National Fire Training Institute

24/08/2025

𝐓𝐚𝐤𝐛𝐨 𝐧𝐠 𝐓𝐚𝐠𝐮𝐦𝐩𝐚𝐲, 𝐇𝐚𝐤𝐛𝐚𝐧𝐠 𝐬𝐚 𝐁𝐚𝐠𝐨𝐧𝐠 𝐘𝐮𝐠𝐭𝐨! 🏃‍♂️🔥

Sa huling pagsubok bago ang pagtatapos, matagumpay na naisakatuparan ng 𝐅𝐁𝐑𝐂 𝟐𝟎𝟐𝟓-𝟏𝟑𝟔 𝐂𝐥𝐚𝐬𝐬 𝐌𝐀𝐍𝐃𝐀𝐒𝐈𝐆 ang kanilang 𝐆𝐫𝐚𝐝𝐮𝐚𝐭𝐢𝐨𝐧 𝐑𝐮𝐧.

Hindi lamang ito simpleng pagtakbo, kundi simbolo ng tibay, disiplina, at pagkakaisa na hinubog sa kanilang paglalakbay bilang Fire Trainees.

Sa bawat hakbang, dala nila ang pangako ng paglilingkod at sakripisyo para sa bayan. 🙌
𝐌𝐀𝐍𝐃𝐀𝐒𝐈𝐆—handa sa hamon ng tungkulin! 💪🔥

24/08/2025

𝗟𝗜𝗡𝗚𝗚𝗢𝗡𝗚 𝗣𝗨𝗡𝗢 𝗡𝗚 𝗣𝗟𝗜𝗡𝗚𝗚𝗢𝗡𝗚 𝗣𝗨𝗡𝗢 𝗡𝗚 𝗣𝗔𝗡𝗔𝗟𝗔𝗡𝗚𝗜𝗡 𝗔𝗧 𝗣𝗔𝗦𝗔𝗦𝗔𝗟𝗔𝗠𝗔𝗧:𝗔𝗡𝗔𝗟𝗔𝗡𝗚𝗜𝗡 𝗔𝗧 𝗣𝗔𝗦𝗔𝗦𝗔𝗟𝗔𝗠𝗔𝗧: Espiritwal na Pagsamba ng FBRC 2025-139 sa Gitna ng Kanilang Pagsasanay.

Sa ilalim ng mapagkalingang pamumuno ni FSSUPT CHRISTINE D CULA, MPSA Acting Director ng NFTI at sa masusing paggabay ni FSUPT ELBERTO C MARQUESES JR., Chief Tactics/Chief OSA, isinagawa ang Sunday Worship ng Roman Catholic at Born Again na bumberong nagsasanay, isang araw ng espiritwal na pahinga, pasasalamat, at muling pagpapaalala kung bakit sila naririto.
Matapos ang tatlong linggo ng hirap, pagod, at pagsubok, ang mga bumberong nagsasanay ay nagtipon upang magnilay at magpahayag ng pasasalamat sa Diyos sa kani-kanilang paraan ng pagsamba.

Sa banal na misa ng mga katolikong bumberong nagsasanay, sa katahimikan ng panalangin at sa bawat pagtanggap ng Banal na Komunyon, naranasan nila ang kapayapaan ng puso na nagbibigay-lakas sa kanilang mga kaluluwa. Sa homilya, pinaalalahanan silang ang tunay na pagsunod sa Diyos ay nangangailangan ng sakripisyo at katatagan. Hindi madali ang landas ng paglilingkod, ngunit sa bawat pagsubok ay naroon ang Diyos na naglalakas at gumagabay. Ang pagsasanay ay hindi lamang pisikal o mental na hamon, kundi isang espiritwal na paglalakbay kung saan sinusubok ang kanilang pananampalataya.

Samantala, ang mga Born Again na bumberong nagsasanay ay sama-samang nagbuklod sa isang masiglang worship service. Sa pag-awit, panalangin, at pagtanggap ng Salita, naranasan nila ang panibagong sigla at lakas na nagmumula sa presensya ng Diyos. Sa sermon, ipinagdiin ang kahalagahan ng personal na relasyon kay Kristo bilang sandigan sa bawat hamon ng buhay. Sa kabila ng pagod at hirap, ang kanilang pananampalataya ang nagbigay-lakas at pag-asa upang magpatuloy sa kanilang misyon.
Sa magkakaibang paraan man ng pagsamba, iisa ang puso ng mga bumberong nagsasanay, ang pasasalamat, pagtitiwala, at paninindigang maglingkod nang may buong puso at matibay na pananampalataya sa Diyos.

23/08/2025

𝐓𝐀𝐓𝐋𝐎𝐍𝐆 𝐊𝐀𝐒𝐀𝐍𝐀𝐘𝐀𝐍: 𝙱𝚞𝚑𝚊𝚢 𝚊𝚗𝚐 𝚒𝚗𝚞𝚞𝚗𝚊, 𝚠𝚊𝚕𝚊 𝚗𝚐 𝚒𝚗𝚞𝚞𝚛𝚞𝚗𝚐𝚊𝚗.
𝕿𝖎𝖓𝖌𝖓𝖆𝖓 𝖘𝖆 𝖒𝖌𝖆 𝖑𝖆𝖗𝖆𝖜𝖆𝖓: Tatlong Kasanayan at Akademikong Programa ng FBRC 2025-139 Unang Rotasyon sa Huling Linggo.

Sa huling yugto ng linggong ito, ang mga bumberong sumasailalim sa pagsasanay sa NFTI Region 5 Satellite Campus ay nasa huling hakbang na ng kanilang pagsasanay. Ang Balangay ng Alpha ay nasa huling pagsasanay na ng kanilang Firefighting Skills at natapos nang matagumpay ang kanilang isinagawang Field Training Exercise kung saan ipinamalas nila ang mataas na antas ng kahandaan, disiplina, at pagtutulungan sa pagtugon sa mga simulasyon na sakuna, samantalang ang balangay ng Bravo naman ay papalapit na sa pagtatapos ng kanilang Akademikong programa.

Ang pagtatapos ng isang akademikong programa ay hindi lamang isang seremonya ng pagkilala, kundi isang patunay ng sakripisyo, determinasyon, at walang sawang pagsusumikap. Sa likod ng bawat markang nakalagay sa mga pagsusulit ay resulta ng pawis, dedikasyon at sakripisyo. Sa pagtatapos ng aming kasalukuyang pagsasanay, buong puso naming ipinapahayag na handa na kami sa mga susunod pang hamon at kasanayan na aming haharapin.

Ang bawat aral at karanasan na aming natutunan dito sa NFTI Region 5 Satellite Campus ay nagsilbing pundasyon upang mas lalo kaming maging mahusay at handa sa paglilingkod sa bayan. Patuloy naming haharapin ang mga susunod na hakbang nang may tapang, disiplina, at malasakit upang maging tunay na lingkod-bayan.

23/08/2025

🌙✨ 𝗞𝗮𝗯𝗮𝘆𝗮𝗻’𝘀 𝗡𝗶𝗴𝗵𝘁 𝟮𝟬𝟮𝟱 ✨🌙

Noong Agosto 20, 2025, matagumpay na ipinagdiwang ng FBRC 2025-136 Class MANDASIG ang kanilang Kabayan’s Night—isang gabi ng musika, sayaw, at pagpapakita ng galing ng bawat trainee.

Higit pa sa kasiyahan, ang selebrasyong ito ay nagsilbing patunay ng pagkakaibigan, pagkakaisa, at pagpapahalaga sa kulturang Pilipino. Sa kabila ng mahigpit at mabigat na pagsasanay, pinapaalala ng Kabayan’s Night na mahalaga ring balansehin ang disiplina at ang kasayahan upang manatiling buo ang loob at tibay ng samahan.

Isang makulay na alaala na magpapatibay sa pagkakaibigan at magsisilbing inspirasyon sa bawat MANDASIG sa kanilang landas bilang mga tagapagsilbi at tagapagtanggol ng bayan.

22/08/2025

𝐒𝐀 𝐌𝐆𝐀 𝐋𝐀𝐑𝐀𝐖𝐀𝐍|| 𝐏𝐔𝐁𝐋𝐈𝐂 𝐅𝐈𝐑𝐄 𝐄𝐃𝐔𝐂𝐀𝐓𝐈𝐎𝐍 𝐍𝐆 𝐅𝐁𝐑𝐂 𝟐𝟎𝟐𝟓-𝟏𝟑𝟕 𝐂𝐋 𝐏𝐀𝐑𝐀𝐆𝐒𝐈𝐊𝐀𝐍 – 𝐃𝐞𝐥𝐭𝐚 𝐂𝐨𝐦𝐩𝐚𝐧𝐲

Sa ilalim ng pamumuno ni 𝐅𝐒𝐒𝐔𝐏𝐓 𝐂𝐇𝐑𝐈𝐒𝐓𝐈𝐍𝐄 𝐃 𝐂𝐔𝐋𝐀, 𝐌𝐏𝐒𝐀, Acting Director ng NFTI, sa pangangasiwa ni 𝐅𝐒𝐈𝐍𝐒𝐏 𝐒𝐀𝐍𝐃𝐘 𝐂 𝐍𝐔𝐘𝐋𝐄𝐒 𝐉𝐑, Chief Tactical Officer, at sa patnubay ni 𝘚𝘍𝘖4 𝘑𝘶𝘭𝘪𝘶𝘴 𝘘 𝘝𝘢𝘴𝘲𝘶𝘦𝘻, Overall Learning Manager, aktibong nakibahagi ang 𝐅𝐁𝐑𝐂 𝟐𝟎𝟐𝟓-𝟏𝟑𝟕 𝐂𝐥𝐚𝐬𝐬 𝐏𝐀𝐑𝐀𝐆𝐒𝐈𝐊𝐀𝐍 – Delta Company sa talakayan hinggil sa 𝑷𝒖𝒃𝒍𝒊𝒄 𝑭𝒊𝒓𝒆 𝑬𝒅𝒖𝒄𝒂𝒕𝒊𝒐𝒏 na ipinresenta ni SFO3 Cecilia P Nabor.

Bilang bahagi ng asignaturang Public Fire Education, tinalakay ang mas malalim na kahulugan ng edukasyong pangkaligtasan sa sunog—higit pa sa karaniwang fire safety awareness. Itinampok ni SFO3 Nabor ang kahalagahan ng Public Fire Education bilang isang proaktibo at maka-komunidad na hakbang sa pag-iwas sa sunog. Binigyang-diin rin ang pangunahing programa ng BFP na Oplan Ligtas na Pamayanan (OLP) at mga pangunahing aktibidad nito.

Tinalakay rin ang Principles of Teaching, na itinuturing na mahalagang bahagi sa paghahanda ng mga magiging tagapagturo sa larangan ng 𝑷𝒖𝒃𝒍𝒊𝒄 𝑭𝒊𝒓𝒆 𝑬𝒅𝒖𝒄𝒂𝒕𝒊𝒐𝒏 . Layunin ng nasabing sesyon na linangin ang kakayahan ng mga Bumberong Nagsasanay bilang epektibong tagapagtaguyod ng edukasyon at kaligtasan sa komunidad, sa pamamagitan ng pagpapalaganap ng kaalaman, pagbibigay ng impormasyon, at pagtataguyod ng aktibong partisipasyon at pagkakaisa.

Sa kabuuan, ang Public Fire Education ay mahalaga sa pag-iwas sa sunog sa pamamagitan ng pagtutulungan ng komunidad at tamang pagtuturo.

21/08/2025

✨🎉 𝑲𝒖𝒍𝒂𝒚, 𝑻𝒂𝒍𝒆𝒏𝒕𝒐, 𝒂𝒕 𝑷𝒂𝒈𝒌𝒂𝒌𝒂𝒊𝒔𝒂! 🎉✨

Sa ilalim ng pamumuno ni 𝐅𝐒𝐒𝐔𝐏𝐓 𝐂𝐇𝐑𝐈𝐒𝐓𝐈𝐍𝐄 𝐃 𝐂𝐔𝐋𝐀, 𝐌𝐏𝐒𝐀, Acting Director ng NFTI, ipinamalas ng 𝐅𝐁𝐑𝐂 𝟐𝟎𝟐𝟓-𝟏𝟑𝟔 𝐂𝐥𝐚𝐬𝐬 𝐌𝐀𝐍𝐃𝐀𝐒𝐈𝐆 ang yaman ng kulturang Pilipino sa pamamagitan ng sayaw, awit, at malikhaing pagtatanghal.

👑 Tampok din ang makulay na patimpalak na “𝑻𝒉𝒆 𝑹𝒆𝒂𝒍 𝑴𝒔. 𝑴𝑨𝑵𝑫𝑨𝑺𝑰𝑮”, kung saan kinilala ang tunay na ganda ng tiwala sa sarili, talino, at karakter ng bawat kalahok.

Isang gabi ng kasayahan, pagkakaibigan, at pagkakaisa—patunay na sa bawat trainee, nananalaytay ang tapang at sigla ng isang tunay na bumbero. 🚒🔥

20/08/2025

20/08/2025

𝗣𝗮𝗴𝘁𝗮𝘁𝗮𝗻𝗶𝗺 𝗻𝗴 𝗺𝗴𝗮 𝗣𝘂𝗻𝗼: 𝗜𝘀𝗮𝗻𝗴 𝗛𝗮𝗸𝗯𝗮𝗻𝗴 𝘁𝘂𝗻𝗴𝗼 𝘀𝗮 𝗣𝗮𝗻𝗴𝗮𝗻𝗴𝗮𝗹𝗮𝗴𝗮 𝘀𝗮 𝗞𝗮𝗹𝗶𝗸𝗮𝘀𝗮𝗻.

Bilang bahagi ng Institusyonal na Gawaing Pangkomunidad ng NFTI, kasama si FSSUPT 𝗖𝗛𝗥𝗜𝗦𝗧𝗜𝗡𝗘 𝗗 𝗖𝗨𝗟𝗔, 𝗠𝗣𝗦𝗔, Acting Director ng NFTI, nagsagawa ang 𝗙𝗝𝗟𝗖 𝟮𝟬𝟮𝟱-𝟯𝟵 𝗖𝗹𝗮𝘀𝘀 𝗠𝗔𝗚𝗔𝗡𝗧𝗜𝗡𝗚 ng Tree Planting activity at Pamimigay ng Regalo sa 𝐁𝐫𝐠𝐲. 𝐁𝐮𝐥𝐢𝐡𝐚𝐧, 𝐒𝐚𝐧 𝐀𝐧𝐭𝐨𝐧𝐢𝐨, 𝐐𝐮𝐞𝐳𝐨𝐧 na may temang '𝙋𝙖𝙜𝙩𝙖𝙩𝙖𝙣𝙞𝙢 𝙣𝙜 𝙢𝙜𝙖 𝙋𝙪𝙣𝙤: 𝙄𝙨𝙖𝙣𝙜 𝙃𝙖𝙠𝙗𝙖𝙣𝙜 𝙩𝙪𝙣𝙜𝙤 𝙨𝙖 𝙋𝙖𝙣𝙜𝙖𝙣𝙜𝙖𝙡𝙖𝙜𝙖 𝙨𝙖 𝙆𝙖𝙡𝙞𝙠𝙖𝙨𝙖𝙣.'

Mahalaga ang aktibidad na ito hindi lang para magdagdag ng lunti sa ating kapaligiran, kundi upang ipakita rin ang malasakit sa kalikasan at sa susunod na henerasyon. Sa simpleng pagtatanim ng puno at pagbabahagi ng handog, nagkakaisa ang lahat tungo sa mas maganda at mas luntiang kinabukasan."** 🌱🌳✨

18/08/2025

𝐒𝐀 𝐌𝐆𝐀 𝐋𝐀𝐑𝐀𝐖𝐀𝐍 ||𝐓𝐑𝐀𝐃𝐈𝐒𝐘𝐔𝐍𝐀𝐋 𝐍𝐀 𝐒𝐄𝐑𝐄𝐌𝐎𝐍𝐘𝐀 𝐍𝐆 𝐏𝐀𝐆𝐓𝐀𝐀𝐒 𝐍𝐆 𝐖𝐀𝐓𝐀𝐖𝐀𝐓 𝐍𝐆 𝐅𝐁𝐑𝐂 𝟐𝟎𝟐𝟓-𝟏𝟑𝟕 𝐂𝐋 𝐏𝐀𝐑𝐀𝐆𝐒𝐈𝐊𝐀𝐍

Sa ilalim ng pamumuno ni 𝐅𝐒𝐒𝐔𝐏𝐓 𝐂𝐇𝐑𝐈𝐒𝐓𝐈𝐍𝐄 𝐃 𝐂𝐔𝐋𝐀, 𝐌𝐏𝐒𝐀, Acting Director ng NFTI, sa pangangasiwa ni 𝐅𝐒𝐈𝐍𝐒𝐏 𝐒𝐀𝐍𝐃𝐘 𝐂 𝐍𝐔𝐘𝐋𝐄𝐒 𝐉𝐑, Chief Tactical Officer, at sa patnubay ni 𝘚𝘍𝘖4 𝘑𝘶𝘭𝘪𝘶𝘴 𝘘 𝘝𝘢𝘴𝘲𝘶𝘦𝘻, Overall Learning Manager, isinagawa ng 𝐅𝐁𝐑𝐂 𝟐𝟎𝟐𝟓-𝟏𝟑𝟕 𝐂𝐋 𝐏𝐀𝐑𝐀𝐆𝐒𝐈𝐊𝐀𝐍 ang kanilang Tradisyonal na Seremonya ng Pagtaas ng Watawat na pinangunahan ng Bravo Company — isang marangal na pagpapakita ng disiplina, pagkakaisa, at paggalang sa ating bayan.

Bilang bahagi ng Troop Information and Education (TI&E), nagbigay ng makabuluhang pananalita si Bomberong Nagsasanay Jeff Loria kung saan ibinahagi niya ang kanyang personal na karanasan sa pagharap sa mga pagdududa ng iba. Sa kabila ng kanyang mga naranasang kabiguan, pinatunayan niya na sa pamamagitan ng determinasyon at pagsusumikap, ay kayang mapagtagumpayan ang anumang hamon at mapatunayan ang sariling kakayahan.

Bilang konklusyon, ang mensahe ay nagsilbing makabuluhang paalala na ang kabiguan ay hindi hadlang kundi hakbang patungo sa tagumpay. Sa kabila ng mga pagdududa at pagsubok, ang tiyaga, paniniwala sa sarili, at determinasyon ang susi upang mapagtagumpayan ang anumang hamon. Isang inspirasyon ito sa lahat na huwag matakot mabigo, bagkus ay patuloy na lumaban at magpursigi para sa mithiin.