Newsbreak

06/07/2026

25/06/2026

[UPDATE] APPROACH SA BATO BRIDGE SA MARIBOJOC, PWEDE NA MAAGIAN OG MOTORSIKLO; TRABAHO PADAYON ARON MAHUMAN OG DALI

Pwede na nga maagian sa mga motorsiklo ang approach sa Bato Bridge nga nahimutang sa Barangay Cabawan, Maribojoc karong adlawa, Hunyo 25, 2026, samtang padayon gihapon ang paspas nga pagtrabaho ug pagbutang og mga sheetpiles sa dapit aron kini hingpit nga mahuman.

Bisan pa man niini, gipahibalo nga dili pa mahimo nga makalabang ang mga sakyanan nga 4-wheels gumikan sa nagpadayon nga repair.

Sa personal nga pagbisita sa DYTR News karong adlawa aron sutaon ang aktual nga sitwasyon sa tulay, nakita ang daghan nga mga heavy equipment nga gi-deploy sa maong dapit.

Gihimo kini aron mapaspasan ang operasyon ug aron daling mapahimuslan sa tanang mga motorista ang maong kalsada.

Ang maong kalambuan dako og tabang alang sa mga motorista, samtang gihangyo ang pailub sa publiko, ilabi na sa mga drayber sa 4-wheeled vehicles, samtang gihashasan pa ang pagkompleto sa pagrepair.

Wala pay iksakto nga petsa ug adlaw kung kanus-a kini hingpit nga mahuman.

| via Jomer Pequit

25/06/2026

APPROACH SA BATO BRIDGE SA MARIBOJOC, PWEDE NA MAAGIAN OG MOTORSIKLO; TRABAHO PADAYON ARON MAHUMAN OG DALI

Pwede na nga maagian sa mga motorsiklo ang approach sa Bato Bridge nga nahimutang sa Barangay Cabawan, Maribojoc karong adlawa, Hunyo 25, 2026, samtang padayon gihapon ang paspas nga pagtrabaho ug pagbutang og mga sheetpiles sa dapit aron kini hingpit nga mahuman.

Bisan pa man niini, gipahibalo nga dili pa mahimo nga makalabang ang mga sakyanan nga 4-wheels gumikan sa nagpadayon nga repair.

Sa personal nga pagbisita sa DYTR News karong adlawa aron sutaon ang aktual nga sitwasyon sa tulay, nakita ang daghan nga mga heavy equipment nga gi-deploy sa maong dapit.

Gihimo kini aron mapaspasan ang operasyon ug aron daling mapahimuslan sa tanang mga motorista ang maong kalsada.

Ang maong kalambuan dako og tabang alang sa mga motorista, samtang gihangyo ang pailub sa publiko, ilabi na sa mga drayber sa 4-wheeled vehicles, samtang gihashasan pa ang pagkompleto sa pagrepair.

Wala pay iksakto nga petsa ug adlaw kung kanus-a kini hingpit nga mahuman.

| via Jomer Pequit

25/06/2026

[DISGRASYA SA ALICIA] Driver sa motor patay, 13 angol sa 3-way vehicular accident sa Alicia

​Usa ka drayber sa motorsiklo ang dead on the spot samtang 13 ka uban pa ang nangaangol human sa makasubo nga aksidente nga naglambigit sa usa ka bus, tourist van, ug motorsiklo didto sa lungsod sa Alicia, pasado alas 8:00 sa buntag, Huwebes, Hunyo 25, 2026. Ang nakalas nailhan nga si Alberto Muring, hamtong ang panuigon ug residente sa Barangay Bulawan, lungsod sa Mabini.

​Base sa inisyal nga imbestigasyon nga gihimo ni PSSg. Jonas Rey Bersano, nasayran nga nagbiyahe paingon sa lungsod sa Candijay ang Southern Star Bus nga gimaneho ni Luis Andoy Naquilla, 53 anyos ug taga-Calape. Apan pag-abot sa usa ka interseksyon sa dalan, kalit kining nabanggaan sa usa ka tourist van nga gimaneho ni Lyl Lepetin, 38 anyos, kinsa lumad nga taga-Loon.

​Matud pa ni Bersano, tungod sa kakusog sa impak, natabok ang bus ngadto sa pikas linya sa karsada diin didto niini nadasmagan si Muring.

Ang biktima igo ra untang naglingkod sa iyang motorsiklo nga nakaparada sa daplin sa dalan sa dihang nahitabo ang trahedya, nga miresulta sa iyang hinanaling kamatayon tungod sa grabeng mga samad nga naangkon sa iyang lawas.

​Gawas sa namatay, nakatala usab og 13 ka mga naangol diin duha niini mga pasahero sa bus, samtang ang 11 ka uban pa mga turista nga nagsakay sa tourist van. Naangol usab ang drayber sa van nga si Lepetin, ug silang tanan daling gidala sa labing duol nga tambalanan aron matatapan sa ilang mga samad. Sa pagkakaron, anaa na sa kustodiya sa kapolisan ang drayber sa bus samtang nagpadayon pa ang lawom nga imbestigasyon aron sutaon kon kinsa ang angayng manubag sa maong duguong hitabo.

Image screengrab via DQ Sano

25/06/2026

(BASE SA CCTV) PAREHONG WALA NI MINOR SA INTERSECTION ANG DUHA KA SAKYANAN?

Sa nigawas nga CCTV Footage sa disgrasya sa Alicia nga gikalambigitan sa Southern Star Bus ug usa ka Van nga gikamatay sa usa ka Motorista nga nag tambay lang. Nigawas nga parehong wala maka-minor ang Southern Star Bus ug Van dihang nahitabo ang aksidente.

Sa Intersection, makita nga parehong wala naka minor ang duha ka sakyanan hinungdan nga nagkabangga kini, makita usab sa video nga awahi na pagsiga ang brake light. Makita usab nga ang van maoy una nga nibangga sa Southern Star Bus. Ang Bus nagsubay sa National Highway samtang ang van gikan mismo sa intersection padulong mo gawas.

13, ang gikatahong angol sa aksidenti ug usa ang patay.

KUNG BASEHAN ANG BALAOD SA PILIPINAS!

Sumala sa balaod sa trapiko sa Pilipinas, partikular na sa Republic Act No. 4136 (kun ang Land Transportation and Traffic Code), ang tourist van nga nigawas gikan sa intersection ang may mas dakong obligasyon nga mo-minor ug mohatag og dalan (yield right-of-way).

Ubos sa Artikulo III, Seksyon 43 sa maong balaod, ang tanang sakyanan nga mosulod sa usa ka national highway gikan sa mas gamay nga karsada, pribadong dalan, o intersection kinahanglan nga mopatigbabaw sa mga sakyanan nga kasamtangan nang nagsubay sa highway.

Gawas pa niini, ang National Highway giisip nga usa ka through-highway, diin ang mga sakyanan nga nagsubay niini adunay prayoridad.

Busa, subay sa balaod ang drayber sa tourist van ang angay untang nihunong o ni-minor aron pagsiguro nga luwas ang iyang pag-gawas sa intersection sa dili pa siya mosulod sa highway.

Apan, bisan pa man kung ang Southern Star Bus maoy nagsubay sa National Highway ug anaa kaniya ang pabor sa balaod (right-of-way), wala kini magpasabot nga hingpit na siyang gawasnon sa tulubagon.

Sumala sa Seksyon 42(a) sa RA 4136, ang bisan kinsang drayber nga nagpadagan sa unlawful speed o kusog nga dagan makawagtang sa iyang katungod sa right-of-way.

Sa balaod sa Pilipinas, duna kitay gitawag nga Doctrine of Last Clear Chance ug ang prinsipyo sa Contributory Negligence.

Tungod kay pareho silang "wala ni-minor," ang drayber sa Ceres mamahimo gihapong mapasakaan og reckless imprudence kung mapamatud-an nga duna unta siyay igong higayon nga makalikay sa bangga pinaagi sa pag-minor o pagpreno apan wala niya kini buhata.

Via | DYTR NEWS AND RESEARCH CENTER - JP

Video : Romulo Basalo

22/06/2026

MAYOR JANE YAP, NAGPAHINUMDOM SA SEGURIDAD UG MENTAL HEALTH SA MGA KABATAAN SA TUNGHAAN HUMAN SA SHOOTING INCIDENT SA TACLOBAN

Nagpagawas og usa ka dinalian ug kinasingkasing nga pahinumdom si Mayor Jane Yap ngadto sa mga ginikanan, magtutudlo, ug mga estudyante may kalabotan sa importansya sa siguridad ug "mental well-being" sulod sa mga tunghaan.

Kini human sa nahitabong trahedya nga school shooting didto sa dakbayan sa Tacloban, diin gihulagway sa mayor nga usa ka "sakit nga pahinumdom" nga kinahanglang hatagan og prayoridad ang kaluwasan sa mga kabataan.

Sa usa ka Facebook post karong adlawa Hunyo 22,, nanawagan si Mayor Yap sa mga ginikanan nga bisan unsa pa ka puliki sa trabaho, kinahanglan gihapon nga bantayan ug paminawon ang ilang mga anak, ilabi na sa mga butang nga dili nila masulti sa direkta nga pamaagi.

"To our teachers and schools, more than academics, importante nga safe space ang school where every student feels protected, guided, and heard," matod pa sa mayor sa iyang mensahe alang sa mga magtutudlo ug kadagkoan sa tunghaan.

Gipahinumdoman usab niya ang mga estudyante nga dako og importansya ang pagpakitag kaayo sa usag-usa. Sumala pa ni Yap, ang bullying, mga emosyon nga dili mapahungaw, ug ang paghimo og hilom nga pag-antos mahimong moresulta sa mga dili maayong panghitabo nga wala damha. Giawhag niya ang mga kabataan nga dili mahadlok mosulti ug mangayo og tabang kon gikinahanglan.

Gidugang sa mayor nga nagkinahanglan og tibuok komunidad aron mapanalipdan ang mga kabataan. Sumala kaniya, dili lang edukasyon ang responsibilidad sa katilingban, kondili ang pagsiguro usab nga luwas ang matag bata sulod sa tunghaan matag adlaw aron wala nay pamilya ug komunidad nga makasinati pa sa maong trahedya.

| By : Jomer S. Pequit

21/06/2026

DUHA KA SUSPEK SA PAGPANGAWAT SA TAGBILARAN CITY, NADAKPAN SA HOT PURSUIT

Nadakpan sa mga operatiba sa Theft and Robbery Section sa Tagbilaran City Police Station ang duha ka suspek nga nalambigit sa kasong Robbery with Force Upon Things pinaagi sa usa ka dinalian nga hot pursuit operation karong adlawa Hunyo 21, 2026.

Ang malampusong pagsikop nahitabo human gilayong miresponde ang mga awtoridad sa nahitabong pagpangawat nga gitaho sa usa ka residente didto sa Barangay Dao, Tagbilaran City.

Dako og natabang ang pamahayag sa usa ka testigo kinsa positibong miila sa mga suspek gamit ang mga hulagway niini, samtang nagpadayon karon ang imbestigasyon sa kapolisan alang sa pormal nga pagpasaka sa tukmang kaso batok sa mga dinakpan.

Tungod sa Data Privacy act nga gisunod sa Kapulisan, wala gibutyag ang pangalan sa mga suspek.