26/08/2026
๐๐ต๐ถ๐, ๐ต๐ถ๐ป๐ถ๐บ๐ผ๐ธ ๐ฎ๐ป๐ด ๐ฆ๐ฒ๐ป๐ฎ๐ฑ๐ผ ๐ป๐ฎ ๐ฎ๐ด๐ฎ๐ฟ๐ฎ๐ป๐ด ๐ถ๐ฝ๐ฎ๐๐ฎ ๐ฎ๐ป๐ด ๐ฝ๐ฎ๐ป๐๐ธ๐ฎ๐น๐ฎ๐ป๐ด ๐ฑ-๐๐ฎ๐ผ๐ป๐ด ๐๐ฒ๐ฟ๐บ๐ถ๐ป๐ผ ๐ป๐ด ๐ฏ๐ฎ๐ฟ๐ฎ๐ป๐ด๐ฎ๐, ๐ฆ๐ ๐ผ๐ณ๐ณ๐ถ๐ฐ๐ถ๐ฎ๐น๐
Hinimok ni Senate President Francis โChizโ G. Escudero ang kanyang mga kasamahan sa Senado na agarang aksyunan ang Senate Bill No. 2387, na naglalayong gawing limang taon mula sa kasalukuyang apat na taon ang termino ng mga opisyal ng barangay at Sangguniang Kabataan (SK).
Sa kanyang sponsorship speech sa panukalang batas sa ilalim ng Committee Report No. 77, sinabi ni Escudero na kailangang maaksyunan ng Senado ang panukala bago matapos ang Setyembre upang magkaroon ng katiyakan sa pagsasagawa ng nalalapit na Barangay at Sangguniang Kabataan Elections (BSKE) na nakatakda sa Nobyembre.
Aniya, nakatakda na sa susunod na buwan ang paghahain ng Certificates of Candidacy (COC), kaya kinakailangan nang makapagpasya ang Kongreso kung matutuloy ang halalan o maaantala alinsunod sa bagong estruktura ng termino na itatakda ng batas.
โMr. President, I ask that the body act on this bill with urgency for or against it, before the end of September, given the fact that the Barangay Elections is scheduled to be conducted this November and the filing of Certificates of Candidacy are slated already in the coming month,โ ani Escudero.
Bagamaโt pabor siya sa panukala, hiniling ni Escudero na bigyang-prayoridad ito ng Senado upang magkaroon ng malinaw na direksyon hinggil sa nalalapit na halalan.
Ayon sa senador, mahalagang magkaroon ng predictability sa halalan upang malaman kung ito ay matutuloy sa Nobyembre o ipagpapaliban alinsunod sa bagong terminong maaaring aprubahan ng Kongreso.
Ipinaliwanag din ni Escudero na malinaw na binibigyan ng Konstitusyon ang Kongreso ng kapangyarihang magtakda ng termino ng mga opisyal ng barangay. Aniya, kinilala rin ito ng Korte Suprema sa kasong Macalintal v. Senate, kung saan binigyang-diin ang pangangailangang balansehin ang continuity at accountability, gayundin ang administrative efficiency at democratic change.
โThat is the policy judgment which the present measure asks us to considerโwhether, as a matter of policy, a five-year term provides a better governing window than the four years presently provided by law,โ ani Escudero.
Iginiit ng senador na mas mahabang panahon ang maibibigay ng limang-taong termino sa mga opisyal ng barangay at SK upang maayos na maorganisa, maipatupad at masuri ang kanilang mga programa nang hindi agad naaantala ng madalas na halalan.
โBarangays are planners, implementers, first responders, peacekeepers, conciliators, and frontline service providersโall at a scale where government knows the family, the street, and often the problem by name,โ aniya.
Binigyang-diin din ni Escudero na hindi bago ang pagkakaroon ng limang-taong termino para sa mga opisyal ng barangay, dahil itinakda na rin ito sa mga nakaraang batas gaya ng Republic Act No. 6653 at Republic Act No. 8524.
โThis bill is a term-setting measure, enacted in the exercise of the power expressly conferred upon Congress by Article X, Section 8 of the Constitution,โ ani Escudero.
Samantala, inirekomenda ng Committee Report No. 77, na magkatuwang na inihanda ng Committees on Local Government at Finance, ang pag-apruba sa SB 2387, kasama ang mga amyenda at isinasaalang-alang ang Senate Bill No. 2067 na inihain ni Senator Imee Marcos.
Sa isinagawang pagdinig noong Lunes na pinangunahan ni Escudero, nagpahayag din ng matibay na suporta sa panukalang limang-taong termino ang iba't ibang sektor.
Kabilang dito ang Liga ng mga Barangay, National Citizensโ Movement for Free Elections (NAMFREL), Parish Pastoral Council for Responsible Voting (PPCRV), at National Youth Commission (NYC).
Ayon sa mga grupong ito, makatutulong ang mas mahabang termino upang magkaroon ng higit na katatagan sa pamamahala at maputol ang paulit-ulit na problema ng pagpapaliban ng halalan.
