13/10/2025
ππππππππ ππππ!!
β‘οΈ "πππππ ππ πππ πππππππππππ ππππ ππ πππ πππππ"
Ang balaod nga nagtugot sa libre nga serbisyo sa lubong para sa mga kabus nga pamilyang Pilipino nahimong balaod bisan walay pirma ni Presidente Marcos, gipamatud-an sa MalacaΓ±ang niadtong Lunes, Oktubre 13.
Sa usa ka text message, gikumpirma ni Communications Undersecretary Claire Castro nga ang maong balaod, karon nailhan nga Republic Act No. 12309 o ang Free Funeral Services Act, awtomatikong nahimong balaod kaniadtong Setyembre 28 human wala kini pirmahi ni Presidente sulod sa 30 ka adlaw gikan sa pagtransmit niini sa Kongreso β subay sa Article VI, Section 27(1) sa 1987 Constitution.
Ubos sa RA 12309, ang gobyerno maghatag og libre nga serbisyo sa lubong ngadto sa mga pamilyang giilang βanaΓ sa krisis nga kahimtang,β lakip ang mga kabus nga panimalay ug kadtong naapektuhan sa mga katalagman o emerhensiya, sumala sa pag-assess sa Department of Social Welfare and Development (DSWD).
Ang serbisyo sa lubong naglakip sa pag-andam sa mga dokumento, embalming, lubong, transportasyon, cremation, ug inurnment, lakip ang paghatag og kabaong o urn.
Sa wala pa kini nahimong balaod, ang programa sa DSWD nga Assistance to Individuals in Crisis Situations (AICS) naghatag og ayuda sa lubong nga nag-range gikan sa β±5,000 hangtod β±50,000, depende sa assessment sa social worker.
Mga Kinahanglanon ug Pagpatuman
Aron makabenepisyo sa libreng serbisyo sa lubong, ang pamilya sa namatay kinahanglang mupakita og valid nga ID, death certificate, ug funeral contract nga pirmahan sa representante sa pamilya, sa funeral establishment, ug sa awtorisadong personnel sa DSWD. Kinahanglan usab ang social case study nga giandam sa usa ka social worker.
Ang mga funeral establishments nga maghatag sa serbisyo bayaran sa DSWD regional office base sa aprobadong kontrata.
Ang inisyal nga pondo para sa balaod kuhaon gikan sa β±44.75 bilyon nga budget sa AICS, bisan pa man walaβy laing nakabahin nga alokasyon para sa Free Funeral Services Act sa giproposed nga 2026 budget sa DSWD. Apan, gitaasan sa mga mambabalaod ang budget sa AICS para sa sunod tuig gikan sa β±27 bilyon ngadto sa β±60 bilyon aron masakop ang mas daghang programa sa sosyal nga serbisyo.
Silot sa Pagdumili ug Panikas
Ang mga funeral establishments nga modumili sa paghatag og libre nga serbisyo ngadto sa mga kwalipikadong benepisyaryo pagasilotan og β±400,000 nga multa ug pagkansela sa ilang lisensya sa operasyon.
Samtang ang mga tawo o establisamento nga masakpan nga nangilad sa pag-avail o pag-facilitate sa libreng serbisyo sa lubong pinaagi sa bakak nga impormasyon o peke nga dokumento, pagasilotan og dili moubos sa unom (6) ka bulan nga pagkabilanggo ug multa nga hangtod sa β±500,000.
Ang RA 12309 gipasa sa Senado kaniadtong Hunyo 2 isip Senate Bill No. 2965, ug gi-adopt sa House of Representatives niadtong Hunyo 11 isip amendment sa House Bill No. 102. Gitransmit kini sa Office of the President kaniadtong Agosto 28.
