03/10/2023
LAPSAG, PATAY MATAPOS GINSULOD SA PLASTIC BAG SANG IYA 27-ANYOS NGA ILOY SA CANLAON; UMBILICAL CORD SANG BATA, GIN-UTOD GAMIT ANG KUKO SANG ILOY
Patay ang bag-o bun-ag nga baby boy matapos ini ginsulod sa plastic bag sang iya 27-anyos nga iloy sa siudad sang Canlaon, Negros Oriental sang nagligad nga semana.
Suno sa pagpangusisa sang Radyo Bandera, wala nakahibalo ang iya iloy kag mga upod sa obra nga nagabusong ang babayi nga isa ka government employee sa siudad sang Canlaon.
Sang tinalikdan nga Martes, Setyembre 26, wala nagsulod ang babayi sa iya nga ulubrahan bangud naga-labor na ini kag ang iya lamang ginrason nga nagalain ang iya pamatyag.
Takna la una sang kaagahon, Setyembre 27, didto na ginbun-ag sang babayi ang iya healthy nga baby boy kag gin-utod sini ang umbilical cord sang bata gamit ang iya kuko.
Pagka-aga, daw wala lang sang may natabo bangud naligo ang babayi agud magsulod sa iya nga ulubrahan.
Didto na niya ginputos ang lapsag sa plastic bag kag gindala sa iya nga opisina apang matapos ang pila ka minutos, hinali na lamang ini nalipong kag nagkurog.
Gilayon nga gindala sa Canlaon City Hospital ang babayi sang iya mga upod sa obra kag didto na nahibaluan nga nagbusong kag nagbata ang amo nga babayi.
Ginpamangkot sang doktor ang babayi kun diin na ang iya nga bata kag gin-aku sini nga yara ang lapsag sa sulod sang plastic bag kag wala na ini sang kabuhi.
Nakibot ang iloy kag mga upod sa trabaho sang babayi sa rebelasyon sini bangud wala sila nakahibalo nga nagbusong ini.
Gin-aku pa sang babayi nga gingamit niya ang iya kuko sa pag-utod sang umblibical cord sang lapsag kag ginhaboy niya ang inunlan sa suba.
Ginkadtuan sang mga otoridad ang balay sang babayi kag didto na nakita ang madamo nga dugo sa katre sang babyi bangud sa pagbun-ag sini sa lapsag.
Nahibaluan nga una na nga nagbata ang babayi sadtong Disyembre 2022 sa isa ka patay nga lapsag kag iya ini ginlubong sa likod sang ila nga balay.
Gin-refer ang babayi sa San Carlos Doctors Hospital bangud indi sini masarangan ang iya pagkurog kag wala naga-untat ang iya nga bleeding.
Sang tinalikdan nga Biyernes, Setyembre 27, ginpapauli na ang babayi sa iya nga balay agud mas makapahuway pa ini sang maayo.
Ginbalsamar ang lapsag sa punerarya kag ginlubong ini sang tinalikdan nga Domingo, Oktubre 1.
Nagakuha pa sa karon ang DSWD Canlaon City sang dugang nga mga ebidensya agud mapasakaan sang kaso ang nasambit nga babayi.*
Ini nga update ginadul-ong sang:
👉Mabibili Sa Lahat Ng Branches Ng Clinica De Alternativo At Sa Mga Nangungunang Botika Sa Inyong Lugar
Maaari ring umorder thru Shopee:
🛒https://shopee.ph/clinicadealternativomedicina
Reyster Gani | October 3, 2023
Via Kabanderang Shooty Boy
