https://www.facebook.com/663799577038235/

Purposepreneur

Home
Philippines
Calauan
Purposepreneur

At Purposepreneur, we believe the main purpose of business is not just profit but to reflect God's goodness.

We inspire and equip young professionals and aspiring entrepreneurs to build ventures that serve others and glorify the Lord Jesus Christ! Our mission is to hear God saying, "well done, my good and faithful servant".

01/11/2025

Maaring hindi ito maintindihan ng marami,
pero tuwing dumadaan ka sa pagsubok, magalak ka.

Bakit?

Dahil sa tuwing sinusubok ka ng Diyos, pinatitibay Niya ang iyong pananampalataya.

Tinuturuan ka Niyang magtiwala, hindi lang sa pagpapala,

pero lalong kundi sa Nagpapala.

Hindi lang sa mga regalo,
kundi sa Tagapagbigay ng regalo.

Dahil ang nakakalungkot na katotohanan...

kapag nasa atin na ang lahat,
madalas nawawala ang apoy ng pananampalataya.

Mas napapansin natin ang blessings,
kesa sa Blesser.

Ang gifts, kesa sa Gift Giver.

Kaya kapag dumating ang pagsubok,
baka hindi Siya galit,

baka inaalalayan ka Niya pabalik sa presensya Niya.

Parang sinasabi Niya,

“Anak, andito lang Ako.
Naghihintay lang Ako.”

Sabi sa Santiago 1:2–5,
Kapag dumaranas kayo ng iba’t ibang pagsubok, magalak kayo,
dahil dito tumitibay ang inyong pananampalataya.
At kung kulang ka sa karunungan,
humingi ka sa Diyos na nagbibigay ng sagana,
at hindi Niyang ipagkakait.

Kaya kapag humingi ka, magtiwala ka.

Hindi mo kailangang magmakaawa,
dahil ang Diyos na tumutupad ng pangako,
ay Diyos na laging tapat, at laging sapat. 🙏

31/10/2025

Bakit ganon, Lord?

No’ng nasa mundo pa ako, parang okay lang lahat.
Pero nang sumuko ako sa’yo,
bakit parang mas dumami ang hirap at sakit sa buhay ko?

Pero kung iisipin mo...

Tayo bilang mga magulang kapag nagkakamali ang anak natin,
dinidisiplina natin kahit masakit,
hindi dahil galit…

kundi dahil mahal natin sila.

Ganun din ang Diyos sa atin.

Sabi sa Hebreo 12:6-7,
6 Sapagkat dinidisiplina ng Panginoon ang mga minamahal niya, at pinapalo ang itinuturing niyang anak.
7 Tiisin ninyo ang lahat ng hirap tulad sa pagtutuwid ng isang ama, dahil ito'y nagpapakilalang kayo'y tinatanggap ng Diyos bilang tunay niyang mga anak. Sinong anak ang hindi dinidisiplina ng kanyang ama?

Kaya kung nasasaktan ka sa pagtalikod sa dating gawain,

kung parang pinapanday ka ng Diyos sa gitna ng sakit...

’wag kang panghinaan ng loob.

Dahil sa dulo ng disiplina,
may kapayapaang bunga ng buhay na matuwid.

Kaya kapit lang sa proseso,
dahil ang Diyos na nagdidisiplina,
ay Siya ring mag-aayos, magpapala, at magpapatatag sa’yo. 🙏

30/10/2025

Sa panahon ngayon,
ang dali nating ma-out of focus,
ang bilis mawalan ng direksyon,
dahil sa ingay ng mundo at dami ng emosyon.

Pero pinaalala sa atin sa Filipos 4:8,
na sa halip na magpaapekto sa kaguluhan,
ituon natin ang isip sa kabutihan.

Isipin kung ano ang totoo at marangal,
matuwid at malinis, kaibig-ibig at kagalang-galang.

’Wag hayaang lamunin ng ingay ng mundo ang ating isipan but instead

punuin ito ng mga bagay na kalugod-lugod sa Diyos at kapuri-puri sa tao.

Dahil sa gitna ng anumang ingay at gulo,
ang isip na nakatuon sa Diyos
ay may kapayapaang di kayang ibigay ng mundo.

28/10/2025

Lagi nating sinsabi...

“May tiwala ako sa Diyos.”
“May pananampalataya ako.”

Pero alam mo ba kung ano talaga ang pananampalataya?
Ito yung pag-asang mangyayari
ang mga bagay na hindi mo pa nakikita.
(Hebreo 11:1)

At kung totoo ang pananampalataya mo, dapat
may bunga.
May ebidensya.
May gawa.

Sabi nga sa Hebreo 11,
ganito ang hitsura ng totoong pananampalataya:

👉 Nakakaunawa kahit hindi maintindihan.
👉 Naghahandog kahit walang kapalit.
👉 Hindi natitinag kahit sa kamatayan.
👉 Nakikinig sa boses ng Diyos kahit mahirap sundan.
👉 Sumusunod kahit walang kasiguraduhan.
👉 Nagkakaroon ng kakayahan kahit imposible.
👉 Ipinapasa ang pananampalataya sa susunod na salinlahi.
👉 Hindi natatakot kahit harap sa panganib.
👉 Tumatanggi sa tukso ng mundo.
👉 Umalis sa Egipto kahit walang malinaw na direksyon.
👉 Nagtatag ng altar kahit mag-isa.
👉 Tumawid sa dagat kahit walang tulay.
👉 Gumuho ang pader dahil sa panalangin.
👉 Nagtagumpay kahit mahina.
👉 Napaamo ang leon.
👉 Napatigil ang apoy.
👉 Naligtas sa tabak.
👉 Nabuhay muli ang patay.

Ganun kalakas ang pananampalataya ng mga nauna sa atin.

Kaya kung sinasabi mong “nagtitiwala ako kay Lord,”
ipakita mo sa mga ginagawa mo
hindi lang sa sinasabi mo.

28/10/2025

May mga panalangin ka bang parang walang kasagutan?

Yung parang ang tahimik ni Lord.
Parang hindi ka Niya naririnig.

Pero… naaalala mo ba yung mga dasal mo noon na tinugon Niya na pala ngayon?

Yung dati’y hinihingi mo lang pero ngayon, hawak mo na. 🙏

Ganun din si Abraham.

Nang ipangako ng Diyos sa kanya na pararamihin ang kanyang lahi, imposibleng mangyari.

Matanda na siya, at si Sarah ay hindi na rin pwedeng magkaanak.

Pero hindi siya bumitaw.

Hindi siya tumingin sa sitwasyon.
Kundi tumingin siya sa Diyos na kanilang Panginoon.

Hebreo 6:18
Ang Diyos ay hindi nagsisinungaling at hindi nagbabago.
Kapag sinabi Niya, tiyak na Kanyang gagawin.

Kaya kung tila walang sagot ang panalangin mo ngayon,
baka kailangan mo lang mas makilala ang Panginoon.

At sinasabi Niya sayo na magtiwala muna bago makita.

Dahil ang pangako Niya, laging natutupad
hindi sa oras mo, kundi sa oras Niya.

Tapat ang Diyos sa Kanyang mga pangako. 🙏

27/10/2025

Bakit nga ba laging may Bible sa kasal?

Mahalaga ba talaga… o display lang sa pictorial?

Ang totoo, sa karamihan ng mag-asawa, pagkatapos ng wedding at photoshoot, naiipit na lang ang Bible sa lalagyan at hindi na nabubuksan, hindi nagagamit, hindi nagiging gabay.

Pero iba ang realidad na tinuturo ng Salita ng Diyos.

Hebrews 4:12
Ang salita ng Diyos ay buhay at mabisa. Mas matalas pa sa alinmang tabak na may dalawang talim. Sumasaksak ito hanggang sa pinaghihiwalayan ng kaluluwa at espiritu, ng kasukasuan at mga utak ng buto; at nasusuri nito ang mga pag-iisip at layunin ng puso.

Kaya pala…

– May mga verse na bigla kang pinapaiyak.
– May mga salita na nagbibigay ng pag-asa kahit wasak ka na.
– May mga talata na parang eksaktong sagot sa panalangin mo.

Dahil buhay Siya.

Hindi Siya dekorasyon.

Hindi Siya props.

Hindi Siya souvenir ng araw ng kasal.

Prayer is you talking to God.
The Bible is God talking to you.

At kagaya ng relasyon mo sa asawa o anak, hindi lalago ang relationship kung one-way communication lang.

Kung puro tayo lang ang nagsasalita sa panalangin, pero hindi natin binubuksan ang Salita Niya…

Paano natin maririnig ang sagot Niya?

Paano natin malalaman ang directions Niya?

Maybe—hindi Siya tahimik.
Maybe—hindi Siya absent.
Maybe—inaantay ka lang Niyang buksan ulit ang Salita Niya.

Because the Bible is not just for weddings.

It’s for living, deciding, loving, rebuilding, forgiving, and surviving.

Open it again.
Let God speak again.
Let His Word lead your home.

21/10/2025

Si Lord na ang bahala.

Isang statement na madalas nating marinig at mas madalas...

Namimisuse.

Para bang naging lisensya para tumigil,
hindi na magsikap, at umasa na lang palagi.

“Di na ko magtatrabaho,
si Lord naman magpo-provide.”

“Di na ko mangangarap,
si Lord lang sapat na.”

Pero kapatid, hindi ito ang nais ng Diyos.

Sa 2 Tesalonica 3, maliwanag na sinabi na layuan ang mga taong ayaw magtrabaho at pagsabihan ang mga tamad.

Hindi dahil galit ang Diyos
kundi dahil mali ang ganitong puso.

Dahil bilang mananampalataya,
tayo ang dapat maging halimbawa ng kasipagan, disiplina, at mabuting pamumuhay.

Kung magiging tamad tayo,
madali tayong mauuwi sa ibang kasalanan...

Katulad ng tsismis, pangungutya, pag-iisip ng ikasisira ng iba..

Bakit?

Kasi wala nang ginagawa ang isip at kamay mo.

Ang tunay na pananampalataya ay hindi tamad na paghihintay,
kundi aktibong pagsunod.

Habang nagtatrabaho ka,
habang nagsusumikap ka,
habang ginagampanan mo ang responsibilidad mo

doon kumikilos ang Diyos.

Yes, Si Lord ang bahala.

Pero ikaw ang inutusan Niyang kumilos.

20/10/2025

Sa panahon ngayon, kahit parang nasa’yo na ang lahat… bakit parang lagi pa ring may kulang?

Kasi imbes na makita mo kung anong meron ka, mas nakatingin ka sa meron ang iba.

Hinahabol mo sila… kaya unti-unting nauubos ka.

At sa kakahabol mo sa “kulang,”
nakalimutan mong pahalagahan ang “sapat.”

Nakalimutan mong magpasalamat.

At d’yan nagsisimula kung bakit unti-unting nawawala ang joy.

Pero bakit nga ba?

Kasi sa totoo lang… bihira na tayong manalangin.

Nagpe-pray lang kapag may gusto.

Lumuluha lang kay Lord kapag may hinihingi.

Pero kapag masaya, busy.
Kapag okay, kalimot.
Kapag panalo, tahimik.

Pero malinaw ang paalala sa 1 Thessalonians 5:16-18...

Lagi kang magalak.
Lagi kang magpasalamat.
At lagi kang manalangin.

Hindi “paminsan-minsan.”
Hindi “kapag kailangan lang.”
Kundi lagi.

Dahil yan ang kalooban ng Diyos para sa atin
mula nang tayo’y nakipag-isa kay Kristo.

Kung laging may pasasalamat, may kapayapaan.

Kung laging may panalangin, may lakas na ‘di mapapantayan.

At kung laging si Kristo ang titingnan,
tunay na kagalakan ay lagi mong mararanasan. 🙌

Address

Calauan
4012

Telephone

09198579752

Website

facebook.com

Alerts

Be the first to know and let us send you an email when Purposepreneur posts news and promotions. Your email address will not be used for any other purpose, and you can unsubscribe at any time.