05/08/2025
Ang panggamhanan sa Probinsya sa Sugbo, sa pakigtambayayong sa CPH-Bogo, Sui Generis Missions , IBP , CMS ug sa atuang Dakbayan , mopahigayun ug Medical Surgical Mission sa Cebu Provincial Hospital - Bogo nga anaa nahimutang sa Barangay Taytayan sugod puhon Agusto 9 ngadto sa 10, 2025.
Kini nga kalihokan lakip month-long nga selebrasyon sa ika-456 nga founding anniversary sa Probinsya sa Sugbo. Kini nga activity magbitbit ug nagkadaiyang serbisyo panlawas sama sa general consultation ,dental services, minor surgeries, ug uban pa.
Ablihan ang registration sa general consultation sugod alas 7 sa buntag sa adlawng Sabado, Agusto 9.
Alang sa dugang kasayuran ug sa mga pangutana, kontaka ang Out-patient Department sa CPH-Bogo (9AM - 4PM ONLY) pinaagi sa numerong 09278762781 ug pangitaa si Nurse Ronnel.
Giawhag ang tanan ug sa kasikbit nga mga lugar nga mopahimulos niining maong libre nga serbisyo dalit sa Kapitolyo.
