Laguna Republic

14/09/2026

LIBRENG REVIEW PROGRAM NG LAGUNA, NILINAW SA GITNA NG ISYUNG POLITIKAL

LAGUNA — Nilinaw ni Gobernor Sol Aragones ang layunin at mekanismo ng libreng review program para sa mga kukuha ng Licensure Examination for Teachers (LET), Criminology at Civil Service Examination, kasunod ng mga kumakalat na impormasyon at alegasyong may kinalaman sa programa.

Ang mga aplikanteng kwalipikado sa programa ay tumatanggap ng ₱15,500 na nakalaan bilang pambayad sa kanilang review center.

Binigyang-diin na ang naturang halaga ay hindi personal na allowance ng mga benepisyaryo kundi tulong-pinansyal para sa kanilang review fees.

Ipinaliwanag din umano nang paulit-ulit sa mga benepisyaryo ang layunin ng pondo ang mabigyan ng pagkakataong makapag-review ang mga kwalipikadong indibidwal na walang sapat na kakayahang pinansyal upang makapagbayad sa review center.

“Simple lang naman po ang gusto ko, tulungan ang mga may gustong mag-review na walang pambayad para magkaroon sila ng patas na laban sa buhay,” - Aragones

Sinabi rin nya na maraming benepisyaryo ang nagpahayag ng kanilang pasasalamat sa programa.

Gayunman, iginiit nito na ang pondo ay hindi dapat ituring na personal na pera ng sinumang opisyal dahil nagmumula ito sa pamahalaan at, sa huli, ay pera ng mga mamamayan.

Samantala, binatikos din ng opisyal ang umano’y pagpapakalat ng maling impormasyon tungkol sa programa at iginiit na dapat munang magsagawa ng sapat na pananaliksik bago maglabas ng ulat.

Hinimok naman ang mga mamamahayag na panatilihin ang pagiging patas, kredibilidad at kalayaan sa pag-uulat, lalo na sa mga usaping may kaugnayan sa paggamit ng pondo ng pamahalaan.

Sa gitna ng mga alegasyon, nananatiling mahalaga ang pagsusuri sa mga dokumento at opisyal na rekord upang matukoy kung mayroong aktuwal na iregularidad sa implementasyon ng programa o kung ang mga isyung kumakalat ay bahagi lamang ng hidwaang pampulitika.

GOByernong may SOLusyon
Laguna Public Information Office
Laguna Republic

14/09/2026

Busy Monday at the H.A.I.N. Center of the Cabuyao LGU — delivering express public service.

12/09/2026

Good vibes po muna tayo 🙂

Habang iniinterview ang masipag na si kapitan Sito ng Pinagbayanan Pila may tumawag kay gob pero napansin agad nya na makaka-distruct siya, kaya kaway-kaway nalang muna tuloy ang interview kay Kap😄

Ngiting Darna yarnn😅😅😅 ang humble 🥰🥰🥰

Sino ba kasi yung tumawag kay gob😅😅😅😅😅

12/09/2026

Mula 30 na ambulansiya, 10 units idadagdag pa. - ES RECTO

12/09/2026

𝗠𝗲𝗱𝗶𝗰𝗮𝗹 𝗮𝘁 𝗕𝘂𝗿𝗶𝗮𝗹 𝗔𝘀𝘀𝗶𝘀𝘁𝗮𝗻𝗰𝗲 𝗶𝗽𝗶𝗻𝗮𝗺𝗮𝗵𝗮𝗴𝗶 𝘀𝗮 𝗺𝗴𝗮 𝗿𝗲𝘀𝗶𝗱𝗲𝗻𝘁𝗲 𝗻𝗴 𝟯𝗿𝗱 𝗗𝗶𝘀𝘁𝗿𝗶𝗰𝘁 𝗻𝗴 𝗟𝗮𝗴𝘂𝗻𝗮

Personal na dumalo si Board Member Angelica Jones Alarva ng 3rd District ng Laguna sa payout ng medical at burial assistance para sa mga residente ng distrito bilang bahagi ng mga programang pang-ayuda ng Pamahalaang Panlalawigan ng Laguna.

Isinagawa ang payout sa ilalim ng programang GOByernong May SOLusyon ni Gov. Sol Aragones, katuwang ang Department of Social Welfare and Development (DSWD), Akay ni Gob at Sol Ladies.

Ayon kay Alarva, mahalaga ang mga programa ng financial assistance para matulungan ang mga pamilyang nahaharap sa gastusing dulot ng pagkakasakit o pagkamatay ng isang kapamilya.

Sinabi rin ng board member na patuloy niyang susuportahan sa Sangguniang Panlalawigan ang mga programang naglalayong mapalakas ang serbisyong pangkalusugan at iba pang tulong para sa mga residente ng 3rd District.

Bahagi ng kanyang mandato bilang kinatawan ng distrito ang pagsusulong at pagsuporta sa mga panukala at programang nakatuon sa kapakanan ng mga pamilya, partikular sa panahon ng pangangailangan.

Patuloy namang isinasagawa ng Pamahalaang Panlalawigan ang iba't ibang programa ng assistance para sa mga kwalipikadong benepisyaryo sa mga distrito ng Laguna.

11/09/2026

Executive Ralph Recto personal na inihatid sa Laguna ang pondong 200,000 para sa bawat Barangay ng lalawigan.

"Sa 681 barangay sa Laguna, nais naming matiyak na walang komunidad ang maiiwan — maging sa tulong-pinansyal man o sa mga pagkakataon para sa ating kabataan," pahayag ni Recto. "Ngayong araw, hindi lamang mga tseke ang ating ipinapasa; namumuhunan din tayo sa kinabukasan ng lalawigang ito sa pamamagitan ng pagsuporta at pagtulong sa mga kabataan dahil inaasahan na mayroong 5 na mga iskolar sa bawat barangay na tinatawag na Presidential Scholars dahil na rin sa programang ito.”

11/09/2026

Bawat bayan, makikinabang. Bawat barangay, may bahagi.

Personal na nagtungo sa Laguna si Executive Secretary Ralph Recto upang ihatid ang mahigit ₱130 milyon na pondo para sa lalawigan, kabilang ang ₱200,000 para sa bawat barangay na maaaring gamitin para sa mga programa at proyektong makatutulong sa kanilang komunidad.

Nagpasalamat naman si Laguna Governor Sol Aragones sa suporta ng pamahalaang pambansa, kasama ang ilang lider ng lalawigan na nagpahayag din ng kanilang pasasalamat.

Kabilang sa mga ito sina First District Representative Ann Matibag, Third District Representative Amben Amante, Cabuyao City Mayor Dennis Hain, Calamba City Mayor Ross Rizal, Magdalena Mayor Dario Lapada Jr., Barangay Canlubang, Calamba Chairperson Larry Dimayuga, at Pila ABC President Luisito Larazo.

📍 Bawat bayan. Bawat barangay. May pakinabang.

09/09/2026

SM Nuvali

Opisyal nang magbubukas ang SM Nuvali ngayong Nobyembre 27, 2026, na tampok ang isang isang ektaryang naka-aircon na indoor garden na hango sa teknolohiyang ginagamit sa Gardens by the Bay sa Singapore.

Hindi lamang bagong shopping mall ang SM Nuvali. Sumasalamin din ito sa patuloy na pag-unlad ng Metro Sta. Rosa bilang isa sa mga pangunahing sentro ng pamumuhay at paglago sa Timog Luzon, kasabay ng pagdami ng mga bagong retail, hotel at hospitality, paaralan, at business developments sa lugar.

08/09/2026

PELIKULANG “NEOPHYTE 26,” ITATAMPOK SA CALAMBA

Isang pelikulang naglalayong maghatid ng mahalagang mensahe tungkol sa bullying, hazing at karahasan ang mapapanood ng mga kabataan at g**o sa Calamba City sa Setyembre 10, 2026.

Tampok sa Neophyte 26 si Board Member Angelica Jones Alarva kung saan ginampanan niya ang papel ng isang mapagmahal at nagmamalasakit na ina. Kasama niya sa pelikula ang kanyang tunay na anak na si Angelo Jones Alday.

Ang bumubuo ng cast ay sina Derrick Monasterio, Jon Lucas, Elle Villanueva, Niel Ryan Sese, Dr. Ronald Adamat, Andrea del Rosario, Lance Raymundo, Maxine Trinidad, Chris Leonardo, Mosang at iba pa.

Layunin ng Neophyte 26 na hikayatin ang mga kabataan na piliin ang respeto, itaguyod ang kaligtasan at magkaroon ng tapang na tumindig laban sa anumang uri ng karahasan.

Pagkatapos ng film viewing, magkakaroon din ng forum at photo opportunity kasama ang mga miyembro ng cast para sa mga estudyante, g**o at iba pang dadalo.

Gaganapin ang educational film screening sa Jose Rizal Coliseum – Convention Hall, Right Wing, The Plaza, Chipeco Avenue, Barangay Real, Calamba City, Laguna, ala-una ng tanghali.

Ang aktibidad ay handog sa mga kabataan sa pakikipagtulungan ng Office of Mayor Ross Rizal at Calamba Tourism.

Respect. Protect. Educate. Save Lives.