Church of God/PH

Church of God/PH Word of God, God Creation, Jesus Christ the Alpha and Omega

18/09/2025

ANG HINAGPIS NG DIOS SA MGA TAO
************
Kahit ang Dios ang Siyang Makapangyarihan
sa lahat at nakikita Niya ang nakaraan,
ang ngayon at ang bukas.
Natatalos Niya ang lahat ng puso at ang
mga haka nito.
Ngunit ang Dios ay may paghihinagpis
sa mga tao.
Hinagpis, na hindi maunawaan ng mga tao.
Nalalaman ng mga tao na sila ay mahina
at mangamamatay, ngunit, mas iniibig pa
ang maniwala sa mga walang kabuluhang
bagay.
Humahanap ng mga maling Dios, na
kanilang pagpapanaligan.
Kumakatha ng mga bagong utos, gayung
May nakalaan ng batayan na inilagay
at ibinigay ang Dios sa mga tao.
Nagpapakataas ng mga isip, gayung ang
Utak ng mga tao ay tuldok lamang sa
sangsinukop.
Kung gaano kalawak ang Universo, ay higit
ang lawak ng pagiisip ng mga tao.
Kaya sila ay nangapapahamak.
Mas pinipili ng mga tao ang mali at
Kamatayan kaysa sa katwiran ng Dios,
pagasa, kaligtasan at buhay.
Ang iba naman ay mas pinipili ang
mga sariling paniniwala at sariling
kaisipan at mga pagkamakata.
Idinadaan sa kadaldalan ang kanilang
pagsamba at pananalig.
Iniisip nila na sa dami ng kasasalita,
Ay naililigtas nila ang bawat isa, ngunit
ang kauuwian ay kamatayan ng kaluluwa.
Ang mga tao ay nagpapakamatigas ng mga
puso at nagsusuwail sa Dios.
Ayaw nilang lumapit sa ILAW.
Nasisilaw sila sa liwanag ng pangungusap
ng Dios na nangasusulat sa aklat ng
katotohanan.
Ibinabaling ang kanilang mga mukha
Palayo sa liwanag ng ILAW ng katwiran
at katotohanan.
Sila ay nangahihimbing sa kasamaan at
sa kalikuan.
Ganito ang wika ng Dios sa mga tao:
Awit 4:2
Oh kayong mga anak ng tao, hanggang
kailan magiging kasiraang puri ang aking
kaluwalhatian? Gaano katagal iibigin ninyo
ang walang kabuluhan, at hahanap sa
kabulaanan? (Selah)
Kawikaan 2:13
Na nagpapabaya ng mga landas ng
katuwiran, upang magsilakad sa mga daan
ng kadiliman;
Kawikaan 2:14
Na nangagagalak na magsigawa ng
kasamaan, at nangaaaliw sa mga karayaan
ng kasamaan,
Kawikaan 2:15
Na mga liko sa kanilang mga lakad, at mga
suwail sa kanilang mga landas:
***
Kawikaan 1:23
Magsibalik kayo sa aking saway: narito,
aking ibubuhos ang aking espiritu sa inyo.
Kawikaan 1:24
Sapagka't ako'y tumawag, at kayo'y
tumanggi: aking iniunat ang aking kamay,
at walang makinig;
Kawikaan 1:25
Kundi inyong iniuwi sa wala ang buo kong
payo, at hindi ninyo inibig ang aking saway:
Kawikaan 1:26
Ako naman ay tatawa sa kaarawan ng
inyong kasakunaan: ako'y manunuya pagka
ang inyong takot ay dumarating;
Kawikaan 1:27
Pagka ang iyong takot ay dumarating na
parang bagyo. At ang inyong kasakunaan ay
dumarating na parang ipoipo; pagka ang
hirap at hapis ay dumating sa inyo.
Kawikaan 1:28
Kung magkagayo'y tatawag sila sa akin,
nguni't hindi ako sasagot; hahanapin nila
akong masikap, nguni't hindi nila ako
masusumpungan:
Kawikaan 1:29
Sapagka't kanilang ipinagtanim ang
kaalaman, at hindi pinili ang takot sa
Panginoon.
Kawikaan 1:30
Ayaw sila ng aking payo; kanilang hinamak
ang buo kong pagsaway:
************
Hanggang kahulihulihang panahon at nakita
Sa mga hula sa Apocalypse na ang
Karamihan sa mga tao ay maghihimagsik sa Dios at gagawang may kasamaan at
Sila ay mangasisilo sa mga maling
pananaw.
Pahayag 19:19
At nakita ko ang hayop, at ang mga hari
sa lupa, at ang kanilang mga hukbo, na
nangagkakatipon upang makipagbaka laban
doon sa nakasakay sa kabayo, at laban
sa kaniyang hukbo.
Pahayag 19:20
At sinunggaban ang hayop, at kasama niya
ang bulaang propeta na gumawa ng mga
tanda sa harapan nito, na siyang
ipinangdaya sa mga nagsitanggap ng tanda
ng hayop at sa mga sumamba sa larawan
nito: ang dalawang ito ay inihagis na buhay
sa dagatdagatang apoy na nagliliyab
sa asupre:
Pahayag 19:21
At ang mga iba ay pinatay sa tabak na
lumalabas sa bibig niyaong nakasakay sa
kabayo, at ang lahat ng mga ibon ay
nangabusog ng mga laman nila.
***
Ganyan ang hinagpis ng Dios sa mga tao
na umabot hanggang sa wakas ng mga bagay.
Dahil mas iniibig pa nila ang kasamaan at
Kalikuan kaysa sa kaligtasan.
Huwag kang makasama at makasali sa kanila.
Magbago ka at hanapin ang katwiran at
mga kabutihan ng Dios.
At ito ay matatagpuan lamang sa ating
Panginoong Cristo Jesus.
Siya ang ILAW at Daan tungo sa Dios Ama
at sa Kaluwalhatian.
************
Papuri at Awit sa Iyo Oh Dios Ama
Na Makapangyarihan sa Kataas-taasan.
Pasasalamat at Pagpupuri ang aming
Alay sa ating Panginoong Cristo Jesus.
Isang Dios, Isang Paniniwala,
Isang Bautismo, Isang Iglesia,
Isang Banal na Espiritu at
Isang Pangulo na Ating Panginoon
Tagapagligtas at TagapamagitanAng Panginoong Cristo Jesus.
************SIYA NAWA*************

15/09/2025

* PILITIN NATING MANGAGTIIS *
DAHIL NGA SA TAYO AY NANGABUBUHAY
Colosas 3:13
Mangagtiisan kayo sa isa't isa, at
mangagpatawaran kayo sa isa't isa, kung
ang sinoman ay may sumbong laban sa
kanino man; na kung paanong pinatawad
kayo ng Panginoon, ay gayon din naman
ang inyong gawin:
Colosas 3:14
At sa ibabaw ng lahat ng mga bagay na ito
ay mangagbihis kayo ng pagibig na siyang
tali ng kasakdalan.
***
Ang pinakamahirap sa buhay natin ay iyong
Mangagpatawad sa kapwa at lalo na kung
May matinding masamang nagawa sa iyo
O sa inyong buhay.
Ngunit, ayon nga sa Evangelio ay mangagpatawad tayo at dahil ang ating
Dios ay marunong magpatawad.
Magtiis tayo at piliting maging matiisin sa
Kapwa at maging matiisin sa mga
kahirapang nagaganap sa buhay.
Pagibig ang kahulugan ng pagpapatawad
At maging matiisin sa kapwa.
Kaya nga iniuutos ito ay upang maging
Prepara tayo sa muling pagdating ng
Ating Panginoon at maisama sa mga
Banal Niya at makarating din naman
Sa kaharian ng Dios Ama.
2 Timoteo 2:12
Kung tayo'y mangagtiis, ay mangaghahari
naman tayong kasama niya: kung ating ikaila
siya, ay ikakaila naman niya tayo:
Juan 17:24
Ama, yaong mga ibinigay mo sa akin ay ibig
ko kung saan ako naroroon, sila naman ay
dumoong kasama ko, upang makita nila ang
kaluwalhatian ko, na ibinigay mo sa akin:
sapagka't ako'y iyong inibig bago natatag
ang sanglibutan.
Juan 14:2
Sa bahay ng aking Ama ay maraming
tahanan; kung di gayon, ay sinabi ko sana
sa inyo; sapagka't ako'y paroroon upang
ipaghanda ko kayo ng dakong kalalagyan.
Juan 14:3
At kung ako'y pumaroon at kayo'y
maipaghanda ng kalalagyan, ay muling
paririto ako, at kayo'y tatanggapin ko sa
aking sarili; upang kung saan ako naroroon,
kayo naman ay dumoon.
***
Kung ibig nating maipasama sa Panginoon
Ay simulan mo na ang maging matiisin at
Laging mangagpatawad na kahit ito
Ay napakahirao gawin.
Sa ating pagtitiyaga sa pamamagitan ng
Pagtitis ay lumalaganap ang kabutihan
At ang pagibig.
Gawing madalas ito dahil nga sa malapit ng
Dumating ang Panginoon.
Santiago 5:8
Mangagtiis din naman kayo; pagtibayin
ninyo ang inyong mga puso, sapagka't ang
pagparito ng Panginoon ay malapit na.
Santiago 5:7
Mangagtiis nga kayo, mga kapatid,
hanggang sa pagparito ng Panginoon.
Narito, inaasahan ng magsasaka ang
mahalagang bunga ng lupa, na may
pagtitiis, hanggang sa tanggapin ang
ulang maaga at huli.
***
Ang bunga ng pagtitiis ay kabanalan.
Gaya nga ng nagtatanim ng mgga binhi
Ay naghihintay tayo na maulanan ang
Mga ito at tuluyang lumago at mabuhay
Ng matatag at magamit sa panahon ng
Pagaani at mapakinabangan.
Ganun din naman ang magtiis at
magpatawad ay magbubunga ng kabutihan
At pagibig.
Ito ang paraan upang ang kasamaan at
Ang mga kasalanan ay huwag manaig
Sa bawat tao na tulad natin.
Sundin natin itong aral na ito at gawin
Nang sa gayon ay mailigtas natin ang
Ating kaluluwa.
Ang kaligtasan sa mga kasalanan at sa
Mga kasamaan sa buhay.
Nawa ay maunawaan ninyo ang mga ito.
Nang sa gayon ay makasama naman
Tayo sa Panginoon.
************
Papuri at Awit sa Iyo Oh Dios Ama
Na Makapangyarihan sa Kataas-taasan.
Pasasalamat at Pagpupuri ang aming
Alay sa ating Panginoong Cristo Jesus.
Isang Dios, Isang Paniniwala,
Isang Bautismo, Isang Iglesia,
Isang Banal na Espiritu at
Isang Pangulo na Ating Panginoon
Tagapagligtas at TagapamagitanAng Panginoong Cristo Jesus.
************SIYA NAWA*************

10/09/2025

UPANG MABUSOG ANG ESPIRITU
************
Ang ating kaluluwa at espiritu ay may
pagkain na dapat ikabusog.
At ang mga salita ng Dios ang siyang
bumubuhay sa ating espiritu at kaluluwa.
Kung ibig mong makakain ito, ay ugaliing
bumasa ng Biblia o Evangelio.
Maaari din namang, makinig sa mga taong
matuwid na ang inaaral ay nasa Biblia o
Evangelio ang mga binabasa at itinuturo.
Hindi lahat ng bumibigkas ng aral sa kapwa
Ay katiwatiwala. Dahil ang iba ang aral ay sa ikapapahamak. Karamihan ay wala sa
Evangelio ang mga inaaral at ang iba naman
Ay sa sariling kalooban lamang ang inaaral.
Makinig tayo sa mga taong matuwid na
Ang mga inaaral ay nangasa Aklat ng
Katotohanan. Dahil maraming mangangaral
Sa ating panahon ngayon ang nagliligaw sa mga tao. Na ang mga inaaral ay sa pakikinabangan lang nila at sa ikayayaman.
Hindi nila inaalala ang mga kaluluwa ng kapwa tao nila na upang mangaligtas sa
Galit na darating at sa paghuhukom.
Iwasan natin ang mga taong puro ukol sa
Kapilya at templo na upang pagandahin ng
husto, ngunit sa mga aral ng Evangelio ay
Salat at hindi mga maunawaang turo.
Iwasan din natin ang mga tao na puro ikapu
at ang mga miembro ay naghihirap at
Magulo ang pamumuhay, ngunit ang bahay
ng mangangaral nila ay biglang lumaki at
gumanda at nagkaroon pa ng mga madaming sasakyan.
Taong matuwid at sumusunod sa lahat ng
mga utos ng Dios at mga aral ng ating
Panginoong Jesus. Ito ang dapat nating
Pakinggan upang mabusog ang ating
Espiritu at mangaligtas ang ating kaluluwa.
Kawikaan 10:21
Ang mga labi ng matuwid ay nagpapakain
ng marami: nguni't ang mangmang ay
namamatay sa kakulangan ng pagunawa.
1 Corinto 14:37
Kung iniisip ninoman na siya'y propeta, o
ayon sa espiritu, ay kilalanin niya ang mga
bagay na sa inyo'y isinusulat ko, na pawang
utos ng Panginoon.
Mangangaral 12:10
Humanap ang Mangangaral ng mga
nakalulugod na salita, at ng nasusulat na
matuwid, na mga salita ng katotohanan.
Mangangaral 12:9
At bukod dito, sapagka't ang Mangangaral
ay pantas, ay nagpatuloy siya ng pagtuturo
ng kaalaman sa bayan; oo, siya'y nagaral,
at sumiyasat, at umayos ng maraming
kawikaan.
***
Ganyan ang mga mabuting mangangaral at
Mga katiwatiwalang mga aral.
Sumisiyasat sa aklat ng katotohanan at
pawang mga utos ng Dios at ng Panginoon.
Huwag kayong makinig sa mga
mangkakatha lamang ng mga kwento at
bumasa ng isang talata at pagkatapos ay
puro sariling talumpati na.
Naging sariling kalooban na ang inaaral
at binabali at inililiko na ang mga aral
na pawang utos ng Panginoon.
Ganitong mangangaral ang iwasan:
Kawikaan 29:12
Kung ang puno ay nakikinig sa kabulaanan,
lahat niyang mga lingkod ay masasama.
Kawikaan 6:19
Sinungaling na saksi na nagsasalita ng
kabulaanan, at ang naghahasik ng pagtatalo
sa gitna ng magkakapatid.
Kawikaan 10:14
Ang mga pantas ay nagiimbak ng kaalaman:
nguni't ang bibig ng mangmang ay
kasalukuyang ikapapahamak.
Kawikaan 12:22
Mga sinungaling na labi ay kasuklamsuklam
sa Panginoon: nguni't ang nagsisigawang
may katotohanan ay kaniyang kaluguran.
Awit 31:18
Matahimik nawa ang mga sinungaling na
labi; na nangagsasalita laban sa matuwid ng
kalasuwaan, ng kapalaluan at paghamak.
***
Awit 120:2
Iligtas mo ang aking kaluluwa,
Oh Panginoon, sa mga sinungaling na labi,
at mula sa magdarayang dila.
Kawikaan 6:17
Mga palalong mata, sinungaling na dila,
at mga kamay na nagbububo ng walang
salang dugo;
Kawikaan 6:18
Puso na kumakatha ng mga masamang
akala, mga paa na matulin sa pagtakbo
sa kasamaan;
***
Ganito ang ukol sa mga espiritu:
1 Corinto 3:16
Hindi baga ninyo nalalaman na kayo'y templo
ng Dios, at ang Espiritu ng Dios ay
nananahan sa inyo?
1 Corinto 6:17
Nguni't ang nakikisama sa Panginoon, ay
kaisang espiritu niya.
1 Corinto 6:19
O hindi baga ninyo nalalaman na ang inyong
katawan ay templo ng Espiritu Santo na nasa
inyo, na tinanggap ninyo sa Dios? at hindi
kayo sa inyong sarili;
1 Corinto 6:20
Sapagka't kayo'y binili sa halaga: luwalhatiin
nga ninyo ng inyong katawan ang Dios.
************
Papuri at Awit sa Iyo Oh Dios Ama
Na Makapangyarihan sa Kataas-taasan.
Pasasalamat at Pagpupuri ang aming
Alay sa ating Panginoong Cristo Jesus.
Isang Dios, Isang Paniniwala,
Isang Bautismo, Isang Iglesia,
Isang Banal na Espiritu at
Isang Pangulo na Ating Panginoon
Tagapagligtas at TagapamagitanAng Panginoong Cristo Jesus.
************SIYA NAWA*************

08/09/2025

* ANG TAO NG DIOS *
2 Timoteo 3:17
Upang ang tao ng Dios ay maging sakdal,
tinuruang lubos sa lahat ng mga gawang
mabuti.
Awit 37:24
Bagaman siya'y mabuwal, hindi siya lubos
na mapapahiga: Sapagka't inaalalayan siya
ng Panginoon ng kaniyang kamay.
***
Oo, bagama't ang tao ng Dios ay madaming
Mga hinaharap na pagsubok.
Gaya ng mga paghihirap, pagtitiis, kapos
sa mga pangangailang panglupa, mga
hinagpis at mga kagalitan ng mga taong
nangapopoot ng dahil sa paglayo sa
kanila, dahil hindi na tulad nila ang gawain.
Gumagawa ang Dios nang kabutihan sa
Kaniyang mga tao o alagad.
Awit 34:7
Ang anghel ng Panginoon ay humahantong
sa buong palibot ng nangatatakot sa kaniya,
at ipinagsasanggalang sila.
Awit 34:8
Oh inyong tikman at tingnan ninyo na ang
Panginoon ay mabuti: mapalad ang tao na
nanganganlong sa kaniya.
Awit 34:9
Oh mangatakot kayo sa Panginoon, kayong
mga banal niya: sapagka't walang
kakulangan sa kanila na nangatatakot sa
kaniya.
***
Ang Kaniyang pagliligtas ang ating kalasag
sa lahat ng mga alinlangan sa buhay.
Hindi mawawalan ng pagasa, dahil ang
Kakampi natin ay ang Mayari ng buhay
at ang Mayari ng lahat ng mga bagay.
Hindi ang salapi at karangyaan ang sukatan
ng mga kaloob ng Dios, kundi ang pagtitiis
at paghihirap na maganap at matupad ang
mga gawaing pang-Espiritu.
Roma 8:4
Upang ang kahilingan ng kautusan ay
matupad sa atin, na hindi nangagsisilakad
ayon sa laman, kundi ayon sa Espiritu.
Roma 6:10
Sapagka't ang kamatayan na ikinamatay
niya, ay kaniyang ikinamatay na minsan sa
kasalanan: datapuwa't ang buhay na
kaniyang ikinabubuhay, ay kaniyang
ikinabubuhay sa Dios.
***
Hindi batayan ang dami ng mga kayamanan
At dami ng salapi, upang makarating sa
Tahanan ng Dios na ang Paraiso.
Ang bawat kayamanang nasa lupa at maging
ang mga mahal sa buhay ay iyong maiiwan.
Dahil minsang lamang tayong dadaan dito
sa lupa at pagkatapos ay malilimot ka na
din sa paglipas mo sa mundo.
Kaya nga, ang itinuturo sa Evangelio ay
pawang ukol sa Espiritu at hindi sa mga
bagay ukol dito sa makalupang kayamanan.
Ang lahat ng mga bagay ay mawawalan na
ng saysay kung tayo ay lumipas na sa
mundo.
Oo, tama, madami ang nagsasabi, na kaya
sila nagpapagal sa mundo ay upang kung
Pumanaw man sila ay mayroon silang maiwan na karangyaan sa mga mahal
niyang nabubuhay.
Ang mga iyan ay pagsisimukan lang ng gulo.
Sila-sila ay magaaway upang ang lahat ng
mga naiwang yaman ay mapunta sa kaniya.
Magiging ugat pa ng kasamaan ng mga naiwang mahal sa buhay o naiwang tao
diio sa mundo.
Hindi naman lahat ng tao ay may damdamin
O may sa puso na ibabahagi niya ang lahat
ng kayamanang naiwan para sa lahat.
Kaya may gulo sa pamilya, dahil may taong
sakim, ganid at makasariling puso.
Bakit, hindi na lamang ituro ang Espiritual
na paniniwala na upang mawala man ay
may naibahagi kang kabutihan sa iyong
Pamilya at sa mga taong minsan mong
Nabigyan ng kaliwanagan sa buhay.
Ang dapat maipamana ay kabutihan,
katotohanan, katwiran at tunay na
Pananampalataya at pagsunod sa mga
Utos at aral ng Dios at ng Panginoon.
Sapagkat ito ay lalagi magpakailanman,
Sa bawat saling lahi, kaysa kayamanan na nauubos at nasisira.
Ang kayamanang panglupa ay sa
ikamamatay at sa ikapapahamak.
Ngunit ang kayamanang pang-Espiritu ay
sa ikabubuhay at sa ikaliligtas sa
paghuhukom.
Awit 11:5
Sinusubok ng Panginoon ang matuwid;
nguni't ang masama at ang umiibig ng
pangdadahas ay kinapopootan ng
kaniyang kaluluwa.
Awit 37:28
Sapagka't iniibig ng Panginoon ang
kahatulan, at hindi pinababayaan ang
kaniyang mga banal; sila'y iniingatan
magpakailan man: nguni't ang lahi ng
masama ay mahihiwalay.
Awit 37:39
Nguni't ang kaligtasan ng matuwid ay sa
Panginoon: siya'y ang kanilang kuta sa
panahon ng kabagabagan.
Awit 103:17
Nguni't ang kagandahang-loob ng Panginoon
ay mula ng walang pasimula hanggang sa
walang hanggan sa nangatatakot sa kaniya,
at ang kaniyang katuwiran ay hanggang sa
mga anak ng mga anak;
Kawikaan 10:28
Ang pagasa ng matuwid ay magiging
kasayahan: nguni't ang pagasa ng masama
ay mawawala.
Kawikaan 10:29
Ang daan ng Panginoon ay katibayan sa
matuwid; nguni't kapahamakan sa mga
manggagawa ng kasamaan.
Kawikaan 12:8
Pupurihin ang tao ayon sa kaniyang
karunungan: nguni't ang masama sa puso
ay hahamakin.
Kawikaan 12:21
Walang mangyayaring kapahamakan sa
matuwid: nguni't ang masama ay mapupuno
ng kasamaan.
***
Awit 119:96
Aking nakita ang wakas ng buong kasakdalan; nguni't ang utos mo'y totoong malawak.
Awit 119:97
Oh gaanong iniibig ko ang iyong kautusan! Siya kong gunita buong araw.
Awit 94:22
Nguni't ang Panginoon ay naging aking
matayog na moog; at ang Dios ko'y malaking
bato na aking kanlungan.
Awit 73:26
Ang aking laman at ang aking puso ay nanglulupaypay: nguni't ang Dios ay kalakasan ng aking puso, at bahagi ko magpakailan man.
************
Papuri at Awit sa Iyo Oh Dios Ama
Na Makapangyarihan sa Kataas-taasan.
Pasasalamat at Pagpupuri ang aming
Alay sa ating Panginoong Cristo Jesus.
Isang Dios, Isang Paniniwala,
Isang Bautismo, Isang Iglesia,
Isang Banal na Espiritu at
Isang Pangulo na Ating Panginoon
Tagapagligtas at TagapamagitanAng Panginoong Cristo Jesus.
************SIYA NAWA*************

07/09/2025

ANG MGA GANID AT SI SATANAS
AY MAGKASAMANG GUMAGAWA
***
Tunay nga, na kung gumawa ang mga ganid
ay kasabayang gumagawa din ang Satanas.
Kaya nga, minsan nasasabi natin, na ang
gawaing masama ay hindi makataong
gawain, dahil ito ay utos ni Satanas at
tunay na gawain ng mga ganid.
Ang mga korapsiyon, pagnanakaw at
mga gumagamit ng pera ng bayan sa
mga pagsusugal, paglalasing, pambabae
at pambili ng mga layaw sa buhay, ay mga
gawain ng mga ganid na tao at ito ay utos
ni Satanas.
At kung sila ay mabisto ay nangapapahihiya
at gumagawa ng mga alibi na pawang
kasinungalingan. At bigla-biglang
nagkakasakit kunwari, upang makaiwas
sa mga paglilitis sa kaniya.
Juan 8:44
Kayo'y sa inyong amang diablo, at ang mga
nais ng inyong ama ang ibig ninyong gawin.
Siya'y isang mamamatay-tao buhat pa nang
una, at hindi nananatili sa katotohanan,
sapagka't walang katotohanan sa kaniya.
Pagka nagsasalita siya ng kasinungalingan,
ay nagsasalita siya ng sa ganang kaniya:
sapagka't siya'y isang sinungaling,
at ama nito.
************
Ang mga gawaing masama nila ay tulad
din naman noong una pa ay gawain na
din noon pa.
Walang bago, kundi gayon at gayon pa din.
Dahil ang kalaban ng Dios ay sila-sila din
noon pa, na ang mga ito ay ang mga ganid
at si Satanas.
Matitigil lamang ito, kung maganap na ang
paghuhukom ng Dios.
Ganito ang nangyari, noong araw na
Binabautismuhan ang Cristo ng Siya ay
Narito sa lupa.
Basahin natin ang mga talata:
Marcos 1:9
At nangyari nang mga araw na yaon, na
nanggaling si Jesus sa Nazaret ng Galilea
, at siya'y binautismuhan ni Juan sa Jordan.
Marcos 1:10
At karakarakang pagahon sa tubig, ay nakita
niyang biglang nangabuksan ang mga langit,
at ang Espiritu na tulad sa isang kalapati na
bumababa sa kaniya:
Marcos 1:11
At may isang tinig na nagmula sa mga langit,
Ikaw ang sinisinta kong Anak, sa iyo ako
lubos na nalulugod.
Marcos 1:12
At pagdaka'y itinaboy siya ng Espiritu sa
ilang.
Marcos 1:13
At siya'y nasa ilang na apat na pung araw na
tinutukso ni Satanas; at kasama siya ng mga
ganid; at pinaglingkuran siya ng mga anghel.
***
At pagdakay napasa-ilang ang Panginoon at
Tinukso ni Satanas at kasama ng mga ganid.
Kaya nga, kasabay gumawa ni Satanas ang
mga ganid.
Ang mga ganid ay nilikha na gaya ng mga
Hayop na walang awa kung manakmal at
kumakain ng laman ng bawat niyang mahuhuli.
Ganyan ang mga nasa pwesto sa mataas at
Sa mababang panungkulan ng pamahalaan.
Nagsisilbing may kabangisan at walang
awa sa kapwa.
Ganito sila nilikha:
Genesis 9:10
At sa bawa't nilikhang may buhay na kasama
ninyo, ang mga ibon, ang hayop at bawa't
ganid sa lupa na kasama ninyo; sa lahat ng
lumunsad sa sasakyan pati sa bawa't ganid
sa lupa.
Genesis 31:39
Ang nilapa ng mga ganid ay hindi ko dinala
sa iyo; ako ang nagbata ng kawalan; sa aking
kamay mo hiningi, maging nanakaw sa araw,
o nanakaw sa gabi.
***
Ito ang wika Dios na gagawin Niya sa
mga ganid
na tao:
Genesis 9:5
At tunay na hihingan ko ng sulit ang inyong
dugo, ang dugo ng inyong mga buhay: sa
kamay ng bawa't ganid ay hihingan ko ng
sulit; at sa kamay ng tao, sa kamay ng
bawa't kapatid ng tao ay hihingan ko ng
sulit ang buhay ng tao.
Genesis 9:6
Ang magbubo ng dugo ng tao, sa
pamamagitan ng tao ay mabububo ang
kaniyang dugo: sapagka't sa larawan ng Dios
nilalang ang tao.
***
Ngunit, ngayon hindi na batas ang death
penalty, kaya malayang gumagawa ng
masama ang mga taong walang takot sa
batas ng tao at maging sa batas ng Dios.
Nabubuhay sila na parang natural na lang
Sa kanila ang gawaing masama.
Tunay na ipinakikita nila sa kanilang gawa
na sila ay mga nilikhang ganid.
Ipagsusulit din naman ninyo iyan sa Dios at
Hindi lang sa mga tao at sa batas ng tao.
Ang Dios ang tunay na hukom.
Siya ang uusisa sa lahat ng mga tao na
Kung ano ang mga ginawa nila.
Awit 50:6
At ipahahayag ng langit ang kaniyang
katuwiran; sapagka't ang Dios ay siyang
hukom. (Selah)
Awit 50:6
At ipahahayag ng langit ang kaniyang
katuwiran; sapagka't ang Dios ay siyang
hukom. (Selah)
Awit 75:7
Kundi ang Dios ay siyang hukom: kaniyang
ibinababa ang isa, at itinataas ang isa.
************
Papuri at Awit sa Iyo Oh Dios Ama
Na Makapangyarihan sa Kataas-taasan.
Pasasalamat at Pagpupuri ang aming
Alay sa ating Panginoong Cristo Jesus.
Isang Dios, Isang Paniniwala,
Isang Bautismo, Isang Iglesia,
Isang Banal na Espiritu at
Isang Pangulo na Ating Panginoon
Tagapagligtas at TagapamagitanAng Panginoong Cristo Jesus.
************SIYA NAWA*************

06/09/2025

Pilitin po nating hanapin ang katotohanan. Ang relihiyon na nakasaad sa Biblia at nagbabautismo sa Ama, Anak at Espiritu Santo at kami ay sumapi diyan at ito ay iternational na..upang tayo ay mangaligtas..

05/09/2025

KAPOOTAN NINYO ANG INYONG MGA
MINAMAHAL NG DAHIL SA AKIN
ANG WIKA NG PANGINOON
***
Itong wika na ito ay sinalita o binigkas ng
Panginoong Jesus para sa lahat, na umiibig
sumunod sa Kaniya at makapasok sa
pangakong Paraiso sa Tahanan ng Dios.
Hindi naman ito, nangahuhulugan na,
Aawayin muna ang lahat ng nasa paligid
Mo na hindi sumusunod sa Cristo.
Ang pinakamensahe nito ay, unahin sa
Lahat ng bagay at sa lahat ng oras ang
Pagsunod sa mga utos ng Dios at mga
Aral ng Panginoong Jesus.
Upang, kung lumakad man tayo sa mundo
Ay mayroon tayong kaalaman na ukol sa
Kabutihan, katwiran at ukol sa Espiritual.
Na, gagawa ka at kikilos ka na may
kabutihan at may katotohanan.
Hindi mo iibigin na ikaw ay makagawa ng
masama sa kapwa at hindi gagawa na may pagsisinungaling.
Bawat gawang mabuti ang laging
masasaisip at masasapuso, kung tayo ay
Susunod sa Dios at sa Panginoon.
Alamin nga natin, kung paano winika
Ng Panginoong Jesus ang mga ito:
Mateo 10:32
Kaya't ang bawa't kumikilala sa akin sa harap
ng mga tao, ay kikilalanin ko naman siya sa
harap ng aking Ama na nasa langit.
Mateo 10:33
Datapuwa't sinomang sa aki'y magkaila sa
harap ng mga tao, ay ikakaila ko naman siya
sa harap ng aking Ama na nasa langit.
Mateo 10:34
Huwag ninyong isiping ako'y naparito upang
magdala ng kapayapaan sa lupa: hindi ako
naparito upang magdala ng kapayapaan,
kundi tabak.
Mateo 10:35
Sapagka't ako'y naparito upang papagalitin
ang lalake laban sa kaniyang ama, at ang
anak na babae laban sa kaniyang ina, at ang
manugang na babae laban sa kaniyang
biyanang babae:
Mateo 10:36
At ang magiging kaaway ng tao ay ang
kaniya ring sariling kasangbahay.
Mateo 10:37
Ang umiibig sa ama o sa ina ng higit kay
sa akin ay hindi karapatdapat sa akin; at
ang umiibig sa anak na lalake o anak na
babae ng higit kay sa akin ay hindi
karapatdapat sa akin.
***
Yan ang mga talata, na dapat gawin, ay
Gumawa na may katotohanan.
Dahil, iibigin muna ang mga katotohanan
Na ukol sa Dios at sa patotoo ng Panginoon.
Magiging parang kaaway muna ang mundo
At kapopootan ka na ng sanglibutan.
Iiwasan muna ang sumamba sa mga gawa
Ng tao na, rebulto o anito, iiwasan mo na
Ang kumain ng dugo ng mga hayop na
Masarap sa panlasa ng iba, iiwasan mo na
Ang kumain ng pagkaing inihandog sa mga
Diosdiosan, iiwasan mo na ang usapang tao
Lamang ang Cristo Jesus, iiwasan mo na
ang mga ibang aklat na katha lamang ng
Mga taong matatayog ang mga pag-iisip,
Iiwasan mo na ang paniniwalang ang mundo
Ay hindi magugunaw at ito ay mamanahin
Daw natin, iiwasan mo na ang paniniwalang
Ang Dios, Ama at Espiritu ay iisa lamang
Na persona, at madami pang iba na mga
Iiwasan na.
Dahil diyan, kapopootan ka nila at sa
Bilang ikaw, na umiiwas na sa ganyan ay
Aakalaing kinapopootan mo sila at inaaway
Mo sila ng dahil sa maling paniniwala.
Pagtitiisan mo na, na ikaw ay tawaging
lumalayo na sa kanila at hindi ka na
nila katulad nang gaya dati.
Dahil ang gamit-gamit mo ay ang tabak
Na dala-dala ng Panginoon Jesus.
Na ang tabak na ito ay ang salita ng Dios.
Ito ang patunay na ang tabak ay siyang
Salita ng Dios:
Efeso 6:17
At magsikuha rin naman kayo ng turbante
ng kaligtasan, at ng tabak ng Espiritu, na
siyang salita ng Dios:
Awit 149:6
Malagay nawa sa kanilang bibig ang
pinakamataas na pagpuri sa Dios, at tabak
na may dalawang talim sa kanilang kamay;
Mga Hebreo 4:12
Sapagka't ang salita ng Dios ay buhay, at
mabisa, at matalas kay sa alin mang tabak
na may dalawang talim, at bumabaon
hanggang sa paghihiwalay ng kaluluwa at
espiritu, ng mga kasukasuan at ng utak, at
madaling kumilala ng mga pagiisip at mga
haka ng puso.
***
Ang pagkaunawa sa mga salita ng Dios ay
Kaloob sa mga taong may takot sa Dios
At sumusunod sa mga aral ng Panginoon.
Kawikaan 18:16
Ang kaloob ng tao ay nagbubukas ng daan
sa kaniya, at dinadala siya sa harap ng mga
dakilang tao.
Awit 111:10
Ang pagkatakot sa Panginoon ay pasimula
ng karunungan; may mabuting pagkaunawa
ang lahat na nagsisisunod ng kaniyang mga
utos. Ang kaniyang kapurihan ay nananatili
magpakailan man.
************
Papuri at Awit sa Iyo Oh Dios Ama
Na Makapangyarihan sa Kataas-taasan.
Pasasalamat at Pagpupuri ang aming
Alay sa ating Panginoong Cristo Jesus.
Isang Dios, Isang Paniniwala,
Isang Bautismo, Isang Iglesia,
Isang Banal na Espiritu at
Isang Pangulo na Ating Panginoon
Tagapagligtas at TagapamagitanAng Panginoong Cristo Jesus.
************SIYA NAWA*************

04/09/2025

ANG MGA MASASAMANG NAMUMUNO
Kawikaan 29:2
Pagka ang matuwid ay dumadami, ang
bayan ay nagagalak: nguni't pagka ang
masama ay nagpupuno, ang bayan ay
nagbubuntong-hininga.
************
Dumarami na ang mga kawani ng gobyerno
ang nagiging tiwali, involved sa mga ilegal
na transaksiyon at pagnanakaw sa kaban
ng bayan at bansa.
Kapag, ganito na ang mga gawain ng mga
Namumuno, ay lumalaganap na ang
masamang espiritu ni Satanas.
Na ikinakalat na ang mga alagad Niyang
Demonio.
Naaatim nila na gumawa ng masama, kinukulimbat ang mga pera na inuukol sa
Mga proyekto at para sa mga mahihirap na
Mga mamamayan.
Hindi na nakokonsensiya, at kaya nilang
kumain ng galing sa nakaw at panloloko.
Kaya nilang ipaaral sa mga anak nila at
Gamiting panustos sa lahat ng kanilang
Layaw na ang pera ay galing sa nakaw
Sa bayan o bansa.
Eto ang mga hula sa kanila:
Awit 26:10
"Na ang mga kamay ay kinaroroonan ng
kasamaan, at ang kanilang kanan ay puno
ng mga suhol.
Kawikaan 6:35
Hindi niya pakukundanganan ang anomang
tubos; ni magpapahinga man siyang tuwa,
bagaman ikaw ay magbigay ng maraming
suhol.
Isaias 5:23
Na nagsisiaring ganap sa masama dahil sa
suhol, at inaalis ang katuwiran sa matuwid!
Amos 5:12
Sapagka't talastas ko kung gaano karami
ang inyong mga pagsalangsang, at kung
gaano kalaki ang inyong mga kasalanan:
kayong nagsisidalamhati sa ganap, na
kinukunan ninyo ng suhol, at inyong inililigaw
sa kanilang matuwid ang mapagkailangan
sa pintuang-bayan.
Jeremias 2:26
Kung paanong ang magnanakaw ay
napapahiya pagka siya'y nahuhuli, gayon
napapahiya ang sangbahayan ni Israel; sila,
ang kanilang mga hari, ang kanilang mga
prinsipe, at ang kanilang mga saserdote, at
ang kanilang mga propeta,
****
Gaya ng mga nasa katungkulan, na hindi na
Nahihiya sa kanilang masamang gawain.
Na tumatanggap ng mga suhol, upang sa
bayan at bansa ay makapasok ang mga
ilegal na droga, ilegal na kontrabando at
Lahat na mga ilegal na pagkakakitaan.
At sa mga nagnanakaw ng mga budget ng
Bayan at bansa, kayo ay mangahihiya kung
Kayo ay nahuhuli at nabibisto.
Ang mga tulad ninyo ay mga ganid na hayop
O mga buwaya na sumasakmal sa mga malilit na mamamayan.
Job 41:1
Mahuhuli mo ba ang buwaya ng isang
bingwit? O mailalabas mo ba ang kaniyang
dila ng isang panali?
Job 41:4
Makikipagtipan ba siya sa iyo, upang ariin
mo siyang alipin magpakailan man?
Genesis 9:10
At sa bawa't nilikhang may buhay na kasama
ninyo, ang mga ibon, ang hayop at bawa't
ganid sa lupa na kasama ninyo; sa lahat ng
lumunsad sa sasakyan pati sa bawa't
ganid sa lupa.
Genesis 31:39
Ang nilapa ng mga ganid ay hindi ko dinala
sa iyo; ako ang nagbata ng kawalan; sa aking
kamay mo hiningi, maging nanakaw sa araw,
o nanakaw sa gabi.
***
Kaya nga, kami ay laban sa inyo mga
namumunong may mga masasamang
espiritu, na inalihan ng mga demonio at
Mga alagad ni Satanas.
Ni walang buti o katwiran man sa kaniyang
Puso at diwa. Sadya yatang ganid na tao
Ang tumbas sa inyo.
Efeso 6:12
Sapagka't ang ating pakikibaka ay hindi
laban sa laman at dugo, kundi laban sa mga
pamunuan, laban sa mga kapangyarihan,
laban sa mga namamahala ng kadilimang ito
sa sanglibutan, laban sa mga ukol sa espiritu
ng kasamaan sa mga dakong kaitaasan.
***
Kayo ay may anyong mga tao, ngunit ang
inyong mga gawa ay makahayop.
Ito ay hindi gawain ng taong matino ang
Pag-iisip, kayo ay may espiritung masama
Na galing kay Satanas.
Dahil ang inyong dios ay inyong mga salapi,
Kayamanan, kapangyarihan at inyong mga
Tiyan.
Tunay. Nga na may ganid na tao, at ito ay
Pinatunayan ni Apostol Pablo ng siya
ay nasa Efeso.
1 Corinto 15:32
Kung ako'y nakipagbaka sa Efeso laban sa
mga ganid, ayon sa kaugalian ng tao, ano
ang pakikinabangin ko? Kung ang mga patay
ay hindi muling binubuhay, magsikain at
magsiinom tayo yamang bukas tayo'y
mangamamatay.
***
Kaya nga, ang lahat ng ating ginagawa ay
Ating ipagsusulit sa ating muling
pagkabuhay.
Ang mga tao ay bubuhayin lahat, at ang iba
Ay sa buhay na may pagasa at ang iba ay sa
Buhay na kahatulan.
Roma 14:12
Kaya nga ang bawa't isa sa atin ay
magbibigay sulit sa Dios ng kaniyang sarili.
Santiago 2:13
Sapagka't ang paghuhukom ay walang awa
doon sa hindi nagpakita ng awa: ang awa ay
lumuluwalhati laban sa paghuhukom.
Mga Hebreo 9:27
At kung paanong itinakda sa mga tao ang
mamatay na minsan, at pagkatapos nito ay
ang paghuhukom;
Daniel 12:2
At marami sa kanila na nangatutulog sa
alabok ng lupa ay mangagigising, ang iba'y
sa walang hanggang buhay, at ang iba'y sa
kahihiyan at sa walang hanggang
pagkapahamak.
***
Matakot kayo sa Dios at hindi sa salapi at
Kayamanan. Iligtas ninyo ang inyong mga
Sarili, na huwag maisama ni Satanas sa
Kaniyang pagkapahamak at sa walang
Hanggang paghuhukom sa Impierno.
Kawikaan 20:28
Kagandahang-loob at katotohanan ay
nagpapalagi sa hari: at ang kaniyang
luklukan ay inaalalayan ng
kagandahang-loob.
Kawikaan 28:20
Ang tapat na tao ay mananagana sa
pagpapala: nguni't siyang nagmamadali sa
pagyaman ay walang pagsalang
parurusahan.
Awit 67:4
Oh mangatuwa at magsiawit sa kasayahan
ang mga bansa: sapagka't iyong hahatulan
ang mga bayan ng karampatan, at iyong
pamamahalaan ang mga bansa sa lupa.
(Selah)
Awit 67:5
Purihin ka ng mga bayan, Oh Dios; purihin ka
ng lahat ng mga bayan.
************
Papuri at Awit sa Iyo Oh Dios Ama
Na Makapangyarihan sa Kataas-taasan.
Pasasalamat at Pagpupuri ang aming
Alay sa ating Panginoong Cristo Jesus.
Isang Dios, Isang Paniniwala,
Isang Bautismo, Isang Iglesia,
Isang Banal na Espiritu at
Isang Pangulo na Ating Panginoon
Tagapagligtas at TagapamagitanAng Panginoong Cristo Jesus.
************SIYA NAWA*************

Address

Caloocan City
Balayan
1400

Telephone

+639317057905

Website

Alerts

Be the first to know and let us send you an email when Church of God/PH posts news and promotions. Your email address will not be used for any other purpose, and you can unsubscribe at any time.

Contact The Business

Send a message to Church of God/PH:

Shortcuts

Share

Category