11/12/2020
Naimbag nga aldawtayo papagayam ken kakabsat.
Ti pagadalantayo a Luna Community School ket kanayon a silulukat a mangipaay serbisio kadagiti ubbing ken kadagiti nagannak, kasta met kadigiti asinoman nga umay mangpasyar ken bumisita. Siiisem ken siraragsak a mangpasangbay kadakayo dagiti mangisursuro iti pagadalan...
Babaen ti tulong dagiti manursuro, agbasbasa, nagannak, stakeholders, community partners, lgu, ken ti sibubukel a deped family, mapapintas ken mamentenar ti uneg ken ruar ti pagadalan...
Napintas ti pagadalan tayo gapu ti tultulongyo.
Ulitenmi Apo, silulukat ken nawaya kayo nga umay bumisita ken pumasyar ditoy pagadalan tayo...
Maladingitan kami laeng ta adda dagiti tattao a saanda ammo ti mangipateg...😔
Adda kami met a mangisursuro a kanayon manipud Lunes agingga Biernes (pasaray umay kami pay ti Sabado ken Domingo) ditoy pagadalan tayo no apay nga adda tattao nga umuneg lattan nga awan un-uni da. Mapan da lattan agala ti kayat da nga alaen iti uneg ti pagadalan...
Maipagpannakkel ti pagadalan nga adu ti kaykayo (agbunga ken saan), mula a masetas ken sumagmamano a natnateng ket gapu metla iti partnership ti eskuela ken dagiti nagannak ken stakeholders...
Nu kayatyo ti dumawat, nawadwad laketdi, ken maipakada kadakami nga mangimanmanehar ti pagadalan, saanmi met nga ipaidam ken iyimot...
RESPETO kuma met apo kadakami a TEACHERS ditoy pagadalan...
Napaliiw mi ngamin nga adda umun-uneg ditoy pagadalan a saan na ammo ti aguni uray nakita na kami ket mapan na latta alaenen ti kayat nan ditoy uneg... NAGBASTOS saan kadi?
Adu ti saba ditoy likudan ti classrooms, umay da latta agala ti bulong nan, sabunganay, ken worst baka bunga na pay... dagitay dadduma a puon ti saba ket matulid ken mapukan pay uray saan na pay tiempo ti agbunga. Mapuros pay dagiti bunga ti nateng kas kuma ti karabasa... (isuda ngata ti akin mula?). Maparot ken matukkol dagiti napipintas a masetas (paaduem kabsat ta umay monto metla isubli)
Maliddaangan ti puso mi a makaimatang kadagitoy... 😔😔😔
Ulitenmi apo... Nakalukat a kanayon ti pagadalan( saan a nakalock dagiti gate na apo, open 24/7) Nawaya kayo nga umay pumasyar ken bumisita during office hours nga adda kami a TEACHERS. No adda umayyo dawaten ditoy uneg ti pagadalan a ket pagunnian da kami met... Basta adu laketdi ken saan a maperdi dagiti pagalaan a ket ipaaymi apo.
IPAKADAYO apo. Saanmi nga iyimot, nawadwad laketdi...
Agtitinnulong tayo ketdi a mangpapintas ken mangmentenar ti pagadalan. Ket babaen dayta apIten tayon to dagiti bunga ti panagmaymaysa tayo...
