Nueva Ecija News Update

04/10/2026

FYI

📢 𝐍𝐎𝐓𝐈𝐂𝐄 𝐎𝐅 𝐏𝐔𝐁𝐋𝐈𝐂 𝐇𝐄𝐀𝐑𝐈𝐍𝐆 𝐎𝐍 𝐌𝐈𝐍𝐈𝐌𝐔𝐌 𝐖𝐀𝐆𝐄 𝐃𝐄𝐓𝐄𝐑𝐌𝐈𝐍𝐀𝐓𝐈𝐎𝐍 𝐅𝐎𝐑 𝐖𝐎𝐑𝐊𝐄𝐑𝐒 𝐈𝐍 𝐓𝐇𝐄 𝐏𝐑𝐈𝐕𝐀𝐓𝐄 𝐄𝐒𝐓𝐀𝐁𝐋𝐈𝐒𝐇𝐌𝐄𝐍𝐓𝐒

The Regional Tripartite Wages and Productivity Board-III will conduct a series of public hearings across Central Luzon as part of the ongoing minimum wage determination process for workers in the private establishments.

The schedule is as follows:

𝐁𝐚𝐭𝐚𝐚𝐧
📅 October 5, 2026 at 1:00 PM
📍 The Bunker Atrium Capitol Compound, City of Balanga, Bataan

𝐙𝐚𝐦𝐛𝐚𝐥𝐞𝐬
📅 October 14, 2026 at 1:00 PM
📍SMX Convention Center, 4th Level, SM City Olongapo Central, Rizal Avenue Extension, Olongapo City, Zambales

𝐍𝐮𝐞𝐯𝐚 𝐄𝐜𝐢𝐣𝐚
📅 October 20, 2026 at 8:00 AM
📍Hotel Consuelo, 26 Maharlika Highway, Santa Rosa, Nueva Ecija

𝐀𝐮𝐫𝐨𝐫𝐚
📅 October 21, 2026 at 8:00 AM
📍AMCO Beach Resort, Buton St., Baler Aurora

𝐓𝐚𝐫𝐥𝐚𝐜
📅 November 5, 2026 at 1:00 PM
📍Bulwagan ng mga Gobernador, Tarlac Provincial Capitol, Tarlac City, Tarlac

𝐁𝐮𝐥𝐚𝐜𝐚𝐧
📅 November 9, 2026 at 1:00 PM
📍Malolos Resort Club Royale, McArthur Highway, Mabolo, Malolos City, Bulacan

𝐏𝐚𝐦𝐩𝐚𝐧𝐠𝐚
📅 November 11, 2026 at 1:00 PM
📍Mini Convention Center, Heroes Hall, Brgy. San Juan, City of San Fernando, Pampanga

Parties who intend to participate in the aforementioned hearings may coordinate with RTWPB-III and may also submit position papers at 2nd Floor, Kingspire Business Centre, KM 71 McArthur Highway, Brgy. San Isidro, City of San Fernando, Pampanga or thru email at [email protected] from 𝐒𝐞𝐩𝐭𝐞𝐦𝐛𝐞𝐫 𝟐𝟏 𝐭𝐨 𝐍𝐨𝐯𝐞𝐦𝐛𝐞𝐫 𝟏𝟏, 𝟐𝟎𝟐𝟔.

👉𝐑𝐞𝐠𝐢𝐬𝐭𝐞𝐫 by scanning the QR code or clicking the link below:
🔗𝐑𝐞𝐠𝐢𝐬𝐭𝐫𝐚𝐭𝐢𝐨𝐧 𝐥𝐢𝐧𝐤: bit.ly/2026rb3publichearing

RTWPB-III commits to a fair, transparent, and evidence-based minimum wage determination process, thus your participation, whether as as a worker, employer, or other stakeholders matter, and your views, concerns, and position form part of the Board’s considerations before determining possible adjustments to the prevailing minimum wage rates in Central Luzon.

-
𝘗𝘶𝘣𝘭𝘪𝘴𝘩𝘦𝘥 𝘪𝘯 𝘔𝘢𝘯𝘪𝘭𝘢 𝘉𝘶𝘭𝘭𝘦𝘵𝘪𝘯 𝘯𝘦𝘸𝘴𝘱𝘢𝘱𝘦𝘳 𝘰𝘯 19 𝘚𝘦𝘱𝘵𝘦𝘮𝘣𝘦𝘳 2026.

04/10/2026

PANAWAGAN SA MAS MAHIGPIT NA PAGPAPATUPAD NG TRAFFIC RULES SA MGA GINAGAWANG TERMINAL NG JEEP

NANAWAGAN ang ilang netizen sa Cabanatuan City Police at mga kinauukulang traffic authorities na magsagawa ng mas mahigpit na pagbabantay at pagpapatupad ng traffic rules sa mga lugar na umano’y nagiging impromptu terminal ng mga jeepney.

Isa sa mga tinukoy ang tapat ng Araullo University sa Bitas, kung saan inireklamo ang umano’y madalas na pagpila at paghihintay ng mga jeepney sa highway. Ayon sa nagreklamo, nagiging masikip ang daanan dahil sa mga nakaparadang jeep at nababawasan umano ang bahagi ng kalsadang maaaring gamitin ng mga motorista at estudyante.

HINILING din ng isang netizen sa Cabanatuan City Police na aksiyunan ang umano’y araw-araw na pagsisikip sa lugar.
“Cabanatuan City Police, paki-actionan na po ang araw-araw na sakit ng ulo. Ginagawang terminal ang tapat ng AU. ’Yung mga caller diyan ng jeep, sobra, parang binili na nila ang lugar at ginawa nang terminal.”

Samantala, may isa pang netizen na nagsabing matagal na umanong problema ang sitwasyon at nanawagan ng mas consistent na enforcement sa lugar.

Iniulat rin ng ibang netizen ang umano’y problema sa CIC, kung saan may mga jeepney umanong humihinto at naghihintay ng pasahero malapit sa pedestrian crossing o tawiran.

Bukod dito, IPINAABOT din ang reklamo hinggil sa sitwasyon sa Sumacab–NEUST area, partikular sa ilalim ng overpass. Ayon sa netizen, ginagamit umano ng ilang jeepney ang magkabilang gilid ng kalsada bilang hintayan o terminal.

Dahil dito, mula sa dalawang lane ay nagiging isang lane na lamang umano ang malayang nadaraanan ng mga sasakyan kapag may mga jeep na nakaparada.

HINIKAYAT ng mga nagpaabot ng reklamo ang mga kinauukulang awtoridad na magsagawa ng regular na monitoring at ipatupad ang mga umiiral na ordinansa at traffic regulations laban sa illegal parking at mga sasakyang humaharang sa daloy ng trapiko.

Iginiit ng mga netizen na hindi lamang ito usapin ng kaginhawaan ng mga motorista kundi maging ng kaligtasan ng mga estudyante, pedestrian, pasahero at iba pang gumagamit ng kalsada.

Samantala, ang mga pahayag hinggil sa umano’y paglabag ng mga jeepney driver at iba pang motorista ay nangangailangan pa rin ng beripikasyon mula sa mga traffic enforcer at iba pang kinauukulang awtoridad.

Bukas naman ang Nueva Ecija News Update para sa panig ng mga kinauukulan.

Source: Cabanatuan_ANO_NA.

04/10/2026

DELIVERY TRUCK NA MAY KARGANG PET FOOD, NAHULOG SA MAGITIL BRIDGE; ISA NASAWI, DALAWA SUGATAN

NAHULOG sa Magitil Bridge sa Barangay Cadaclan, Pantabangan, Nueva Ecija ang isang delivery truck na may kargang feeds para sa mga aso at pusa bandang alas-4:00 ng madaling-araw nitong Huwebes, Oktubre 1, 2026.

Tatlong katao ang sakay ng truck nang mangyari ang insidente. Ayon sa paunang impormasyong ibinahagi, DALAWA sa mga sakay ang isinugod sa pagamutan habang ISA ANG NASAWI sa insidente.
Samantala, nagpahayag ng pakikiramay ang mga kakilala ng nasawi, kabilang ang isang netizen na nagpaabot ng mensahe para sa biktima.

Ipinapaalala naman ng ilang residente at netizen ang umano’y delikadong bahagi ng kalsada bago ang Magitil Bridge.

Ayon sa isang komento, tinatawag umano ng mga residente ang naturang bahagi na “Horse Shoe” dahil sa kurbadang pababa bago mismo ang tulay. Aniya, matarik ang kurbada at maaaring maging madulas ang kalsada lalo na kapag umuulan.

Ibinahagi rin ng netizen na matagal na umano niyang napapansin ang hirap sa pagmamaneho sa naturang bahagi, partikular para sa mga driver na hindi pamilyar sa kondisyon at kurba ng daan.

Hinikayat naman ang mga motorista na mag-ingat at magbagal sa pagdaan sa naturang bahagi, lalo na kapag madulas ang kalsada o masama ang panahon.

Patuloy pang hinihintay ang opisyal na ulat ng mga awtoridad hinggil sa eksaktong sanhi ng aksidente, pagkakakilanlan ng mga sangkot at iba pang detalye ng insidente.

Source: Castillo Vlog

03/10/2026

HARANA SA NAYON | OCTOBER 03, 2026
HOST: ELENA QUIJANO

03/10/2026

WANTED PERSON ARESTADO, 2 LOOSE FI****MS AT 8 REAMS NG ILEGAL NA SIGARILYO, NASAMSAM SA OPLAN GALUGAD SA NUEVA ECIJA

NAGRESULTA sa pagkakaaresto sa isang wanted person, boluntaryong pagsuko ng dalawang loose fi****ms at pagkakarekober ng mga ilegal na sigarilyo ang pinaigting na implementasyon ng Oplan Galugad ng Nueva Ecija Police Provincial Office (NEPPO), katuwang ang mga Barangay Peacekeeping Action Teams (BPATs) sa ilalim ng JBM Patrol System noong Setyembre 28, 2026.

Sa Nampicuan, naaresto ng mga tauhan ng Nampicuan Municipal Police Station (MPS), kasama ang BPATs, ang isang 40-anyos na wanted person sa Barangay Cabaducan West. Isinagawa ang pag-aresto batay sa warrant of arrest na inisyu laban sa suspek kaugnay ng kasong Estafa, na may inirekomendang piyansa na ₱30,000.

Samantala, dalawang loose fi****ms naman ang boluntaryong isinuko sa magkahiwalay na operasyon ng Oplan Galugad na isinagawa ng mga pulis sa Pantabangan at Nampicuan.

Kabilang sa mga isinuko ang isang improvised sh***un na walang serial number at isang Caliber .38 revolver. Ang dalawang baril ay inilagay sa kustodiya ng pulisya para sa kaukulang dokumentasyon at ligtas na pag-iingat.

Bukod dito, walong reams ng Golden Bird ci******es, na tinatayang nagkakahalaga ng ₱8,160, ang boluntaryong isinuko sa Barangay Niyugan, Jaen. Nakuha ang mga naturang sigarilyo sa magkasanib na operasyon ng mga tauhan ng Jaen MPS at BPATs bilang bahagi rin ng Oplan Galugad.

Ayon kay PCOL Ritchie R. Claravall, Provincial Director ng NEPPO, mahalaga ang patuloy na pagpapatupad ng Oplan Galugad, lalo na sa tulong ng mga barangay peacekeeping teams, sa pag-iwas at pagtukoy ng mga krimen.

Binigyang-diin niya na ang impormasyon at kooperasyon mula sa mga barangay ay malaking tulong upang mapigilan ang krimen bago pa ito mangyari.

Patuloy naman ang pakikipag-ugnayan ng Nueva Ecija police sa mga komunidad at pagpapalakas ng police visibility sa pamamagitan ng JBM Patrol System upang mapanatili ang kapayapaan at seguridad sa buong lalawigan.

Source: Nueva Ecija Police Provincial Office

03/10/2026

ISANG INDIBIDWAL ARESTADO; ILEGAL NA SIGARILYO AT 3 BARIL, NAREKOBER SA OPLAN GALUGAD SA NUEVA ECIJA

ISANG indibidwal ang naaresto habang ilang reams ng ilegal na sigarilyo at tatlong baril ang narekober at kusang isinuko sa magkakahiwalay na operasyon ng Nueva Ecija Police Provincial Office (NEPPO) sa ilalim ng pinaigting na Oplan Galugad at JBM Patrol System noong Oktubre 1, 2026.

Sa Cabiao, isang 21-anyos na lalaki, walang trabaho at residente ng Barangay Concepcion, ang naaresto sa Barangay Sta. Rita matapos umanong hindi sumunod sa utos ng mga pulis at tangkaing tumakas habang may dalang mga sigarilyo.

Sa isinagawang search, limang reams ng Carnival ci******es na tinatayang nagkakahalaga ng ₱5,100 ang nakuha mula sa kanya.

Nabigo umano ang suspek na makapagpakita ng mga dokumento o permit na nagpapatunay sa legal na pagmamay-ari o pag-iingat niya sa naturang mga sigarilyo.

Nahaharap siya sa kasong paglabag sa Article 151 ng Revised Penal Code at Republic Acts 8424 at 8293, ayon sa pulisya.

Samantala, may kabuuang 10 reams ng sigarilyo na nagkakahalaga ng ₱5,750 ang boluntaryong isinuko sa mga himpilan ng pulisya sa Talavera at Zaragoza.

Ayon sa NEPPO, walang kinakailangang Bureau of Internal Revenue (BIR) tax stamps ang mga naturang sigarilyo, na indikasyon ng posibleng hindi pagbabayad ng kaukulang excise taxes.

Bukod dito, tatlong indibidwal naman ang boluntaryong nagsuko ng kani-kanilang baril sa magkakahiwalay na operasyon.

Kabilang dito ang isang 61-anyos na barangay counselor at residente ng Barangay Soledad, Sta. Rosa, na nagsuko ng Cal. .45 pistol.

Isang 42-anyos na magsasaka mula Barangay GS Rosario, Carranglan, ang nagsuko naman ng Cal. .38 pistol, habang isang 67-anyos na magsasaka mula Barangay San Pascual, Talavera, ang boluntaryong nag-turn over ng homemade Cal. .22 pistol.

Ayon kay PCOL Ritchie R. Claravall, Provincial Director ng NEPPO, magpapatuloy ang pagpapaigting ng Oplan Galugad sa ilalim ng JBM Patrol System sa pamamagitan ng tuloy-tuloy na police presence at pakikipag-ugnayan sa mga komunidad.

Layunin umano ng operasyon na maiwasan ang pagkalat ng ilegal na sigarilyo at mga loose fi***rm, kasabay ng pagpapanatili ng kapayapaan at kaayusan sa buong Nueva Ecija.

Patuloy naman ang kaukulang imbestigasyon at proseso laban sa mga sangkot sa mga insidenteng ito.

Source: Nueva Ecija Police Provincial Office

03/10/2026

NUEVA ECIJA, MAY ₱355.09-BILYONG GDP NOONG 2025; PAGLAGO NG EKONOMIYA, GINAGAMIT SA MAS TARGETED NA PROGRAMA

PATULOY na isinasalin ng Pamahalaang Panlalawigan ng Nueva Ecija sa mga konkretong programa at pamumuhunan ang paglago ng ekonomiya upang mapalawak ang oportunidad para sa mga magsasaka, manggagawa at negosyo sa lalawigan.

Ito ang binigyang-diin sa isinagawang Provincial Product Accounts (PPA) Dissemination Forum ng Philippine Statistics Authority (PSA), kung saan tinalakay ang kalagayan at direksiyon ng ekonomiya ng Nueva Ecija batay sa pinakabagong datos.

Batay sa PPA, umabot sa ₱355.09 bilyon ang Gross Domestic Product (GDP) ng Nueva Ecija noong 2025, na nakapagtala ng 7 porsiyentong paglago—pinakamabilis na growth rate na naitala sa hanay ng mga lalawigan at highly urbanized cities sa Central Luzon.

Ayon kay Provincial Planning and Development Office Planning Officer Angelo P***o, ipinapakita ng paglago ang patuloy na paglawak at pag-iba-iba ng mga aktibidad pang-ekonomiya ng lalawigan, habang nananatiling mahalagang haligi ang sektor ng agrikultura.

Nilinaw ni P***o na hindi nangangahulugang nababawasan ang kahalagahan ng agrikultura dahil sa diversification ng ekonomiya. Sa halip, aniya, pinapalakas ang iba pang sektor at mga kondisyong makatutulong upang higit pang umunlad ang agrikultura.

Kabilang sa mga hakbang ng pamahalaang panlalawigan ang pagpapataas ng produktibidad at resilience ng agrikultura, value addition, pagpapaunlad ng imprastraktura, pagpapalakas ng human capital, investment promotion at disaster preparedness.

Kabilang sa mga programa at proyekto ang farm-to-market roads, cold storage at post-harvest facilities, Palay Support Program, Kadiwa ng Pangulo, at promosyon ng mga produktong agrikultural.

Isinusulong din ang pagtatatag ng Nueva Ecija Food Processing Center sa pakikipagtulungan sa Central Luzon State University (CLSU) upang mapalakas ang pagproseso at dagdag-halaga sa mga produktong agrikultural ng lalawigan.

Samantala, tinututukan din ng provincial government ang pagpapabuti ng konektibidad sa pamamagitan ng mga planong road link patungo sa Tarlac-Pangasinan-La Union Expressway (TPLEX). Layunin nitong mapalawak ang access sa mga pamilihan at mapadali ang paggalaw ng mga tao, produkto at serbisyo.

Binigyang-diin naman ni Department of Economy, Planning, and Development Regional Director Nerrisa Esguerra ang kahalagahan ng pagpapalakas sa agricultural value chains, market linkages, digitalization at public transportation.

Ayon kay Esguerra, makatutulong ang mga ito upang magkaroon ng mas malawak na access ang mga magsasaka at manggagawa sa mga pamilihan at oportunidad sa trabaho.

Hinimok din niya ang mga lokal na pamahalaan na gamitin ang mas detalyadong datos mula sa PPA sa kanilang development plans at investment programs upang matukoy kung aling mga sektor ang mabilis ang paglago at alin ang nangangailangan pa ng karagdagang suporta.

Sinabi naman ni PSA Nueva Ecija Chief Statistical Specialist Girlie De Guzman na nagbibigay ang PPA ng evidence-based na larawan ng lokal na ekonomiya na maaaring maging batayan ng mga ahensya ng pamahalaan at iba pang stakeholders sa pagbuo ng mga programang mas akma sa pangangailangan ng bawat sektor.

Sa pamamagitan ng paggamit ng mas detalyado at napapanahong datos, layunin ng pamahalaan na matiyak na ang paglago ng ekonomiya ng Nueva Ecija ay mauuwi sa mas maraming oportunidad, mas matatag na kabuhayan at konkretong benepisyo para sa mga komunidad.

Source: PIA-Nueva Ecija

02/10/2026

HARANA SA NAYON | OCTOBER 02, 2026
HOST: JADE CHRISTIAN VERDE

02/10/2026

Smart Design and Operations Advance Sustainability at SM Supermalls

MANILA, Philippines — At SM Supermalls, efficiency begins at the drawing board. From maximizing natural daylight and airflow to incorporating energy- and water-saving technologies, every mall is thoughtfully designed to enhance the customer experience while reducing environmental impact. This holistic approach allows SM Supermalls to deliver modern, comfortable spaces while supporting the communities it serves - benefiting both people and the planet.

“Sustainability and efficiency are at the heart of how SM Supermalls are built, designed, and managed. SM has gone above and beyond to incorporate energy-saving spaces and practices that support both our own and national efficiency goals,” said Engr. Junias M. Eusebio, SM Supermalls Vice President for Operations.

Passive design elements maximize the use of natural energy. SM integrates natural daylight into its mall designs to improve energy efficiency, reduce electricity use, and create more inviting spaces for customers with its expansive skylights and high-ceiling atriums. LED lighting further conserves energy, producing more brightness, and using significantly less power.

Only 10% of exterior surfaces are fronted with glass. The rest is made from Exterior Insulation Finishing Systems (EIFS), a fire-resistant material that improves customers’ indoor and al fresco experiences.

Moreover, windows and entrances are angled accordingly to improve airflow throughout the mall interiors. Windows on the west side use low-emissivity glass to protect customers from harmful ultraviolet rays while maintaining comfortable temperatures for customers as they go through their mall routines.

Behind the scenes, SM Supermalls also uses a state-of-the-art Building Management Systems (BMS) that allows the mall operator to manage its properties fluctuating energy demands throughout the day. This innovative system has empowered SM Supermalls to save up to 50M kilowatt hours annually.

These initiatives are driven by the SM Green Movement, an SM sustainability campaign that integrates environmentally responsible practices across the SM group, to scale simple, everyday acts into systemic impact, thereby protecting the planet's resources for present and future generations.

02/10/2026

LIMANG ARAW NA PAGHAHANAP, NATAPOS SA MALUNGKOT NA PAGKAKATAGPO SA GAPAN CITY

NATAPOS sa malungkot na balita ang ilang araw na paghahanap ng isang pamilya sa kanilang kaanak na si alyas “Celo,” matapos itong matagpuang wala nang buhay sa isang bukid sa Barangay Balante, Gapan City.

Limang araw bago ang pagkakatagpo, humingi ng tulong sa social media ang pamilya upang makakuha ng impormasyon sa kinaroroonan ni Celo, na sinabing residente ng Sta. Cruz, Gapan City.

Ayon sa post ni Richard Reyes, dalawang araw bago naiulat ang pagkakatagpo ay natagpuan si Celo sa isang bukirin na napapaligiran ng mga palayan sa Barangay Balante.

Naisagawa na rin umano ng mga pulis ang paunang imbestigasyon sa insidente, habang dinala naman ng mga tauhan ng punerarya ang mga labi.

Hindi naman tinukoy sa mga nabanggit na post ang sanhi ng pagkamatay ni Celo o kung ano ang nangyari bago siya natagpuan.

Samantala, nagpasalamat si Rhea Malicdem sa mga taong tumulong sa paghahanap, nagbahagi ng kanilang panawagan at nagpaabot ng panalangin para sa kanilang pamilya.

Sa kasalukuyan, nakaburol na ang labi ni Celo habang patuloy na nagluluksa ang kanyang pamilya, mga kaibigan at kakilala.

SOURCE: RICHARD REYES / RHEA MALICDEM