29/05/2026
Sometimes, we cannot avoid unexpected situations that suddenly pause our day and remind us how important it is to help one another and show kindness to others.
Kagahapon sa hapon, nakadawat ko ug personal message gikan mismo sa tawo nga na-disgrasya sa Hinatigan. Nakita gyud nako sa iyang mensahe ang kakulba ug kabalaka human siya nakatulog samtang nag-drive ug nabuwasot ang iyang sakyanan sa kanal. Sa ingon ana nga sitwasyon, kabalo ko unsa kabug-at sa gibati sa usa ka tawo nga nanginahanglan ug tabang. Mao nga wala na gyud ko nagduha-duha pa nga motabang niya.
Ako dayon gitawagan si Herman ug gipaadto namo among mga trabahante dala ang among Boom Truck (a truck equipped with a hydraulic crane or lifting arm (“boom”) used for lifting, towing, or moving heavy objects) aron
matabangan dayon ang pag-rescue sa sakyanan. Gitawagan pud nako si Kapitan Junjie Caberte aron masiguro nga safe ra gyud ang kahimtang sa tag-iya sa sakyanan ug aron mahibal-an ang sitwasyon didto. Wala pa gyud ko mahimutang gipasunod nako si Edgar sa maong location. Gi-share nako ni nga post dili aron manghambog, kundili aron ipakita nga bisan unsa pa ka lisod ang panahon karon ug bisan daghan na ta madungog nga dili maayo sa kalibutan, naa gihapon mga tawo nga andam motabang kung adunay nanginahanglan. Dili man kinahanglan dako kaayo ang atong mahimo. Usahay, ang importante lang gyud kay naa ta sa panahon nga gikinahanglan ta sa uban. For us, a simple ‘thank you’ and knowing that, in our own little way, we were able to help and somehow ease the burden of someone going through a difficult situation is already more than enough.
Unta pinaagi ani, mahinumduman nato nga ang kaayo dili mawala basta magtinabangay lang ta. Kay ang tinuod nga pagtabang, dili para makita o daygon sa uban, kundili buhaton kinasingkasing tungod kay kabalo ta unsa ka importante ang usa ka kamot nga andam moalalay sa panahon sa kalisod.
