13/06/2026
EXCLUSIVE!
43 ANYOS NGA LALAKI HUMAN NAPALGANG PA+AY SA BUKIDNON, WALAY FOUL PLAY!
WALAY foulplay sa kamatayon sa usa ka lalaki human napalgan ang patay nga lawas niadtong Hunyo 11, 2026 alas 7:20 sa buntag sa Purok-1, Brgy Manlamonay, Don Carlos, Bukidnon.
Basi sa taho, ang mga personahe sa Don Carlos MPS, pinangulohan ni PMAJ AL-NICO R HAMAN, COP midalikyat gilayon sa naasoyng lugar aron pamatud-an ang report ug mohimo og tukmang interbensyon sa kapulisan.
Sa pag-abot sa dapit, ang mga miresponde nga mga personahe mikompirmar sa presensya sa usa ka namatay nga lalaki, nga naghigda na. Ang namatay positibong giila sa iyang igsuon nga 43 anyos, lalaki, ug residente sa Purok 1, Barangay Manlamonay, Don Carlos, Bukidnon.
Sa inisyal nga imbestigasyon nga gihimo uban sa mga igsuon, kabanay, ug silingan sa namatay nasayran nga ang namatay adunay nahibaw-an nga medical history sa epilepsy ug gikatahong prone nga makasinati og seizure. Dugang pa nila nga siya kanunay nga nag-inom ug alkoholikong ilimnon ug kanunay nga mogugol ug oras sa gawas sa pag-inom.
Sa ilang mga pamahayag, sa wala pa madiskubre ang iyang lawas, ang namatay naobserbahan nga nag-inom sa naandan nga pag-inom. Gituohan nga nahiagom kini og epileptic seizure hinungdan nga natumba kini sa yuta nga posibleng miresulta sa iyang kamatayon.
Base sa mga pamahayag ug impormasyon nga nahipos sa dapit nga nahitaboan, walay nakitang timailhan sa foul play. Ang mga patayng lawas maampingong gibutang sa sulod sa sakyanan sa usa ka Funeral Services ug gidala sa ospital. Human niini, ang lawas sa namatay gidala sa Simbulan Hospital ug opisyal nga gideklarar nga patay sa usa ka lalaki, Medical Officer sa Simbulan Hospital.
Paminawa si Don Carlos Mps. Chief of Police, PMAJ AL-NICO R HAMAN
