31/08/2026
You’re raising both a neurotypical child and an autistic child.
Kanina, pauwi na kami after nilang maglaro napansin ko na malungkot si bunso kasi may gusto siyang ipabili pero hindi namin binili. Hindi dahil ayaw naming ibigay sa kanya. Hindi rin dahil hindi namin siya kayang bilhan. Pero dahil gusto namin siyang turuan habang bata pa na hindi lahat ng gusto natin, kailangan nating makuha. Marami naman siyang ganung bagay sa bahay, kaya sinabi namin sa kanya na hindi kailangan bumili ulit. Gusto naming maintindihan niya ngayon pa lang ang value ng money, pagiging contented, at ang difference ng gusto at kailangan. Hindi sa lahat ng pagkakataon may pambili tayo. At kahit may pambili, hindi ibig sabihin na dapat nating bilhin lahat ng gusto ng anak natin.
Bilang magulang, ang sarap sana makita silang masaya at maibigay lahat ng hinihingi nila. Pero minsan, ang pagsasabi ng hindi ay parte rin ng pagpapalaki sa kanila. Lalo na sa amin na sabay na pinapalaki ang isang neurotypical child at si Ashley na autistic child, natutunan namin na hindi pare pareho ang needs nila pero pareho silang kailangang turuan ng values, discipline, respect at pagiging grateful. Si Ashley, tinuturuan namin ayon sa kakayahan at pangangailangan niya. Si bunso naman, tinuturuan namin kung paano maging responsible, disciplined, at understanding bilang bunso at kuya sa ate nya. Magkaiba man ang paraan ng pagpapalaki namin sa kanila, iisa ang goal namin at yun ay ang lumaki silang mabubuting tao na marunong umunawa, rumespeto, maging grateful, at humarap sa realidad ng buhay. Hindi natin kailangang ibigay ang lahat para maramdaman nilang mahal natin sila.
Minsan, ang pinakamagandang regalo ng isang magulang ay ang lesson na dadalhin nila hanggang pagtanda. ❤️
