Lolo Papay's Radio

Lolo Papay's Radio a commercial/community radio station operated by Our Lady's Foundation, Inc. and was founded by the late Efren T. Afante on September 11, 2008. Anita T.

A commercial/community radio station operated by Our Lady's Foundation, Inc. Afante in September 11, 2008. At present it is being managed by Ms. Afante with Mr. Alain Legacion as Station Manager.

BSJA PEP SQUAD, LOOG SA NATIONAL CHEERLEADING COMPETITION 5 December 2016 – Baretang local Nakaloog ana famusong PEP Squ...
05/12/2016

BSJA PEP SQUAD, LOOG SA NATIONAL CHEERLEADING COMPETITION

5 December 2016 – Baretang local

Nakaloog ana famusong PEP Squad niya na Buhi St. Jospeph’s Academy (BSJA) sa gigibohong National Cheerleading Competition sa Marso 2017 na gigibohon man sa SM Mall of Asia sa Manila.

Adi matapos na maka qualify sira kasudma bilang 2nd placer sa ginibong Bicol regional Championship sa Jesse M. Rebrodo Coliseum sa ciudad nin Naga.

Ana nagprimera sa kategorya nin Coed Senior cheer amo ana Tiger Club Pep Squad niya na Naga College Foundation nya ciudad nin Naga.

Ading nasambit nang grupo kadakol naman na ginanahan na mga competiton boko sana didi sa Rinconada maging sa kabikolan na naging dawan para sira sumabak na sa national competition sa sada taon.

Ana BSJA, sa facilidad nya na trainor nirang si Jo-Ar Arroyo ag sa liderato niya na Presidente ag inkumbenteng Board member Manny H. Noble pad***s ana pag suporta sa mga bagading aktibidades na kin sari nagitao nin honra boko sana sa eskwelahan maging sa banwaan na Buhi.

Photo courtesy : Jo-Ar Arroyo

CCTV CAMERA, DAKOWONG TABANG SA PAGPOGOL NIN KRIMINALIDAD SA SAN BUENA5 December 2016 – Baretang local Dakowong tabang a...
05/12/2016

CCTV CAMERA, DAKOWONG TABANG SA PAGPOGOL NIN KRIMINALIDAD SA SAN BUENA

5 December 2016 – Baretang local

Dakowong tabang ana na-instalar na mga CCTV Camera sa pag pogol nin kriminalidad sa barangay San Buena.

Mwadi ana naging pahayag ni Kapitan Art Lavadia sa ginibong entre vista nya na Lolo Papay’s Radio kagabi.

Sinabi ni Kapitan Lavadia na buminaba ana insidente nin kriminalidad sa sakanyang barangay p**n kaso mabutangan nin walong CCTV camera kaso Septiembre pa, sa mga strategic location orog na ta ading nasambit nang barangay kadakol nang mga business establishment arog nya na mga sangraan, groceries, hardware, pera padala ag iba pang mga negosyo.
Usad na insedente nin akyat bahay sa bagong building kaabay nya baryo ana na capture nyading nasabi ng CCTV, na kin sari kaso pinag confrontar yu mga suspetsadong soltereto nya na barangay, endi na basang sira nakapiyok, maray sanang endi sira nagtrayumpong makaloog sa target nirang establisemento.

Maski na ana anti-illegal drug campaign sa nasabi nang barangay nagiging efektibo nin huli sa mga CCTV camera ta nagi serbe pa ading mata sa mga malaen na transakyones ag iron-iron nya mga ka-barangay orog na adtong mga bagong lalawgon na nidayo sa lugar.

Sinabi pa ni Lavadia, na dawa agko na sira CCTV camera d***s pa man dayaday ana pag ronda nya mga tanod tanganing lalong maging efektibo ana pag mantenir nya na pase orden sa pinagkonsiderar nang business area sa poblacion.

04/12/2016

"NAKABUHI CHOIR" - naging bisita nya na programang "PANGODTOHAN SUNDAY SPECIAL" ngowan na pita, Deciembre 4 sa DWEA 97.7 FM Lolo Papay's Radio. Ana programa kada Domingo (11 AM - 1 PM) hosted by Ador Nachor. Ading Choir, magi konduktahon ni X-mas Caroling sa Buhi, Legaspi ag Naga para makatao sira nin kaogmahan sa paagi nin gift giving ag feeding sa mga kaaginang uda sukat sa Buhi ngowan na Pasko.

04/12/2016

"SILAG" a religious program every Sunday from 9 AM - 11 AM hosted by Marimin Nachor-Sagala

04/12/2016

"WEEKEND FLASHBACK" every Saturday from 1 PM - 3 PM hosted by DJ Trishia/Sharmaine Tajuna broadcasting LIVE at DWEA 97.7 FM "Lolo Papay's Radio in Buhi, Camarines Sur (3 Dec 2016)

03/12/2016

"Pag Isipan ta Daw" kada sabado (8:00 AM - 9:00 AM) with Eloy Haber and Ladz Labordo.

3,200 NAG RALLY SA EDSA SHRINE, KADAKLAN MGA HUBENES 1 December 2016 (Baretang Nacional)Segon sa report nya na Philippin...
01/12/2016

3,200 NAG RALLY SA EDSA SHRINE, KADAKLAN MGA HUBENES
1 December 2016 (Baretang Nacional)

Segon sa report nya na Philippine Daily Inquirer, aaboton sa 3,200 ana nagtipon-tipon sa Edsa Shrine sa usad na protest rally laban sa pailom na paglubong ki dating president Marcos sa Libingan ng mga Bayani.

Sa obserbasyon nya na DWEA Newsroom kaso masowongan adi sa telebisyon, anas mga hubenes ag mga estudynates alin sa manlaen-laen na unibersidad ag kolehiyo sa Metro Manila ana nagparticipar sa nasambit nang protesta.

Ading nasabi nang mga raliyista agko dara darang mga nakakangirit na placards na binase sa presenteng “hugot culture” nya na mga modernong pinoy sa sentro nin pampulitikang aksyon.
Mwadi ana mga mensahe na nakasurat sa mga placards “Rally today, review tomorrow”, “This is for you, mom and dad”, Hindi ba dapat maawa ka sa lampas na 4,000 na namatay?”, “Listen to the voice of the people”, “Yawa Ka”.

Alagad usad na kasimpleng mensahe na ararom ana kahulugan amo ana “Fear the Youth”.

BAGONG PROGRAMA SA LOLO PAPAY’S RADIO ILULUNSAR SA DISIEMBRE 1Buhi, Camarines Sur - 28 Sep 2016 - DWEA Newsroom reported...
28/11/2016

BAGONG PROGRAMA SA LOLO PAPAY’S RADIO ILULUNSAR SA DISIEMBRE 1

Buhi, Camarines Sur - 28 Sep 2016 - DWEA Newsroom
reported by Ador Nachor

Ilulunsar sa Disiembre uno ana mga bagong programa sa DWEA 97.7 FM Lolo Papay’s Radio.

Mwadi ana naging pahayag ni Station Manager Alain Legacion kaso biernes.

Sinabi ni SM Legacion na kaipuhan na magbutang nin mga bagong programa para masustenir ana kamawotan nya na estasyon na maka atod nin mga impormasyon, bareta, musika na among pangarap nyo defuntong founder na si Efren Afante.

Sa presente, agko na duwang existidong programa, ana Silag ni Marimen Sagala, kada Domingo (9:00 AM-11:00 AM) na limang taon nang nasa ayre ag ana Buhi Forum sa Radyo ni Konsehal Ting Villadares.

Sinabi pa ni Legacion na ana operasyon nin radyo magiduraron na nin 12 oras p**n alas sais sa pita asta alas sais sa gabi p**n lunes hanggang domingo.

Apwera pa nyadi agko mga bagong anchor ana magilogon para magtukar o magmato nya na mga bagong programa na pinagilaoman na magibalikon ana pagpatronizar nya na mga boinon sa radio ngowan ag sa mga susunod na panahon.

Ana detalyes nya na mga bagong programa among tutukaron ni Konsehal Ting Villadares sa Radyo Editoryal.

"SILAG" - Religious Program, makakaibanan si Marimen Nachor-Sagala, kada Domingo (9:00 AM - 11:00 AM)...
28/11/2016

"SILAG" - Religious Program, makakaibanan si Marimen Nachor-Sagala, kada Domingo (9:00 AM - 11:00 AM)...

REVENUE CODE COMMITTEE IPINASAR SA SANGGUNIAN BAYAN DWEA Local News - 23 November 2016Saginibong regular session nya san...
23/11/2016

REVENUE CODE COMMITTEE IPINASAR SA SANGGUNIAN BAYAN
DWEA Local News - 23 November 2016

Saginibong regular session nya sangguniang bayan kaso lunes, naipasar ana usad na resolution na nagibilog nin usad na espesyal na komitiba para mag revisar niya na Revenue o Tax Ordinance sa banwaan.

Segon ki Konsehal Ting Villadares, Chairman nya na Committee on ways and Means sa Sanggunian, na ading nasabi nang pag revisar usad sana sa Executive Agenda nya na bagong maeliher na Alkalde na si Mayora Margie Aguinillo na kin sari suportado man nya na Legislative Agenda niya na Sangguniang Bayan sa liderato man ni Bise Alkalde Rey Lacoste.

Dagdag pa ni konsehal Villadares na ana pagrevisar nya na Tax Ordinance, napapanahon na nin huli ta kaso 2002 pa adi ultimong na revisar sa panahon nyadtong Belza Admnistration. Base sa guidelines nya na Department of Finance – Bureau of Local Government Finance o BLGF na ana pagrevisar nin mga Tax ordinance o revenue code dapat na gibohon kada limang taon, alagad endi magtaas sa dies porsiento ana increase orog na sa mga business taxes.

Sa binilog na komitiba, si Mayor Margie Aguinillo ana Chairman nya na Executive Committee mantang si Vice Mayor Rey Lacoste man ana chairman nya na Revenue Code Revision Project Committee na kin sari pa si Konsehal Ting Villadares ana vice chairman kaiba ana iba pang miembros arog ni Konsehal Salvacion Salamanque, Konsehal Rickie San Jose, Municipal Treasurer Nilda Salvo, Budget Officer Salvadora Legacion, DILG officer Maria Cristina Mercedes Bahillo, ag duwa pang representate alin sa Office of the Mayor ag pribadong sector.

Apwera sa Project Committee nagbilog pa nin Technical working group na among responsable sa pag surat niya na draft ordinance, paglibot sa mga barangay para sa public hearing ag konsultasyon ag pagfacilidad nin mga aktibidades sa pag revisar na kin sari nanomrahan bilang chairman si Tesorera Nilda Salvo kaiba ana mga miembros na sira Municipal Assesor Charity Lagante, Municipal Health Officer Breandovin Saez, Municipal Civil Registrar Anita Dacillo, Building Official Engr. Benjie Arcilla, MPDO Project Evaluation Officer Antonio Tayag, Market Supervisor Hayde Pinoy, Lake Development Officer Ronilo Leal, Revenue Collection Officer Aurliser Castaneda, Chief of Police Edgar Callada ag Fire Marshall Jeremias Mota.

Sa parte man nya na Sanggunian nanombrahan man si SB Secretary Nora Hortal bilang pamayo nya na Secretariat na kin sari kaiba niya si Records Officer Nilda Olarve ag dagdag na kinseng encoders, ag limang utility workers.

Sa nasambit nang resolution, tataposon nya na komitiba ana pag revisar nya na Tax Ordinance sa loog nin onom na bulan efektibo sa pag aprobar ni Mayor Aguinillo nyading naipasar na resolution.

MS. SUPRA GAY BAYBAYON KASADO NA SA NOBYMBRE 25 DWEA Local News - 23 November 2016Sa ginibong entrebista nya na Lolo Pap...
22/11/2016

MS. SUPRA GAY BAYBAYON KASADO NA SA NOBYMBRE 25
DWEA Local News - 23 November 2016

Sa ginibong entrebista nya na Lolo Papay’s Radio sa organizer na si Fiel Sumalabe kasudmang pita, kasado na sa mismong kapistahan nya na Barangay San Jose Baybayon sa biernes, Nobiembre 25 ana pinakadakowong okasyon sa banwaan ana Ms. Supra Gay Baybayon 2016.

Kinseng kandidatas alin sa kabikolan ag sa Metro Manila ana magilaban para makoko ana korona ag titulo bilang Ms. Supra Gay Baybayon 2016. Apwera pa, kadakol na mga consolation awards ana nakatalaan sa mga maseswerteng winners.

Pinaglaoman na mabubungkag ana banwaan sa mga nagagayonan na LGBT candidates p**n pa sana sa pag arangkada nyadi sa gigibohon na motorcade sa oras na alas kwatro sa Nobyembre 25.

Ading nasabi nang pabonga, pinagmukna nya na San Jose Baybayon Barangay Council sa pamamayo nya na mahigos na Kapitan del barrio na si Rod sumalabe para matawan nin kaogmahan ana barangay ag banwaan na Buhi sa pagcelebrar nya na kapistahan ni Senior San Jose Baybayon.

"BUHAY BOINON" at 11 : 15 AM hosted by Ador Nachor - nakaibanan si COMELEC OFFICER JIM PANTORGO para sa update and info ...
22/11/2016

"BUHAY BOINON" at 11 : 15 AM hosted by Ador Nachor - nakaibanan si COMELEC OFFICER JIM PANTORGO para sa update and info sa 2017 SK and Barangay Election Continuing Registration.

Address

Buhi
4433

Opening Hours

Monday 6am - 12pm
Tuesday 6am - 12pm
Wednesday 6am - 12pm
Thursday 6am - 12pm
Friday 6am - 12pm
Saturday 6am - 12pm
Sunday 6am - 12pm

Telephone

+639092282233

Website

Alerts

Be the first to know and let us send you an email when Lolo Papay's Radio posts news and promotions. Your email address will not be used for any other purpose, and you can unsubscribe at any time.

Contact The Business

Send a message to Lolo Papay's Radio:

Shortcuts

Share

Category