12/07/2025
πππππ ππ πππππππ+ πππππππππ πππ πππππππ πππππ-'πππππ'
Midangop sa Parian Police Station 1 ang 38-anyos nga lalaki nga taga Coronadal South Cotabado aron unta i-reklamo ang bayot nga taga-Ilocos region nga iyang gikasabot nga maghilawas sud sa usa ka hotel sa dan Junquera ning syudad sa Sugbo bugti sa bayad niadtong Martes sa gabii, Hulyo 8, 2025.
Si alyas 'Eddie', usa ka cellphone technician mibutyag nga nakaila niya ang maong bayot nga si alyas 'Sampaguita' kinsa mibisita sa dakbayan sa Sugbo, sa usa ka gay app ug nagsabot sila nga magkita sa hotel nga giabangan sa maong bayot.
Tuod man misugot si 'Eddie' ug miadto sa hotel nga gibutyag sa bayot apan nakurat si Eddie kay pagkita niya sa dagway sa bayot, mas laki pa kini og barug kaysa niya.
Tungod kay nahinayak na si 'Eddie' misulod kini sa lawak ug nagsabot nga maghilawas, gani siya ang mi-romansa niini hangtod nga nakab-ot ni 'Sampaguita' ang kinapungkayan sa himaya.
Human sa serbisyo ni 'Eddie' gibayran siya og nagbalor β±2,000 ug gusto na unta siya mogawas sa lawak apan gipugngan siya ni 'Sampaguita' kay gusto pa siya og dugang round.
Ning gutloa, ang gusto sa bayot nga siya ang mo βluvey' ni 'Eddie' ug dinhi na sila nagkagubot kay ang gusto ni 'Eddie' nga siya ang mo-'luvey' ni 'Sampaguita'.
Giingong gipugos ni 'Sampaguita' si 'Eddie' nga tangtangon ang iyang karsones apan hugot siyang mibalibad hinungdan nga milugnot siya.
Migawas siya sa kwarto ug mireklamo sa mga pulis nga nagbeat patrol sa Junquera, apan mikalit pagdagan si 'Sampaguita' ug nahitabo ang ginukdanay.
Nadakpan si 'Sampaguita' ug gidala sa Parian Police Station.
Apan sa dihang gipaubos sa imbestigasyon, nagkasabot ang duha ug dili na moreklamo tungod kay di siya gusto nga maulawan.
Mibutyag Eddie sa mga pulis nga sa sunod nga makigkita og bayot kinahanglan nga iya unang klarohon kun kinsa ang mo-serbisyo tali nilang duha.
via| Radyoman Arnold Bustamante
CTTO: DYHP RMN CEBU
