11/11/2025
๐ช๐๐๐๐ก๐ ๐๐๐๐๐๐๐๐๐๐๐ ๐๐จ๐ก๐ ๐ช๐๐๐๐ก๐ ๐ ๐๐ ๐๐จ๐ช๐๐ฌ๐
โ๏ธ Isinulat ni : Jheramie Bautista
Grabe, hindi pa man nakakabangon muli ang mga Pilipino mula sa hagupit ng Bagyong Tino ay muling tinamaan ng Bagyong Uwan, na nasa kategoryang super typhoon. Hindi na nakagugulat, ngunit nakagagalit, dahil maraming mga pananim, ari-arian, at lungsod ang muling lumubog; maraming Pilipinong naghihirap, napinsala, nawalan ng tahanan, at ang ibaโy namaalam na sanhi ng bagyoโna dapat sana ay hindi na nakapagdulot ng pangamba, dahil napakaraming โflood control projectโ ang naglipana na ginawa upang magprotekta.
Ngayon, base sa naging epekto ng magkasunod na bagyo sa mga tao at kapaligiran, malinaw ang ebidensiyang iniwan ni Tino at Uwan na wala ni isa ang nagawa.
Noong Biyernes, Nobyembre 7, 2025, muling nagdeklara ang PAGASA (Philippine Atmospheric, Geophysical and Astronomical Services Administration) na may muling nagbabadyang bagyo na tatama sa bansa, eksaktong paglabas ng Bagyong Tino. Ayon sa PAGASA, tinatahak ng tropical storm Fung-Wong ang Luzon, at oras na pumasok ito sa bansa ay tatawagin nang Bagyong Uwan. Taglay nito ang hangin na aabot sa 75 kilometro bawat oras at kumikilos pahilagang-kanluran sa bilis na 10 kilometro bawat oras. Pinakamataas na warning signal ng Uwan ay maaaring umabot sa Signal No. 5.
Tinatayang ang Bagyong Tino ay isa sa pinakamalakas na bagyong umatake sa Pilipinas at ihinahalintulad sa Super Typhoon Yolanda noong 2013, na kumitil ng libo-libong buhay sa taglay nitong lakas. Sabado ng hapon ay tuluyan nang naramdaman ang Uwan sa bandang Luzon, na nagdulot ng matinding pagbaha sa maraming lugar, partikular sa La Union, Pangasinan, Benguet, at Zambales na labis na naapektuhan.
Dahil sa pangyayari, maraming bahay at pananim ang lumubog at nasira. Ang mga klase ay nasuspinde ng dalawang araw, at sa kasamaang-palad, mayroon ding mga nasawi. Itinalang may kabuuang anim na tao ang nasawi dahil sa trahedyang dala ng bagyo mula sa Cagayan Valley, Bicol, Western Visayas, at Eastern Visayas.
Nobyembre 11 naman nang tuluyan nang makalabas ang nasabing bagyo sa PAR (Philippine Area of Responsibility). Ngunit sa kasamaang-palad, posible pa rin ang muling pagbabalik nito sa bansa dahil sa hindi inaasahang pag-iiba ng direksyon.
Labis na nakakalungkot at nakakabahalaโlagi na lang may nasasawi tuwing may mga kalamidad na dumarating. Lagi na lang bang ganito? Libo-libong flood control project ang nirereport na ipapagawa at pinopondohan ng gobyerno ng bilyon-bilyon mula sa buwis na pinaghihirapang kitain ng mga Pilipino. Pawis, dugo, at paghihirap mula sa pagtatrabaho ang kapalit ng bawat buwis na sinisingil ng gobyerno para sana sa kaayusan at ikauunlad ng bawat mamamayan.
Subalit, kinukurakot lamang ito ng mga corrupt na politiko, contractor, engineer, at lahat ng mga kasangkot sa ghost projects.
Ngayong kailangang-kailangan na ang mga proyektong itoโna dapat sanaโy magsilbing pag-asa sa pag-ahon ng bawat bahay, pananim, hayop, at Pilipinong nalulunodโsa halip na maging pag-asa, tila baโy naging isang malagim na bangungot ito para sa amin. Lahat pala ng paghihirap at sakripisyong binubuhos namin para sa kaginhawaang inaasam ay napupunta lamang sa bulsa ng mga buwayang sinasamantala ang bawat bagyo upang magnakaw ng perang hindi naman dapat na sa kanila.
Buti pa ang kalikasan, nagagawang magprotekta at sumagip ng buhay, kaysa sa mga politikong may tungkuling maglingkod ngunit hindi ginagampanan. Dahil sa kabila ng bantang dala ng Uwan sa ating buhay, nariyan si Sierra Madreโang inang kalikasanโupang sugpuin ang bagyo. Ibinalita sa gitna ng nararanasang bagyo na ang Sierra Madre, ang pinakamahabang bulubundukin sa Pilipinas, ay muling sinalba ang ilang lugar mula sa hagupit ng Uwan. Nagsilbi itong pananggalang at pinahina ang lakas ng bagyo.
Labis na nagpapasalamat ang mga Pilipino sa Sierra Madre dahil sa proteksiyong dala nito. Ngunit huwag sana nating kalimutan na magpasalamat sa Panginoong Diyos, sapagkat Siya ang lumikha sa ating kalikasan, kasama na si Sierra Madre.
Kung ang kalikasan ay walang kakayahang magsalita ngunit nagagawang magprotekta, siya namang kabaliktaran ng mga politikong magaling lang magsalita sa panahon ng pangangampanya ngunit kulang sa gawa kapag nanalo na.
Para bang tayoโy mga puppet lamang sa isang circusโwalang buhay at emosyonโkung kontrolin ng gobyerno. Kung sa tingin nila itoโy isang laro lamang, puwes, nagkakamali sila. Hindi kami nakikipaglaro. Pagod na kaming mga Pilipino sa mga pakulo nila. Hindi dapat ito ginagawang biroโbuhay na ang nawawala dahil sa mga kalapastangang ginagawa nila.
Sila kaya ang lumulusong sa baha?
Sila kaya ang naghihintay ng napakatagal na rescue sa panahon ng matinding pangangailangan?
Habang kaming mga ordinaryong tao ay naghihirap at iniisip kung saan magsisimula kapag tuluyang gumuho ang aming bahay dahil sa bagyo, sila naman ay nagpapakasasa sa kanilang marangyang pamumuhay at namomroblema lamang sa isusuot para sa kanilang susunod na โtripโ sa ibang bansa.
Sino ang hindi mag-aapoy sa galit, โdi ba? Idagdag pa ang plano nilang kalbuhin at sirain ang Sierra Madreng nananahimik.
Ako ay Pilipinoโmahal ko ang aking bansa at ang kalayaan; ang kalayaang makapagsalita at ang kalayaang mula sa pagkaalipin ng gobyerno. Kayaโt akoโy nandito, sumusulatโhindi lang para magbahagi, kundi upang gisingin ang pusong makabayan ng mga kapwa ko Pilipino at simulan ang pagkilos upang sugpuin ang mga buwayang nananalasa sa ating mga buhay.
Magalit tayo, sisihin sila, at palabasin ang ibinaong konsensya. Kung ang pambabatikos ay hindi pa rin sapat, isa lang ang pag-asang naiisip ko: sa susunod na botohan, nakikiusap akoโbumoto na tayo ng tama. Piliin natin ang kandidatong malinis, may prinsipyo, tapat, may pagmamahal sa bayan, at higit sa lahat ay may takot sa Diyos. Huwag nang magpadala sa matatamis na salita; sa halip, kilatisin nating mabuti ang kanilang pagkatao at mga nagawa.
Sa ngayon, ang magagawa na lang muna natinโlalo naโt posible ang pagbabalik ng Uwan o pag-atake ng iba pang bagyoโay ang mag-ingat sa mga kalamidad, maging handa, manalangin, ingatan ang ating kalikasan, at ayusin ang mga dapat ayusin na nasira ng mga bagyo. Ugaliin na rin nating maging alerto.
Kung wala lang sanang mga buwaya, wala tayong ikababahala.
๐ Pagwawasto ng Sipi : Cheska Zen Cajes
๐จ Iginuhit ni : Wes Matthew Ido
