07/01/2026
Darating ang araw na hindi na “sana” ang maririnig—
kundi huli na.
Sa impiyerno, ang pagsisisi ay walang kapatawaran,
ang luha ay walang katapusan,
at ang panalangin ay wala nang sagot.
Habang may buhay, may pagkakataon.
Habang humihinga pa, may biyaya.
Ngunit kapag tinanggihan mo ang Diyos ngayon,
baka bukas ay wala ka nang bukas.
Hindi sapat ang religion.
Hindi sapat ang attendance.
Hindi sapat ang alam mo ang tama.
Ang kailangan ay pagsisisi, pagsunod, at pananatili kay Cristo.
Huwag hintayin na ang apoy ang magturo sa’yo ng aral
na itinuro na ng Salita ng Diyos ngayon.
📖 MGA TALATA NG BABALA AT PAANYAYA
2 Corinto 6:2
“Ngayon ang panahong kalugud-lugod; ngayon ang araw ng kaligtasan.”
Hebreo 3:15
“Ngayon, kung marinig ninyo ang Kaniyang tinig, huwag ninyong patigasin ang inyong mga puso.”
Lucas 16:26
“May malaking bangin sa pagitan natin at ninyo, na hindi maaaring tawirin.”
Galacia 6:7
“Ang Diyos ay hindi nadadaya; anumang itinanim ng tao, siya rin ang aanihin.”
Roma 6:23
“Sapagkat ang kabayaran ng kasalanan ay kamatayan, ngunit ang kaloob ng Diyos ay buhay na walang hanggan kay Cristo Jesus.”
Ngayon ang panahon para magbago.
Ngayon ang panahon para manumbalik.
Ngayon ang panahon para sundin ang Diyos—
hindi bukas, hindi mamaya, kundi ngayon.
👉 Paalala: Ang impiyerno ay totoo, ngunit mas totoo ang biyaya ng Diyos para sa mga handang magsisi at sumunod.
