https://www.facebook.com/152718967915973/

Ang Ignithayag - The Ignite Express, 3447 National Highway, Barangay Banaybanay, Cabuyao (2025)

17/09/2025

𝗧𝗛𝗘 𝗧𝗩-𝗕𝗥𝗢𝗔𝗗𝗖𝗔𝗦𝗧𝗜𝗡𝗚 𝗧𝗘𝗔𝗠 𝗦𝗨𝗖𝗖𝗘𝗦𝗦𝗙𝗨𝗟𝗟𝗬 𝗙𝗜𝗡𝗜𝗦𝗛𝗘𝗗 𝗧𝗛𝗘𝗜𝗥 𝗢𝗕𝗕 𝗦𝗛𝗢𝗢𝗧𝗜𝗡𝗚!

09. 16. 25. On Tuesday, the TV-Broadcasting Team with their SPAs, 𝗠𝗿. 𝗖𝗵𝗿𝗶𝘀𝘁𝗶𝗮𝗻 𝗣𝗼𝗻𝘁𝗶𝗹𝗹𝗼 and 𝗠𝘀. 𝗗𝗮𝗻𝗶𝗰𝗮 𝗕𝘂𝘁𝗲𝗱, triumphantly accomplished their OBB shooting. With their stunning and formal suits, the TV broadcasters surely presented themselves and gave their best effort. The dry season would not budge the dedication of the broadcaster as they finished it with perfect clips and shots. Moreover, the said shooting was held around the Cabuyao area.

𝗖𝗼𝗻𝗴𝗿𝗮𝘁𝘂𝗹𝗮𝘁𝗶𝗼𝗻𝘀 𝗮𝗻𝗱 𝗴𝗼𝗼𝗱 𝗹𝘂𝗰𝗸, 𝗧𝗩-𝗕𝗿𝗼𝗮𝗱𝗰𝗮𝘀𝘁𝗶𝗻𝗴. 📺🗣️

📸: Paul Vincent Balino (EIC)
✍🏻: Marie Therese Zulueta

10/09/2025

𝗦𝗘𝗣𝗧𝗘𝗠𝗕𝗘𝗥 𝟭𝟬 | 𝗦𝗨𝗜𝗖𝗜𝗗𝗘 𝗣𝗥𝗘𝗩𝗘𝗡𝗧𝗜𝗢𝗡 𝗗𝗔𝗬

Ayos lang umiyak, kahit hindi mo alam ang dahilan ng iyong pagluha. Minsan, sobra tayong napapagod sa mundong ating ginagalawan. Napapagod tayong magpakatatag sa bawat sitwasyon. Napapagod tayo sa aralin at walang hanggang gawain sa bahay. Napapagod tayo… sa lahat.

Ngunit tandaan, ayos lang mapagod. Sapagkat madalas, ang pagod ay bunga ng iyong pagsusumikap at patunay na ginagawa mo ang mga magagandang bagay.

Huwag kang matakot na magsalita. Ang pagbasag sa katahimikan ay hindi kahinaan, kundi lakas. Sa pagbabahagi ng iyong bigat, mas nagiging magaan ang iyong dinadala, at mas nagiging posible ang paghilom.

“If you’re that depressed, reach out to someone. Remember, su***de is a permanent solution to temporary problems.”
— Robin Williams

📞Kung ikaw o ang kakilala mo ay nakararanas ng matinding lungkot o pag-iisip ng pagpapakamatay, huwag kang mag-atubiling tumawag:

☎️ 𝗡𝗖𝗠𝗛 𝗖𝗿𝗶𝘀𝗶𝘀 𝗛𝗼𝘁𝗹𝗶𝗻𝗲: 1553 (toll-free), 0917-899-8727 | 0966-351-4518
☎️ 𝗛𝗼𝗽𝗲𝗹𝗶𝗻𝗲 𝗣𝗵𝗶𝗹𝗶𝗽𝗽𝗶𝗻𝗲𝘀: 0917-558-4673, 0918-873-4673 | (02) 8804-467

𝗛𝗶𝗻𝗱𝗶 𝗸𝗮 𝗻𝗮𝗴-𝗶𝗶𝘀𝗮. 𝗠𝗮𝘆 𝗵𝗮𝗻𝗱𝗮𝗻𝗴 𝗺𝗮𝗸𝗶𝗻𝗶𝗴 𝗮𝘁 𝘂𝗺𝗮𝗹𝗮𝗹𝗮𝘆 𝘀𝗮’𝘆𝗼. 💙

Mensahe mula kay: Paul Vincent Balino (EIC)
Dibuho ni: Alein Wahing (Head Cartooning)

30/08/2025

𝗛𝗼𝗻𝗼𝗿𝗶𝗻𝗴 𝘁𝗵𝗲 𝗩𝗼𝗶𝗰𝗲𝘀 𝗼𝗳 𝗧𝗿𝘂𝘁𝗵: 𝗖𝗲𝗹𝗲𝗯𝗿𝗮𝘁𝗶𝗻𝗴 𝗡𝗮𝘁'𝗹 𝗣𝗿𝗲𝘀𝘀 𝗙𝗿𝗲𝗲𝗱𝗼𝗺

As National Press Freedom Day is recognized, it is not merely an ordinary celebration; it serves as a ray of light, awareness, and inspiration for every Filipino who has long been voiceless and powerless.

Being a journalist is a great responsibility accompanied by determination and courage to uphold the voice of the people. Despite facing various obstacles, journalists continue to provide opportunities for every individual to express opinions and share inspirational and powerful stories. They serve as fact-checkers and significant contributors to society.

This Campus Press Freedom Day seeks to protect journalists and promote their welfare as each fights for the interests and passion of fellow citizens.

Gratitude is extended to those who came before, who stood for what is right despite threats and untruthful opinions. As the present bearers of the national press, journalists write and express for the Filipino people, so that fear is replaced by hope and the empowerment of the young minds of every generation.

Let it be remembered that taking the courage to write and expose is already a commitment—a commitment that must be maintained and protected.

𝑳𝒆𝒕'𝒔 𝒓𝒆𝒎𝒆𝒎𝒃𝒆𝒓 𝒕𝒉𝒂𝒕 𝒕𝒂𝒌𝒊𝒏𝒈 𝒕𝒉𝒆 𝒄𝒐𝒖𝒓𝒂𝒈𝒆 𝒕𝒐 𝒘𝒓𝒊𝒕𝒆 𝒂𝒏𝒅 𝒆𝒙𝒑𝒐𝒔𝒆 𝒊𝒔 𝒂𝒍𝒓𝒆𝒂𝒅𝒚 𝒂 𝒄𝒐𝒎𝒎𝒊𝒕𝒎𝒆𝒏𝒕. 𝑨 𝒄𝒐𝒎𝒎𝒊𝒕𝒎𝒆𝒏𝒕 𝒕𝒉𝒂𝒕 𝒘𝒆 𝒎𝒖𝒔𝒕 𝒎𝒂𝒊𝒏𝒕𝒂𝒊𝒏 𝒂𝒏𝒅 𝒑𝒓𝒐𝒕𝒆𝒄𝒕.📰🎙️

𝐖𝐞 𝐬𝐩𝐞𝐚𝐤 𝐭𝐨 𝐢𝐧𝐬𝐩𝐢𝐫𝐞; 𝐰𝐞 𝐬𝐭𝐚𝐧𝐝 𝐭𝐨 𝐞𝐱𝐩𝐫𝐞𝐬𝐬 𝐭𝐡𝐞 𝐭𝐫𝐮𝐭𝐡—𝐚𝐧𝐝 𝐧𝐨𝐭𝐡𝐢𝐧𝐠 𝐛𝐮𝐭 𝐭𝐡𝐞 𝐭𝐫𝐮𝐭𝐡.🗣️

by: Marie Therese Zulueta
Cartoon by: Karl Justin C. Batida
Layout of: Isaiah Miel Bertonel

30/08/2025

𝗕𝗔𝗟𝗜𝗧𝗔 | 𝗦𝗜𝗔 𝗠𝗮𝘀𝗶𝗴𝗹𝗮𝗻𝗴 𝗜𝗽𝗶𝗻𝗮𝗴𝗱𝗶𝘄𝗮𝗻𝗴 𝗮𝗻𝗴 𝗕𝘂𝘄𝗮𝗻 𝗻𝗴 𝗪𝗶𝗸𝗮 𝟮𝟬𝟮𝟱

Isang matagumpay na paggunita sa Buwan ng Wika ang idinaos ng mga mag-aaral mula sa Saint Ignatius Academy noong ika-29 ng Agosto, 2025, na may temang: 'Paglinang sa Filipino at Katutubong Wika: Makasaysayan sa Pagkakaisa ng Bansa.

Nagkamit ng kampeonato ang koponan ng STEM sa patimpalak ng sabayang pagbigkas samantalang nakuha naman ng HUMSS strand ang ikalawang medalya habang ang ABM ay sinelyuhan ang ikatlong parangal.

Nanatiling kampeon ang STEM sa larangan ng Folk Dance, HE para sa ikalawang puwesto samantalang ABM naman ang nakasungkit ng ikatlong medalya.

Sa buwan na ito, ipinamalas ng mga mag-aaral ng SIA ang kanilang pagpapahalaga sa Buwan ng Wikang Pambansa sa pamamagitan ng natatanging talento ng mga ito sa musika, pagsayaw, at malikhaing paglikha ng mga obra.

Ulat ni: Kristelle Claire Amarante
Litrato nina: Maighra Daniella Tardaguela, Denise Adrienne Reynes, at Diane Botin
Layout ni: Isaiah Miel Bertonel

25/08/2025

𝗟𝗔𝗧𝗛𝗔𝗟𝗔𝗜𝗡 | 𝗕𝗔𝗬𝗔𝗡𝗚 𝗡𝗔𝗞𝗔𝗦𝗔𝗡𝗗𝗔𝗟 𝗦𝗔 𝗔𝗥𝗔𝗥𝗢 𝗔𝗧 𝗠𝗔𝗥𝗧𝗜𝗟𝗬𝗢.

Sa bawat pag-usbong ng araw sa silangan, may mga palad na unang bumabangon bago pa sumilay ang liwanag. Sa mga palayan at pabrika, sa mga lupaing lubog sa putik at sa mga gusaling nilalamon ng ingay ng makina—naroon ang mga bayani na bihirang mabanggit sa mga pahina ng kasaysayan—ang mga magsasaka at manggagawa.

Hindi sila nakasuot ng barong tagalog o kaya'y baluti ng rebolusyon. Wala silang titulo o marangal na bantayog. Ang kanilang mga sandata'y pawang araro at martilyo, at ang kanilang mga depensa'y pawis at kalyo. Subalit sa maipagmamalaking karunungan, karangalan, at propesyon, nakaukit ang kanilang ambag sa lipunan—ambag na hindi matatawaran, ngunit madalas rin na hindi nasisilayan.

Ngayong Araw ng mga Bayani, hayaang mabago ang ating kinamulatan—na hindi lamang sa mga rebeldeng nakipaglaban sa espada at pluma umiikot ang konsepto ng kabayanihan. Nasa likod din ito ng bawat hapag-kainang may kanin, sa bawat kasangkapang ginagamit natin, at sa mismong daloy ng ating pang-araw-araw na buhay.

Mga magsasaka't manggagawa—sila ang mga bayani na hindi itinatanghal, ngunit patuloy na nagbubuwis ng lakas at buhay para sa bayan. At sa kanilang katahimikan, nararapat lamang na ating ipagsigawan—mabuhay ang tunay na bayani ng ating bayan.

Lathalain ni: Raizzel Nicole E. Asi
Disenyong Likha ni: Paul Vincent Balino (EIC)

(𝘔𝘨𝘢 𝘓𝘢𝘳𝘢𝘸𝘢𝘯 𝘮𝘶𝘭𝘢 𝘴𝘢 𝘪𝘯𝘵𝘦𝘳𝘯𝘦𝘵; 𝘩𝘪𝘯𝘥𝘪 𝘱𝘢𝘨-𝘢𝘢𝘳𝘪 𝘯𝘨 𝘱𝘶𝘣𝘭𝘪𝘬𝘢𝘴𝘺𝘰𝘯.)

25/08/2025

𝗔𝗥𝗔𝗪 𝗡𝗚 𝗠𝗚𝗔 𝗕𝗔𝗬𝗔𝗡𝗜 🇵🇭

𝗜𝗸𝗮-25 𝗻𝗴 𝗔𝗴𝗼𝘀𝘁𝗼 ating ginugunita ang katapangan at mga sakripisyo ng mga Pilipinong bayani na inalay ng kanilang buhay para sa dangal at kalayaan ng bansang Pilipinas. Hanggang sa kasalukuyan ating binibigyang parangal ang tapang ng mga Pilipino na siyang gumabay sa atin tungo sa pagkakaisa at pag-asa ng Bayan. Bilang mga mamamayan nawa'y sila ang maging inspirasyon upang ang bagong henerasyon ng Pilipino ay maging isang magiting sa pamamagitan ng paglilingkod at pagmamalasakit sa kapwa at sa ating Bayan.

Isinulat ni: Cassandra Nicole Corre (AE)
Likhang Disenyo ni: Paul Vincent Balino (EIC)

24/08/2025

𝗕𝗔𝗟𝗜𝗧𝗔 | 𝗦𝗜𝗔 𝗗𝗶𝘃𝗲𝗿𝘀𝗲, 𝗻𝗮𝗴𝗽𝗮𝗸𝗶𝘁𝗮𝗻𝗴 𝗴𝗶𝗹𝗮𝘀 𝘀𝗮 𝗕𝗮𝗻𝗮𝗵𝗮𝘆 𝗙𝗲𝘀𝘁𝗶𝘃𝗮𝗹

Noong ika-dalawampu't tatlo ng Agosto sa kasalukuyang taon naganap ang unang araw ng pagdiriwang ng Banahay Festival na sinimulan ng Tribong Asla kasabay ng indak ng mga mananayaw ng St. Ignatius Academy. Nakisaya rin ang mga kalahok ng Zumbanahay at ang mascot na si Luffy sa mini showdown na naganap sa simula pa lang ng pagdiriwang sa barangay hall. Sa kabila ng pag-ulan at aberya naipagpatuloy pa rin ang kasiyahan at pagpapakita ng husay ng SIA diverse. Sa huli, nabalot pa rin ng kasiyahan at indakan ang pista ng Banay-banay.

Ulat ni: Ma.Trixie Faye R. Sayson
Marie Therese M. Zulueta
Litrato mula kina: Von Iñigo G. Bagangan
Maighra Daniella A. Tardaguela
Layout ni: Isaiah Miel Bertonel

24/08/2025

𝗕𝗔𝗟𝗜𝗧𝗔 | 𝗦𝗜𝗔, 𝗡𝗮𝗴𝗻𝗶𝗻𝗴𝗻𝗶𝗻𝗴 𝘀𝗮 𝗦𝗮𝗯𝗮𝘆𝗮𝗻𝗴 𝗣𝗮𝗴𝗯𝗶𝗴𝗸𝗮𝘀 𝟮𝟬𝟮𝟱

Muling ipinamalas ng Saint Ignatius Academy ang kanilang galing sa ika-7 Taunang Sabayang Pagbigkas na ginanap noong Agosto 23 sa Centrol Mall, Cabuyao, sa temang “Henerasyon ng Pagkakaisa: Kaagapay sa Bagong Pilipinas.”

Sa ilalim ng direksyon ni G. Marvin Dave, buong sipag na naghanda ang mga kalahok sa loob ng isang linggo. Hindi rin nag-atubiling dumalo ang mga Ignatians upang
magbigay-suporta at magpalakpak sa kanilang mga kinatawan.

Bilang pagkilala sa kanilang makabuluhang pagtatanghal, nasungkit ng grupo ang ikatlong puwesto sa mahigpit na kompetisyon. Tampok sa kanilang pyesa ang mga temang pagkamulat, bayanihan, at paninindigan para sa pagbabago mga mensaheng umantig sa damdamin ng mga manonood.

Ang pyesa ay orihinal na isinulat ni Jerome Lumbres, na siya ring lumikha ng kampeon na pyesa noong nakaraang taon. Muli niyang naipamalas ang husay sa panitikan na naging pundasyon ng matagumpay na pagtatanghal.

Tunay na naging inspirasyon ang SIA sa patuloy na pagtataguyod ng sining, wika, at pagkakaisa sa gitna ng bagong henerasyon.

Ulat nina: Frietchelyn Guiral
Kurt Sebastian S. Batino
Litrato mula kina: Diane Botin
Denise Reynes
Layout ni: Paul Vincent Balino (EIC)

21/08/2025

Ang Agosto 21 ay hindi lamang isang petsa sa kalendaryo, kundi alaala ng isang bayani na nag-alay ng buhay upang muling magising ang bayan. Sa kanyang pagpanaw, isinilang ang isang rebolusyon, at ang tinig ng bawat Pilipino'y muling narinig.

Ngayon, sa Ninoy Aquino Day, siya'y ating ginugunita—hindi lamang bilang simbolo ng tapang, kundi bilang paalala na ang bawat kalayaan ay may kaakibat na pananagutan.

Tesksto ni: Raizzel Nicole E. Asi
Layout ni: Paul Balino (EIC)

17/08/2025

𝗕𝗔𝗟𝗜𝗧𝗔 | 𝗣𝗮𝗴𝘀𝗮𝘀𝗮𝗻𝗮𝘆 𝗻𝗴 𝗔𝗻𝗴 𝗜𝗴𝗻𝗶𝘁𝗵𝗮𝘆𝗮𝗴 - 𝗧𝗵𝗲 𝗜𝗴𝗻𝗶𝘁𝗲 𝗘𝘅𝗽𝗿𝗲𝘀𝘀, 𝗨𝗺𝗮𝗿𝗮𝗻𝗴𝗸𝗮𝗱𝗮 𝗻𝗮

Isinagawa na ang unang araw ng pag-eensayo ng mga batang mamamahayag sa St. Ignatius Academy noong ika-11 ng Agosto, 2025, araw ng Lunes. Sa araw na ito, nagtipon-tipon ang mga mag-aaral upang simulan ang kanilang paghahanda para sa nalalapit na Division Schools Press Conference (DSPC) na gaganapin sa darating na buwan ng Setyembre.

Ang pagsasanay na ito ay inilunsad upang matutukan ang paghasa ng talento at kasanayan ng mga campus journalist sa kani-kanilang kategorya.

Aktibong lumahok ang mga miyembro ng Ang Ignithayag - The Ignite Express mula sa iba't ibang kategorya. Dumalo ang mga bagong manunulat, taga-kuha ng larawang pampahayagan, mga manunulat sa balita, siyensiya at teknolohiya (scitech), editoryal, kolum, pampalakasan, lathalain, tagaguhit, at ang tagasipi at taga-ulo ng balita

Samantala, ang mga broadcasting team para sa radyo at telebisyon ay nagsagawa ng sariling paghahanda sa hiwalay na silid upang mas pagtuunan ng pansin ang pagsasaayos ng kanilang itatanghal.

Matatandaang humakot ng iba't-ibang parangal ang publikasyon sa nakaraang DSPC, isang patunay ng kanilang dedikasyon at husay sa larangan ng pamamahayag.

Ulat ni: Rhian B. Malabanan
Mga larawan mula kina: Denise Adrienne E. Reynes, Von Iñigo G. Bagangan, Maighra Daniella A. Tardaguela, at Diane Botin

17/08/2025

𝗟𝗔𝗧𝗛𝗔𝗟𝗔𝗜𝗡 | 𝗟𝗶𝘄𝗮𝗻𝗮𝗴 𝗻𝗮 𝗛𝗶𝗻𝗱𝗶 𝗡𝗮𝗺𝗮𝗺𝗮𝘁𝗮𝘆: 𝗜𝘀𝗮𝗻𝗴 𝗧𝗮𝗼𝗻𝗴 𝗣𝗮𝗴-𝗮𝗹𝗮𝗮𝗹𝗮 𝗸𝗮𝘆 𝗗𝗿. 𝗔𝗻𝗴𝗲𝗹𝗶𝘁𝗮 𝗢. 𝗠𝗼𝗻𝘁𝗲𝗿𝗼

Sa bawat silid ng St. Ignatius Academy, may tahimik na liwanag na patuloy na sumisiklab—hindi mula sa bombilya o araw, kundi mula sa alaala ng isang babaeng minsang naglakad sa mga pasilyo dala ang ngiti at malasakit na kayang magpagaan ng kahit pinakamabigat na araw.

Ang Agosto 17 ay hindi basta petsa sa kalendaryo. Sa puso ng bawat Ignatian, ito ang araw na parang biglang humina ang liwanag sa pasilyo—ang araw na tahimik na pumikit si Dr. Angelita “Angie” Montero, ang babaeng naging ilaw ng St. Ignatius Academy. Isang taon na ang lumipas, ngunit tila sariwa pa ang alaala ng kanyang mga hakbang sa koridor, at ng kanyang boses na palaging may baong pag-asa. Hindi lamang siya tagapagtatag ng tatlong kampus sa Biñan, Cabuyao, at Sta. Rosa — siya rin ang naging kanlungan ng mga batang naliligaw at sandalan ng mga g**ong napapagod.

Sa gitna ng pandemya, nang ikandado ang buong mundo, mas pinili niyang buksan ang paaralan para sa mga mag-aaral na wala nang kakayahang magpatuloy. “Mas nauna po naming alalayan ang mga estudyanteng halos hindi na makapag-aral,” wika niya noon sa Saludo Excellence Award 2022—salitang hindi lamang binitawan, kundi isinabuhay. Ang kanyang bubbly na personalidad at mapagkumbabang puso ay nagsilbing dahilan kung bakit madali siyang lapitan. Tulad ng puno sa gitna ng bakuran, marami ang humanap ng lilim sa kanya—mga g**o na nalilito, mga mag-aaral na nawawalan ng pag-asa, at mga taong naghahanap lamang ng masasandalan.

Ngayong unang anibersaryo ng kanyang pagpanaw, hindi luha ang nangingibabaw—kundi pasasalamat. Sa bawat unang tunog ng bell, sa bawat araling sinisimulan ng isang g**o, may maliit na bulong: “Ito ay para sa’yo, Ma’am Angie.” Para bang ang bawat tagumpay ng paaralan ay talulot na patuloy na namumukadkad mula sa mga binhi ng kabutihang minsan niyang itinanim.

At sa gitna ng katahimikan, may aral na inilawan ng kanyang buhay: ang tunay na paglilingkod ay hindi natatapos sa kamatayan — ito’y nagiging liwanag na pinanghahawakan ng mga taong naiwan.

Lathalain ni: Raizzel Asi

Ang Ignithayag - The Ignite Express

17/09/2025

10/09/2025

30/08/2025

30/08/2025

25/08/2025

25/08/2025

24/08/2025

24/08/2025

21/08/2025

17/08/2025

17/08/2025

Address

Website

Alerts

Shortcuts

Share

Category