25/09/2025
MAY KABIT ANG ASAWA KO | WORTH IT BA?
Ako si Frances may asawa at ten years na kaming kasal ng asawa ko, 28 years old, siya 31 years old. Apat na anak na rin ang pinagkaloob sa amin. Sa totoo lang, masaya naman ang buhay namin noon. Kahit mahirap, nagkakasya kami. Kahit pagod, magaan kasi buo kami.
Pero dumating yung point na bigla na lang siyang nanlamig. Hindi na siya gaya ng dati—hindi na sweet, hindi na kasing lambing. Alam mo yung instinct ng babae? Ramdam mo talaga kapag may iba. At hindi nga ako nagkamali.
Yung babae? Trabaho din niya, may mataas na position sa company nila. Nung una, hindi ko alam kung paano ko haharapin. Pero hindi ko na kinaya, kaya nagkaroon kami ng confrontation. At doon na niya inamin. Oo, may relasyon sila.
Masakit. Parang gumuho yung mundo ko. Pero ang pinakamasakit? Hindi niya kayang hiwalayan yung babae. Hindi dahil mahal niya—pero dahil natatakot siya sa trabaho. Sabi niya, matagal na siya sa company at lumaki sahod niya simula noon. Kapag nakipaghiwalay daw siya sa babae niya, baka ito pa yung dahilan para mawalan siya ng trabaho.
Ang sabi niya pa… ginagawa niya daw ito para sa amin, para sa pamilya. Hindi ko alam kung matatawa ba ako o iiyak. Totoo naman na guminhawa ang buhay namin nitong mga taon na ito. Nakakapag-aral yung mga anak namin sa mas maayos na school, nakakapagpundar kami ng gamit, hindi na ganun kabigat ang araw-araw. Pero sa likod ng lahat ng yun, alam kong may kapalit—at ako yung nagdurusa.
Kaya ngayon, hindi ko alam kung saan ako lulugar. Pipiliin ko ba mag stay o pipiliin ko ang kinabukasan ng pamilya namin kahit ako na lang ang masasaktan?
Hindi ko alam kung tama ba na sumang-ayon ako, na magbulag-bulagan muna. Pero ang totoo, gulong-gulo na ako. Mahal ko ang asawa ko, mahal ko ang pamilya namin… pero hanggang kailan ko kakayanin na ako ang nagbabayad ng presyo para lang gumanda ang buhay namin?
