12/09/2025
Budget Hearing sa Lain-lain nga Ahensya sa gobyerno gitambungan ni Deputy Speaker Bambi Emano
Aktibong gipartisiparan sa Deputy Speaker Bambi Emano ang nagkalain-laing budget deliberations, diin iyang gikwestyon ug gihangyo ang mga detalye sa mga ginapangayo nga pondo alang sa mga ahensya sa gobyerno.
Lakip sa mga gitambongan ni Deputy Speaker Emano ang budget deliberation sa Office of the President sa Committee on Appropriations, ug ang briefing/hearing sa proposed FY 2026 budget sa Department of Social Welfare and Development (DSWD).
Apan, dili lang kini ang gipartisiparan ni Emano. Gitambongan usab niya ang budget deliberation sa Commission on Audit (COA) ug Commission on Higher Education (CHED) sulod lang sa semanaha. Ang mga deliberasyon nagtutok sa mga pondo alang sa pagpatuman sa mga proyekto ug serbisyo nga maghatag og benepisyo sa publiko, ilabi na sa mga sektor nga nanginahanglan og dugang nga suporta.
Ang mga pondo nga gipangayo sa mga ahensya ug mga proyekto gihangyo ni Emano nga mapa-ayo ug makahatag og tinuod nga kaayohan sa mga tawo ug komunidad. Ang iyang papel sa mga budget hearings nagpamatuod sa iyang dedikasyon sa pagtutok sa mga kinahanglanon sa mga nasudnong sektor.
