The Lokal PH

06/12/2025

26/11/2025

03/11/2025

𝙇𝙞𝙥𝙖 𝘾𝙞𝙩𝙮 𝙉𝙖𝙜𝙣𝙞𝙣𝙞𝙣𝙜𝙣𝙞𝙣𝙜 𝙨𝙖 𝙈𝙖𝙠𝙪𝙡𝙖𝙮 𝙣𝙖 𝘾𝙝𝙧𝙞𝙨𝙩𝙢𝙖𝙨 𝙏𝙧𝙚𝙚 𝙨𝙖 𝙋𝙡𝙖𝙯𝙖 𝙄𝙣𝙙𝙚𝙥𝙚𝙣𝙙𝙚𝙣𝙘𝙞𝙖

Makulay at puno ng saya ang ginanap na Christmas Tree Lighting Ceremony sa Plaza Independencia, sa pangunguna ni Mayor Eric B. Africa , kung saan muling nagniningning ang diwa ng Pasko sa bawat ilaw at ngiti ng mga dumalo.

Mula pa noong 2019 hanggang ngayong 2025, patuloy na hatid ni Mayor Eric Africa ang mga makukulay na ilaw na sumisimbolo sa pag-asa, pagmamahalan, at pagkakaisa ng mga taga-Lipa. Sa kanyang mensahe, pinaalalahanan niya ang lahat na isabuhay ang pagmamahal sa kapwa — ang tunay na diwa ng pagdiriwang ng kapanganakan ng Maykapal.

Lubos din ang pasasalamat ng alkalde sa lahat ng kawani ng Pamahalaang Lungsod, lalo na sa City Engineering Office sa pangunguna ni Engr. Ireneo Adaya, sa kanilang pagsisikap upang maging matagumpay at kaaya-aya ang selebrasyon.

Sabay-sabay na ipinagdiwang ng mga Department Heads, mga Konsehal, at mga estudyante ang pormal na pagsisimula ng Kapaskuhan sa Lipa — isang gabing puno ng liwanag, musika, at pagmamahalan.

Lipa City PIO

03/11/2025

PANOORIN: Ilang bahay at sasakyan ang lubog sa baha sa Villa Del Rio 1, Bacayan, Cebu City, dakong alas-6 ng umaga ngayong Martes, Nobyembre 4, 2025, dahil sa malakas na ulan na dala ng Bagyong Tino. (Video mula kay Pobreng Lagaan/FB)

01/11/2025

01/11/2025

“𝙃𝙪𝙨𝙩𝙞𝙨𝙮𝙖 𝙨𝙖 𝙋𝙖𝙜𝙨𝙖𝙣𝙟𝙖𝙣: 𝙈𝙜𝙖 𝘽𝙖𝙣𝙜𝙠𝙚𝙧𝙤, 𝙉𝙖𝙜𝙙𝙞𝙬𝙖𝙣𝙜 𝙨𝙖 𝙃𝙖𝙩𝙤𝙡 𝙣𝙜 𝙆𝙤𝙧𝙩𝙚 𝙎𝙪𝙥𝙧𝙚𝙢𝙖 𝙇𝙖𝙗𝙖𝙣 𝙨𝙖 𝙆𝙤𝙧𝙪𝙥𝙨𝙮𝙤𝙣”

Ipinagbunyi ng mga bangkero ng Pagsanjan ang makasaysayang tagumpay matapos tuluyang ipag-utos ng Sandiganbayan ang pag-aresto kay Mayor Jeorge “ER” Ejercito Estregan, kasunod ng pinal na desisyon ng Korte Suprema na nagpatibay sa hatol na guilty sa kasong graft.

Ayon sa United Boatmen Association of Pagsanjan, matagal na nilang hinintay ang sandaling ito — patunay anila na buhay pa rin ang hustisya at walang sinuman ang mas mataas sa batas.

“Ito ay tagumpay hindi lamang ng mga bangkero, kundi ng bawat Pagsanjeño na nanindigan laban sa katiwalian,” pahayag ng asosasyon.
“Salamat sa Korte Suprema, Sandiganbayan, at sa lahat ng tumulong upang maipaglaban ang katotohanan.”

𝗙𝗶𝗻𝗮𝗹 𝗻𝗮 𝗗𝗲𝘀𝗶𝘀𝘆𝗼𝗻 𝗻𝗴 𝗞𝗼𝗿𝘁𝗲 𝗦𝘂𝗽𝗿𝗲𝗺𝗮

Sa inilabas na resolusyon ng Supreme Court First Division noong Hunyo 30, 2025, tuluyan nang tinanggihan with finality ang motion for reconsideration ni Mayor Ejercito, kaya’t naging pinal at epektibo ang hatol na guilty sa paglabag sa Republic Act No. 3019 (Anti-Graft and Corrupt Practices Act).

Napatunayan ng korte na iginawad ni Ejercito ang kontrata para sa accident insurance ng mga bangkero at turista sa First Rapid Care Ventures (FRCV) — isang kumpanyang walang Certificate of Authority mula sa Insurance Commission at nairehistro lamang sa DTI at BIR limang araw bago makuha ang proyekto mula sa lokal na pamahalaan.

Kasama ring hinatulang guilty si Marilyn Bruel, may-ari ng FRCV, habang pinawalang-sala naman ang dating Vice Mayor Crisostomo Villar at ilang miyembro ng Sangguniang Bayan dahil sa kakulangan ng ebidensiya ng sabwatan.
Parehong pinatawan sina Ejercito at Bruel ng walong (8) taong pagkakakulong at permanenteng diskuwalipikasyon sa paghawak ng anumang posisyong pampubliko.

𝗣𝗮𝗴𝗽𝗮𝗽𝗮𝘁𝘂𝗽𝗮𝗱 𝗻𝗴 𝗪𝗮𝗿𝗿𝗮𝗻𝘁 𝗼𝗳 𝗔𝗿𝗿𝗲𝘀𝘁

Noong Oktubre 20, 2025, nagpalabas ng kautusan ang Sandiganbayan na ipatupad ang warrant of arrest laban kay Mayor Ejercito. Inatasan ang mga ahensiya gaya ng DILG, PNP, at NBI na isilbi ito anumang oras upang maisakatuparan ang desisyon ng korte.

𝙋𝙖𝙣𝙖𝙬𝙖𝙜𝙖𝙣 𝙣𝙜 𝙢𝙜𝙖 𝘽𝙖𝙣𝙜𝙠𝙚𝙧𝙤: 𝙄𝙥𝙖𝙜𝙩𝙖𝙣𝙜𝙜𝙤𝙡 𝙖𝙣𝙜 𝙆𝙖𝙩𝙤𝙩𝙤𝙝𝙖𝙣𝙖𝙣

Kasabay ng kanilang pasasalamat, nanawagan ang mga bangkero sa mga awtoridad na agad na ipatupad ang kautusan at panatilihin ang laban para sa katotohanan at mabuting pamamahala.

“Ang hustisyang ito ay bunga ng mahabang pagtitiis at paninindigan.
Huwag na sanang maulit ang ganitong uri ng pang-aabuso sa kapangyarihan,” ayon sa grupo.

Sa kabila ng mahabang proseso, naniniwala ang mga bangkero na ang desisyong ito ay magsisilbing babala sa mga tiwaling opisyal at inspirasyon sa mga mamamayan na patuloy na lumalaban para sa katotohanan at integridad sa pamahalaan.

01/11/2025

𝙍𝙚𝙜𝙞𝙤𝙣𝙖𝙡 𝙤𝙛𝙛𝙞𝙘𝙚 𝙣𝙜 𝘾𝙊𝙈𝙀𝙇𝙀𝘾 𝙞𝙩𝙖𝙩𝙖𝙮𝙤 𝙨𝙖 𝙡𝙪𝙣𝙜𝙨𝙤𝙙 𝙣𝙜 𝘾𝙖𝙡𝙖𝙢𝙗𝙖

Oktubre 30, 2025 | Calamba City, Laguna

Nakatakdang magtayo ng permanenteng tanggapan ang Commission on Elections (COMELEC) Region IV-A (Calabarzon) sa Lungsod ng Calamba matapos ang paglagda sa Deed of Usufruct Agreement sa pagitan nina COMELEC Chairperson George Erwin Garcia at Calamba City Mayor Roseller “Ross” Rizal.

Ginanap ang pirmahan nitong Huwebes sa Convention Hall ng Jose Rizal Coliseum sa Calamba City. Sa nasabing kasunduan, pormal na pinahintulutan ang paggamit ng bahagi ng Government Regional Center na matatagpuan sa Barangay Mapagong bilang lokasyon ng itatayong regional office ng COMELEC.

Sa kaniyang talumpati, binigyang-diin ni Mayor Rizal ang kahalagahan ng pagkakaisa ng mga ahensya ng pamahalaan sa pagpapaunlad ng komunidad.

“Ang pag-unlad ng isang komunidad ay hindi lamang bunga ng isang institusyon. Umiusad ang bayan kapag ang mga ahensya ng pamahalaan ay nagkakaisa, nagtutulungan, at kumikilos para sa layunin ng tunay na paglilingkod sa tao,” ani Rizal.

Samantala, malugod namang tinanggap ni Chairperson Garcia ang inisyatibang ito at ipinahayag na ang pagtatatag ng permanenteng tanggapan ng COMELEC sa Calamba City ay magpapalakas sa presensya ng ahensya at magpapabuti sa paghahatid ng serbisyo publiko sa buong rehiyon ng Calabarzon.

“Sa hakbang na ito, mas napapalapit natin ang COMELEC sa mga mamamayan ng Calabarzon at masisiguro nating mas madali nilang maaabot ang aming mga serbisyo,” pahayag ni Garcia.

Ang pagtatayo ng bagong regional office ay inaasahang magbibigay ng mas episyenteng serbisyo sa mga lokal na tanggapan ng COMELEC sa rehiyon at magpapabilis sa implementasyon ng mga programa nito para sa malinis, maayos, at tapat na halalan.

𝙍𝙚𝙜𝙞𝙤𝙣𝙖𝙡 𝙤𝙛𝙛𝙞𝙘𝙚 𝙣𝙜 𝘾𝙊𝙈𝙀𝙇𝙀𝘾 𝙞𝙩𝙖𝙩𝙖𝙮𝙤 𝙨𝙖 𝙡𝙪𝙣𝙜𝙨𝙤𝙙 𝙣𝙜 𝘾𝙖𝙡𝙖𝙢𝙗𝙖

Oktubre 30, 2025 | Calamba City, Laguna

Nakatakdang magtayo ng permanenteng tanggapan ang Commission on Elections (COMELEC) Region IV-A (Calabarzon) sa Lungsod ng Calamba matapos ang paglagda sa Deed of Usufruct Agreement sa pagitan nina COMELEC Chairperson George Erwin Garcia at Calamba City Mayor Roseller “Ross” Rizal.

Ginanap ang pirmahan nitong Huwebes sa Convention Hall ng Jose Rizal Coliseum sa Calamba City. Sa nasabing kasunduan, pormal na pinahintulutan ang paggamit ng bahagi ng Government Regional Center na matatagpuan sa Barangay Mapagong bilang lokasyon ng itatayong regional office ng COMELEC.

Sa kaniyang talumpati, binigyang-diin ni Mayor Rizal ang kahalagahan ng pagkakaisa ng mga ahensya ng pamahalaan sa pagpapaunlad ng komunidad.

“Ang pag-unlad ng isang komunidad ay hindi lamang bunga ng isang institusyon. Umiusad ang bayan kapag ang mga ahensya ng pamahalaan ay nagkakaisa, nagtutulungan, at kumikilos para sa layunin ng tunay na paglilingkod sa tao,” ani Rizal.

Samantala, malugod namang tinanggap ni Chairperson Garcia ang inisyatibang ito at ipinahayag na ang pagtatatag ng permanenteng tanggapan ng COMELEC sa Calamba City ay magpapalakas sa presensya ng ahensya at magpapabuti sa paghahatid ng serbisyo publiko sa buong rehiyon ng Calabarzon.

“Sa hakbang na ito, mas napapalapit natin ang COMELEC sa mga mamamayan ng Calabarzon at masisiguro nating mas madali nilang maaabot ang aming mga serbisyo,” pahayag ni Garcia.

Ang pagtatayo ng bagong regional office ay inaasahang magbibigay ng mas episyenteng serbisyo sa mga lokal na tanggapan ng COMELEC sa rehiyon at magpapabilis sa implementasyon ng mga programa nito para sa malinis, maayos, at tapat na halalan.

01/11/2025

𝘾𝙊𝙈𝙀𝙇𝙀𝘾 𝘾𝙝𝙖𝙞𝙧 𝙂𝙖𝙧𝙘𝙞𝙖 𝘽𝙞𝙣𝙞𝙜𝙮𝙖𝙣𝙜 𝙇𝙞𝙣𝙖𝙬 𝙖𝙣𝙜 𝙨𝙩𝙖𝙩𝙪𝙨 𝙣𝙜 𝘿𝙌 𝙣𝙞 𝘾𝙖𝙗𝙪𝙮𝙖𝙤 𝘾𝙞𝙩𝙮 𝙈𝙖𝙮𝙤𝙧 𝘿𝙚𝙣𝙣𝙞𝙨 𝙃𝙖𝙞𝙣

Nilinaw ni Commission on Elections (COMELEC) Chairperson George Erwin Garcia ang usapin kaugnay ng disqualification case ni Cabuyao City MAYOR Dennis DENHA Hain matapos kumalat ang iba’t ibang spekulasyon hinggil sa kanyang posisyon.

Ayon kay Garcia, nakapaghain na ng motion for reconsideration ang kampo ng alkalde, kaya’t suspendido ang naunang desisyon ng COMELEC First Division. Ipinaliwanag din niyang dadaan pa ito sa due process, kung saan kukunin at pakikinggan ang mga argumento ng panig ni Mayor Hain bago maglabas ng pinal na resolusyon.

Samantala, nananatiling aktibo si Mayor Hain sa pagtupad ng kanyang mga tungkulin sa Lungsod ng Cabuyao sa kabila ng mga kritisismo at batikos mula sa ilang netizens sa social media.

𝘾𝙊𝙈𝙀𝙇𝙀𝘾 𝘾𝙝𝙖𝙞𝙧 𝙂𝙖𝙧𝙘𝙞𝙖 𝘽𝙞𝙣𝙞𝙜𝙮𝙖𝙣𝙜 𝙇𝙞𝙣𝙖𝙬 𝙖𝙣𝙜 𝙨𝙩𝙖𝙩𝙪𝙨 𝙣𝙜 𝘿𝙌 𝙣𝙞 𝘾𝙖𝙗𝙪𝙮𝙖𝙤 𝘾𝙞𝙩𝙮 𝙈𝙖𝙮𝙤𝙧 𝘿𝙚𝙣𝙣𝙞𝙨 𝙃𝙖𝙞𝙣

Nilinaw ni Commission on Elections (COMELEC) Chairperson George Erwin Garcia ang usapin kaugnay ng disqualification case ni Cabuyao City MAYOR Dennis DENHA Hain matapos kumalat ang iba’t ibang spekulasyon hinggil sa kanyang posisyon.

Ayon kay Garcia, nakapaghain na ng motion for reconsideration ang kampo ng alkalde, kaya’t suspendido ang naunang desisyon ng COMELEC First Division. Ipinaliwanag din niyang dadaan pa ito sa due process, kung saan kukunin at pakikinggan ang mga argumento ng panig ni Mayor Hain bago maglabas ng pinal na resolusyon.

Samantala, nananatiling aktibo si Mayor Hain sa pagtupad ng kanyang mga tungkulin sa Lungsod ng Cabuyao sa kabila ng mga kritisismo at batikos mula sa ilang netizens sa social media.

Bagong Cabuyao CIO

☝️