21/07/2025
10k per reels. Ing-ana kadako ang gi offer sa akoa sauna para mag promote ug online gambling. Pero ambot lang jud kung legit ba to, pero dili lang kana naa pod uban nga mas ubos pa ang offer ana. Sa tinuod lang, hapit na gyud ko madani ato sauna, labi na atong mga panahon nga gipit kaayo ko sa kinabuhi.
Moangkon ko, gamay ra gyud kasagaran akong masahod nga income diri sa Meta. Usahay dako-dako gamay, pero kasagaran sakto ra gyud sa among bayronon ug dako na kaayo akong pasalamat ana.
Pero ambot lang dili gyud madala sa akong konsensya bai. Di ko gusto nga basig ako pa ang mahimong hinungdan nganong naadik sa sugal ang usa ka tawo. Bisan pa og muingon ta nga ‘choice man na nila’ kay wala man ta namugos, pero kabalo ko sakong kaugalingon nga naa gyud nay dili maayo na impact sa imong kinabuhi bai.
10k per reels? Dili worth it kung ang kapalit kay ang kaugmaon sa uban. Mas pilion pa nako nga gamay og income basta limpyo ang konsensya kaysa sa daghang kwarta nga puno sa kabalaka ug guilt. Dili lalim ang epekto sa sugal. Dili lang kwarta ang mawala kundi relasyon, pamilya, ug kinabuhi mismo ang masakripisyo.
Mao ng akong ingon nga good vibes rata ninyo deri, para hapsay ang paminsar sa kinabuhi ba. 🫶❤️🤣
