09/07/2025
Pakitandaan: Ang mga rider mula sa Lalamove at iba pang couriers ay nagtatrabaho lang. Hindi sila mga katulong o alipin ninyo. Mga manggagawa rin sila—tulad mo—na nagsusumikap para kumita ng maayos na kabuhayan.
Reklamo ka agad sa konting delay, pero nasubukan mo na bang:
☔ Magmaneho habang umuulan?
☀️ Mag-deliver sa tindi ng init?
🛵 Maghanap ng address na mahirap makita at walang signal?
Umuwi ng dis-oras ng gabi dahil sa mga hindi pa tapos na transaksyon o dahil late na ipinadala ang bayad online?
Nasa kalsada sila—pagod, gutom, basa, o naiipit sa trapik—para lang maihatid ang mga padala ninyo.
Hindi nila deserve ang masamang ugali ninyo.
Hindi kayo ang amo nila. Hindi sila tauhan ninyo.
Kaya kung may kaunting abala o pagkaantala sa delivery ng inyong parcel o items, intindihin nyo naman minsan.
Wag masyadong entitled.
Huwag sumigaw. Huwag magmura. Maging tao.
Subukan nyo na lang sabihin ito:
“Salamat kuya, ingat po kayo.”
Libre lang ‘yan. Pero para sa rider, napakalaking bagay n’yan.
Oo, aminado ako—minsan naiinis din ako pag late ang delivery. Lahat naman tayo may ganyang moments.
Pero ito ang palagi kong paalala sa sarili ko: Tao rin ang mga rider.
Igalang ang kanilang pagsusumikap. Pahalagahan ang kanilang trabaho🙂
Credits to the Rightful Owner
