.

04/05/2025

Nung siniraan mo ba ko napalitadahan ba non pader nyo sa bahay? Hindi naman diba.