12/10/2018
“Piliing mag-aral Kesa Masaktan”
Written by: BIGBOSS
Nung una pa lang minahal na kita.
Oo, minahal kita kahit may mahal kang iba.
Minahal kita nang hindi mo alam.
Minahal kita higit pa sa kaibigan.
Para sa'kin sapat na ‘yon.
Sapat na, na makita kang masaya.
Sapat na, na makita ka sa piling ng iba.
Sa piling niya. Siya, na ako sana.
Ako sana ang hahawak ng ‘yong mga kamay.
Ako sana ang sinasabihan mo ng “Mahal na mahal kita".
Kaso hindi eh.
Baliktarin man natin ang mundo, Kaibigan mo lang ako.
Nagkakasama nga tayo pero sa tuwing iniiyakan mo siya.
Magkakasama tayo sa tuwing naaalala mo lang ako.
Magkakasama nga tayo pero siya ang bukambibig mo.
Ang sakit.
Ang sakit na makita kang umiiyak dahil sa kanya.
Ang sakit makita na nasasaktan ka.
Kaya eto ako, magpapakatanga.
Gagawa ng paraan para magkabalikan kayo.
Gagawa ng paraan upang sumaya ka ulit.
Dahil diba kaibagan mo ko. Kaibigan mo lang ako.
Sa tuwing magkakabalikan kayo, heto ako.
Nag-iisa na naman. Walang mapagsabihan ng nararamdaman.
Dahil baka mag-iba ang turing mo sa'kin.
Baka bukas makalawa, lalayuan mo'ko.
At baka tuluyan mo kong kalimutan.
Minsan napapaisip ako.
Kung sinabi ko sa'yo ang nararamdaman ko,
Magkapareho kaya tayo?
Kung sinabi ko sa'yo na mahal kita,
Mamahalin mo kaya ako?
Iyong pagmamahal na higit pa sa kaibigan?
Pag-ibig nga naman mapaglaro din minsan.
Sa dinami-dami ng nagmamahal, ako pa ang tinamaan.
Tinamaan ng pag-ibig na di mapag-isang dibdib.
Kaya heto ako ngayon. Nasasaktan. Nalulungkot.
Naghihintay na mawala ‘tong nararamdaman ko para sa'yo.
Darating din ang panahon na ako'y iibig muli.
Iibig sa taong iibigin din ako.
Sa taong higit pa sa kaibigan ang turing sa'kin.
Dahil ang sakit magmahal ng taong iba ang mahal.
Ang sakit magmahal sa taong ‘di alam ang ‘yong nararamdaman.
Kaya sana masaya ka kahit iiwan muna kita.
Oo, aalis ako. Aalis ‘di dahil sa'yo.
Kundi para sa sarili ko.
Dahil hindi ko na kayang magkunwari pa sa harap mo.
Ang magkunwaring masaya ako para sa'yo, para sa inyo.
Kaya mag-ingat ka palagi ha?
Babalik din ako. Hahanapin ko muna ang sarili ko.
Dahil ang pag-ibig ko sa'yo’y parang bisyo.
Nalulong ako masyado. Di makatayo sa sarili ko.
Kaya gusto ko sana makapag-isip at mapag-isa.
Tatayo sa sariling mga paa.
At kung okay nako, babalik ako.
Babalik bilang kaibigan mo.
Sa panahong iyon, matititigan ko na ang ‘yong mga mata ng diretso.
Ipakikilala sa'yo ang minamahal ko.
Hindi man tulad nung sa'yo pero alam ko ito'y totoo.
Patawad kaibigan.
Minahal kita nang ‘di mo alam.
Minahal kita higit pa sa ‘yong inaasahan.
Nagkunwari sa’yong harapan.
Kaya patawad.
Minahal kita kaibigan.
Kung kaya’t piliing mag-aral kesa masaktan.
