PitikHenyo

04/11/2025

𝗖𝗟𝗘𝗔𝗥𝗔𝗡𝗖𝗘 𝗦𝗜𝗚𝗡𝗜𝗡𝗚 𝗪𝗘𝗘𝗞 📝

Wooohh, kapagod pero laban lang! 💪😅
Kumusta, mga BTECHenyos? Nakapagpapirma ka na ba ng clearance mo?
Kung hindi pa… ano pang hinihintay mo? Makakapag–second sem ka pa ba niyan? Kidding! 🤗

Siguraduhing kompleto’t pirmado na lahat ng kailangan, at huwag ding kalimutan — mag-ingat palagi ang bawat isa! ❤️

02/11/2025

𝗔𝗡𝗢 𝗞𝗜𝗡𝗔𝗞𝗔𝗧𝗔𝗞𝗨𝗧𝗔𝗡 𝗠𝗢 𝗧𝗛𝗜𝗦 𝗦𝗣𝗢𝗢𝗞𝗬 𝗦𝗘𝗔𝗦𝗢𝗡? 🕯️🎃

Yearning for someone you can't have? Mag-confess sa kanya na gusto mo siya? Take a chance with me? Or Multo? 👻✨"𝗛𝘂𝘄𝗮𝗴 𝗸𝗮𝗻𝗴 𝗺𝗮𝘁𝗮𝗸𝗼𝘁.. 𝗞𝗮𝘀𝗮𝗺𝗮 𝗺𝗼 𝗻𝗮𝗺𝗮𝗻 𝗮𝗸𝗼." Sapat na siguro na nariyan ka, meron akong makakasama, at mapagsusumbungan sa tuwing ako'y nag-iisa—kaya mas mabuting magtago na lamang, at mahalin ka ng tahimik; habang binubulong sa hangin ang mga salitang hindi ko masambit.

Ngunit, sa malalim na gabi nakikita ko ang aking sarili, sabik na ikaw ay makasama, at makatabi—habang dumadampi ang malamig na hangin, kasabay ang pagsimoy ng mga bulaklak, at sa pagpanglaw ng paligid. Sa hindi ko pag-imik, nais kong maramdaman ang isang walang takas na mainit na yakap mula sa'yo, at dumikit sa iyong braso; makasandal sa iyong balikat, at mahawakan ang iyong kamay hanggang mawala ang upos sa mga kandila.

𝗜𝘀𝗶𝗻𝘂𝗹𝗮𝘁 𝗻𝗶: PitikHenyo | Art Eugene Santos
𝗗𝗶𝗯𝘂𝗵𝗼 𝗻𝗶: PitikHenyo | Earl Hacey Anas at Jerehmia Santiago

30/10/2025

𝗡𝗮𝗶𝘁𝗮𝘄𝗶𝗱 𝗻𝗮 𝗮𝗻𝗴 𝘂𝗻𝗮𝗻𝗴 𝗯𝗮𝗵𝗮𝗴𝗶 𝗻𝗴 𝘀𝗲𝗺𝗲𝘀𝘁𝗿𝗲, 𝗻𝗮 𝗽𝘂𝗻𝗼 𝗻𝗴 𝗽𝗮𝗴𝘀𝘂𝘀𝘂𝗺𝗶𝗸𝗮𝗽, 𝘀𝗮𝗸𝗿𝗶𝗽𝗶𝘀𝘆𝗼, 𝗮𝘁 𝘁𝗮𝗴𝘂𝗺𝗽𝗮𝘆. 💪🏻

Sa kabila ng puyat, pressure, at patong-patong na gawain, hindi tayo bumitaw. Patuloy tayong lumaban, at ngayon ay narito na—handa nang huminga, magpahinga, at ngumiti.

Hindi biro ang pinagdaanan, pero bawat pagod ay may kapalit. Isang hakbang palapit sa pangarap, isang pahinga na may kasamang pagmamalaki. Sa bawat pahina ng notes, sa bawat quiz na kinabahan tayo, nandoon ang tapang, tiyaga, at pangarap nating unti-unting nabubuo. Hindi lang ito pagtatapos ng semestre—ito ay patunay na 𝙠𝙖𝙮𝙖 𝙣𝙖𝙩𝙞𝙣. At sa susunod na yugto, bitbit natin ang 𝙡𝙖𝙠𝙖𝙨 𝙣𝙜 𝙡𝙤𝙤𝙗, ang aral ng kahapon, at ang liwanag ng panibagong simula.

𝗣𝗔𝗛𝗨𝗪𝗔𝗬 𝗡𝗚𝗔𝗡 𝗣𝗔𝗗𝗔𝗬𝗢𝗡, 𝗜𝗦𝗞𝗢𝗟𝗔𝗥 𝗡𝗚 𝗕𝗔𝗬𝗔𝗡! 🌟📚

𝗜𝘀𝗶𝗻𝘂𝗹𝗮𝘁 𝗻𝗶: PitikHenyo | Louisse Ann Baltar

29/10/2025

𝗣𝗔𝗡𝗜𝗧𝗜𝗞𝗔𝗡 | 𝗣𝗜𝗧𝗜𝗞 𝗠𝗨𝗟𝗔𝗧

Sasagwan sa batis ng pagkatuto, hubad man ay pilit dadamitan ang sarili at haharap sa mundo.

Sa bawat yapak, hahanapan ng anggulo ang pagkakapigtas ng tsinelas, sa pagkakabitin ng mga napigtas na pangarap; lilinisin ang duming idinulot ng putik na nakapulapol sa katawan, at umaasa ng panibagong pagkakataon sa susunod na araw, upang masilayan ang panibagong liwanag; nasilayan ang liwanag mula sa karton na nagsilbing kuta laban sa marahas na mundo.

Muling nagising mula sa isang nagkukubling bangungot, panibagong umaga para sa isang anghel, na pinakitaan ng pagtanggap ng lipunang lulong sa pagkukunwari—maging tubig sa batis ang nagsilbing umagahan para mapawi ang buhay na uhaw. Naghahangad ng makulay na hantungan sa kabila ng humahalakhak na reyalidad sa dako pa roon, na sumasampal sa lahat para magising sa katotohanan;

Iniinom ang tinuturing ng iba na lason ngunit nagdadala ng lunas para sa ilan—para mairaos ang araw bago pa man pumitik ang takip-silim; muling imumulat ang mga matang matagal nang nababalot ng dilim, at pilit binabasag ang kamusmusan at pagkakawalan, na pilit inaabot ang pangarap na noo'y larawan lamang na kadalasang ipinagkakait ng mga taong makasarili.

Pinapatatag ang sikmura't laman, upang maging matibay na pundasyon para sa kamay na nasa bingit ng bangin ng kawalan, at winawasak ang mga alikabok sa kahon ng mga pangarap, na tuluyang inabandona upang magbigay daan sa mas malaki at mas mataas ng lalagyan ng bukas. Ang tulad nilang paslit sa lansangan ay pilit ipinapaintindi ang mga salitang hindi maunawaan ng karamihan na tanggapin sila ng lipunan.

𝗜𝘀𝗶𝗻𝘂𝗹𝗮𝘁 𝗻𝗶: PitikHenyo | Art Eugene Santos
𝗞𝘂𝗵𝗮 𝗻𝗶: PitikHenyo | Jayvee Cruz

23/10/2025

𝗙𝗜𝗡𝗔𝗟𝗦 𝗪𝗘𝗘𝗞 𝗢𝗥 𝗠𝗬 𝗙𝗜𝗡𝗔𝗟 𝗪𝗘𝗘𝗞???

Nakapag review na ba ang lahat? Handa na bang sumabak muli sa pagsusulit? Bawal tumingin sa katabi ha, baka mamaya tama ka na nga, sumakabilang tingin ka pa. Biro lang! Goodluck BTECHenyos! Mag-aral ng mabuti at ingatan ang sarili palagi!

Remember: 𝓓𝓸 𝔂𝓸𝓾𝓻 𝓫𝓮𝓼𝓽 𝓪𝓷𝓭 𝓖𝓸𝓭 𝔀𝓲𝓵𝓵 𝓭𝓸 𝓽𝓱𝓮 𝓻𝓮𝓼𝓽.

𝗞𝘂𝗵𝗮 𝗻𝗶: PitikHenyo | Marco Enriquez Dela Cruz

22/10/2025

𝙃𝘼𝙋𝙋𝙄𝙀𝙎𝙏 𝘽𝙄𝙍𝙏𝙃𝘿𝘼𝙔, 𝘼𝙔𝙀𝙎𝙎𝘼! 🎈

Your creativity and passion for writing bring life and meaning to every word you share. You have an astonishing talent that turns ideas into stories that inspire, connect, and leave a long-lasting impact.

On your special day, may you be surrounded with the same warmth and brilliance that you pour into your writing. Keep thriving and always keep writing the stories only you can tell.

𝙊𝙣𝙘𝙚 𝙖𝙜𝙖𝙞𝙣, 𝙝𝙖𝙥𝙥𝙮 𝙗𝙞𝙧𝙩𝙝𝙙𝙖𝙮 𝙩𝙤 𝙤𝙪𝙧 𝙗𝙚𝙡𝙤𝙫𝙚𝙙 𝙃𝙚𝙖𝙙 𝙒𝙧𝙞𝙩𝙚𝙧, 𝘼𝙮𝙚𝙨𝙨𝙖! ✒️

19/10/2025

𝗠𝗜𝗦𝗦 𝗕𝗔 𝗧𝗔𝗟𝗔𝗚𝗔 𝗢 𝗠𝗜𝗦𝗦 𝗡𝗔 𝗠𝗔 𝗞𝗜𝗧𝗔???

Kumusta BTECHenyos? Nawa'y ligtas at maayos ang kalagayan ng bawat isa. Magkikita muli tayo sa susunod na buwan, pero yung totoo miss mo na ba talaga? Ang pagpasok sa BTECH ha. Magiingat palagi BTECHenyos^^ Sa room ang deretso hindi sa kanya ha☺️

18/10/2025

⌞ ⌝ 𝗣𝗜𝗧𝗜𝗞 𝗢𝗙 𝗧𝗛𝗘 𝗪𝗘𝗘𝗞 | 𝗦𝗔𝗟𝗔𝗠𝗔𝗧, 𝗠𝗔𝗥𝗜𝗔

Walang-hanggang pasasalamat sa iyong kalinga at pag-aaruga, Mahal na Ina. Sa iyong kanlungan natagpuan ang tunay na pag-ibig sa kapwa at marubdob na pananampalataya. Tulad mo, ang aming mga puso'y nagpupuri sa Panginoon.

Nawa'y mabanaag sa ating mga puso’t isipan na lahat tayo’y may Inang Maria na laging handang gumabay at umakay sa atin sa landas patungong kabanalan at kababaang-loob.

𝗞𝘂𝗵𝗮 𝗻𝗶: Johndale Rivera | Head Photographer

18/10/2025

𝗠𝗮𝘆 𝗽𝗮𝗴𝗹𝗮𝘆𝗮 𝗽𝗮 𝗯𝗮 𝘀𝗮 𝗺𝗮𝗴𝘂𝗹𝗼𝗻𝗴 𝘀𝗶𝘀𝘁𝗲𝗺𝗮? 𝗢 𝗡𝗮𝗻𝗱𝗶𝘁𝗼 𝗻𝗮. 𝗡𝗮𝗻𝗱𝗶𝘁𝗼 𝗽𝗮. 𝗡𝗮𝘀𝗮𝗮𝗻 𝗸𝗮 𝗻𝗮?

Nagtatapos man ang mga bagay-bagay, at natutuldukan ang silakbo ng damdamin, mula sa mga hindi inaasahang pangyayari sa loob at labas ng silid. Ngunit hindi doon ang hangganan ng lahat—maaaring bumagal, bumilis, bumalik, o hindi kaya'y huminto.

Atin lamang mapagtatanto na kailangan lamang nating sumabay sa daloy, sa pagitan ng pag-ikot ng simula at wakas. Sapagkat ang bawat simula at huli ay isang maliit na bahagi lamang ng libo-libong siklo; patuloy itong umiikot, at walang makakapagsabi kung kailan ito hihinto; subalit sa paghinto ay hindi nangangahulugan ng katapusan—ito ay dadaloy sa panibagong estilo;

Kaya sa pagpanglaw ng paligid, mananatiling buhay ang isip; 𝘪𝘬𝘢𝘸 𝘉𝘛𝘌𝘊𝘏𝘦𝘯𝘺𝘰𝘴 𝘢𝘯𝘰 𝘢𝘯𝘨 𝘣𝘶𝘭𝘰𝘯𝘨 𝘮𝘰? 𝘚𝘢 𝘣𝘢𝘸𝘢𝘵 𝘴𝘶𝘭𝘰𝘬 𝘯𝘨 𝘦𝘴𝘱𝘢𝘴𝘺𝘰?

𝗜𝘀𝗶𝗻𝘂𝗹𝗮𝘁 𝗻𝗶: PitikHenyo | Art Eugene Santos
𝗗𝗶𝗯𝘂𝗵𝗼 𝗻𝗶: PitikHenyo | Jerehmia Santiago

16/10/2025

BETTER LATE THAN NEVER!!

𝐀𝐧𝐠 𝐭𝐮𝐧𝐚𝐲 𝐧𝐚 𝐥𝐢𝐝𝐞𝐫 𝐚𝐲 𝐡𝐢𝐧𝐝𝐢 𝐧𝐚𝐬𝐮𝐬𝐮𝐤𝐚𝐭 𝐬𝐚 𝐤𝐚𝐩𝐚𝐧𝐠𝐲𝐚𝐫𝐢𝐡𝐚𝐧 𝐚𝐭 𝐭𝐢𝐭𝐮𝐥𝐨, 𝐤𝐮𝐧𝐝𝐢 𝐬𝐚 𝐤𝐚𝐤𝐚𝐲𝐚𝐡𝐚𝐧𝐠 𝐦𝐚𝐠𝐥𝐢𝐧𝐠𝐤𝐨𝐝 𝐧𝐚𝐧𝐠 𝐦𝐚𝐲 𝐩𝐚𝐧𝐢𝐧𝐢𝐧𝐝𝐢𝐠𝐚𝐧 𝐚𝐭 𝐩𝐮𝐬𝐨.

Ang 𝐋𝐞𝐚𝐝𝐞𝐫𝐬𝐡𝐢𝐩 𝐓𝐫𝐚𝐢𝐧𝐢𝐧𝐠 𝐒𝐞𝐦𝐢𝐧𝐚𝐫 𝟐𝟎𝟐𝟓 ay isang makabuluhan at hindi makakalimutang karanasan na nagbigay-inspirasyon sa mga kabataang 𝐋𝐢𝐝𝐞𝐫-𝐄𝐬𝐭𝐮𝐝𝐲𝐚𝐧𝐭𝐞 𝐧𝐠 𝐃𝐚𝐥𝐮𝐛𝐡𝐚𝐬𝐚𝐚𝐧𝐠 𝐏𝐨𝐥𝐢𝐭𝐞𝐤𝐧𝐢𝐤𝐨 𝐧𝐠 𝐋𝐮𝐧𝐠𝐬𝐨𝐝 𝐧𝐠 𝐁𝐚𝐥𝐢𝐰𝐚𝐠. Ang bawat isa ay nagpa-unlad ng kanilang kakayahan, tiwala sa sarili, at malasakit sa kapwa lider-estudyante.

Hindi lang ito simpleng seminar, dahil sa bawat talakayan, gawain, at pagbabahagi ng karanasan , natutunan ng bawat isa na ang pamumuno ay hindi tungkol sa posisyon na hawak mo, kundi tungkol sa paglilingkod, pakikipagtulungan, pakiki-isa, at pagbibigay inspirasyon sa iba.

Sa pagtatapos ng programa, isang paalala ang naiwan para sa bawat isa na lider-estudyante: Ang pamumuno ay nagsisimula sa sarili, hindi sa iba. Nagsisimula ito sa simpleng pagtulong, pagpili ng tama, at pagiging inspirasyon sa iba pang mga kabataan o mag-aaral.

Taos-pusong pasasalamat sa lahat ng lumahok na lider-estudaynte at naging bahagi ng matagumpay na seminar na ito. Nawa’y patuloy nating isabuhay ang mga aral ng pamumuno at maging mga lider na may malasakit, dedikasyon, at tapang sa bawat hamon ng buhay.

15/10/2025

10/10/2025

𝗕𝗔𝗬𝗔𝗡𝗜𝗛𝗔𝗡: 𝗦𝗔𝗠𝗔-𝗦𝗔𝗠𝗔𝗡𝗚 𝗣𝗔𝗚𝗞𝗔𝗟𝗜𝗡𝗚𝗔 𝗣𝗔𝗥𝗔 𝗦𝗔 𝗠𝗔𝗟𝗨𝗦𝗢𝗚 𝗡𝗔 𝗞𝗔𝗜𝗦𝗜𝗣𝗔𝗡

Isang araw ng paghilom, pagkatuto, at kasiyahan BTECHENYOS!!

Silipin natin ang mga kaganapan sa Mental Health Fair na isinagawa sa Main Campus ng Dalubhasaang Politekniko ng Lungsod ng Baliwag—isang makabuluhang pagtitipon na naglalayong magbigay ng kamalayan tungkol sa kahalagahan ng mental health.

Mula sa mga interactive booths at creative activities, hanggang sa mga talakayang puno ng kaalaman at pag-asa—tunay na naging daan ito para sa pahinga, pagkilala sa sarili, at pagbibigay-suporta sa isa’t isa. Dahil ang pangangalaga sa kalusugang pangkaisipan ay hindi lamang isang isyu, ito rin ay isang adbokasiya.