25/12/2025
𝟓𝟗-𝐀𝐍𝐘𝐎𝐒 𝐍𝐆𝐀 𝐆𝐈𝐍𝐀𝐍𝐆, 𝐃𝐀𝐊𝐏𝐀𝐍 𝐆𝐔𝐌𝐈𝐊𝐀𝐍 𝐒𝐀 𝐏𝐀𝐆-𝐊𝐈𝐃𝐍𝐀𝐏 𝐎𝐆 𝐔𝐒𝐀 𝐊𝐀 𝟕-MONTHS OLD 𝐍𝐆𝐀 𝐁𝐀𝐓𝐀 𝐒𝐀 𝐒𝐔𝐑𝐈𝐆𝐀𝐎 𝐂𝐈𝐓𝐘 𝐀𝐓𝐎𝐋 𝐒𝐀 𝐁𝐈𝐒𝐏𝐄𝐑𝐀𝐒 𝐒𝐀 𝐊𝐀𝐏𝐀𝐒𝐊𝐎𝐇𝐀𝐍
Surigao City- Gikatakdang pasakahan og kasong pagsupak sa Republic Act 7610 kon the Special Protection of Children Against Abuse, Exploitation and Discrimination Act ang usa ka 59-anyos nga Ginang human gikatahong nag-kidnap og usa ka 7 ka bulan nga batang lalaki atol sa bisperas sa kapaskohan kagahapong adlawa, Disyembre 24,2025, adlaw'ng Miyerkules.
Giila ni Police Lieutenant Colonel Atty Mariano Lumbar, Chief of Police sa Surigao City Component Police Station ang suspek nga si Anita Amarille Namog, 59-anyos, residente sa Barangay Cawilan, Taganaan, Surigao del Norte.
Sa impormasyon nga gipaambit sa kapulisan , nagpakitabang pa ang usa ka inahan nga residente sa Barangay Canlanipa ning dakbayan gumikan sa pagkawala sa iyang anak human na-missing samtang nag-shopping sa usa ka iladong mall nga nahimutang sa Barangay Luna sa maong syudad.
Gihanyagan matud pa sa suspek ang inahan sa bata arun pampalit og dulaan ug nagpaila nga usa ka vlogger.
Gikumbinsir pa sa suspek ang maong inahan nga mag-shopping og sanina sa Gaisano Mall, ug gipakaon pa og paniudto sa wala pa mamalit.
Samtang nabusy matud pa ang biktima (inahan sa bata) sa pagpamili og sanina, didto niya nabantayan nga nawala na ang bata lakip na ang suspek nga maoy nagkugos niini.
Sa pagdawat sa otoridad sa maong report, dali silang naglusad og manhunt operation nga miresulta sa pagka-locate sa suspek bandang alas 1:20 sa hapon didto sa Global Port Terminal sa Barangay Taft, nga nagdala pa sa 7-ka bulan nga batang lalaki nga gipasul-ob og pambabae nga sanina. Nag-ilis sab ang suspek og sanina samtang paingon unta sa Siargao.
Gilayong naaresto ang suspek nga si Anita Namog ug luwas nga nauli ang bata.
Kamtangan karung gi-kostudiya sa istasyonan sa kapulisan ning dakbayan.
Pahinumdom sa otoridad ngadto sa publiko nga kanunay mag-ignay ilabi na sa mga lugar nga daghay tawo ug mag-amping sa hanyag sa mga estranghero.
𝗟𝗶𝗸𝗲, 𝗳𝗼𝗹𝗹𝗼𝘄 & 𝗦𝗵𝗮𝗿𝗲 Katikaran for more news update.
