16/01/2024
Rizal PPO News Release No. 13-01-2024
Date: January 16, 2024
Mahigit 156k Halaga ng Droga at Submachine Gun Nakuha sa Isang Pusher
Sa isinagawang buy-bust operation ng mga operatiba ng Taytay Municipal Police Station na may koordinasyon sa PDEA-Rizal noong Enero 15 ng taong kasalukuyan dakong 9:10 ng gabi sa Barangay Sta. Ana, Taytay, Rizal, nahuli ang isang pusher na si alyas Kulkul, 24 taong gulang, isang construction worker at tubong Abuyog, Leyte.
Base sa mga awtoridad anim na pakete ng hinihinalang shabu ang nakumpiska sa posesyon ng suspek na may timbang ng humigit kumulang 23 gramo at may Standard Drug Price na nagkakahalaga ng Php. 156, 400.00. Nakuha din mula sa suspek ang isang U*I Submachine Gun at limang bala ng 9mm.
Ang naarestong suspek ay nabasahan ng kanyang karapatan bago dalhin sa istasyon para sa tamang disposisyon. Gayundin, ang mga nakuhang ebidensya ay minarkahan at inimbentaryo sa lugar na pinangyarihan sa prisensya ng opisyal ng barangay at representante ng media bago dalhin sa Rizal Provincial Forensic Unit para sa laboratory examination. Ang suspek ay nahaharap sa mga kasong paglabag sa Comprehensive Dangerous Drugs Act of 2022 o RA 9165 at Fi****ms Law (RA 10591) at kasalukuyang nakapiit sa Taytay Custodial Facility.
Authority : FELIPE B MARAGGUN
Police Colonel
Provincial Director
Action Officer : MARIESOL E TACTAQUIN
Police Captain
Public Information Office
Facebook Account: https://www.facebook.com/RizalPpoPio/
Contact No.: (02)571-1147
