10/10/2025
24-anyos pa si Jennalyn Codira, gasabak, anaay 4 ka anak, sa dihang namatay kini niadtong Septiyembre 30, 2025. Usa siya sa kapin 70 ka tawo nga nakalas tungod sa magnitude 6.9 nga linog nga miigo sa amihanang bahin sa lalawigan sa Sugbo.
Karong adlawa, Oktubre 10, 2025, gihandum lang gihapon sa pamilya ang ika-25 nga birthday ni Jennalyn. Nakalas uban kaniya ang iyang kapuyo ug duha pa ka anak. Anaa pa siyay nabiyaan nga 3 ka mga anak --- 6 anyos, 5 anyos ug 1 ka tuig ug unom ka buwan.
Usa sa mga pag umangkon sa in-law ni Jennalyn nga suod pud sa mitaliwan, gipadamgo matud pa nga manghuwam lagi kuno og lampin kay hapit na siyang manganak.
Sunod buwan na unta manganak si Jennalyn. Sa video, makita ang inahan ni Jennalyn nga si Elizabeth sa dihang gipahibawo nga nagpadamgo iyang anak.
