https://www.facebook.com/826904670502211/

Gintong Butil, Villa Luna, Cauayan (2026)

30/08/2026

𝙂𝙄𝙉𝙏𝙊𝙉𝙂 𝙊𝙋𝙄𝙉𝙔𝙊𝙉 | 𝐒𝐚𝐧𝐝𝐚𝐭𝐚 𝐧𝐠 𝐁𝐚𝐲𝐚𝐧, 𝐓𝐢𝐧𝐭𝐚 𝐧𝐠 𝐊𝐚𝐭𝐨𝐭𝐨𝐡𝐚𝐧𝐚𝐧
𝘕𝘪 𝘚𝘪𝘯𝘢𝘨 𝘉𝘶𝘵𝘪𝘭

Hindi kailanman naging palamuti lamang ang malayang pamamahayag sa isang lipunan. Ito ang mismong hanging binubuhay ng demokrasya, isang matibay na kublihan kung saan ang bawat mamamayan ay nakakahanap ng boses sa gitna ng katahimikan at takot. Sa pagdiriwang ng Araw ng Malayang Pamamahayag (World Press Freedom Day), muling itinataas ang panawagan: ang katotohanan ay hindi dapat igapos, busalan, o patayin.

Sa larawang ating nasisilayan, malinaw ang tindig ng mga mamamahayag at ng mamamayan na nakataas ang mga kamao. Ang sining na ito ay hindi lamang nagpapakita ng tapang; ipinapaalala nito na ang pluma ay isang makapangyarihang sandata laban sa pagsisinungaling at pang-aabuso sa kapangyarihan. Kapag may kalayaan ang media na mag-ulat nang walang pag-aalinlangan, nananatiling buhay ang katarungan.

Hindi banta sa lipunan ang kritikal na balita. Ang tunay na panganib ay kapag katotohanan ay sinisimulan nang itago sa ilalim ng pananakot. Ang pag-atake sa malayang pamamahayag ay hindi lamang pag-atake sa mga manunulat o campus journalist ito ay direktang pagpatay sa karapatan ng bawat pilipinong makaalam, mag-isip, at magpasya para sa bayan.

Sa bawat patak ng tinta mula sa ating mga pluma, may responsibilidad tayong magtanim ng kamalayan. Bilang mga kabataan at manunulat ng Gintong Butil, patuloy nating aaniin ang katotohanan at ibabahagi ito sa lipunan. Sapagkat sa oras na matakot tayong magsalita, ang dilim ng kabulaanan ang tuluyang mamamayani.

Manindigan tayo para sa malayang pamamahayag—dahil ang malayang mamamayan ay nanggagaling sa malayang pahayagan.

🖼: 𝘊𝘢𝘳𝘭 𝘑𝘶𝘴𝘵𝘪𝘯𝘦 𝘚.

20/08/2026

𝙂𝙄𝙉𝙏𝙊𝙉𝙂 𝙀𝘿𝙄𝙏𝙊𝙍𝙔𝘼𝙇 | 𝐒𝐮𝐩𝐨𝐫𝐭𝐚, 𝐇𝐢𝐧𝐝𝐢 𝐏𝐚𝐧𝐢𝐧𝐢𝐬𝐢

Umani ng matinding reaksyon mula sa iba't ibang grupo ang mga kamakailang usapin ukol sa sistema ng pagtuturo at disiplina sa mga paaralan. Ang ganitong mga pahayag ay muling nagbukas ng malalim na talakayan sa tunay na kalagayan ng sektor ng edukasyon sa bansa.

Sa kabila ng mga puna at panggigipit, mariing pinaninindigan ng mga organisasyon ng mga g**o ang kanilang walang-sawang sakripisyo para sa mga mag-aaral. Sa harap ng kakarampot na suweldo, kakulangan sa mga pasilidad, at patong-patong na gawaing administratibo, nananatiling matatag ang mga tagahubog ng kabataan sa pagtupad ng kanilang tungkulin araw-araw.

Hindi paninisi ang tunay na solusyon sa lumalalim na krisis sa edukasyon, kundi ang makabuluhan at konkretong suporta mula sa pamahalaan. Sa halip na ipukol ang pananagutan sa mga g**ong labis ang trabaho, marapat lamang na pagtuunan ng pansin ang paglalaan ng sapat na badyet para sa kanilang kapakanan at kaligtasan.

Sa huli, ang pag-angat ng kalidad ng edukasyon ay nakasalalay sa pagkakaisa ng buong lipunan at ng pamahalaan. Ang pagbibigay ng maayos na pasilidad at makatarungang kompensasyon sa mga g**o ang pinakamabisang hakbang upang tunay na maitaguyod ang kinabukasan ng ating mga mag-aaral.

✒️/🖼: 𝘊𝘢𝘳𝘭 𝘑𝘶𝘴𝘵𝘪𝘯𝘦 𝘚.
✏️: 𝘔𝘪𝘤𝘩𝘢𝘦𝘭 𝘑𝘢𝘮𝘦𝘴 𝘝.

16/08/2026

𝙂𝙄𝙉𝙏𝙊𝙉𝙂 𝘽𝘼𝙇𝙄𝙏𝘼 | 𝐋𝐢𝐲𝐚𝐛 𝐧𝐠 𝐒𝐮𝐥𝐨: 𝐃𝐢𝐬𝐭𝐫𝐢𝐜𝐭 𝐏𝐚𝐥𝐚𝐫𝐨 𝟐𝟎𝟐𝟔, 𝐌𝐚𝐬𝐢𝐠𝐥𝐚𝐧𝐠 𝐈𝐧𝐢𝐥𝐮𝐧𝐬𝐚𝐝 𝐬𝐚 𝐂𝐚𝐮𝐚𝐲𝐚𝐧 𝐂𝐢𝐭𝐲

Lungsod ng Cauayan—Bumuhos ang sigla at pananabik sa Barangay Union Community Center nang pormal na magbukas ang District Palaro 2026 noong Agosto 15, kasabay ng pagtitipon ng mahigit 17 paaralan mula sa Cauayan North East District (CNED) upang simulan ang laban ng tunay na galing at determinasyon ng bawat atletang mag-aaral.

Pinangunahan ang naturang aktibidad ng mga opisyal ng barangay, mga punong-g**o, g**o, at mga atleta upang pormal na buksan ang kaganapan. Inilahad sa simula ng palatuntunan ang mga pambungad na mensahe para sa lahat ng mga kalahok at panauhing dumalo.

Dinaluhan ang makabuluhang pagtitipon ng 17 paaralan mula sa Cauayan North East District (CNED). Binubuo ito ng 14 na kinatawan mula sa antas ng elementarya at tatlo naman mula sa sekundarya.

Binigyang-diin sa unang bahagi ng kaganapan ang kahalagahan ng programa upang matiyak ang maayos at sunod-sunod na pagsasagawa ng mga nakatatakdang aktibidad sa buong durasyon ng palaro.

Kabilang sa mga naging tampok na bahagi ng opisyal na pagbubukas ang pag-awit ng pambansang awit, solemneng panalangin, pagpapamalas ng galing sa dance sports, paligsahan ng yells mula sa bawat paaralan, at ang mga mensahe ng inspirasyon.

Tampok din ang ginawang lighting of torch o pagpapailaw sa sulo ng palaro. Ang liyab ng apoy nito ay nagbigay-sigla sa buong bulwagan bilang simbolo ng mithiin, pag-asa, at nag-aalab na puso ng bawat atletang gustong magwagi nang may karangalan.

Sa kanilang mga talumpati, ipinaalala ng mga tagapagsalita na ang pagiging isang atleta ay hindi lamang umiikot sa pagkuha ng kampeonato at mga medalya, kundi sa pagpapakita rin ng respeto at pagpapakumbaba sa bawat katunggali.

Hinihikayat ang mga kalahok na panatilihin ang kababaang-loob sapagkat ang palakasan ay isang magandang pagkakataon upang makabuo ng pagkakaibigan at matutunang tanggapin nang bukas-puso ang anumang magiging resulta ng laro habang ibinibigay ang lahat ng makakaya.

Bilang huling habilin, ipinaabot ng mga panauhin na dapat maging patas ang bawat atleta sa pakikipaglaban, igalang ang kapwa manlalaro, ipamalas ang tunay na sportsmanship, at tandaan na ang isang tunay na kampeon ay marunong tumanggap ng pagkatalo.

✒️:𝘙𝘦𝘨𝘪𝘯𝘢 𝘔.
🖼: 𝘊𝘢𝘳𝘭 𝘑𝘶𝘴𝘵𝘪𝘯𝘦 𝘚.
📷: 𝘑𝘢𝘯𝘦 𝘈𝘯𝘨𝘰𝘭𝘶𝘢𝘯, 𝘡𝘩𝘺𝘢𝘯𝘯 𝘔𝘢𝘶𝘳𝘪𝘤𝘪𝘰, 𝘊𝘢𝘳𝘭 𝘑𝘶𝘴𝘵𝘪𝘯𝘦 𝘚.

15/08/2026

CNED MEET 2026 l Highlights

09/08/2026

𝐁𝐮𝐡𝐚𝐲 𝐧𝐚 𝐏𝐚𝐦𝐚𝐧𝐚🏺

Ang bawat hibla ng tradisyon at kwento ng ating mga katutubo ay buhay na patunay ng ating kasaysayan. Sila ang nag-iingat ng mga sinaunang yaman ng ating bansa na nagbibigay-kulay at lalim sa ating pagkakakilanlan bilang mga Pilipino.

Maligayang Araw ng mga Katutubo! Maraming salamat sa inyong walang-sawang pagpapahalaga sa ating kultura at sa pagpasa ng ating dakilang pamana sa mga susunod na henerasyon.

🖼/✒️: ℭ𝔞𝔯𝔩 𝔍𝔲𝔰𝔱𝔦𝔫𝔢 𝔖.

25/07/2026

𝙏𝙄𝙉𝙂𝙉𝘼𝙉 | 𝐁𝐚𝐠𝐨𝐧𝐠 𝐒𝐢𝐛𝐨𝐥 𝐧𝐠 𝐆𝐢𝐧𝐢𝐧𝐭𝐮𝐚𝐧𝐠 𝐏𝐚𝐭𝐧𝐮𝐠𝐮𝐭𝐚𝐧✒️🌾

Kilalanin ang mga bagong mukha, matatalas na isip, at pusong handang magsilbi para sa Gintong Butil, ang Opisyal na Pahayagan ng Mataas na Paaralan ng Agham at Teknolohiya, ngayong taong panunuran 2026–2027. Kilalanin ang mga bagong manunulat na handang magdala ng mga makabuluhang kwento, maghatid ng tapat na balita, at manindigan para sa katotohanan sa loob ng ating pamayanan.

Abangan ang kanilang mga bagong likha, ulat, at paninindigan na tiyak na magbibigay-buhay sa ating paaralan. 𝕲𝖎𝖓𝖙𝖔𝖓𝖌 𝕻𝖆𝖓𝖚𝖑𝖆𝖙 𝖘𝖆 𝕭𝖆𝖜𝖆𝖙 𝕭𝖚𝖙𝖎𝖑 𝖓𝖌 𝕭𝖆𝖑𝖎𝖙𝖆 𝕴𝖚𝖚𝖑𝖆𝖙.🌾✨

✒️: 𝙲𝚊𝚛𝚕 𝙹𝚞𝚜𝚝𝚒𝚗𝚎 𝙲. 𝚂𝚊𝚌𝚊𝚗𝚐
🖼: 𝙲𝚑𝚊𝚛𝚒𝚜𝚣𝚊 𝙲𝚊𝚖𝚒𝚕𝚕𝚎 𝙰𝚗𝚐𝚎𝚕𝚎𝚜/𝙲𝚊𝚛𝚕 𝙹𝚞𝚜𝚝𝚒𝚗𝚎 𝙲. 𝚂𝚊𝚌𝚊𝚗𝚐

20/07/2026

𝙂𝙄𝙉𝙏𝙊𝙉𝙂 𝙊𝙋𝙄𝙉𝙔𝙊𝙉| 𝐃𝐚𝐥𝐨𝐲 𝐧𝐠 𝐁𝐮𝐡𝐚𝐲❤️‍🩹

Ang mga musika ay napakagandang marinig. Sa bawat tempo at ritmo ng instrumento. Sa bawat kumpas na maririnig ay nakamamanghang pakinggan. Nagugunita mo ba ang musika kung walang tempo, ritmo at kumpas? Ang musikang napakagandang pakinggan ay mawawalan ng buhay at ang mga tagpakinig ay mawawalan ng gana. Katulad ng musika na kinakailangan ng ritmo, tempo at kumpas upang maging buhay o masayang pakinggan. Ang tao rin ay may tempo,ritmo at kumpas at iisa ang tagagawa nito, ito ay ang puso. Ang puso ang siyang nagpa-pump ng dugo upang patuloy ang paghinga. Kaya sa oras na ito ay hindi gumana, mawawala ang buhay. Sa oras na ito ay hindi gumana mayroong paraan upang mapadaloy ang dugo, ito ay ang Cardiopulmonary Resuscitation o CPR.

Ang cardiopulmonary resuscitation o CPR ay isinasagawa upang tuloy-tuloy ang daloy ng dugo at hininga kapag ang puso ay tumigil sa paggana. Isa ito sa kailangan matutunan ng bawat isa sapagkat isa itong paraan upang maligtas ang isang tao mula sa panganib. Ito ay napakaimportante sapagkat maaari itong makasalba ng buhay sa kritilal na kondisyon o sitwasyon. Kalimitan itong nakikita na isinasagawa ng mga rescuer.

Ngunit hindi lamang ang mga rescuer ang dapat may alam nito. Kailangang kahit sino ay marunong itong isagawa. Natutuhan ito sa paalan sapagkat mayroong mga pumupunta sa paaralan upang ituro ito. Mayroon din nagtuturo ng CPR sa bawat barangay at sa panonood ng tutorial sa social media ay matututuhan ito. Sa kabilang dako, kahit marami ang nagtuturo nito, marami pa rin ang hindi marunong kung paano ito isagawa. Sapagkat mahirap at komplikado ito. Mayroon din ang may alam nito ngunit hindi naisasagawa ng maayos. Kaya sa kalungkutan, mayroong mga napapabayaang nawalan ng malay o hindi humihinga. Ngunit mayroon pa rin kamangha-manghang pagkakataon kung saan ang CPR ay naisagawa at nakasalba ng buhay. Sapagkat ang isang tao ay mayroong kakayahan upang gumawa ng ritmo,tempo at kumpas na siyang sumasalba sa tao.

Sa karagdagan, kilala ang mga Pilipino bilang matulungin sa kapwa sapagkat handang tumulong sa kahit anong oras. Kilala rin ang mga Pilipino sa pakikipagkapwa at sa tradisyon na ating tinatawag na ’Bayahinan’. Maaring maipakita ang kaugaliang ito sa mga kritikal na sitwasyon o sakuna. Ang maisagawa ang CPR ng tama at maayos ay napakaimportanteng ay isang paraan upang maipakita ang kaugaliang ito.

Huwag nating hayaan na maging salita lamang ang mga kaugaliang ito. Ito ay ating ipakita at isagawa. Ituro sa lahat ng tao ang pagsasagawa ng CPR. Ang bawat isa ay dapat bigyan at maagkaroon ng pribilehiyong matutuhan ang CPR. Kaya huwag itong sasayangin, ito ay ibahagi. Ito ay aralin. Ito mahalagang gawin sa mga kritikal na sitwasyon. Ang bawat isa ay dapat mayroong kakayahang gumawa ng musika. Nagtataglay ang bawat isa ng kakayahan gumawa ng mga ritmo, tempo at kumpas upang patuloy ang pagdaloy ng musika, nagsisilbing buhay ng musika ang mga ito upang ito ay nakamamanghang pakinggan. Napakaganda ng musika, ganoon din ang tao.

✒️: Hanna Crishia Agustin

15/07/2026

𝙂𝙄𝙉𝙏𝙊𝙉𝙂 𝘽𝘼𝙇𝙄𝙏𝘼| ‎𝐒𝐚 𝐁𝐚𝐰𝐚𝐭 𝐏𝐮𝐧𝐥𝐚, 𝐁𝐮𝐡𝐚𝐲 𝐚𝐧𝐠 𝐊𝐚𝐬𝐚𝐦𝐚🌱
‎
‎Ngayong Miyerkules, ika-15 ng Hulyo, 2026, pinangunahan ni Ginang Mary Ann T. Santos punong g**o, YES-O Club at Agri-Fishery and Arts ang pagtatanim ng mga puno sa Cauayan City Science and Technology High School (CCSTHS). Layunin ng aktibidad na ito na gawing mas eco-friendly ang ating paaralan. Sa bawat punlang itinanim ng mga estudyante at g**o, nagkakaroon tayo ng pagkakataong maging bahagi ng solusyon para sa ating kapaligiran.
‎
‎Ano nga ba ang katuturan ng pagtatanim? Ayon sa siyensya, ang mga puno ay nagsisilbing carbon sinks na sumisipsip ng carbon dioxide sa hangin. Sa pamamagitan ng photosynthesis, ginagawa nilang malinis na oxygen ang hangin na ating hinihinga. Bukod pa rito, pinapatibay ng kanilang mga ugat ang lupa at nagsisilbing natural na pananggalang laban sa pagbaha at polusyon.
‎
‎Ang pagtatanim na ito ay isang paalala na ang ating pag-aaral ay hindi lamang tungkol sa libro, kundi pati na rin sa pagmamahal sa kalikasan. Ayon kay Ma’am Santos, ang bawat puno ay magsisilbing proteksyon at yaman para sa ating lahat sa hinaharap. Ang simpleng pagtatanim ay isang paraan ng pagpapakita ng pagpapahalaga sa mundong ating ginagalawan.
‎
‎Ito ay naging pagkakataon upang magtulungan ang buong komunidad ng CCSTHS. Bawat puno na ating itinanim ay patunay ng ating pagsisikap na maging mabuting tagapangalaga ng ating kalikasan.
‎
‎Sa pagtatapos ng araw, ang mga itinanim na puno ay magsisilbing buhay na alaala ng ating pagkakaisa. Ang CCSTHS ay patuloy na magiging katuwang sa paggawa ng mabuti para sa ating kalikasan. Sama-sama tayong lalago kasabay ng mga punong ating itinanim ngayon.

‎
‎ ✒️/🖼: 𝐂𝐚𝐫𝐥 𝐉𝐮𝐬𝐭𝐢𝐧𝐞 𝐂. 𝐒𝐚𝐜𝐚𝐧𝐠

09/02/2026

ＴＩＮＧＮＡＮ I Handa na ang dalawang partido sa gaganaping SSLG Election sa Pebrero 18, 2026 para sa S.Y. 2026-2027.
Pinangunahan ni Tony Ferrer Jr ang Partidong You-Nique, habang si Khyla Cumigad naman ang nangunguna para sa Partidong Hiraya.

Dalawang Liderato, iisang layunin- ang magsilbi para sa kapakanan ng bawat mag-aaral.

🖊️Katherine Maejan

02/02/2026

𝐓𝐚𝐠𝐮𝐦𝐩𝐚𝐲 𝐬𝐚 𝐑𝐒𝐏𝐂 𝟐𝟎𝟐𝟔! 🌟

Ipinagmamalaki ng Gintong Butil ang pagkamit ng mga parangal sa Regional Schools Press Conference 2026 sa Tumauini, Isabela:
🏆 9th – Pahinang Lathalain
🏆 10th – Pag-aanyo ng Pahina

Saludo sa buong team—sipag at dedikasyon ang tunay na nagbunga. Mabuhay ang Gintong Butil! 🌾👏

Gintong Butil

30/08/2026

20/08/2026

16/08/2026

15/08/2026

09/08/2026

25/07/2026

20/07/2026

15/07/2026

09/02/2026

02/02/2026

Address

Website

Alerts

Shortcuts

Share

Category

Listing takedown request