27/04/2026
Asa pwede mangaply anang 4p's Kay moundang nakog trabahu😁
Murag yahay man
MGA 4P'S BENEFICIARIES, BIBIGYAN NG MURANG PABAHAY
Inanunsyo ng Department of Social Welfare and Development (DSWD) ang pagbibigay ng oportunidad sa murang pabahay para sa mga kwalipikadong benepisyaryo ng Pantawid Pamilyang Pilipino Program (4Ps), sa pakikipagtulungan sa Department of Human Settlements and Urban Development (DHSUD).
Ayon kay Rex Gatchalian, layunin ng programa na matiyak ang tuloy-tuloy na pag-angat ng buhay ng mga pamilyang kabilang sa 4Ps, lalo na ang mga “graduates” o yaong nakamit na ang pagiging self-sufficient.
Ipinaliwanag ng kalihim na bahagi ito ng plano ni Ferdinand R. Marcos Jr. na maiugnay ang 4Ps sa Expanded Pambansang Pabahay Para sa Pilipino (4PH) program, upang mabigyan ng disenteng tirahan ang mga pamilyang handa nang tumayo sa sariling paa.
Dagdag pa niya, ang mga housing unit sa ilalim ng 4PH ay nakalaan para sa mga pamilyang may sapat nang kakayahang pinansyal upang makabayad ng buwanang amortization.
Sa pamamagitan ng naturang inisyatiba, inaasahan ng pamahalaan na mas mapapalakas ang transisyon ng mga 4Ps beneficiaries mula sa pagtanggap ng tulong patungo sa pagiging ganap na self-reliant.
