CDO Maskom

20/05/2026

ACTUAL NGA CCTV FOOTAGE SA GIINGONG PAG SIBAT SA USA KA SAKYANAN HUMAN NAG PATUBIL OG 3,000 PESOS SA PETRON EL SALVADOR CITY KARONG BUNTAG MAY, 20, 2026!

GIPANGITA karon ang usa ka gray nga sakyanan nga adunay plate number KAP 6094 human giingong midagan nga wala mibayad sa gasolina sa Petron kaganinang alas 8:15 sa buntag, Mayo 20, 2026.

Sumala sa report, mokabat sa ₱3,000 ang kantidad sa gasolina nga nakuha sa maong customer sa wala pa kini mipadayon og dagan paingon sa direksyon sa Cagayan de Oro City.

Giawhag ang publiko nga kon adunay makahibalo o makakita sa maong sakyanan nga daling ipahibalo sa labing duol nga police station o otoridad aron mahatagan dayon og aksyon ang insidente.

Sa pagkakaron, padayon pang ginamonitor ug ginapangita sa mga otoridad ang maong sakyanan.

Source: PrivateMessage From a Concern Citizen

20/05/2026

SAKYANAN NGA NAG PATUBIL OG MUKABAT SA 3,000 PESOS WALA MIBAYAD, GAS MAN SA PETRON EL SALVADOR NAGPROBLEMA!

GIPANGITA karon ang usa ka gray nga sakyanan nga adunay plate number KAP 6094 human giingong midagan nga wala mibayad sa gasolina sa Petron kaganinang alas 8:15 sa buntag, Mayo 20, 2026.

Sumala sa report, mokabat sa ₱3,000 ang kantidad sa gasolina nga nakuha sa maong customer sa wala pa kini mipadayon og dagan paingon sa direksyon sa Cagayan de Oro City.

Giawhag ang publiko nga kon adunay makahibalo o makakita sa maong sakyanan nga daling ipahibalo sa labing duol nga police station o otoridad aron mahatagan dayon og aksyon ang insidente.

Sa pagkakaron, padayon pang ginamonitor ug ginapangita sa mga otoridad ang maong sakyanan.

Source: PrivateMessage From a concern Citizen.

19/05/2026

PASAHERONG BABAE SA BAO-BAO NGA NIBANGGA SA LIKOD NGA BAHIN SA WINGVAN TRUCK SA BALOY BRGY TABLON PA+AY!

PATAY ang usa ka babaye nga pasahero sa bao-bao human mibangga ang ilang gisakyan sa likod nga bahin sa usa ka wingvan truck sa CM Recto Highway, Baloy, Brgy. Tablon, Cagayan de Oro City kaganinang buntag alas 5:03.

Naila ang namatay nga biktima nga si Jessybel nga residente sa Brgy. Puntod ning dakbayan diin padayon pang gipangita sa kapulisan ang iyang mga kabanay.

Nakaangkon ang biktima og grabeng mga samad sa ibabaw nga bahin sa iyang lawas lakip na ang pagkabali sa usa niini ka kamot nga maoy hinungdan sa iyang kamatayon.

Samtang padayon pang nagpaalim sa tambalanan ang drayber sa bao-bao nga nailang si Rey, residente sa Upper Puerto, human usab kini makaangkon og mga samad sa ulo nga bahin.

Kasamtangang anaa sa kustodiya sa Police Station 10 Cugman ang drayber sa wingvan truck nga nailang si Marjon samtang naghulat sa dugang disposisyon ug imbestigasyon sa maong aksidente.

Sa pagkakaron, padayon pang ginasusi sa kapulisan ang saktong hinungdan sa maong disgrasya.

18/05/2026

IMPEACHMENT FOR VP SARA DUTERTE!

18/05/2026

DUHA KA MOTOR NAGBANGGA SA KITAOTAO BUKIDNON, USA PATAY UG USA ANGOL!

NAGBANGGA ang duha ka motorsiklo sa may Sayre Highway, Sitio Cabalansihan, Brgy. Sinuda, Kitaotao niadtong Mayo 17, 2026 pasado alas 11:00 sa buntag nga miresulta sa kamatayon sa usa ka drayber ug pagkasamad sa laing motorista.

Ang namatay nailang sa alyas nga “Teodoro,” 54 anyos, residente sa Sitio Cabalansihan, Brgy. Sinuda ug drayber sa usa ka Kawasaki Bajaj nga motorsiklo.

Samtang ang naangol nailang sa alyas nga “Jimuel,” 26 anyos, residente sa Davao City ug nagmaneho sa Yamaha XMAX nga motorsiklo.

Base sa imbestigasyon, nagsubay sa susamang direksyon ang duha ka motorsiklo gikan sa Quezon, Bukidnon paingon sa Brgy. Sinuda diin nag-una ang Bajaj ug nagsunod ang Yamaha XMAX.

Pag-abot sa dapit nga nahitaboan, giingong mihinay ug nimaniobra sa wala nga bahin sa kalsada ang Bajaj nga gimaneho ni alyas Teodoro hinungdan nga aksidenteng nabanggaan kini sa nagsunod nga Yamaha XMAX.

Tungod sa kusog sa impact, nakaangkon og mga samad sa ilang lawas ang duha ka drayber ug gilayon silang gidala sa German Doctors Hospital sa Buda, Marilog District alang sa medikal nga pagtambal.

Apan, gideklarar nga dead on arrival sa attending physician ang drayber sa Bajaj samtang ang drayber sa Yamaha gi-refer ngadto sa Southern Philippines Medical Center alang sa dugang pagtambal.

Sa pagkakaron, gidala na sa Police Community Precinct sa Kitaotao MPS sa Brgy. Lorega ang duha ka motorsiklo alang sa hustong disposisyon ug padayon nga imbestigasyon.

Source: xFM BUKIDNON

18/05/2026

17/05/2026

LALAKI GIDUNGGAB SAMTANG KAMULO OG INUM SA PANGANTUCAN BUKIDNON!

GIDUNGGAB ang usa ka 31 anyos nga lalaki samtang kamulo og tagay uban sa iyang mga higala sa Sitio Rancho, Brgy. Bangahan, Pangantucan.

Sumala sa inisyal nga impormasyon, nag-inom ang biktima uban sa iyang mga kauban sa dihang miabot ang suspek nga nailang lamang sa alyas nga “Doydoy” nga giingong hubog usab.

Kalit matud pa nga miduslak ang suspek sa tuo nga bahin sa tiyan sa biktima gamit ang sundang hinungdan nga nakaangkon kini og grabeng samad.

Human sa maong insidente, mikalagiw dayon ang suspek paingon sa wala matino nga direksyon aron makalikay sa pagdakop sa mga otoridad.

Gilayon usab nga gihatagan og tabang ang biktima samtang nagpadayon ang imbestigasyon sa kapulisan aron matino ang tibuok hinungdan sa maong panaksak.

Sa pagkakaron, padayon ang hot pursuit operation sa Philippine National Police Pangantucan Municipal Police Station aron madakpan ang suspek ug maatubang niini ang kaso nga posibleng ipasaka batok kaniya.

Source: STRONG RADIO

17/05/2026

BABAYE, GIPUSIL-PATAY GAMIT ANG GIINGONG SHOTGUN SA MARAMAG BUKIDNON!

GIPUSIL-PATAY ang usa ka 38 anyos nga babaye sa Purok 6, Brgy. San Roque, Maramag.

Base sa report, nag-atiman sa ilang baboy sa likod sa balay ang biktima samtang nagpahulay sulod sa ilang panimalay ang iyang bana ug anak sa dihang nakadungog sila og usa ka buto sa pusil gikan sa likod nga bahin sa ilang pinuy-anan.

Pagtan-aw sa pamilya, ilang nakitang nagbuy-od na sa yuta ang biktima hinungdan nga gilayon kining gidala sa BPH-Maramag alang sa pagpatambal.

Apan, gideklarar nga dead on arrival sa attending physician ang biktima tungod sa grabeng samad pinusilan nga iyang naangkon.

Nakarekober usab ang SOCO team og mga metal fragments nga gituohang gikan sa 12-gauge shotgun atol sa ilang pagproseso sa crime scene.

Gikataho nga giila na sa mga otoridad ang suspek sa alyas nga “Dodoy,” 36 anyos, ug personal grudge ang usa sa gitan-aw nga posibleng motibo sa maong pagpamusil.

Sa pagkakaron, nagpadayon ang hot pursuit operation sa kapulisan aron masikop ang suspek ug maatubang niini ang kasong ipasaka batok kaniya.

Source: STRONG RADIO

16/05/2026

16/05/2026

69 KA UNDOCUMENTED CHINESE NATIONAL UG USA KA PINOY, NASAKPAN NGA ILLEGAL NGA NAG TRABAHO SULOD SA SANJIA STEEL PLANT SA TAGOLOAN!

NASAKPAN sa mga otoridad ang 69 ka undocumented Chinese national ug usa ka Pilipino nga giingong illegal nga nagtrabaho sulod sa usa ka steel plant sa PHIVIDEC Industrial Estate sa Tagoloan.

Sumala sa taho gikan sa Department of National Defense ug Presidential Anti-Organized Crime Commission, nalambigit ang maong pasilidad sa seryosong mga paglapas sa balaod hinungdan nga gipaubos kini sa hugot nga imbestigasyon.

Gawas sa kakuwang sa legal nga mga dokumento sa mga langyaw nga trabahante, nakumpirma usab sa pakisusi ang giingong paglapas sa labor safety practices o hustong pamaagi sa kaluwasan sulod sa planta.

Miduaw usab sa maong lugar si Gilberto Teodoro Jr. uban ni Benjamin Acorda Jr. aron personal nga masuta ang sitwasyon ug operasyon sa maong pasilidad.

Padayon sa pagkakaron ang imbestigasyon sa mga ahensya sa gobyerno aron mahibaluan ang posibleng uban pang paglapas nga nahitabo sulod sa planta ug aron matino ang legal nga kahimtang sa mga nadakpan nga mga trabahante.

Sa pagkakaron, anaa na sa kustodiya sa mga otoridad ang mga nadakpan samtang ginaproseso ang ilang dokumentasyon ug posibleng mga kaso nga ilang atubangon.

Source: PTV