sgt vibes

16/07/2025

16/07/2025

P74K HALAGA NG SHABU NASABAT; 6 SUSPEK NALAMBAT SA DRUG OPS NG BULACAN PNP

Camp General Alejo S Santos, Lungsod ng Malolos, Bulacan — Anim (6) na drug suspect ang naaresto at humigit-kumulang Php 74,528.00 halaga ng hinihinalang shabu ang nasamsam sa magkakahiwalay na buy-bust operations na isinagawa ng Bulacan Police Provincial Office (PPO) noong Hulyo 14-15, 2025.

Ayon kay PLTCOL LUISA D CANDIDO, hepe ng Plaridel MPS, dalawang suspek na sina alyas “Noy,” 30-anyos, at “Ed,” 22-anyos, ang naaresto sa operasyon ng Station Drug Enforcement Unit (SDEU) sa Brgy. Banga 1st, Plaridel. Nasamsam sa kanila ang anim (6) na sachet ng hinihinalang shabu na may halagang Php 42,160.00 at buy-bust money.

Samantala, isang (1) suspek ang naaresto ng Balagtas MPS sa Brgy. Borol 2nd, sa operasyon na pinamunuan ni PMAJ MARK ANTHONY L SAN PEDRO, kung saan nakumpiska ang apat (4) na sachet ng hinihinalang shabu na nagkakahalaga ng Php 20,400.00.

Tatlo (3) pang suspek ang naaresto sa magkakahiwalay na operasyon ng San Ildefonso, Doña Remedios Trinidad, at Obando MPS, kung saan narekober ang anim (6) pang sachet ng hinihinalang shabu na tinatayang nagkakahalaga ng Php 11,968.00.

Ang mga naarestong suspek ay nasa kustodiya na ng pulisya at nahaharap sa kasong paglabag sa Republic Act 9165 o ang Comprehensive Dangerous Drugs Act of 2002.

Ang mga operasyong ito ay bahagi ng pinaigting na kampanya ng Bulacan PNP kontra ilegal na droga sa direktiba ni PCOL ANGEL L GARCILLANO, Acting Provincial Director, sa ilalim ng pamumuno ni PBGEN PONCE ROGELIO I PEÑONES JR., Regional Director ng PRO3.

16/07/2025

23 Days, Countless Gains:
RD PEÑONES JR hits the Ground Running in Central Luzon

16/07/2025

𝐀𝐍𝐓𝐈 𝐂𝐑𝐈𝐌𝐈𝐍𝐀𝐋𝐈𝐓𝐘 𝐂𝐇𝐄𝐂𝐊𝐏𝐎𝐈𝐍𝐓

Upang mapanatili ang kaayusan at seguridad sa mga pangunahing daanan sa lalawigan, nagsagawa ng Anti Criminality Checkpoint ang mga tauhan ng Bulacan 1st Provincial Mobile Force Company (PMFC) sa Brgy. Bancal, Meycauayan, Bulacan nito lamang Lunes ika-14 ng Hulyo 2024.

Pinangunahan ang aktibidad ni PEMS Jason M. Baluyot, Alert Team Leader, sa ilalim ng pangangasiwa ni PLTCOL JEROME S RAGONTON, Force Commander ng Bulacan 1st PMFC. Ang nasabing operasyon ay isinagawa bilang suporta sa mga direktiba ng Chief PNP, Regional Director ng PRO3, at Provincial Director ng Bulacan Police Provincial Office (PPO).

Layunin ng checkpoint na ito na mapalakas ang seguridad sa mga hangganan ng lalawigan, mapigilan ang pagpasok ng mga ilegal na aktibidad, at matiyak ang kaayusan, kapayapaan, at kaligtasan ng publiko.

Ang ganitong mga operasyon ay bahagi ng patuloy na pagsusumikap ng Bulacan PPO upang ipatupad ang mga programa ng PNP at masiguro ang kaligtasan ng bawat mamamayan sa ilalim ng programang BagongPilipinas.

16/07/2025

₱𝟯.𝟰𝗠 𝗵𝗮𝗹𝗮𝗴𝗮 𝗻𝗴 𝘀𝗵𝗮𝗯𝘂, 𝗻𝗮𝗸𝘂𝗺𝗽𝗶𝘀𝗸𝗮; 𝗛𝗶𝗴𝗵-𝗩𝗮𝗹𝘂𝗲 𝗜𝗻𝗱𝗶𝘃𝗶𝗱𝘂𝗮𝗹 𝗻𝗮 𝗯𝗮𝗯𝗮𝗲, 𝘁𝗶𝗺𝗯𝗼𝗴 𝘀𝗮 𝗯𝘂𝘆-𝗯𝘂𝘀𝘁 𝗼𝗽𝗲𝗿𝗮𝘁𝗶𝗼𝗻 𝗻𝗴 𝗕𝘂𝗹𝗮𝗰𝗮𝗻 𝗣𝗡𝗣

Timbog ng mga operatiba ng Bulacan Police Provincial Office (PPO) ang isang babae na itinuturing na High-Value Individual (HVI) sa ikinasang anti-illegal drugs operation sa Brgy. Tikay, Malolos, Bulacan nito lamang Linggo ika-13 ng Hulyo 2025.

Kinilala ni PLTCOL RUSSEL DENNIS E REBURIANO, Chief ng Provincial Intelligence Unit (PIU) ng Bulacan PPO, ang suspek na si alyas Niki, 27 anyos at residente ng naturang barangay.

Bandang alas-12:30 ng madaling araw nang ikasa ang operasyon ng pinagsanib na puwersa ng Provincial Intelligence Unit (PIU), Provincial Drug Enforcement Unit (PDEU), at Malolos City Police Station.

Nakumpiska mula sa suspek ang isang maliit na heat-sealed plastic sachet at isang malaking vacuum-sealed plastic sachet na naglalaman ng hinihinalang shabu na may kabuuang timbang na 500.42 gramo at tinatayang nagkakahalaga ng ₱3,402,856.00.

Dinala ang suspek at ang mga nakumpiskang ebidensiya sa Bulacan Provincial Forensic Unit para sa kaukulang pagsusuri, habang inihahanda na ang pagsasampa ng kaso laban sa kanya sa ilalim ng Republic Act 9165 o ang Comprehensive Dangerous Drugs Act of 2002.

Tiniyak naman ng Bulacan PNP sa ilalim ng pamumuno ni PCOL ANGEL L GARCILLANO, Acting Provincial Director ng Bulacan PPO na magpapatuloy ang kanilang masigasig na operasyon upang tuldukan ang kalakalan ng ipinagbabawal na gamot at masiguro ang kapayapaan, kaayusan, at pagkakaroon ng isang drug-free community para sa lahat ng mamamayan ng Bulacan.