96.9 Radyo Natin Calapan City

12/10/2026

Pinangunahan ng San Teodoro Municipal Police Station (MPS), katuwang ang Oriental Mindoro Police Drug Enforcement Unit (PDEU) at Philippine Drug Enforcement Agency (PDEA), ang buy-bust operation na nagresulta sa pagkakaaresto ng suspek.

Nasamsam sa operasyon ang dalawang sachet ng hinihinalang shabu na may kabuuang timbang na 1.05 gramo at tinatayang nagkakahalaga ng ₱7,140. Narekober din ang buy-bust money at isang motorsiklong umano'y ginamit sa ilegal na transaksyon. Nahaharap ang suspek sa kasong paglabag sa Sections 5 at 11, Article II ng Republic Act No. 9165 o Comprehensive Dangerous Drugs Act of 2002.

Kasalukuyang nasa kustodiya ng San Teodoro MPS ang suspek habang inihahanda ang kaukulang mga kaso. Samantala, isusumite sa PDEA MIMAROPA ang mga nakumpiskang hinihinalang ilegal na droga para sa laboratory examination.

12/10/2026

Isinagawa ang pag-aresto ng Victoria Municipal Police Station (MPS), katuwang ang PIT Oriental Mindoro, RIU 4B at 1st PMFC, sa bisa ng warrant of arrest kaugnay ng kasong statutory r**e. Inilabas ang warrant ng Family Court Branch 12 sa Naujan, Oriental Mindoro, noong Setyembre 28, 2026, na walang inirekomendang piyansa.

Dahil menor de edad ang naaresto, sinunod ng pulisya ang mga kaukulang proseso para sa Child in Conflict with the Law (CICL), sa tulong ng Municipal Social Welfare and Development Office (MSWDO) ng Victoria at sa presensya ng kanyang guardian. Ipinaalam sa menor de edad ang dahilan ng pag-aresto bago siya dinala sa Victoria MPS para sa dokumentasyon at kaukulang disposisyon ng korte.

Hindi naman isinapubliko ang pagkakakilanlan ng menor de edad alinsunod sa mga batas na nagpoprotekta sa mga batang nasasangkot sa kaso.

12/10/2026

: Naalarma ang pamilya ng Eat Bulaga! host na si Ryzza Mae Dizon matapos makatanggap ng mga mensaheng nagbabanta sa kanyang buhay. Sa isang Facebook post, ibinahagi ng kanyang ina na si Mommy Rizza ang mga screenshot ng email mula sa hindi pa nakikilalang sender na humihingi umano ng ₱20,000 para sa pagpapaopera ng anak nito.

Lalong ikinabahala ng pamilya ang banta na posibleng puntahan si Ryzza sa kanilang tahanan o sa mga lugar na madalas niyang pinupuntahan. Ayon kay Mommy Rizza, hindi niya inaasahan ang ganitong pangyayari dahil wala naman umano silang kaaway o taong inagrabyado. Nanawagan din siya na itigil na ang pananakot at hinikayat ang publiko na mag-ingat.

Samantala, ilang netizen ang nagpayo sa pamilya na humingi ng tulong sa National Bureau of Investigation (NBI) upang matukoy ang taong nasa likod ng mga pagbabanta. | via DJ Dominic

12/10/2026

12/10/2026

Maagang dumating sa Sandiganbayan ang dalawang dating miyembro ng Philippine Marines na sina Jorge Villalon Jr. at Johnny Butuan, kasama ang kanilang abogado na si Atty. Levito Baligod, para sa unang pagdinig sa petisyon para sa piyansa ni dating House Speaker Martin Romualdez.

Nauna nang inakusahan ng dalawa si Romualdez na tumanggap umano ng mga maleta ng pera na may kaugnayan sa ₱7.4-bilyong kickback case sa mga maanomalyang flood control project.

Pinayagan naman si Romualdez, na kasalukuyang nakakulong sa New Quezon City Jail sa Payatas, na dumalo sa pagdinig sa pamamagitan ng videoconference.

Nakatakdang dinggin ng Sandiganbayan ang kanyang petisyon para sa piyansa mula Oktubre 12 hanggang Nobyembre 12.

12/10/2026

Rise Coffee Radio Program
TAGUMPAY SA KALUSUGAN
12:30 - 1:00PM
October 12, 2026
Monday
Kasama Si:
Kuya Boy

LIVE! ON AIR and ONLINE:
96.9 Radyo Natin Calapan City
105.3 Radyo Natin Pinamalayan
103.7 Radyo Natin Bongabong

12/10/2026

Hinimok ni Pangulong Ferdinand Marcos Jr. ang publiko na mag-ipon ng tubig-ulan bilang paghahanda sa posibleng tagtuyot at kakulangan sa suplay ng tubig dulot ng El Niño.

Ayon sa Pangulo, magbibigay ang pamahalaan ng mga water filter at magtuturo ng tamang paraan ng paglilinis at pag-filter ng naipong tubig upang maiwasan ang mga sakit, lalo na sa mga bata.

Bukod dito, pinagpaplanuhan din ng pamahalaan ang pagsasagawa ng cloud seeding operations bilang bahagi ng paghahanda sa posibleng epekto ng El Niño, na maaaring magdulot ng kakulangan sa ulan at matagal na tagtuyot sa ilang bahagi ng bansa.

12/10/2026

GOOD MORNING ORMIN
10:00 -11:00am
October 12,2026
Monday

ITINANGHAL SA TATLONG MAGKASUNOD NA TAON SA RADYO NATIN NATIONWIDE EXCELLENCE AWARDS NG MBC MEDIA GROUP,MINDORO COMMUNICATORS GUILD- ORIENTAL MINDORO AT 29TH KBP GOLDEN DOVE AWARDS 2026 BILANG:
BEST NEWS PROGRAM

TAGAPAGHATID BALITA:
DON SORATORIO
Best Newscaster
RN EXCELLENCE AWARDS (2023,2024 at 2025)
MBC MEDIA GROUP at
MINDORO COMMUNICATORS GUILD (2025)

LIVE! ON AIR and ONLINE:
96.9 Radyo Natin Calapan City
105.3 Radyo Natin Pinamalayan
103.7 Radyo Natin Bongabong
Radyo Natin Oriental Mindoro

12/10/2026

THE CAPITOL NEWS
8:30 - 9:00am
October 12, 2026
Monday
Kasama Si:
Randy War

LIVE! ON AIR and ONLINE:
96.9 Radyo Natin Calapan City

10/10/2026