What are the opening hours?

Monday 8am - 4:30pm Tuesday 8am - 4:30pm Wednesday 8am - 4:30pm Thursday 8am - 4:30pm Friday 8am - 4:30pm

Ang Tuklas, San Teodoro, Bunawan (2026)

22/08/2026

🏆𝗣𝗔𝗚𝗣𝗨𝗣𝗨𝗚𝗔𝗬, 𝗠𝗚𝗔 𝗞𝗔𝗠𝗣𝗘𝗢𝗡 𝗦𝗔 𝗣𝗔𝗚𝗦𝗨𝗦𝗨𝗟𝗔𝗧!🏆

Isang malaking pagbati sa ating mga kahanga-hangang mag-aaral na buong husay na nagpakitang-gilas sa MUNICIPAL SCHOOL PRESS CONFERENCE – MSPC 2026, Kategoryang Sekondarya sa Filipino! 📰🎤📸

Ang inyong mga tagumpay sa iba’t ibang larangan ng campus journalism ay patunay ng sipag, talento, pagkamalikhain, tapang, at dedikasyon sa paghahatid ng makabuluhang impormasyon at pagbibigay-boses sa inyong kapwa kabataan.

🥇 Unang Gantimpala
🥈 Ikalawang Gantimpala
🥉 Ikatlong Gantimpala

Sa bawat balitang isinulat, larawang nakunan, editorial na binuo, isports na iniulat, cartoon na iginuhit, at bawat salitang binigkas—ipinakita ninyo na ang kabataan ay may kakayahang maging makabuluhang tagapaghatid ng katotohanan at inspirasyon.

👏 Mabuhay ang ating mga campus journalists!
Patuloy ninyong hasain ang inyong panulat, gamitin ang inyong tinig para sa katotohanan, at gawing instrumento ang pamamahayag upang makapagbigay-liwanag at pagbabago.

Ang inyong tagumpay ay tagumpay ng buong paaralan! 💙🏆

🌟 “Ang inyong sipag, pagkamalikhain, at husay ay aming ipinagmamalaki!”

13/08/2026

𝗣𝗮𝗮 𝘀𝗮 𝗟𝘂𝗽𝗮, 𝗠𝗮𝘁𝗮 𝘀𝗮 𝗣𝗮𝗻𝗴𝗮𝗿𝗮𝗽

GIsing ang determinasyon sa mga pusong nag-aalab na maabot ang kampeonato. Sa ilalim ng matinding sikat ng araw sa oval ng West Bunawan Central Elementary School, hindi alintana ng mga batang atletang pinagbuklod ng mga pusong may iisang mithiin- ang makamit ang tagumpay sa Municipal Athletic Meet.

Bawat kaluskos ng mga paang nanginginig sa pagtakbo, bitbit ni Ronen Panonsi ang tatag ng kalamnan sa kaniyang pagtakbo sa 200 meter dash. Sa likod ng matinding pressure na kanyang nararamdaman, mas lamang ang kanyang determinasyon na manalo. Metro ang layo ng finish line ngunit abot ang talas ng mata ni Ronen at liksi ng hakbang upang maabot ang panalo.

“Today is your time to shine. Show your hardwork and play with pride high. Win or lose, giving your absolute best is what makes you a true champion. Talent wins games, but teamwork and intelligence win championships.” wika ni Ginang Gina A. Seroy, Public School District Supervisor ng Bunawan.

Bawat butil ng pawis ay hindi sayang sa larangan ng pampalakasan. Ang bawat kaba sa puso ay nawaglit dahil sa totoong laban, ang talino at estratehiya ang tunay na panlaban.

Umayon ang magandang panig kay Ronen noong ika-walo ng Agosto. Isang baguhan ang atleta sa larangan ng pampalakasan at sa tulong ng kanyang walang tigil na pag-eensayo ay nakamit niya ang kanyang mithiin.

Sa likod ng mga araw na iginugol niya sa pagsasanay, isang karangalan para sa kanya ang manalo at makapasok sa Division Meet. Sa kabila ng katawang nananakit sa pag-ensayo, magaan sa kanyang kalooban dahil mayroon siyang kaagapay- ang kanyang mga kasamahan sa koponan at tagasuporta.

Ayon pa sa atleta, ang kaniyang teknik sa laro ay manalig sa Diyos at magtiwala sa sariling kakayahan. Huwag magpadala sa pressure at laging tanaw ang positibong bahagi ng laro.

Mga pusong nag-aalab ang bumuklod sa mga atletang naglalayong manalo. Sa likod ng mga ngiti sa pagtanggap ng medalya ay nakakubli ang mga hindi tanaw na pakikibaka na ibinuhos nila sa kanilang ensayo sa field. Saksi ang bawat paang nanginginig sa pagtakbo tungo sa panalo.

𝗖𝗵𝗮𝘆𝗯𝗲𝗹 𝗣𝗮𝘀𝘁𝗼𝗿
— Feature Writer

13/08/2026

𝗠𝗴𝗮 𝗔𝘁𝗹𝗲𝘁𝗮, 𝗡𝗮𝗴𝘁𝗮𝗴𝗶𝘀𝗮𝗻 𝗻𝗴 𝗛𝘂𝘀𝗮𝘆 𝘀𝗮 𝗕𝘂𝗻𝗮𝘄𝗮𝗻 𝗠𝘂𝗻𝗶𝗰𝗶𝗽𝗮𝗹 𝗠𝗲𝗲𝘁

Nagtipon ang mga batang atleta mula sa iba't ibang paaralan ng Bunawan para sa Municipal Meet na iginanap noong Agosto 8 sa West Bunawan Elementary School. Tampok ang iba’t ibang larangan ng palakasan na naglalayong tuklasin at paunlarin ang kakayahan ng mga kabataang manlalaro. Nilahokan ito ng mga atleta mula sa Libertad NHS, Bunawan NHS, West BNHS at iba pa na nagharap sa sari-saring laro kabilang na ang volleyball, basketball, billiards, badminton, at athletics, bukod pa sa iba pang paligsahang itinakda ng mga nag organisa ng aktibidad.

Pinangunahan ang seremonya ng pagbubukas sa pamamagitan ng pambansang awit at panalangin na inihatid ng WBNHS Escuela de Cantantes, bago ang mga pambungad na mensahe at presentasyon ng mga delegasyon. Nagbigay rin ng mensahe si Brgy. Captain Antonio Barrios, habang pinangunahan ni Dra.Rowena O. Angwas, punong-g**o ng Bunawan National High School, ang presentasyon ng mga delegasyon.

Binigyang-diin naman ni Hon. Sylvia B. Elorde, Municipal Mayor, ang kahalagahan ng palakasan sa paghubog ng disiplina, pagkakaisa at talento ng kabataan. Kasunod nito, ipinakilala ni Ludiven J. Genotiva, Municipal Sports Officer, ang mga tournament manager na mangangasiwa sa iba’t ibang kompetisyon.

Isa sa tampok na bahagi ng seremonya ang pag-iilaw ng sulo at panunumpa ng mga atleta na pinangunahan ni Rizza Mae Dalayap, Palarong Pambansa Qualifier na sinundan ng panunumpa ng mga opisyal na pinangunahan ni Virgielyn M. Apatan ng P-III/TM Swimming.

Sa pamamagitan ng matinding pagsasanay at determinasyon, hinarap ng mga kalahok ang bawat laban hindi lamang upang makamit ang tagumpay kundi upang maipakita ang kanilang disiplina at sportsmanship.

Sa huli, itinanghal bilang kabuuang kampeon ang Bunawan National High School na kung saan muling nabigyan ng pagkakataon ang mga kabataan na ipamalas ang kanilang talento sa palakasan at patunayan ang bunga ng kanilang pagsasanay. Higit sa mga medalya at parangal, nagsilbi ang Municipal Meet bilang lunsaran ng talento at paghahanda ng mga kabataang atleta ng Bunawan para sa mas mataas na antas ng kompetisyon.

𝗔𝗽𝗿𝗶𝗹 𝗠𝗮𝘆 𝗕𝗮𝗿𝗿𝗶𝗼𝘀
— CDP News Writer

13/08/2026

𝗛𝗨𝗦𝗔𝗬 at tapang ang namayani sa 𝗠𝘂𝗻𝗶𝗰𝗶𝗽𝗮𝗹 𝗔𝘁𝗵𝗹𝗲𝘁𝗶𝗰 𝗠𝗲𝗲𝘁 𝟮𝟬𝟮𝟲 na ginanap noong 𝗶𝗸𝗮-𝟴 𝗻𝗴 𝗔𝗴𝗼𝘀𝘁𝗼 sa 𝗪𝗲𝘀𝘁 𝗕𝘂𝗻𝗮𝘄𝗮𝗻 𝗖𝗲𝗻𝘁𝗿𝗮𝗹 𝗘𝗹𝗲𝗺𝗲𝗻𝘁𝗮𝗿𝘆 𝗦𝗰𝗵𝗼𝗼𝗹. Nagsama-sama ang mga batang atleta mula sa iba’t ibang paaralan ng Bunawan District upang ipakita ang kanilang galing at makipagtagisan sa iba’t ibang palakasan.

Hindi naging madali ang bawat laban para sa mga atleta. Hinarap nila ang pressure at kaba habang dala ang pangalan ng kanilang paaralan. Sa kabila nito, ipinakita nila ang tapang na patuloy na lumaban hanggang sa huli.

Ayon sa 𝗣𝗮𝗹𝗮𝗿𝗼𝗻𝗴 𝗣𝗮𝗺𝗯𝗮𝗻𝘀𝗮 𝗤𝘂𝗮𝗹𝗶𝗳𝗶𝗲𝗿 na si 𝗥𝗶𝘇𝘇𝗮 𝗠𝗮𝗲 𝗕. 𝗗𝗮𝗹𝗮𝘆𝗮𝗽, “Nakulbaan ko ug na-pressure kay na-Palaro pud ko ug naa’y expectations ang mga tao sa ako. Happy ko karon kay tungod kauban nako akong mga friends ug ang akong No. 1 supporter.”

Sa pagtatapos ng paligsahan, hindi lamang resulta ang naging mahalaga kundi ang mga taong naging bahagi ng kanilang laban. Para sa mga atleta, mas naging espesyal ang karanasan dahil kasama nila ang kanilang mga kaibigan at mga taong patuloy na sumusuporta sa kanilang pangarap.

𝗔𝗻𝗴 𝗧𝘂𝗸𝗹𝗮𝘀

𝗭𝗮𝗿𝗮𝗵 𝗔𝘀𝗶𝘀
— Newspresenter 1
𝗣𝗿𝗶𝗻𝗰𝗲𝘀𝘀 𝗝𝗮𝘃𝗮𝗻𝗮𝗵 𝗜𝗺𝗮𝗺
— Newspresenter 2
𝗥𝗮𝗻𝗱𝘆 𝗠𝗮𝗻𝗴𝗮𝘀𝗶𝘁𝗮 𝗝𝗿.
— Newspresenter 3
𝗠𝗮𝗿𝗶𝗮 𝗟𝗮𝘁𝗶𝗲𝗿𝗮
— Newspresenter 4
𝗝𝗼𝗵𝗻 𝗣𝗮𝗼𝗹𝗼 𝗚𝗮𝗿𝘀𝗮𝗶𝗻
— Technical Director

03/08/2026

Nutrisyon at Kalikasan Ating Pangalagaan; Kapag ang Kalusugan ay Nagsisimula sa Plato, Ngunit Nagtatapos sa Puso

May mga sugat na hindi kayang gamutin ng bitamina. May mga gutom na hindi mapapawi ng pagkain. At may mga katawang tila malusog sa paningin, ngunit unti-unting pinanghihinaan dahil sa kakulangan ng malasakit.

Sa bawat pagpasok ng buwan ng Hulyo, muling sumiklab ang panawagan ng Nutrition Month- isang selebrasyon na nanghihikayat ng wastong pagkain at malusog na pamumuhay. Ngunit sapat na nga ba ang pagpuno sa ating mga plato kung ang ating mga isipan ay nananatiling gutom sa pag-unawa? Ano ang saysay ng masustansyang pagkain kung ang pinagmulan ng bawat pagkain sa hapag ay hindi pinagtutuunan ng pansin?

Sa Bunawan National High School, ang Nutrition Month ay higit pa sa isang taunang selebrasyon. Isa itong panawagan upang maging bahagi ang bawat mag-aaral sa paghubog ng isang komunidad na may malusog na katawan, matatag na isipan, at pusong marunong makiramdam. Kaya naman, nitong ika-31 ng Hulyo sa kasalukuyang taon, nagdiwang ng kulminasyon ang institusyon.

Tulad ng paalala ni Ma’am Rowena Angwas, Principal III, ang Nutrition Month ay hindi lamang pagdiriwang ng kalusugan. Ito ay paalala na ang pinakamahalagang sustansya ng isang paaralan ay hindi lamang pagkain, kundi ang kultura ng pagmamalasakit, paggalang, at pagkakaisa.

“Your mental health is your greatest wealth. A healthy body gives you the strength to learn, and energy to participate in school activities, and a resilience to pursue your dreams.” mungkahi ni Ma’am Angwas.

“Mental health is not just about physical wellness. True wellness also includes taking care of your mental health and emotional health. A healthy mind allows us to think clearly. You need true friendships and overcome challenges with confidence.” dagdag pa niya.

Sapagkat ang isang institusyon puno ng kabaitan ay lumilikha ng mga kabataang hindi lamang matatalino, kundi tunay na makatao.

Sa huli, ang pinakamalaking hamon ay hindi lamang pagpili sa pagitan ng gulay at junk food, kundi kung pipiliin ba nating maging tagapag-alaga ng kalikasan o mananatiling tahimik habang ito’y unti-unting nasisira. Sapagkat ang isang malusog na bansa ay nagsisimula sa isang mag-aaral na marunong kumain ng tama, magmahal ng tapat, pagmamalasakit sa kapwa, at mag-ingat sa mundong kaniyang tahanan.

Nutrisyon at kalikasan, ating pangalagaan! Dahil ang kinabukasang tunay na masigla ay hindi lamang lumalago sa masustansyang pagkain, kundi sa mga pusong marunong magpakatao. #

-Chaybel Pastor, Feature Writer
- Benxander Algones 📸

04/07/2026

𝘏𝘢𝘯𝘥𝘢 𝘯𝘢 𝘣𝘢 𝘢𝘯𝘨 𝘮𝘨𝘢 𝘱𝘢𝘯𝘶𝘭𝘢𝘵? 𝘔𝘨𝘢 𝘴𝘤𝘳𝘢𝘵𝘤𝘩 𝘱𝘢𝘱𝘦𝘳? 𝘮𝘨𝘢 𝘮𝘢𝘮𝘶𝘮𝘶𝘭𝘢𝘯𝘨 𝘱𝘢𝘱𝘦𝘭? 𝘏𝘪𝘨𝘪𝘵 𝘴𝘢 𝘭𝘢𝘩𝘢𝘵, 𝘩𝘢𝘯𝘥𝘢 𝘯𝘢 𝘣𝘢 𝘢𝘯𝘨 𝙏𝙐𝙆𝙇𝘼𝙎 𝙅𝙊𝙐𝙍𝙉𝘼𝙇𝙄𝙎𝙏𝙎?

MULING nabuhay ang sigla ng 𝗧𝘂𝗸𝗹𝗮𝘀 𝗣𝘂𝗯𝗹𝗶𝗰𝗮𝘁𝗶𝗼𝗻 𝗖𝗹𝘂𝗯 sa isinagawang pagpupulong na dinaluhan ng mga dati at bagong miyembro ng organisasyon. Mula sa mga pamilyar na mukha hanggang sa mga bagong tinig sa larangan ng pamamahayag, kapansin-pansin ang pananabik at determinasyong muling sumabak sa panibagong taon ng pagsusulat.

Isa-isang tinalakay ang mahahalagang petsang dapat tandaan, kabilang ang nalalapit na 𝗦𝗕𝗣𝗖, 𝗠𝗦𝗣𝗖, at 𝗗𝗦𝗣𝗖. Hindi rin ipinagkait ang paalala sa mga responsibilidad na kaakibat ng pagiging bahagi sa 𝗧𝘂𝗸𝗹𝗮𝘀. Nagkaroon din ng mga bagong patakaran na layong higit pang mapaghusay ang kakayahan at disiplina ng bawat mamamahayag. Ramdam ang kagustuhan ng mga dating miyembro na makabawi sa mga susunod na kompetisyon, habang sabik namang ipakita ng mga bagong journalists ang kanilang kakayahan.

Hindi nagpahuli ang isinagawang halalan para sa mga bagong opisyal na magsisilbing gabay at katuwang ng organisasyon sa mga susunod na gawain. Sa panibagong hanay ng pamunuan, baon ang iisang layunin—patuloy na paunlarin ang 𝗧𝘂𝗸𝗹𝗮𝘀 𝗣𝘂𝗯𝗹𝗶𝗰𝗮𝘁𝗶𝗼𝗻 𝗖𝗹𝘂𝗯 at ihanda ang bawat mamamahayag na humarap sa anumang hamon, bitbit ang husay at disiplina.

𝗧𝗨𝗞𝗟𝗔𝗦 𝗖𝗟𝗨𝗕 𝗢𝗙𝗙𝗜𝗖𝗘𝗥𝗦
𝗦.𝗬. 𝟮𝟬𝟮𝟲-𝟮𝟬𝟮𝟳

𝗣𝗥𝗘𝗦𝗜𝗗𝗘𝗡𝗧
— Princess Javanah Imam
𝗩𝗜𝗖𝗘 𝗣𝗥𝗘𝗦𝗜𝗗𝗘𝗡𝗧
— Chaybel Pastor
𝗦𝗘𝗖𝗥𝗘𝗧𝗔𝗥𝗬
— Deonies Reylen Oliver
𝗧𝗥𝗘𝗔𝗦𝗨𝗥𝗘𝗥
— Emryc Peter Vyr Pingkian
𝗔𝗨𝗗𝗜𝗧𝗢𝗥
— Jian Rufano
𝗣.𝗜.𝗢
— Benxander Algones

𝗦𝗖𝗛𝗢𝗢𝗟 𝗣𝗔𝗣𝗘𝗥 𝗔𝗗𝗩𝗜𝗦𝗘𝗥𝗦
— Ma'am Kimberly Jean Peñafiel
— Ma'am Eunice Bernales

✍️: Princess Javanah Imam
🖼️: Gainel Federiso

12/06/2026

🇵🇭 "Ang kalayaan ay hindi lamang alaala ng nakaraan, kundi gabay para sa mas makabuluhang kinabukasan."
Sa pagdiriwang ng Araw ng Kalayaan, ipinakita ng BNHS ang diwa ng pagkakaisa, pagmamahal sa bayan, at paggalang sa kasaysayan. Patuloy nating buhayin ang diwa ng kalayaan sa bawat mabuting gawa at responsableng pagkilos. ❤️💙💛

📸|Padohinog,Johanice
Layout Artist|Dalayap,Daisy
✍️|Banno,Dhanie Mae

23/05/2026

𝗗𝗮𝘃𝗮𝗼 𝗘𝗮𝗴𝗹𝗲𝘀, 𝗠𝗮𝗶𝗻𝗶𝘁 𝗻𝗮 𝗦𝗶𝗻𝗮𝗹𝘂𝗯𝗼𝗻𝗴 𝘀𝗮 𝗪𝗲𝗹𝗰𝗼𝗺𝗲 𝗗𝗶𝗻𝗻𝗲𝗿 𝗻𝗴 𝗕𝘂𝗻𝗮𝘄𝗮𝗻

𝗕𝗨𝗡𝗔𝗪𝗔𝗡 𝗡𝗔𝗧𝗜𝗢𝗡𝗔𝗟 𝗛𝗜𝗚𝗛 𝗦𝗖𝗛𝗢𝗢𝗟 — Napuno ng mga musika, tawanan, at masasayang kwentuhan ang ginanap na welcome dinner para sa mga delegado ng Rehiyon Onse o mas kilala bilang “𝘋𝘢𝘷𝘢𝘰 𝘌𝘢𝘨𝘭𝘦𝘴” noong 𝗠𝗮𝘆𝗼 𝟮𝟮, 𝟮𝟬𝟮𝟱 sa 𝗕𝗡𝗛𝗦 𝗖𝗼𝘂𝗿𝘁. Naging masaya at makabuluhan ang gabi habang sama-samang nagsaya ang mga atleta, coaches, opisyal, g**o, at mga panauhin bilang bahagi ng pagtanggap sa mga delegado mula sa Davao Region.

Dumalo rin sa nasabing programa si 𝙈𝙖𝙮𝙤𝙧 𝙎𝙮𝙡𝙫𝙞𝙖 𝘽. 𝙀𝙡𝙤𝙧𝙙𝙚 kasama ang 𝗕𝘂𝗻𝗮𝘄𝗮𝗻 𝗡𝗮𝘁𝗶𝗼𝗻𝗮𝗹 𝗛𝗶𝗴𝗵 𝗦𝗰𝗵𝗼𝗼𝗹 𝗣𝗿𝗶𝗻𝗰𝗶𝗽𝗮𝗹 na si 𝙈𝙖'𝙖𝙢 𝙍𝙤𝙬𝙚𝙣𝙖 𝙊. 𝘼𝙣𝙜𝙬𝙖𝙨, 𝙋𝙝𝘿, na parehong nagpahayag ng kanilang suporta at pagbati sa mga atletang bumubuo sa Davao Eagles.

Mas naging masining ang gabi dahil sa iba’t ibang pagtatanghal at kantahan na nagbigay saya sa lahat ng dumalo. Isa sa mga tampok sa programa ang pagtatanghal ng 𝗠𝗮𝗻𝗴-𝗶𝗶𝗻𝗱𝗮𝗸 𝗗𝗮𝗻𝗰𝗲 𝗧𝗿𝗼𝘂𝗽𝗲 o 𝗠𝗗𝗧 na naghandog ng sayaw na ikinatuwa at pinalakpakan ng mga delegado at bisita.

Hindi lamang simpleng salusalo ang naging layunin ng programa kundi isa rin itong gabi ng pagkakaisa, pagkakaibigan, at pagpapakita ng suporta para sa mga atletang patuloy na nagbibigay inspirasyon sa kabataan. Sa pamamagitan ng naturang pagtitipon, muling ipinakita ng Bunawan National High School at ng buong komunidad ng Bunawan ang kanilang pakikiisa at suporta sa diwa ng sportsmanship at camaraderie.

𝗔𝗻𝗴 𝗧𝘂𝗸𝗹𝗮𝘀
✍️ : 𝗣𝗿𝗶𝗻𝗰𝗲𝘀𝘀 𝗝𝗮𝘃𝗮𝗻𝗮𝗵 𝗙. 𝗜𝗺𝗮𝗺
🖼️ : 𝗕𝗲𝗻𝘅𝗮𝗻𝗱𝗲𝗿 𝗔𝗹𝗴𝗼𝗻𝗲𝘀

Ang Tuklas

22/08/2026

13/08/2026

13/08/2026

13/08/2026

03/08/2026

04/07/2026

12/06/2026

23/05/2026

Address

Opening Hours

Website

Alerts

Shortcuts

Share

Category

Listing takedown request

Monday	8am - 4:30pm
Tuesday	8am - 4:30pm
Wednesday	8am - 4:30pm
Thursday	8am - 4:30pm
Friday	8am - 4:30pm