https://www.facebook.com/100124625864109/

RADIO TM FM 95.1 MHz

Home
Philippines
Buluan
RADIO TM FM 95.1 MHz

RADIO TM FM 95.1 MHz Radio TM FM is a member of ABS Station FM 95.1 Mhz with the power of Transmitter 5000 watts.
(6)

27/03/2025

Etnikong Blaan naging g**o sa tulong ng tribo, LGU at pribadong kumpanya

Isang g**o na mula sa mahirap na pamilyang Blaan sa Kimlawis sa Kiblawan, Davao del Sur ang hayagang nagpasalamat sa kanilang tribal leaders, sa kanilang local government unit at isang pribadong kumpanya sa kanilang kooperasyon sa pagpapalaganap ng isang malawakang scholarship program na nakatulong sa kanyang makamit ang kanyang pangarap na makapagtapos ng kolehiyo.

Sa kanyang pahayag nitong Huwebes, binigyang diin ni licensed professional teacher Gelemie Calacan Villaram, isang katutubong Blaan, na naging g**o siya dahil sa scholarship program ng Sagittarius Mines Incorporated, mas kilala bilang SMI.

Ayon kay Villaram, ang naturang scholarship program ay isa lang sa maraming mga corporate social responsibility projects ng SMI na suportado ng mga Blaan tribal leaders at ng kanilang local government unit sa Kiblawan.

Si Villaram ay isa ng g**o ngayon sa Kimlawis National High School na may malaking bilang ng mga estudyanteng mula sa mga mahihirap na pamilyang Blaan.

Isa si Kiblawan Mayor Joel Calma sa nagpasalamat kaugnay ng pagiging isang licensed professional teacher na ni Villaram na marami sa mga tinuturuang mga estudyante ay mga etnikong Blaan na sakop ng Kiblawan local government unit.

"Kami, sa pamilya namin, naging mga scholars ng SMI. Ang aking ate ay teacher din, nagtapos bilang scholar ng SMI. Ang aking kuya na teacher din, nagtapos bilang SMI scholar din. Ako, teacher, SMI scholar din. Ang sumunod sa akin, SMI scholar din. Itong isa naming kapatid, SMI scholar din at nasa Armed Forces of the Philippines na siya ngayon. Kaming lima na magkakapatid, nakapagtapos kami dahil sa SMI,” pahayag Villaram.

Nagtapos si Villaram ng Bachelor of Science in Agroforestry noong 2014 bilang isang SMI scholar. Ang naturang scholarship program ng SMI ay nakapagpatapos na sa kolehiyo, nitong nakalipas na walong taon, ng halos 800 na mga scholars mula sa mga bayan ng Kiblawan, sa Tampakan sa South Cotabato, sa Columbio sa Sultan Kudarat, sa Malungon sa Sarangani, at mula sa iba pang mga bayan at lungsod sa Central Mindanao.

Ito ay batay sa tala nila Mayor Calma ng Kiblawan, ni Vice Mayor Bai Naila Mangelen Mamalinta ng Columbio, Mayor Maria Theresa Constantino ng Malungon at ng mga Blaan tribal leaders sa Tampakan, kabilang sa kanila si tribal chieftain Domingo Collado, ang indigenous peoples representative ng mga Blaan sa municipal council ng Tampakan. (March 27, 2025)

27/03/2025

Drug den operator, 3 kasabwat na-arestado ng PDEA-BARMM agents

Isang drug den operator at tatlong iba pa ang naaresto ng mga operatiba ng Philippine Drug Enforcement Agency-Bangsamoro Autonomous Region in Muslim Mindanao sa isang entrapment operation sa Barangay Rosary Heights 9 sa Cotabato City nitong hapon ng Miyerkules, March 26, 2025.

Nakumpiskahan sa naturang entrapment operation ng magkasanib na mga agents ng PDEA-BARMM at mga operatiba ng Cotabato City City Police Office ng abot sa P102,000 na halaga ng shabu ang drug den operator na si Mohammad Sinsuat, 30-anyos, at kanyang mga kasabwat na sina Jose Antimano, 43-anyos, Musa Makuming, 49-anyos at ang 39-anyos na si Tahir Dalanda.

Ang apat na suspects ay nasa kustodiya na ng PDEA-BARMM, kakasuhan ng paglabag sa Comprehensive Dangerous Drugs Act of 2002.

Sa pahayag ni Gil Cesario Castro, director ng PDEA-BARMM, hindi na pumalag pa ang apat ng arestuhin ng kanilang mga agents at mga pulis matapos silang bentahan ng shabu sa kanilang drug den sa Purok Siyete sa Barangay Rosary Heights 9 sa Cotabato City.

Pinasalamatan ni Castro si Col. Jibin Bongcayao, director ng Cotabato City Police Office at ang mga opisyal ng 5th Marine Brigade sa kanilang suporta sa matagumpay na entrapment operation na nagresulta sa pagka-aresto sa drug den owner na si Sinsuat at mga kasabwat niyang sina Antimano, Makuming at Dalanda. (March 27, 2025)

26/03/2025

Election officer, mister, biktima ng ambush sa Maguindanao del Norte

Isa patay, isa sugatan ng tambangan ng mga armado ang election officer ng Datu Odin Sinsuat sa Maguindanao del Norte at mga kasama sa isang sasakyan sa Barangay Makir sa Datu Odin Sinsuat sa Maguindanao del Norte nitong umaga ng Miyerkules, March 26, 2025.

Abangan ang kumpletong ulat hinggil sa insidente ng Datu Odin Sinsuat Municipal Police Station at ng Police Regional Office-Bangsamoro Autonomous Region. (March 26, 2025)

25/03/2025

Aksidente sa Zamboanga City

Isang motorsiklo ang nasapol ng isang sasakyang pag-aari ng isang barangay government ang Zamboanga City nitong gabi ng Martes, March 25, 2025, sa isang kalye sa sentro mismo ng lungsod.

Masuwerteng hindi naman nasaktan ng malubha ang motoristang sangkot sa aksidente ayon ulat ng mga lokal na kinauukulan.
(March 26, 2025, handout photo)

25/03/2025

Pamamaril-patay sa Zamboanga del Norte

Patay sa pamamaril nitong gabi ng Martes, March 25, 2025, ang barangay chairman ng Macleodes sa bayan ng Polanco sa Zamboanga del Norte. Abangan ang dagdag pang detalye. (March 26, 2025)

25/03/2025

Cotabato governor may `Ramadan rice offer’ para sa mga Moro

Nagsimula na ang Ramadan rice offering ng provincial government ng Cotabato sa Region 12 para sa mga bayang sakop nito at para mga residente ng ilang mga lugar sa Bangsamoro region.

Ito ay kinumpirma nitong Miyerkules, March 26, 2025, ng mga local executives ng sampung mga bayan sa Maguindanao del Sur at Maguindanao del Norte sa Bangsamoro region, sa Columbio sa Sultan Kudarat, at ng mga Islamic religious leaders sa mga Moro barangays sa Cotabato province na sakop ng Bangsamoro Autonomous Region in Muslim Mindanao na pinagsama-sama na bilang Special Geographic Area-BARMM.

Iba pa ang Ramadan rice distribution, kaugnay ng programa, para sa mga komunidad na sakop mismo ng provincial government ng Cotabato, pinamumunuan ni Gov. Emmylou Taliño-Mendoza, na siya ring chairperson ng multi-sector Regional Development Council 12 na sakop ang apat na mga probinsya at apat na lungsod sa Region 12.

Kabilang sa mga nabiyayaan ng inisyatiba ni Gov. Mendoza ang mga bayan ng Datu Piang, Datu Paglas, Datu Montawal, Pagalungan, General Salipada K. Pendatun sa Maguindanao del Sur, ang Northern Kabuntalan, Sultan Mastura, Sultan Kudarat at Datu Blah Sinsuat sa Maguindanao del Norte at ang bayan ng Columbio sa Sultan Kudarat.

Isa si Mayor Marshall Sinsuat ng Datu Blah Sinsuat sa ,ga nagpasalamat kay Gov. Mendoza sa Ramadan rice offering ng kanyang tanggapan. Ipinaabot ni Mayor Sinsuat sa mga reporters, sa pamamagitan ng text message, ang kanyang pasalamat sa gobernadora na ayon sa kanya ay isang mensaheng kinakatawan ang lahat ng Moro constituents ng Datu Blah Sinsuat local government unit.

Ang Ramadan ay isang banal na buwan sa Islam kung saan ang mga physically-fit na mga Muslims ay nag-aayuno, o nagpupuwasa sa araw, bilang religious obligation at sakripisyo para sa mga nagawang mali. Ang pagpupuwasa sa buwan ng Ramadhan ay isa sa mga tinatawag na `five pillars of Islam’ na kinabibilangan ng lubos na paniwala kay Allah, pagdarasal ng limang beses araw-araw, pamimigay ng zakat, o ayuda sa mahihirap, at, para sa mga may kakayahang gumastos para sa pamasahe, ang pag-Hajj, o pilgrimage sa Makkah sa Saudi Arabia, kahit minsan lang sa buong buhay. (March 26, 2025)

25/03/2025

Driver ng barangay chairman sa Zamboanga City, kulong sa pagnanakaw

Sa kulungan ang bagsak ng isang driver ng barangay kapitan ng Baliwasan sa Zamboanga City ng mabistong madalas na nagnanakaw pala ng krudo mula sa kanilang barangay service vehicle, mga gulong nito at ilang mga gamit sa kanilang opisina.

Naaresto ang suspect ng mga barangay tanod at mga pulis nitong Lunes, March 24, 2025, matapos mabisto ang kanyang mga nagawang labag sa batas.

Ninakaw pa ng suspect ang isang baril ng barangay government, ayon sa ulat mismo ng barangay officials at ng lokal na pulisya.

Ayon sa mga residente ng Baliwasan na kilala ang suspect, duda silang lulong sa shabu ang suspect na barangay government driver.

Nasa kustodiya na siya ng Zamboanga City Police Office. (March 25, 2025)

25/03/2025

Nakapatay ng residente ng Zamboanga City, naaresto na

Nasa kustodiya na ng Zamboanga City Police Office ang isang suspect sa pamamaril-patay, si Rodgin Bungkal Aldaya, na naaresto matapos niyang mabaril si Prince Romnic Bucoy Alejandro sa Barangay Cabaluay sa Zamboanga City hatinggabi nitong Lunes, March 24, 2025.

Ayon sa mga barangay officials sa Cabaluay, posibleng lulong sa shabu si Alejandro.

Nagkakatuwaan, nagkakantahan gamit ang videoke sina Alejandro at ilang mga kasama ng lapitan siya ni Aldaya at paputukan ng pistol.

Pumanaw sa pagamutan si Alejandro sanhi ng mga tama ng balang tinamo sa pamamaril ni Aldaya.

Natunton at naaresto si Aldaya ng mga pulis matapos na nagtangkang tumakas. Nakatulong sa naturang matagumpay na pursuit operation ng mga barangay officials ng Cabaluay. (March 25, 2025)

24/03/2025

Mga Iranun lumakas ang boses sa BARMM parliament

Nagalak ang maraming mga etnikong Iranun sa pagkakatalaga ng dalawa newcomers sa 80-seat Bangsamoro parliament na ang mga ninuno ay mula sa kanilang makasaysayang tribo.

Bagama’t may dugong Iranun, tiniyak ng mga bagong regional parliament members na sina Maroup Candao at Naguib Sinarimbo na sila ay maninindigan para sa ikakabuti ng mga Kristiyano, Maguindanaon, Maranao, Yakan, Tausug, Sama, mga etnikong Teduray pati na sa mga Badjao sa kanilang panunungkulan sa 80-seat regional lawmaking body.

Nanumpa na sa kanilang katungkulan nitong Lunes, March 24, 2025, ang may Iranun lineage na sina Candao at Sinarimbo, kasama ang marami pang ibang mga Bangsamoro parliament members sa isang seremonyang ginanap sa Malacañang matapos na magkakasunod na na-appoint sa pagka-regional lawmakers ni President Ferdinand Marcos, Jr. bago lamang.

Ang grupong Iranun ay isa sa malaking komunidad sa Maguindanao del Norte at Cotabato City, ang kabisera ng Bangsamoro Autonomous Region in Muslim Mindanao.

Hindi isang estranghero ang abugadong si Sinarimbo sa Bangsamoro government. Siya ay naging minister of interior and local government ng BARMM at tagapamahala ng regional emergency reaction outfit ng rehiyon, ngunit nag-resign sa naturang mga puwesto nitong nakalipas lang na taon.

Siya ay isa sa mga pinili mismo ng Malacañang na maitalagang parliament member upang maka-serbisyong muli sa mga Muslim, Christian at non-Moro indigenous communities sa autonomous region.

Maraming mga Iranun netizens ang nagpahayag sa Facebook ng kanilang kagalakan kaugnay ng pagkaka-appoint kina Candao at Sinarimbo bilang mga kasapi ng BARMM parliament.

Ang isang legendary Moro hero na nasa mga history books ng Pilipinas, ang 16-century leader na lumaban sa mga Spaniards na si Sultan Kudarat, ay mula sa tribung Iranun. (March 25, 2025)

24/03/2025

LGU employee ng Isabela City sa Basilan, patay sa ambush

Napatay sa ambush ang isang mataas ang katungkulan na kawani ng City General Services Office ng Isabela City sa Basilan nitong umaga ng Lunes, March 24, 2025.

Ang biktima, si Tingan Mancenido, ay foreman ng solid waste management team ng Isabela City local government unit, ayon sa kanyang mga kamag-anak at ng kasama sa trabaho.

Sakay ng kanyang motorsiklo so Mancenido, patungo na sana sa kanilang tanggapan ng tambangan ng mga armadong kalalakihan sa Barangay Tabiawan sa Isabela City, mga tatlong kilometro ang layo sa Isabela City LGU center.

Inaantabayanan pa ang ulat ng Isabela City Police Office hinggil sa insidente. (March 24, 2025, handout photo, radio reporter Karl Ignacio)

24/03/2025

Mga taga Cotabato province nagsuko ng 41 baril sa Army

Isinuko nitong Biyernes, March 21, 2025, ng mga residente ng tatlong bagong tatag na Bangsamoro municipalities sa probinsya ng Cotabato ang 41 na mga combat weapons sa Philippine Army unit bilang suporta sa Mindanao peace process ng pamahalaan.

Iniulat nitong Lunes, March 24, 2025, ni Major Gen. Donald Gumiran, commander ng 6th Infantry Division, na pumayag ang mga residente ng mga bayan ng Pahamuddin, Nabalawag at Kadayangan na ipa-kustodiya na sa 34th Infantry Battalion ang kanilang mga baril sa pakiusap ng mga opisyal ng naturang unit at ng commander ng 602nd Infantry Brigade, si Brig. Gen. Ricky Bunayog.

Pumayag silang isuko ang kanilang mga combat weapons, kinabibilangan ng mga M1 Garand, M14 at Carbine rifles, mga machine pistols, bolt-action sniper rifles, B40 rocket at 40 millimeter gr***de launchers, .45 caliber pistols at mga .38 caliber revolvers, bilang suporta sa Small Arms and Light Weapons Management Program na magkatuwang na ipinapatupad sa Central Mindanao ng 6th ID at ni Presidential Adviser on Peace, Reconciliation and Unity Carlito Galvez, Jr.

Ayon kay Gumiran, malaki ang naitulong ng mga officials ng Police Regional Office-Bangsamoro Autonomous Region sa paghikayat sa mga may-ari ng 41 na mga baril na suportahan ang SALW Management Program ng 6th ID at ni Galvez kaya naisakatuparan ang fi****ms surrender ceremony nitong Biyernes sa headquarters ng 34th IB sa Barangay Salunayan sa Midsayap, Cotabato.

Mahigit 600 na ang nakolekta ng mga units ng 6th ID sa Central Mindanao na kusang loob na isinuko ng mga may-ari mula ng ilunsad sa rehiyon ang SALW Management Program nitong July 2024. (March 24, 2025)

24/03/2025

SA ZAMBOANGA CITY: Nagkakantahan, nag-iinuman pinagbabaril, isa patay

Isang residente ng Zamboanga City na nakikipag-inuman, nakikipag-kantahan sa mga kapitbahay, si Romnick Bucoy Alejandro, ang malubhang nasugatan ng sila ay pagbabarilin ng salarin gamit ang isang pistol.

Naganap ang insidente madaling araw nitong Lunes March 24, 2025, sa Purok 1 sa Barangay Cabaluay sa Zamboanga City.

Nagkakantahan sina Alejandro at mga kainuman ng sila ay lapitan at paputukan ng salarin ng pistol ng ilang beses.

Malubha ang kalagayan ni Alejandro na agad namang naisugod sa isang hospital ng mga barangay officials na nag-responde sa insidente. (March 24, 2025, handout photo)

24/03/2025

Nagbiro na may bomba sa eroplano, dalawang pasahero kulong

Inaresto ng mga awtoridad ang dalawang pasahero matapos na mag-bomb joke habang sakay ng eroplano ng Cebu Pacific habang malapit nang mag-landing sa Bohol-Panglao International Airport sa Bohol nitong Sabado ng umaga.

Sa report ng PNP-Aviation Security Group (Avsegroup) at Civil Aviation Authority of the Philippines-Security and Intelligence Service (CAAP-CSIS), narinig ng flight attendant ang dalawang pasahero habang nagtatawanan pa sa kanilang bomb joke dakong alas-11 ng umaga.

Sinabi umano ng dalawang pasaway na pasahero na may sasabog na bomba sa loob ng nasabing eroplano habang sila ay papa-landing.

Nang maka-landing, hindi agad pinababa ang mga pasahero at bilang bahagi ng protocol ay nag-request ng clearance ang piloto ng eroplano para masuri ang aircraft cabin at mga bagahe ng pasahero na masusing isinailalim sa mahigpit na pag-iinspeksiyon.

Agad namang inaresto ang dalawang pasahero habang nagsagawa rin ng assessment ang CSIS operatives sa sitwasyon ng Cebu Pacific flight 5J617 kung saan naantala ang operasyon ng nasabing aircraft bunga ng insidente.

Nahaharap ngayon ang dalawang pasahero sa paglabag sa Presidential Decree No. 1727 o ang Anti-Bomb Joke Law na may katapat na parusang hindi hihigit sa limang taong pagkakabilanggo at multang P40,000. (Source: Pilipino Star Ngayon, March 24, 2025)

24/03/2025

Libo-libong mga Muslim at Kristiyanong empleyado ng ibat-ibang ministries at support agencies ng Bangsamoro Autonomous Region in Muslim Mindanao ang makaka-tanggap ng Ramadan bonus simula ngayong Lunes, March 24.

Ito ay kinumpirma nitong Linggo, March 23, 2025, ng mga mataas na opisyal ng BARMM government, batay sa isang executive order na nilagdaan nitong nakalipas lang na Huwebes ng bagong talagang chief minister ng rehiyon na si Abdulrauf Abdul Macacua.

Sa mga hiwalay ng ulat ng mga tagapamahala ng ibat-ibang ministries ng BARMM, saklaw ng Ramadan bonus grants ang mga career service employees, mga contractual at job order workers ng regional government.

Ang Ramadan ay isang banal na buwan sa Islam kung saan nag-aayuno ang mga Muslim sa araw bilang religious obligation at bilang sakrispisyo para sa mga maling nagawa. Inaasahang matatapos ang Ramadan, tumatagal ng isang lunar cycle, or 28 hanggang 30 na mga araw, sa susunod na linggo.

Ang pagtatapos ng banal na buwan ng Ramadan ay kinatatampukan ng “Eid’l Fit’r” celebration, isang mahalagang religious holiday sa Islam na hudyat din ng pagsisimula ng buwan ng Shawwal batay sa Islamic lunar-based Hijrah calendar. (March 23, 2025)

23/03/2025

Services to Moro sectors of non-BARMM provincial government cited

COTABATO CITY, Philippines (March 22, 2025, Philippine Star) — Ranking Bangsamoro officials on Saturday, March 22, separately promised support for the programs of the chairperson of the Regional Development Council-12 for Muslim communities in Cotabato province and in 63 Moro barangays in its territory but are under the autonomous region.

The figurehead of the RDC-12, Cotabato Gov. Emmylou Taliño Mendoza, had reassured to sustain the provincial government’s peace and development programs for Muslim, Christian and indigenous communities in Cotabato province in her state of the province address last Tuesday, March 18, in Kidapawan City.

The Bangsamoro Autonomous Region in Muslim Mindanao has 63 barangays in different areas in Cotabato province that were grouped into eight municipalities last year via separate enabling measures by the 80-seat regional parliament. Cotabato is one of the four provinces in Administrative Region 12, which is covered by the multi-sector RDC 12 led by Mendoza.

Three BARMM officials, Labor and Employment Minister Muslimin Sema, Health Minister Kadil Sinolinding, Jr. and Transportation and Communications Minister Paisalin Tago separately told reporters on Saturday, March 22, that they are grateful to Mendoza and her constituent-mayors, in whose towns the 63 Bangsamoro barangays originally belonged, for continuously extending basic services to residents despite being no longer under their jurisdiction.

“In context, the state of the province address of the lady governor indicated that the doors to her office shall remain open to residents of the 63 Bangsamoro barangays needing basic services,” Sema said.

Sema, who is chairman of the Moro National Liberation Front, said the MNLF has enclaves in the 63 Bangsamoro barangays in different towns in Cotabato that are recognized by the police and military as peace zones based on their September 2, 1996 peace agreement with Malacañang.

The Ministry of Labor and Employment-BARMM, which Sema has been managing as a minister for more than three years now, has projects in the 63 Bangsamoro barangays, grouped together as the Bangsamoro Special Geographic Area, or SGA. Residents of the 63 barangays voted in favor of the inclusion of their domains into the core territory of BARMM during a plebiscite in early 2019.

The physician-ophthalmologist Sinolinding, who is at the helm of BARMM’s health ministry, said the office of Mendoza had not stopped providing SGA residents with health interventions even if no longer under the Cotabato provincial government and the offices of mayors in different towns where the 63 Bangsamoro barangays originally belonged.

Traditional Moro leaders and mayors of the eight newly-established BARMM towns covering the 63 Bangsamoro barangays had told reporters that government and private hospitals in Cotabato province have not excluded patients from the SGA areas from medical services being paid for by the Cotabato provincial government, supposedly programmed only for direct constituents.

Sinolinding and Tago, who is trying to work out the setting up of telecommunications systems in the SGA, separately said they also appreciate the support of the Mendoza administration to the efforts of the Bangsamoro government to capacitate all of the eight newly-created municipal governments covering the 63 Bangsamoro barangays in Cotabato province.

“What is good here is that we have a provincial government in Cotabato province in Region 12 whose officials are known for their active patronage of the government’s separate peace processes with the Moro National Liberation Front and the Moro Islamic Liberation Front,” Sinolinding said. (SOURCE, THE PHILIPPINE STAR, MARCH 22, 2025)

23/03/2025

Sapol ng nabuwal na puno ng niyog

Isang munting dampa sa Barangay Liab sa Mamasapano, Maguindanao del Sur, gawa lang sa non-permanent materials, ang nasira ng masapol ng puno ng niyog na nabuwal ng malakas na hangin madaling araw nitong Linggo, March 23, 2025.

Wala namang naiulat na nasawi o nasaktan ng malubha sa insidente. (March 23, 2025, handout photo)

23/03/2025

Lasing nakapatay ng isa, nakasugat ng isa pa gamit kutsilyo

Patay ang isang lalaki, si Joshua Delno Lascuña, habang sugatan naman ang kanyang kasamang si Junjie Hermosiña Palad sanhi ng pananaksak ni Jerri Labor Loredo sa Purok 12 sa Barangay Cugman sa Cagayan de Oro City nitong gabi ng Sabado, March 22, 2025.

Unang sinaway Loredo ang mga biktima dahil sa ingay ng kanilang grupo habang nag-iinuman na ayon sa mga barangay officials ay naka-istorbo sa mga nakatira sa kapaligiran. Pumalag ang mga biktima kaya nagkagulo na nauwi sa saksakan na ikinamatay ni Lascuña at ikinasugat naman ni Palad.

Agad namang naaresto si Loredo ng mga barangay officials at mga pulis na nagresponde sa insidente. Nasa kustodiya na si Loredo ng Cagayan de Oro City Police Office.

Nakumpiska mula sa kanya ang kutsilyong gamit niya sa pananasak, ganun din ang dala ng mga nag-iinumang sina Lascuña, Palad at kanilang mga kasama. (March 23, 2025)

23/03/2025

Sweethearts patay sa aksidente

Patay ang magkasintahang sina Jay Em Calibay at Venus Cuico Sy, parehong mga taga Kidapawan City sa Cotabato province sa Region 12 ng mabangga ng isang bus ang kanilang sinasakyang motorsiklo sa Malalag, Davao del Sur sa Region 11 nitong umaga Linggo, March 23, 2025.

Inaantabayanan pa ang kumpletong ulat ng pulisya hinggil sa aksidenteng nagsanhi ng kanilang agarang pagkamatay. (March 23, 2025, handout image)

Address

Buluan
9616

Telephone

+639068563588

Website

facebook.com

Alerts

Be the first to know and let us send you an email when RADIO TM FM 95.1 MHz posts news and promotions. Your email address will not be used for any other purpose, and you can unsubscribe at any time.

Contact The Business

Send a message to RADIO TM FM 95.1 MHz:

Videos

Election officer, mister, biktima ng ambush sa Maguindanao del Norte Isa patay, isa sugatan ng tambangan ng mga armado ang election officer ng Datu Odin Sinsuat sa Maguindanao del Norte at mga kasama sa isang sasakyan sa Barangay Makir sa Datu Odin Sinsuat sa Maguindanao del Norte nitong umaga ng Miyerkules, March 26, 2025. Abangan ang kumpletong ulat hinggil sa insidente ng Datu Odin Sinsuat Municipal Police Station at ng Police Regional Office-Bangsamoro Autonomous Region. (March 26, 2025)

PANOORIN, PAKINGGAN NG MABUTI: Moro National Liberation Front (MNLF) walang tigil sa pagpapalaganap ng peace programs para sa kaunlaran, kapayapaan sa Mindanao. Ito ay tiniyak ni Bangsamoro Labor Minister Muslimin Gampong Sema, chairman ng MNLF, kamakalawa sa phone patch interview ng mga reporters na tinututukan ang Mindanao peace process at ang peace and development initiatives ng Bangsamoro regional government para sa mga Muslim, Christian at non-Moro indigenous communities. Nagpahayag ng lubusang recognition si Bangsamoro Labor Minister Sema ng bagong chief minister ng Bangssamoro region na si Abdulraof Macacua, na-appoint sa naturang puwesto ni President Ferdinand Marcos, Jr., dalawang linggo pa lang ang nakakalipas. Nagtutulungan ang MNLF at ang Moro Islamic Liberation Front sa pamamalakad ng ilang mga ahensya ng Bangsamoro government. (March 21, 2025, handout video)

BAKBAKAN NG MAGKAAWAY NA MGA MIYEMBRO NG MORO ISLAMIC LIBERATION FRONT: Labis na nadistorbo ng barilan nitong Linggo, March 2, 2025, ng dalawang mga grupo sa Moro Islamic Liberation Front ang unang araw ng pagpupuwasa ng mga residente ng Tugunan municipality sa Cotabato province kaugnay ng Ramadhan, isang banal na buwan sa Islam Napilitang lumikas sa mga ligtas na lugar ang mga inosenteng mga residente ng Barangay Macabual sa Tugunan, isang bagong tatag na Bangsamoro municipality, sanhi ng mga serye ng engkwentro ng mga grupo nila Atang Abdulkarim at ni Tutah Abdullah na parehong mga commanders ng MILF. (March 3, 2025)

National Cancer Awareness Month with the Theme:"United by Unique' Presented by Rural Health Unit of Upi. Live at Upi Maguindanao Del Norte

Nang-holdap ng pawnshop sa Davao City, arestado Isa sa tatlong mga nangholdap ng isang pawnshop sa Ilustre Street sa Davao City nitong Miyerkules ang na-aresto ng mga pulis na nag-responde sa insidente. Nasa kustodiya na ng Davao City Police Office ang suspect na isa sa tatlong pumasok sa Hannah’s Pawnshop at kinulimbat ang mga alahas sa loob nito. (February 26, 2025)

Vice mayor ng Datu Piang, Maguindanao del Sur binaril, sugatan Nagtamo ng tama ng bala sa dibdib si Vice Mayor Omar Samama ng barilin habang nagsasalita sa harap ng mga residente ng Barangay Magaslong sa Datu Piang sa Maguindanal del Sur nitong tanghali ng Lunes, February 23, 2025. Nasa isang hospital na ang vice mayor ng Datu Piang, ginagamot na ang tama ng bala na kanyang tinamo sa naturang insidente. (February 23, 2025m handout video)

70-anyos na Ina napatay ng anak Napatay ng lalaking anak ang kanyang 70-anyos na dahil sa hindi pagkakaintindihan sa Lapedian sa Pagadian City, Zamboanga del Sur nitong Huwebes, February 20, 2025. Kinilala ng pulisya at city officials ang napatay na nanay na si Carlosa Bejos. Ang salarin, si Richard Bejos, ay agad naman na-aresto ng mga barangay officials at mga pulis na nag-responde sa insidente. (Feb.21,2025, handout video)

Truck na may kargang panggatong na kahoy, tumagilid sa highway Isang truck na puno ng kahoy na panggatong ang naaksidente, nabuwal ng patagilid sa highway sa Barangay Omonay sa Damulog, Bukidnon. Ang panggatong na kahoy ay ihahatid sana ng truck sa isang bayan sa Cotabato Province, ayon sa inisyal na ulat ng pulisya. Wala namang nasaktan ng malubha o nasawi sa insidente. (February 21, 2025, handout video)

Unity Walk , Candidates Forum and Peace Covenant Signing 2025

Unity Walk , Candidates Forum and Peace Covenant Signing 2025 Live at Upi Maguindanao Del Norte

PANOORIN!! Ang Mensahe Mula Kay Mayor Datu Marshall Sinsuat sa Isinagawang Soft-Launch of LeAps Digital Bangsamoro Center sa Datu Blah Sinsuat Maguindanao del Norte Ngayon Araw Ng Lunes February 17.2025

PANOORIN!! Ang Mensahe Mula Kay Vice Mayor Bai Raida Tomawis-Sinsuat sa Isinagawang Soft-Launch of LeAps Digital Bangsamoro Center sa Datu Blah Sinsuat Maguindanao del Norte Ngayon Araw Ng Lunes February 17.2025

PANOORIN!! Ang Naging Panayam Kay Joharto "Jho"Binangon ng Barangay RH11 Kaugnay Ng Isinagawang Ngayon Araw Ng Sabado Cover Court Ng Barangay Rosary heights 11 Ang Blood donation ay Pinangunahan Ng Kanilang Butihin kapitan Kap Jho Binangon At sa Naging partnership Ng Activities MOH . CRMC Na May Temang Give Blood ,Give Life,aA singles Drop Can Make A Difference.

RADIO TM FM 95.1 MHz

27/03/2025

27/03/2025

26/03/2025

25/03/2025

25/03/2025

25/03/2025

25/03/2025

25/03/2025

24/03/2025

24/03/2025

24/03/2025

24/03/2025

24/03/2025

24/03/2025

23/03/2025

23/03/2025

23/03/2025

23/03/2025

Address

Telephone

Website

Alerts

Contact The Business

Videos

National Cancer Awareness Month with the Theme:"United by Unique' Presented by Rural Health Unit of Upi. Live at Upi Maguindanao Del Norte

Unity Walk , Candidates Forum and Peace Covenant Signing 2025

Shortcuts

Share

Category