https://www.facebook.com/119293881150845/

Dagitab

𝗢𝗽𝗶𝘀𝘆𝗮𝗹 𝗻𝗮 𝗣𝗮𝗵𝗮𝘆𝗮𝗴𝗮𝗻 𝗻𝗴 𝗠𝗮𝘁𝗮𝗮𝘀 𝗻𝗮 𝗣𝗮𝗮𝗿𝗮𝗹𝗮𝗻𝗴 𝗡𝗮𝘀𝘆𝗼𝗻𝗮𝗹 𝗻𝗴 𝗕𝘂𝗹𝗮𝗻

16/10/2025

𝗕𝗡𝗛𝗦, 𝗡𝗮𝗴-𝘂𝘄𝗶 𝗻𝗴 𝗺𝗴𝗮 𝗣𝗮𝗿𝗮𝗻𝗴𝗮𝗹 𝗠𝘂𝗹𝗮 𝘀𝗮 𝗗𝗦𝗧𝗙-𝗥𝗢 𝟮𝟬𝟮𝟱

Muling pinatunayan ng mga batang mananaliksik ng Bulan National High School ang kanilang husay at talino matapos masungkit ang unang pwesto sa tatlong kategorya na Life Science, Physical Science, at Robotics and Intelligent Machines Individual, sa katatapos na Division Science and Technology Fair and Robotics Olympics na ginanap noong Oktubre 6–8, 2025.

Hindi rin nagpahuli ang iba pang kalahok ng BNHS matapos masungkit ang ikalawang pwesto sa kategoryang Physical Science at Mathematics and Computational Science Team, gayundin ang ikatlo at ikaapat na pwesto sa Robotics Olympics sa kategoryang RC Soccer at Sumobot.

Bagama’t labing-apat lamang na mga mananaliksik mula sa BNHS ang lumahok sa nasabing kompetisyon, nagningning pa rin ang kanilang tagumpay matapos kilalanin ang paaralan bilang Over-all 1st Runner-up mula sa labing-apat na paaralang kalahok.

✍🏻: Lyca Doroja (Brodkaster)
🎨: Rayver Gustuir (Web Editor)

25/09/2025

𝐁𝐀𝐋𝐈𝐓𝐀

𝗖𝗔𝗠𝗣𝗨𝗦 𝗖𝗛𝗥𝗢𝗡𝗜𝗖𝗟𝗘𝗦, 𝗠𝗔𝗧𝗔𝗚𝗨𝗠𝗣𝗔𝗬 𝗡𝗔 𝗜𝗡𝗜𝗟𝗨𝗡𝗦𝗔𝗗 𝗦𝗔 𝗕𝗡𝗛𝗦

Nilahukan ng 91 batang mamamahayag ang isinagawang pagsasanay ng Mataas na Paaralang Nasyonal ng Bulan na pinamagatang “Campus Chronicles: A Workshop Series on Responsible Campus Journalism” nitong ika-24 ng Setyembre.

Sa nasabing pagsasanay, tinalakay ang iba’t ibang aspeto ng pamamahayag gaya ng pagsulat ng balita, pagsulat ng lathalain, agham at teknolohiya, kolum at editoryal. Kabilang na rin ang wastong etika sa pamamahayag at kahalagahan ng pagiging mapanuri sa pagbabahagi ng impormasyon.

Kaugnay nito, layunin ng pagsasanay na hubugin ang mga kabataan upang maging responsableng tagapaghahatid ng balita sa kanilang paaralan at komunidad.

Bukod dito, sa huling bahagi ng programa, opisyal na ipinakilala ang mga magiging tagapagsanay sa bawat kategorya na gagabay sa mga batang mamamahayag para sa mga darating na paligsahan.

✍🏻: Joseph Borres (Brodkaster)
🎨: Zhara Mae Lao (Pag-aanyo at Pagdidisenyo)

25/09/2025

Puno ng sigla at bagong kaalaman ang BNHS noong Setyembre 24, 2025 matapos matagumpay na ilunsad ang 𝗖𝗮𝗺𝗽𝘂𝘀 𝗝𝗼𝘂𝗿𝗻𝗮𝗹𝗶𝘀𝗺 𝗪𝗼𝗿𝗸𝘀𝗵𝗼𝗽. Layunin ng naturang workshop ay hindi lamang ang paghasa sa kakayahan ng mga batang mamamahayag, kundi ang paghubog sa kanila bilang mga responsableng peryodista.

🎨: Zhara Mae Lao (Pag-aanyo at Pagdidisenyo)

21/09/2025

Ngayong Setyembre 21, nakikiisa ang pahayagan ng Mataas na Paaralang Nasyonal ng Bulan sa pag-alala sa isa sa pinakamahalagang bahagi ng ating kasaysayan—ang pagpapatupad ng Batas Militar.

Mahigit limang dekada na ang nakalipas, ngunit ang bangungot nitong dala ay nananatiling nakaukit at nananalimuot sa kasaysayan ng mga Pilipino. Hindi pa rin naaalis ang patuloy na pagtatangkang patahimikin ang mga peryodistang hanggad ang malayang pamahahayag.

Tungkulin nating pangalagaan at pahalagahan ang kalayaan— lalo na ang ang kalayaan sa pagpapahayag, kalayaan sa pamamahayag, at kalayaang tuklasin at ibahagi ang katotohanan.

Huwag tayong pasisiil sa anumang uri ng pang-aabuso at pagtatangkang patahimikin ang ating mga tinig. Sapagkat sa bawat papel na ating sinusulat at sa bawat tinig na ating inilalathala, ipinagpapatuloy natin ang laban para sa kalayaan.

Sama-sama tayong tumindig at manindigan para sa kalayaang minsang ipinagkait sa atin. Sapagkat ang ating laban tungo sa tunay na karangyaan at katarungan para sa Inang Bayan ay hindi pa tapos, ito’y nagsisimula pa lamang.

✍🏻: Lyca Doroja (Brodkaster)
🎨: Rayver Gustuir (Web Editor)

Mga Larawan mula sa:

PINTEREST: https://pin.it/5gbjo8HoA
https://pin.it/2xkSQZYDT
https://pin.it/6G1X5w3y3
GOOGLE: https://share.google/images/QfUUmrfJX6bYJ0FVR
https://share.google/images/MMsEY9Jsc0purq4Ai
https://share.google/images/2iE8GCDyNvaJ1H6mc
https://share.google/images/R9MsfHR74CvJB3b04

28/07/2025

|| 𝗔𝗡𝗨𝗡𝗦𝗜𝗬𝗢!

Muling magaganap ang ikalawang pagsisiyasat para sa mga kategoryang Mobile Journalism at TV Broadcasting sa Miyerkules, alas-5 ng hapon, Hulyo 30, 2025.

• 𝗧𝗩 𝗕𝗿𝗼𝗮𝗱𝗰𝗮𝘀𝘁𝗶𝗻𝗴 𝗮𝘁 𝗠𝗼𝗯𝗶𝗹𝗲 𝗝𝗼𝘂𝗿𝗻𝗮𝗹𝗶𝘀𝗺 - 𝘎𝘳𝘢𝘥𝘦 9 - 𝘚𝘦𝘤𝘵𝘪𝘰𝘯 3

Manatiling nakasubaybay sa aming page para sa mga iba pang impormasyon at magpadala lang ng mensahe kung may mga katanungan. Ang iyong pagdalo ay aming inaanyayahan. Maraming Salamat!

27/07/2025

𝙈𝙜𝙖 𝘽𝙖𝙜𝙤𝙣𝙜 𝙈𝙖𝙢𝙖𝙢𝙖𝙝𝙖𝙮𝙖𝙜 𝙣𝙖 𝙈𝙖𝙜𝙨𝙞𝙨𝙞𝙡𝙗𝙞𝙣𝙜 𝙇𝙞𝙬𝙖𝙣𝙖𝙜 𝙨𝙖 𝙇𝙖𝙧𝙖𝙣𝙜𝙖𝙣 𝙣𝙜 𝙋𝙖𝙢𝙖𝙢𝙖𝙝𝙖𝙮𝙖𝙜!

Mainit na pagbati sa mga mag-aaral na dumalo sa pagsusuri at pagsisiyasat na nagpakita ng galing at talento sa 𝘱𝘢𝘨𝘴𝘶𝘴𝘶𝘭𝘢𝘵, 𝘱𝘢𝘨𝘨𝘶𝘩𝘪𝘵, 𝘢𝘵 𝘱𝘢𝘨𝘣𝘢𝘣𝘢𝘭𝘪𝘵𝘢.

Kayo ang mga napiling 𝗯𝗮𝗴𝗼𝗻𝗴 𝘁𝗮𝗴𝗮𝗽𝗮𝗴𝘁𝗮𝗴𝘂𝘆𝗼𝗱 ng kaluwalhatian ng pampahayagan ng 𝗗𝗔𝗚𝗜𝗧𝗔𝗕— 𝘣𝘶𝘰𝘯𝘨 𝘩𝘶𝘴𝘢𝘺 𝘯𝘢 𝘮𝘢𝘬𝘪𝘬𝘪𝘯𝘪𝘨 𝘢𝘵 𝘣𝘶𝘰𝘯𝘨 𝘵𝘢𝘱𝘢𝘯𝘨 𝘯𝘢 𝘵𝘢𝘵𝘢𝘺𝘰 sa panibagong responsibilidad ng pahayagan.🗞️🪶

Simula na ng inyong paglalakbay para sa mas makabuluhan at makasaysayang paglilingkod sa paaralan at sa lipunan. Patuloy na 𝙢𝙖𝙣𝙞𝙣𝙙𝙞𝙜𝙖𝙣, 𝙢𝙖𝙠𝙞𝙞𝙨𝙖, 𝙖𝙩 𝙢𝙖𝙜𝙠𝙖𝙧𝙤𝙤𝙣 𝙣𝙜 𝙠𝙖𝙢𝙖𝙡𝙖𝙮𝙖𝙣 tungo sa katotohanan.✊🏻

At sa mga hindi pinalad, sana'y hindi mawala sainyong 𝘱𝘶𝘴𝘰'𝘵-𝘪𝘴𝘪𝘱𝘢𝘯 𝘢𝘯𝘨 𝘶𝘮𝘢𝘢𝘱𝘰𝘺 𝘯𝘢 𝘱𝘢𝘨-𝘢𝘴𝘢𝘯𝘨 𝘮𝘢𝘨𝘪𝘯𝘨 𝘪𝘴𝘢𝘯𝘨 𝘦𝘩𝘦𝘮𝘱𝘭𝘰 sa bawat isyung ikinahaharap ng sambayanan. Kayo ay patuloy pa ring magsisilbing tulay upang mamulat ang bagong henerasyon.

Muli, isang maligayang pagbati sa mga mamamahayag na magsisilbing 𝙇𝙞𝙬𝙖𝙣𝙖𝙜 𝙨𝙖 𝘿𝙞𝙡𝙞𝙢. Ang bagong tagapag-ulat bilang sandigan at boses ng kabataan. 🎙️

18/07/2025

𝘐𝘴𝘢, 𝘐𝘴𝘢, 𝘋𝘢𝘭𝘢𝘸𝘢, 𝘛𝘢𝘵𝘭𝘰, 𝘩𝘢𝘯𝘥𝘢 𝘬𝘢 𝘯𝘢 𝘣𝘢𝘯𝘨 𝘪𝘱𝘢𝘳𝘪𝘯𝘪𝘨 𝘢𝘯𝘨 𝘣𝘰𝘴𝘦𝘴 𝘮𝘰?

Ngayong araw, alas-3 ng hapon ay magaganap ang pagsisiyasat para sa 𝙍𝙖𝙙𝙞𝙤 𝘽𝙧𝙤𝙖𝙙𝙘𝙖𝙨𝙩𝙞𝙣𝙜, 𝙈𝙤𝙗𝙞𝙡𝙚 𝙅𝙤𝙪𝙧𝙣𝙖𝙡𝙞𝙨𝙢, 𝙖𝙩 𝙏𝙑 𝘽𝙧𝙤𝙖𝙙𝙘𝙖𝙨𝙩𝙞𝙣𝙜.

Ihanda ang boses at pangmalakasang "𝘱𝘢𝘨𝘴𝘶𝘴𝘶𝘳𝘪 𝘯𝘨 𝘮𝘪𝘬𝘳𝘰𝘱𝘰𝘯𝘰." Good luck!

17/07/2025

𝗕𝗔𝗟𝗜𝗧𝗔 || Pormal nang sinimulan ang unang araw ng aktwal na pagsisiyasat ng pamamahayag, sa pangunguna ng mga miyembro ng publikasyong 𝗗𝗮𝗴𝗶𝘁𝗮𝗯 at 𝗧𝗵𝗲 𝗚𝗹𝗲𝗮𝗺, 𝗛𝘂𝗹𝘆𝗼 𝟭𝟲, 𝟮𝟬𝟮𝟱 bandang alas 𝟰:𝟬𝟬 ng hapon, sa 𝘉𝘶𝘭𝘢𝘯 𝘕𝘢𝘵𝘪𝘰𝘯𝘢𝘭 𝘏𝘪𝘨𝘩 𝘚𝘤𝘩𝘰𝘰𝘭 𝘎𝘺𝘮𝘯𝘢𝘴𝘪𝘶𝘮.

Umabot sa 𝘪𝘴𝘢𝘯𝘨 𝘥𝘢𝘢𝘯𝘨 mag-aaral ang dumalo at nakilahok sa iba't ibang kategoryang indibidwal.

Ipagpapatuloy naman sa susunod na araw ang iba pang mga natitirang kategorya.

17/07/2025

|| 𝗔𝗡𝗨𝗡𝗦𝗜𝗬𝗢!

Para sa mga lalahok sa posisyon ng Pag-aanyo at Pagdidisenyo ay kinakailangang isumite ang kanilang mga output sa pamamagitan ng link ng Google Drive o i-scan gamit ang qr code na ibinigay sa ibaba. Ang mga alituntunin para sa proseso ng screening ay makukuha rin sa parehong link.

Mangyaring paalalahanan na ang deadline para sa pagsusumite ay bukas, alas 7:00 ng umaga, Hulyo 18, 2025.

Ipasa ang iyong mga output gamit itong link ng Google Drive sa ibaba:

https://drive.google.com/drive/folders/1yxok_mFgKk4f59EZv1qVFki21U43ZcRF
https://drive.google.com/drive/folders/1yxok_mFgKk4f59EZv1qVFki21U43ZcRF
https://drive.google.com/drive/folders/1yxok_mFgKk4f59EZv1qVFki21U43ZcRF

Manatiling nakatutok para sa karagdagang impormasyon at magpadala ng mensahe kung may katanungan sa aming page. Salamat!

17/07/2025

|| 𝗔𝗡𝗨𝗡𝗦𝗜𝗬𝗢!

Magaganap ang pagsisiyasat ng mga kategoryang Radio Broadcasting, Mobile Journalism, at TV Broadcasting bukas, alas-4 ng hapon, Hulyo 18, 2025. Narito sa baba ang mga sumusunod na categories at kani-kanilang venues:

• 𝗥𝗮𝗱𝗶𝗼 𝗕𝗿𝗼𝗮𝗱𝗰𝗮𝘀𝘁𝗶𝗻𝗴 𝗮𝘁 𝗠𝗼𝗯𝗶𝗹𝗲 𝗝𝗼𝘂𝗿𝗻𝗮𝗹𝗶𝘀𝗺 - 𝘉𝘶𝘭𝘢𝘯 𝘕𝘏𝘚 𝘎𝘺𝘯𝘢𝘴𝘪𝘶𝘮
• 𝗧𝗩 𝗕𝗿𝗼𝗮𝗱𝗰𝗮𝘀𝘁𝗶𝗻𝗴 𝗙𝗶𝗹𝗶𝗽𝗶𝗻𝗼 - 𝘎𝘳𝘢𝘥𝘦 9 - 𝘚𝘦𝘤𝘵𝘪𝘰𝘯 3

Manatiling nakasubaybay sa aming page para sa mga iba pang impormasyon at mga kinakailangan sa mga nabanggit na kategorya. Ang iyong pagdalo ay aming inaanyayahan.

17/07/2025

|| 𝗔𝗡𝗨𝗡𝗦𝗜𝗬𝗢!

Dahil sa suspensyon ng klase na idineklara ng punong-guro dahilan sa masamang panahon, hindi matutuloy ang pagsisiyasat ngayong hapon, Hulyo 17, 2025.

Maaaring tumutok lang sa aming page para sa iba pang mga susunod na detalye. Maraming salamat!

Address

Bulan National High School
Bulan

Website

facebook.com

Alerts

Be the first to know and let us send you an email when Dagitab posts news and promotions. Your email address will not be used for any other purpose, and you can unsubscribe at any time.

Contact The Business

Send a message to Dagitab:

Shortcuts

Want your business to be the top-listed Media Company in Bulan?

Dagitab

16/10/2025

25/09/2025

25/09/2025

21/09/2025

28/07/2025

27/07/2025

18/07/2025

17/07/2025

17/07/2025

17/07/2025

17/07/2025

Address

Website

Alerts

Contact The Business

Shortcuts

Share

Category