24/07/2025
๐๐๐ก๐๐๐ฅ ๐ ๐๐๐ก๐ฆ๐ง๐ฅ๐๐๐ ๐๐ก๐, ๐ ๐๐๐๐๐๐ ๐๐ง ๐๐ ๐ฃ๐๐๐๐๐ ๐ข ๐๐๐ก ๐ ๐๐ ๐ฃ๐ฅ๐ข๐๐ฅ๐๐ ๐ ๐จ๐ ๐ฃ๐ฅ๐ข๐ฌ๐๐๐ง๐ข ๐๐ ๐๐ฅ๐๐ฌ ๐ก๐๐๐ก ๐๐๐จโ๐; ๐ฃ๐๐ - ๐๐ฆ๐ง๐๐๐๐๐ฆ๐๐ฅ ๐๐๐ก ๐๐๐ ๐๐๐ง๐๐๐๐ฆ๐, ๐๐๐ก ๐๐๐๐๐๐ง
Borongan City, Eastern Samar - Basi matutukan iton mga eksakto nga pangkasarian nga panginginahanglan ha usa nga komunidad, an Regional Association of Population Officers and Workers 8 Inc. (RAPOW-8) ha pakikipagsumpayan han Borongan City Population Office ngan Provincial Government of Eastern Samar, in nagdudumara hin Gender and Development (GAD) Database and Formulation of the LGU GAD Agenda training - workshop, diin ine in may paghisumpay kon patiunan - o iton paggamit hin GAD mainstreaming, eksakto nga paghimo hin GAD Plan and Budget, ngan pag establisar hin GAD Database ha mga kabarangayan
Durante han ginbuhat nga first batch training - workshop, July 22 - 24, 2025, nga ginpartisiparan han mga opisyales tikang Barangay ngan mga LGUโs dinhe ginmalatumat kon tipaonan - o iton pag establisar han gender mainstreaming basi makabulig ha paghimo hin mga programa ug proyekto kumo kabatonan hiton mga isyu nga natatabo ha usa nga komunidad.
An GAD mainstreaming in usa nga pitad hin pagkuha hin mga datos pinaagi han pangkasarian nga panlantaw (gender perspective), sugadman kon pira iton mga kababayin - an, kalalakin - an ug kabataan, an duro nga naaapektaran han mga isyu nga natatabo ha usa nga komunidad.
Sumala kan Karen Mercado, PCW - National GAD RP, katuyuanan han aktibidad nga madugngan pa iton kapasidad han mga barangay ngan local officials, kumo nangunguna ha pagbaton hiton mga panginahanglanon ha ira mga nasasakopan.
โDapat mga programa natin ngayon ay gender responsive so it should address the needs of our clientele, the women, the men, those in the marginalized community in our respective localityโ dugang pa ni Mercado.
Pinaagi hiton GAD mainstreaming, ine in pwede gamiton kumo basehan ha pagdesinyo hin mga plano, programa ug proyekto kumo kabatonan hiton mga isyu nga ginkakaatubang ilabi ha mga kabarangayan.
Gin aawhag naman iton pag establisar hin GAD database ha mga barangay tungod nga ine in nakapailarom han Magna Carta of Women Joint Memorandum 2013 -01 o an mga polisiya para ha lokal nga level ha parte hiton pag mainstream, paghimo hin mga plano ngan pag budget.
Samtang, iton second batch han nasabi nga workshop in utro nga pagbubuhaton hiton August 5 - 7, 2025, nga papartisiparan naman han mga barangay officials ug local officials tikang ha una nga distrito han probinsya.
| balita ni Nicole Fanoga, RVFM News
