04/08/2026
๐๐ฎ๐น๐ฎ ๐ด๐ถ๐ป๐ฎ๐ฝ๐ถ ๐๐ถ ๐ฃ๐ฒ๐ด๐๐น๐ฎ ๐๐ฎ ๐ณ๐ถ๐ป๐ฎ๐น๐; ๐ธ๐ฎ๐๐ป๐ฎ-๐๐ป๐ฎ๐ต๐ฎ๐ป๐ด ๐ช๐ง๐ ๐๐ถ๐๐น๐ฒ, ๐ป๐ฎ๐ถ๐๐๐ถ ๐๐ฎ ๐ฃ๐ถ๐น๐ถ๐ฝ๐ถ๐ป๐ฎ๐
Sinikwat ni Filipina tennis player Alex Eala ang kauna-unahang WTA Singles Crown nang dominahin ang American World No. 3 Jessica Pegula, 4-6, 6-4,6-0, sa 2026 Mubadala DC Open.
Matapos malaglag sa unang set, bumaliktad kinabukasan ang laban nang pataubin ni Eala ang amerikana sa huling dalawang set, dahilan upang makamit ang kampeonato.
"Standing here in the middle of all this love, my first chance at the title knowing it won't be my last, already having achieved this feat, this milestone for my career, I know that whatever would have happened after this match, it would have already been a win for me," pahayag ni Eala sa isang panayam matapos ang laban.
Malakas ang naging opening ni Pegula, kung saan nagpalitan sila ni Eala ng matitinding baseline rallies, gayunpaman, mas nanaig si Pegula at nasungkit ang unang set, 6โ4.
Pagpasok ng ikalawang set, nagsimulang bumawi si Eala sa pamamagitan ng maliksi at malalakas na hampas.
Subalit naantala ang laban nang bumuhos ang ulan, dahilan upang ipagpabukas ang pagpapatuloy nito. Bago ang pagkaantala, hawak ni Eala ang maagang bentahe, 2โ1.
Pagbalik sa duwelo, ibang Eala ang bumungad sa mga manonood, nakipagsabayan siya sa mahahabang rallies at napwersa si Pegula na magkamali, dahilan upang mabawi ang ikalawang set, 6โ4.
Sa huling yugto ng laban, lalo pang naging konsistent si Eala, hindi na nakasabay si Pegula dahil sa sunod-sunod nitong pagkakamali at nahirapan ito sa serve returns.
Patuloy ang pagdomina ni Eala bunsod ng halos walang mintis na mga tira na naging susi sa kanyang tagumpay at tuluyang isinadlak si Pegula sa iskor na 6โ0.
Sa pagtatapos ng laban, nagpahayag ng pasasalamat si Eala sa kanyang pamilya, mga tagasuporta, at sa mga WTA staff sa pagbibigay ng isang kahanga-hanga at hindi malilimutang karanasan sa loob ng torneyo.
via Ayessalyn Manalo
