Chubby's World

23/10/2025

Dear Ate Bea: Ang Dakong Sekreto!

Dear Ate Bea,

Maayong Gabii, tawga lang kog Rose 28 (dilli tinood na pangalan), aduna koy tarong nga trabaho ug gamayng negosyo. Usa diay ko ka single mom. Kani lage sayo ta nahigugma, pero di pa diay ready ug responsibilidad ang nakaburos nako. Bisan pa man ug wala mi nagdayon sa papa sa akong anak, pero karon gapadayon siya ug suporta. Naa na pud diay siya'y lain nga pamilya

Ug ako karon nagpadayon nga single. Pero naa gyud mga panahon nga mobati ko ug kamingaw ug di malikayan nga mahulog ko sa mga tam-is nga pulong. Tawgon nato siya ug JM, 32 among silingan, sige na nako sya mabantayan nga sige ug pasiplat siplat nako ig mgduwa siya basketbol. Di malikayan nga maka siplat pd ko niya kay gawas sa taas, sakto ug barog, hitsuraan pd siya Ate

Adunay usa ka gabii niana nakalabay kos tindahan kung asa si JM ug iyang mga barkada ng inom. Gitawag kos isa namo kasilingan. Nagduha duha kog dool kay sa tapad ra ni JM nay bakante nga lingkuranan.

Pila ra gyud dagan sa storya, nagtagay mi ug mejo na tipsy ko adtong tungora ug nananghid ko na mouna nako kay mejo hubog nako, naunsa man nga ngpresenta man xa na iya kung ihatod sa amoa, nanaghid sya sa iyang mga barkada ug gi alalayan ko niya kay kalipongon na gyud ko ug sa dihang.....

Like, follow and share for Part 2

22/10/2025

Dear Ate Bea, Ako ra gihapon!!

Dear Ate Bea,

Kabalo ka, gikapoy na ko.
Gikapoy ko sa sige’g ingon nga “magsugod na ko og usab,” pero kada adlaw, balik gihapon ko sa akong daan nga batasan.
Kana bitawng bad habit nga kahibalo ko nga makadaot nako — pero mura’g naa koy magnet, pirme ra ko ginabalik.

Usahay maghunahuna ko, ngano man nga ingon ani ko?
Naa koy mga plano, mga damgo, pero pirme ra kutob sa notebook o sa akong huna-huna.
Mura kog sige’g lihok, pero wa jud ko gasulong.
Mura kog sige’g ginhawa, pero di ko mabuhian.

Kahibalo ko nga ako ra gyud akong kaaway, Ate Bea.
Dili tungod kay walay chance, pero kay pirme ko magduha-duha kung deserving ba ko.
Lisod tuohan nga pwede ko mahimong “better version” sa akong kaugalingon kung kada adlaw akong ginabalik-balikan ang mga sayop nga akong gihimo.

Ganahan ko mausab, Ate Bea.
Ganahan ko nga ma-proud ko sa akong reflection, nga dili na ko magtagotago sa akong mga kahadlok.
Pero karon, tinuod — lost pa ko.
Ambot asa ko paingon, pero kabalo ko nga gusto nako makit-an akong kaugalingon balik.

Siguro dili pa karon, pero usa ka adlaw, gusto nako makaingon nga:
“Sa wakas, ako na gyud ni — dili na tong ako nga pirmi magduha-duha.”

For now, magpabilin lang ko diri, nagtuo nga bisan pa sa akong mga bad habits ug doubts,
naa pa gihapon koy chance nga makasugod pag-usab.

Love,
Ang Ako nga Naligaw sa Kaugalingon

゚viralシfypシ゚viralシalシ

19/10/2025

Dear Ate Bea: Gusto Lang Ko’g Kalinaw

Dear Ate Bea,
Maayong gabii. Ako si Lea, usa ka 19-anyos nga anak nga kapoy na… kapoy na maminaw ug away, kapoy na magpugong ug luha.

Sukad pagkabata, Ate, halos kada gabii mag-away akong mama ug papa. Sa una, abi nako normal ra — ingon pa sa uban, “basta mag-asawa, ana gyud na.” Pero kadugayan, murag kada tingog nila, kada lalis, mura kog nagkadunot sulod.

Kada bunyag ug Pasko, mag-ampo ko nga unta, karong tuiga magkaayo na sila. Pero Ate Bea, wala gyud. Niana na lang ko sa akong kaugalingon, “Basig dili gyud diay tanan pamilya maluwas.”

Usahay gusto ko molayas, pero asa man ko padulong? Asa man ko mangita ug balay nga walay kasaba, walay panlitanay, walay luha?

Ug karon nga nagbulag na sila, mingaw kaayo, Ate. Abi nako mawad-an ko ug sakit kung magbuwag sila, pero lahi man diay… sakit gihapon.
Ang balay nga puno ug lalis sauna, karon hilom na kaayo — pero ang kasakit, naa gihapon.

Usahay magtan-aw ko sa uban nga pamilya sa simbahan, magkuyog tanan, magtinabangay… unya mangutana ko, “Ngano dili man pwede ana amo?”

Dili ko masuko sa akong ginikanan, Ate. Pero murag nawala akong pagkabata sa ilang away. Murag akong kasingkasing, nahimong biktima sa kasuko nga dili man ako ang hinungdan.

Ate Bea, unsaon man nako pagbuhi sa kasakit nga ako ra man nagkupot sukad pagkabata?

Tambagi ko,
Lea

19/10/2025

Dear Ate Bea, Palihug Tabangi Ko!

Dear Ate Bea,
Maayong gabii. Ako si Marissa (di tinuod nga ngalan), ug gusto lang gyud ko makapahungaw. Lima na katuig nga kami ni Edgar kasal. Sa sinugdanan, maayo man siya — sweet, responsable, ug buotan. Pero paglabay sa panahon, lahi na kaayo siya karon, Ate.

Kada adlaw nga manguli siya, dala na pud ug baho sa alak. Kung kinsay iyang masapotan, ako dayon ang bawsan. Dili man niya ko pasakaan ug kamot pirmi, pero masakit gyud ang iyang mga pulong, Ate... murag kutsilyo nga mohapak sa akong kasingkasing kada higayon nga iyang isulti nga “Wala kay pulos.”

Usahay, mohilak nalang ko sa kusina samtang nagluto. Makita ko among litrato sa kasal — katawa pa mi ato, unya magtan-aw ko sa akong kaugalingon karon... murag lain na gyud ang tanang butang.

Gusto unta ko siya tabangan, Ate, kay kahibalo ko nga naa siyay problema. Pero unsaon man nako pagluwas sa iyang kalisod, kung ako mismo ang iyang giguyod palubog? 😔

Karong panahona, kapoy na gyud ko. Kapoy na magsige’g pasabot. Kapoy na magsige’g tu-o nga mubalik pa ang lalaki nga akong giasawa. Pero bisan pa man ana, sakit gihapon sa akong kasingkasing ang maghunahuna nga biyaan siya.

Unsaon man nako, Ate Bea? Ang gugma ba, kinahanglan gyud kalimtan kung mao nay makapatay sa imong kalipay?

Tambagi ko,
Marissa

04/10/2025

"Nahulog Sa Dili Ako?

Dear Ate Bea,

Maayong Adlaw , Ate Bea. Tawga lang ko’g “Nahulog sa Dili Ako.”

Ate, duha mi ka bestfriend — ako ug siya. Sukad pa pagkabata, kami ang kanunay kuyog, kami ang magsinabtanay bisan walay istorya. Pag-abot sa kolehiyo, nakaila mi ug usa ka babaye. Gwapa, buotan, ug murag siya gyud ang klase sa tao nga lisod dili mahulog.

Ate, sa sinugdanan, pareho mi niya gihatagan ug oras. Pareho mi nga ginahinganlan ug “bestfriend.” Pero wala nako damha, sa tago-tagong oras, ako ra diay ang mas nahulog. Ako ra diay ang mas niasa. Kada smile niya, kada tawag niya sa akong pangalan, ako ra diay ang nagtuo nga naay “special” nga pulos.

Hangtod nga usa ka adlaw, nakita nako sila, Ate. Dili sila nagsulti, dili pud sila nangayo ug permiso — pero klaro kaayo sa ilang mga mata nga nagsugod na ang gugma nga dili ako apil.

Ate Bea, unsaon man nako pagdaog sa usa ka dula nga daan na kong pildi? Unsay mahimo sa akong gugma nga gihuptan, kung sa iyang kasingkasing, siya ra gyud ang gipili?

Lisod, Ate. Kay kung unsa ang akong gikahadlokan mao gyud ang nahitabo: nga ang akong bestfriend ug ang akong gihigugma, nagkauyab. Naghilom ko, ni-smile ko, ug nagpabilin nga “friend” lang, bisan sa sulod, naguba na ko.

Usahay, Ate, magtan-aw ko sa salamin ug mangutana, “Unsa man akong kulang?” Pero basin dili man diay kulang ang problema. Basin tinuod lang gyud nga dili tanan nato gihigugma, para nato gihapon.

— “Nahulog sa Dili Ako”

02/10/2025

" Nahurot sa Way Sulod"

Dear Ate Bea,

Maayong Adlaw , Ate Bea. Tawga lang ko’g “Nahurot sa Walay Sulod.”

Ate, pila na ka beses ko nahigugma ug gihatag nako tanan. Mura kog kandila nga nagsiga, nagsakripisyo bisan ako ra ang natunaw. Ako ang pirmi mangita, pirmi mu-text, pirmi muhatag. Ako ang mag-drive bisan ulan, ako ang muabot bisan kapoy. Pero Ate, sa tanang panahon nga ako ang nangitag paagi, sila man diay pirmi nangita ug lain.

Lisod kaayo, Ate, kay abi nako ang effort makabayad sa gugma. Pero nasayop ko. Kay kung ang usa ka tawo dili ganahan nimo, bisan unsa pa nimong buhaton, dili gyud na mausab. Pwede ka niya dawaton, pero dili gyud ka niya pilion.

Hibulong kaayo ko, Ate, nganong sa gugma, ang kanunay nga mangandoy ug tinuod mao pa man pirmi ang mahimong option lang. Ang seryoso, ginabinuangan. Ang tinuod, ginapulihan. Ug ang mangandam mosakripisyo, mao ra gyud pirmi ang mapasakitan.

Ate Bea, murag nahurot na ko. Nahurot na akong paglaum, akong kusog, akong kasingkasing. Pero bisan pa, naa koy nahibaw-an: ang gugma nga peke, muhunong ra. Pero ang gugma nga tinuod, bisan pila pa ka higayon nga mabali ang imong kasingkasing, muabot ra gyud siya sa husto nga oras ug sa husto nga tawo.

— “Nahurot sa Walay Sulod”

01/10/2025

Cheating issue?
Kanang ga low carb ka pero ng noodles?
Actually mao n mkaguba ky wat if wa jud lain sud-an, ayom ayoman na lang, pero na bya itlog ha. Protein mn jpon na dba?

Struggle is real

゚viralシ

01/10/2025

"Nagmahal Pero Nasaktan"

Dear Ate Bea,

Maayong Adlaw, Ate Bea. Tawga lang ko ug si “Nagmahal Pero Nasakitan.”

Ate, naa koy babaye sauna nga akong gipangga ug gipaningkamotan gyud. Bisan layo iyang balay, mosakay ko’g sakyanan, mag-drive ug pila ka oras lang makita siya. Ako gyud ang pirmi mupick-up ug muhatod niya. Tagaan nako siya’g mga regalo, bisan unsa lang, basta malipay siya.

Ate, mura gyud siyag akong kalibutan. Pero bisan unsa akong effort, bisan unsa nako siya gipakita nga importante siya nako—gisulti ra gihapon niya nga amigo ra gyud ang tan-aw niya nako. Wala gyud siyay pagbati para nako, kay para niya, dili daw ko makalingaw, dili ko gwapo. Bisan pa kuno bright ko ug confident, dili gyud siya nahulog nako. Grabe ka sakit, Ate.

Paglabay sa panahon, nakabawi ko ug nakaila ug lain babaye. Lahi siya—malumo, buotan, nadala ko sa iyang pagkamatinabangon. Nagkauyab mi, nagsugod ug puyo, ug nadungan pa nga nabuntis nako siya. Abi nako, mao na gyud ni ang akong pamilya nga gipangandoy.

Pero Ate, mura’g gibungkag ko pag-usab. Kay pagkahibaw nako, kada wala ko, kada busy ko sa trabaho, naa diay siyay lain. Gikasaligan nako siya, gipangga, apan sa likod, lain diay iyang gipangita.

Karun, Ate Bea, mura’g nalumos na ko sa kasakit. Naghunahuna ko, unsa man gyud akong kulang? Ngano pirmi ra ko mahimong sobra nga gihigugma, pero walay mubalik sa tinuod? Wala nako kabalo kung unsaon ni nako.

— “Nagmahal Pero Nasakitan”

30/09/2025

I just woke up, and I am grateful for another day
Pero, what happened Cebu?
I hope ok ra mo dha mga friends nako huhuhuhuh

Send a message to learn more

30/09/2025

Thanks papap Jimmy Jr Lanterna for following

Send a message to learn more

30/09/2025

"Ang Gugma nga Di Para sa Akoa"

Dear Ate Bea,

Maayong Adlaw , Ate Bea. Gusto ko unta ipahungaw diri ang akong gibati kay mura’g maglagot nako sa akong kaugalingon. Ate, simple ra gyud unta akong gipangayo—gusto ra gyud ko nga naay tawo nga mutagad ug mutuo nga importante ko. Dili ko mangayo’g kwarta, dili ko mangayo’g mga regalo. Gugma ra gyud ang akong gipangita.

Ate, kada makaila ko ug lalaki, dali ra kaayo ko mahulog. Abi nako kung sweet siya gamay, kung mu-chat siya og good morning, kung muhatag og bulak, mao na na. Pareha ni Mark, Ate. Gitagaan ko niya og bulak, giingnan ko nga gwapa daw ko. Pagkahuman sa duha ka semana, nawala na siya mura’g bula. Nasakitan ko pero giingon nako sa akong kaugalingon, basin dili lang siya para nako.

Pagka human ni Mark, naabot si Carlo. Lain pud ni siya’g style, lain musulti, lain mu-atiman. Murag seryoso, Ate. Pero pagkahuman, nahibaw-an ra nako nga ginamit lang diay ko niya para kaseloson iyang ex. Ug pagkahuman nga nibalik iyang ex, wala na ko giila. Murag puppet ra diay ko para niya.

Pero ang pinakasakit gyud, Ate, mao tong katapusan. Si Adrian. Naminaw siya sa tanan nako, bisan walay pulos akong istorya, gipahimutan ko niya mura’g espesyal ko. Giingon nako sa akong kaugalingon, “Karon basin mao na gyud ni, basin siya na gyud.”

Pero Ate, sakit gyud kaayo kay samtang naglaum ko nga ako iyang pili-on, lahi diay iyang gipili. Dili man diay ako iyang gihigugma, Ate. Nahulog siya sa akong bestfriend. Naa ra ko tanang paningkamot, tanang paglaum, pero sa katapusan, akong kasingkasing gihimong tumoy sa dula nga dili man diay para nako.

Ate Bea, nakasabot ko karon nga dili gyud ko magdali. Siguro dili pa panahon. Siguro kinahanglan sa nako higugmaon akong kaugalingon una, kaysa magpabilin nga pirmi lang mahulog sa mga tawo nga dili mutupad sa akong pangandoy.

Salamat, Ate Bea, sa pagpaminaw. Maski sa messenger ra ni nako naingon, murag nakagaan sa akong dughan.

— Naghandum gihapon ug tinuod nga Gugma