98.5 i-FM Cauayan, 4F OMA Building, Rizal Avenue, District 3, Cauayan City, Cauayan (2026)

09/06/2026

𝗞𝗔𝗞𝗨𝗟𝗔𝗡𝗚𝗔𝗡 𝗦𝗔 𝗦𝗜𝗟𝗜𝗗-𝗔𝗥𝗔𝗟𝗔𝗡, 𝗛𝗔𝗠𝗢𝗡 𝗦𝗔 𝗖𝗖𝗡𝗛𝗦 𝗖𝗔𝗕𝗔𝗥𝗨𝗔𝗡 𝗘𝗫𝗧𝗘𝗡𝗦𝗜𝗢𝗡

Cauayan City - Kasabay ng pagbabalik eskwela, Pinagkakasya ng Cauayan City National High School Cabaruan Extension ang mga estudyante dahil sa kakulangan sa silid-aralan.

Sa panayam ng IFM Newsteam kay Ginang Vilma C. Corpuz, Principal ng nasabing paaralan, sinabi nitong kulang pa ng dalawang silid aralan ang kanilang eskwelahan. Aniya, kahit madami ang lumipat sa ibang paaralan ay hindi parin sapat ang mga silid-aralan para sa mga Estudyante.

Dahil dito, ginagamit umano nila ang library ng paaralan maging ang Faculty Room upang pagdausan ng klase bilang tugon sa nasabing suliranin. Linahad naman niyang nagkaroon naman ng pondo ang paaralan dahil sa tulong ng mga magulang, stakeholders, at MOOE na siyang ginamit nila para makapagpatayo ng isang silid-aralan ngunit kulang parin umano ito sa bilang ng kanilang mag-aaral.

Matatandaang isa ang kakulangan ng silid-aralan sa mga pangunahing suliranin sa Departamento ng Edukasyon. Gayunpaman, patuloy paring ginagawa ng pamunuan ng Cauayan City National High School Cabaruan Extension ang kanilang makakaya upang matugunan ang mga pangangailangan ng mga mag-aaral sa abot ng kanilang makakaya.
------------------------

‎Para sa update at iba pang mga balita, bisitahin ang aming page 98.5 iFM Cauayan at ang aming website, www.rmn.ph/985ifmcauayan.

‎
‎
‎
‎

09/06/2026

𝗗𝗘𝗡𝗡𝗜𝗦 𝗣𝗔𝗗𝗜𝗟𝗟𝗔, 𝗜𝗞𝗜𝗡𝗔𝗟𝗨𝗡𝗚𝗞𝗢𝗧 𝗔𝗡𝗚 𝗣𝗘𝗧𝗜𝗦𝗬𝗢𝗡 𝗡𝗚 𝗔𝗡𝗔𝗞 𝗡𝗔 𝗦𝗜 𝗖𝗟𝗔𝗨𝗗𝗜𝗔 𝗡𝗔 𝗖𝗛𝗔𝗡𝗚𝗘 𝗢𝗙 𝗦𝗨𝗥𝗡𝗔𝗠𝗘

Ipinahayag ni Dennis Padilla ang kanyang kalungkutan matapos maghain ng petisyon sa korte ang anak niyang si Claudia Barretto upang legal na alisin ang apelyidong Baldivia at gamitin na lamang ang apelyidong Barretto.

Sa kanyang Instagram post noong June 8, ibinahagi ni Dennis ang bahagi ng petisyon at nagpahayag ng mensahe para sa anak. Aniya, nirerespeto niya ang desisyon ni Claudia ngunit hindi niya maikakailang nalulungkot siya sa naging hakbang nito.

Matatandaang ikinasal si Claudia kay Basti Lorenzo noong 2025. Kapag inaprubahan ng korte ang petisyon, magiging Claudia Isabelle Barretto Lorenzo ang kanyang buong pangalan.

Noong 2014, nagtangkang maghain ng kahalintulad na petisyon si Julia Barretto, ngunit kalaunan ay hindi na ito itinuloy matapos silang magkaayos ng kanyang ama.
------------------------

‎Para sa update at iba pang mga balita, bisitahin ang aming page 98.5 iFM Cauayan at ang aming website, www.rmn.ph/985ifmcauayan.

‎
‎
‎
‎

09/06/2026

𝗣𝟮𝟴𝟬𝗞 𝗟𝗜𝗩𝗘𝗟𝗜𝗛𝗢𝗢𝗗 𝗔𝗦𝗦𝗜𝗦𝗧𝗔𝗡𝗖𝗘, 𝗜𝗣𝗜𝗡𝗔𝗠𝗔𝗛𝗔𝗚𝗜 𝗦𝗔 𝗕𝗨𝗥𝗚𝗢𝗦, 𝗜𝗦𝗔𝗕𝗘𝗟𝗔

‎Cauayan City - Nakatanggap ng kabuuang ₱280,000 na tulong-pangkabuhayan mula sa Department of Labor and Employment–Isabela Field Office (DOLE-IFO) ang 14 na dating benepisyaryo ng Pantawid Pamilyang Pilipino Program (4Ps) sa bayan ng Burgos, Isabela.

‎Layunin ng programa na mabigyan ng pagkakataon ang mga dating benepisyaryo na magkaroon ng matatag na pagkakakitaan at mapalakas ang kanilang kabuhayan sa pamamagitan ng iba’t ibang livelihood assistance.

‎Bago ipinamahagi ang tulong, sumailalim muna ang mga benepisyaryo sa mga pagsasanay sa marketing, simple bookkeeping, occupational safety and health (OSH), at financial literacy upang maihanda sila sa wastong pamamahala ng kanilang negosyo.

‎Dumalo rin sa aktibidad si Mayor Kervin Francis Uy na nagpahayag ng pasasalamat sa DOLE-IFO sa patuloy nitong suporta at pagbibigay ng oportunidad sa mga residente ng Burgos na makapagsimula ng sariling hanapbuhay.

‎Kasabay nito, hinikayat ng alkalde ang mga tumanggap ng tulong na gamitin ang ipinagkaloob na puhunan sa tama at responsableng paraan upang mapalago ang kanilang kabuhayan at makatulong sa pag-angat ng antas ng pamumuhay ng kanilang mga pamilya.

‎Source: DOLE ISABELA
------------------------

‎Para sa update at iba pang mga balita, bisitahin ang aming page 98.5 iFM Cauayan at ang aming website, www.rmn.ph/985ifmcauayan.

‎
‎
‎
‎

09/06/2026

SM Supermalls amplifies Gen Z’s voice at Super Pinoy Vibes
Experience our roots, remixed!

Experience our roots, remixed! This June, SM Supermalls brings Gen Z culture to life with Super Pinoy Vibes—a vibrant celebration of modern Filipino identity where food, music, style, and community come together.

From must-try Pinoy favorites at Kuya J and Cabalen to immersive Pinoy Vibe Photo Spots and the Sari-Sari Bazaar, every moment is made for discovery, connection, and self-expression. Snap, shop, and show off your own Pinoy vibe with your barkada!

Celebrate Independence Day with a special Flag Raising Ceremony on June 12, then enjoy the Super Pinoy Sale (June 12–14) packed with sulit finds. Feel the energy with the Pinoy Cosplay Parade: Super Havey, live performances at Pinoy Jam: Viral Ang Tunog, and exciting community events like the Manila Marathon Run.

This Independence Month, celebrate what makes being Pinoy today creative, bold, and uniquely yours.
Gala To The Max at SM Supermalls! 💙

09/06/2026

𝟮 𝗔𝗧𝗘𝗡𝗘𝗢 𝗕𝗔𝗦𝗞𝗘𝗧𝗕𝗔𝗟𝗟 𝗣𝗟𝗔𝗬𝗘𝗥𝗦, 𝗣𝗨𝗠𝗔𝗡𝗔𝗪 𝗠𝗔𝗧𝗔𝗣𝗢𝗦 𝗨𝗠𝗔𝗡𝗢𝗡𝗚 𝗠𝗔𝗟𝗨𝗡𝗢𝗗

Cauayan City - Nagdadalamhati ang komunidad ng Ateneo de Manila University matapos kumpirmahin ang pagpanaw ng dalawang manlalaro ng Ateneo Blue Eagles na sina Rene Clert Baterbonia, 19-anyos, at Divine Adili, 21-anyos, matapos silang malunod sa isinagawang team-building activity sa Dipaculao, Aurora noong kahapon June 8.

Ayon sa mga paunang ulat, kabilang ang dalawa sa mga manlalarong naligo sa dagat nang tangayin umano ng malalakas na alon at agos. Agad silang naisugod sa ospital ngunit idineklarang dead on arrival ng mga doktor.

Sa pinakahuling update, nakikipagtulungan na ang Philippine Sports Commission (PSC) sa Philippine National Police (PNP) at Department of Justice (DOJ) upang masusing imbestigahan ang insidente. Bumuo rin ang PSC ng isang multi-sectoral panel upang suriin ang mga safety protocols at matiyak na hindi na mauulit ang ganitong trahedya sa mga aktibidad ng mga atleta.

Samantala, nagpaabot ng pakikiramay ang Ateneo sa mga pamilya, kaibigan, at kasamahan ng dalawang manlalaro habang patuloy ang paghahanap ng mga kasagutan sa nangyaring trahedya.

------------------------
‎Para sa update at iba pang mga balita, bisitahin ang aming page 98.5 iFM Cauayan at ang aming website, www.rmn.ph/985ifmcauayan.

‎
‎
‎
‎

09/06/2026

𝗦𝗘𝗚𝗨𝗥𝗜𝗗𝗔𝗗 𝗡𝗚 𝗠𝗚𝗔 𝗘𝗦𝗧𝗨𝗗𝗬𝗔𝗡𝗧𝗘, 𝗣𝗥𝗔𝗬𝗢𝗥𝗜𝗗𝗔𝗗 𝗡𝗚 𝗖𝗖𝗡𝗛𝗦 𝗖𝗔𝗕𝗔𝗥𝗨𝗔𝗡 𝗘𝗫𝗧𝗘𝗡𝗦𝗜𝗢𝗡

CAUAYAN CITY – Nagpatupad ng mas mahigpit na seguridad ang Cauayan City National High School (CCNHS) Cabaruan Extension sa pagbubukas ng klase sa pamamagitan ng paglalagay ng mga tanod at bantay sa paaralan upang matiyak ang kaligtasan ng mga estudyante.

Sa panayam ng IFM News Team kay Ginang Vilma C. Corpuz, binigyang-diin niya na hindi lamang kalidad na edukasyon ang layunin ng kanilang paaralan kundi maging ang kapakanan at kaligtasan ng bawat estudyante.

Ayon kay Corpuz, may mga nakatalagang tanod mula sa Barangay Cabaruan na regular na nagbabantay sa paligid ng paaralan upang maiwasan ang pagpasok ng mga hindi awtorisadong indibidwal o mga outsider na maaaring magdulot ng banta sa seguridad ng mga mag-aaral.

Dagdag pa niya, may nakatalaga ring bantay sa pangunahing gate ng paaralan upang masiguro na walang estudyanteng makalalabas ng paaralan nang walang sapat at wastong dahilan habang may klase. Aniya, isa itong mahalagang hakbang upang maiwasan ang anumang insidente o aksidenteng maaaring mangyari sa oras ng pag-aaral.

Samantala, nagbigay rin ng mensahe si Corpuz sa mga estudyante hinggil sa kahalagahan ng edukasyon. Inihalintulad niya ang pag-aaral sa isang walkathon na nangangailangan ng tiyaga, determinasyon, at pagtitiis.

Aniya, bagama’t may mga pagkakataong makararanas ng pagod at pagsubok ang mga mag-aaral, mahalagang ipagpatuloy ang paglalakbay hanggang sa matapos ito upang makamit ang tagumpay. Binigyang-diin din niya ang kahalagahan ng pag-aaral at ang mabuting idudulot nito sa mga estudyante.

------------------------

‎Para sa update at iba pang mga balita, bisitahin ang aming page 98.5 iFM Cauayan at ang aming website, www.rmn.ph/985ifmcauayan.

‎
‎
‎
‎

09/06/2026

𝗣𝗔𝗚𝗗𝗔𝗔𝗡 𝗦𝗔 𝗜𝗟𝗔𝗚𝗔𝗡-𝗗𝗜𝗩𝗜𝗟𝗔𝗖𝗔𝗡-𝗠𝗔𝗖𝗢𝗡𝗔𝗖𝗢𝗡 𝗥𝗢𝗔𝗗 𝗔𝗧 𝗦𝗔𝗡 𝗠𝗔𝗥𝗜𝗔𝗡𝗢-𝗣𝗔𝗟𝗔𝗡𝗔𝗡 𝗥𝗢𝗔𝗗, 𝗜𝗣𝗜𝗡𝗔𝗚𝗕𝗔𝗪𝗔𝗟

‎Cauayan City - Mahigpit na ipinagbawal ng mga kinauukulang awtoridad ang pampublikong pagdaan ng lahat ng uri ng sasakyan sa kahabaan ng Ilagan–Divilacan–Maconacon Road at San Mariano–Palanan Road hanggang sa maglabas ng panibagong abiso.

‎Ayon sa inilabas na public advisory, ipinatutupad ang naturang hakbang upang matiyak ang kaligtasan ng publiko habang isinasagawa ang mga kinakailangang seguridad at iba pang operasyon sa mga nabanggit na kalsada.

‎Dahil dito, pinapayuhan ang mga motorista at biyahero na umiwas muna sa mga rutang apektado at sumunod sa umiiral na kautusan upang maiwasan ang anumang panganib, abala, o posibleng paglabag sa batas.

‎Nanawagan naman ang mga awtoridad sa publiko na makiisa at magpakita ng kooperasyon habang umiiral ang pansamantalang pagbabawal, at hintayin ang opisyal na anunsiyo bago muling gamitin ang mga nasabing daan.

‎Source: Divilacanmps Divilacan
------------------------

‎Para sa update at iba pang mga balita, bisitahin ang aming page 98.5 iFM Cauayan at ang aming website, www.rmn.ph/985ifmcauayan.

‎
‎
‎
‎

09/06/2026

𝟭𝗦𝗧 𝗞𝗜𝗬𝗔𝗪 𝗙𝗘𝗦𝗧𝗜𝗩𝗔𝗟, 𝗜𝗕𝗜𝗡𝗜𝗗𝗔 𝗔𝗡𝗚 𝗣𝗔𝗚𝗦𝗨𝗦𝗨𝗟𝗢𝗡𝗚 𝗡𝗚 𝗪𝗜𝗟𝗗𝗟𝗜𝗙𝗘 𝗖𝗢𝗡𝗦𝗘𝗥𝗩𝗔𝗧𝗜𝗢𝗡 𝗦𝗔 𝗦𝗜𝗘𝗥𝗥𝗔 𝗠𝗔𝗗𝗥𝗘

CAUAYAN CITY - Ipinamalas ng Pamahalaang Bayan ng Baggao ang matibay nitong adbokasiya para sa pangangalaga ng kalikasan sa katatapos lamang na pagdiriwang ng 1st Kiyaw Festival: A Sierra Madre Bird Fest.

Layunin ng tatlong araw na pagtitipon na palakasin ang kamalayan at partisipasyon ng publiko sa wildlife conservation, partikular sa pagprotekta sa mga ibon at iba pang yamang-gubat sa Sierra Madre.

Pinangunahan ang pagbubukas ni Department of Tourism Region 02 Regional Director Troy Alexander Miano, na nagdiin sa kahalagahan ng biodiversity conservation at sustainable tourism bilang susi sa balanseng pag-unlad ng ekonomiya at kalikasan sa rehiyon.

Naghayag rin ng mensahe ng suporta ang mga kinatawan mula sa Cagayan Provincial Tourism Office, PENRO, CENRO, at Mabuwaya Foundation, na nagpapakita ng malawak na kooperasyon ng iba’t ibang ahensya para sa proteksyon ng wildlife at ecosystem ng Sierra Madre.

Pagkatapos ng seremonya, isinagawa ang mga aktibidad tulad ng symposium tungkol sa bird conservation, bamboo planting, at community engagement sa Bluewaters at cave system ng Baggao. Ang mga ito ay nakatuon sa pagpapalalim ng pag-unawa ng mga kalahok sa kahalagahan ng pagpapanatili ng natural habitat ng mga ibon at iba pang species.

Tampok din sa pagdiriwang ang bird-racing at bird photography contest na layuning hikayatin ang dokumentasyon at pagpapahalaga sa iba’t ibang uri ng ibon sa lugar.

Dinaluhan ang festival ng mga delegado mula sa iba’t ibang bansa tulad ng China, Ecuador, Peru, Kenya, Uganda, at Bolivia, kasama ang mga kinatawan mula sa akademya at conservation groups, na lalo pang nagpapalakas sa pandaigdigang adbokasiya para sa biodiversity protection.
------------------------

‎Para sa update at iba pang mga balita, bisitahin ang aming page 98.5 iFM Cauayan at ang aming website, www.rmn.ph/985ifmcauayan.

‎
‎
‎
‎

09/06/2026

Nag-invest ako sa unli shrimp. Ang balik? Unli kati! Nakakagigil!

iDOL, wake up! Gigil time na with iDOL Phina Pantasya kaya call na sa 0927-181-8329.

09/06/2026

𝟵𝟬𝟬𝟬 𝗧𝗥𝗜𝗖𝗬𝗖𝗟𝗘 𝗗𝗥𝗜𝗩𝗘𝗥𝗦 𝗦𝗔 𝗡𝗨𝗘𝗩𝗔 𝗩𝗜𝗭𝗖𝗔𝗬𝗔, 𝗧𝗔𝗧𝗔𝗡𝗚𝗚𝗔𝗣 𝗡𝗚 𝗣𝟮𝗞 𝗡𝗔 𝗔𝗬𝗨𝗗𝗔

Cauayan City - Makakatanggap ng tulong pinansyal ang 9,000 tricycle drivers sa lalawigan ng Nueva Vizcaya mula sa Pamahalaang Panlalawigan.

P2,000 na tulong-pinansyal ang matatanggap ng bawat tricycle drivers na magsisilbing tulong sa epekto ng pagtaas ng presyo ng produktong petrolyo.

Napagkasunduan ang pagbibigay ng ayuda sa naging pagpupulong sa pagitan ng Provincial Federation of Tricycle Operators and Drivers Associations at ni Jose Gambito. Layunin ng programa na mabawasan ang pasanin ng mga tricycle driver na apektado ng patuloy na paggalaw ng presyo ng langis sa pandaigdigang merkado.

Naglaan ang Provincial Local Government Unit (PLGU) ng kabuuang P18 milyon para sa fuel subsidy sa ilalim ng Jobs in Need of Gifts (JING) Program. Ang pondo ay gagamitin upang mabigyan ng direktang suporta ang mga kwalipikadong benepisyaryo sa buong lalawigan.
------------------------

‎Para sa update at iba pang mga balita, bisitahin ang aming page 98.5 iFM Cauayan at ang aming website, www.rmn.ph/985ifmcauayan.

‎
‎
‎
‎

98.5 i-FM Cauayan

09/06/2026

09/06/2026

09/06/2026

09/06/2026

09/06/2026

09/06/2026

09/06/2026

09/06/2026

09/06/2026

09/06/2026

Address

Telephone

Website

Alerts

Contact The Business

Shortcuts

Share

Category