https://www.facebook.com/116545294884317/

Tinig Iskolar, Cebu City National Science High School, Salvador Street , Labangon, Cebu City (2026)

13/09/2026

𝗣𝗔𝗦𝗦 𝗧𝗛𝗘 𝗩𝗢𝗜𝗖𝗘 🎙️ | 𝗜𝗻𝘁𝗿𝗮𝗺𝘂𝗿𝗮𝗹𝘀 𝟮𝟬𝟮𝟲

Pumawi na ang mga palakpak, nagtapos na ang mga patimpalak, at ang mga alaala ng Intramurals 2026 sa isip ay nakatatak.

Sa maikling panahon, napalitan ng saya, suporta, at hiyawan ang nakagawiang araw ng mga SciHiyistas na mas nakapagbuklod ng pagkakaisa at samahang higit pa sa mga silid-aralan. Bawat laro ay may kuwento; panalo man o pagkatalo, ang lahat ng ito ay isang mahalagang alaala na madadala natin hanggang dulo.

𝗦𝗰𝗶𝗛𝗶𝘆𝗶𝘀𝘁𝗮𝘀, ang sigla, respeto, at diwa ay talagang sumilaw noong Intramurals. Hanggang sa muling laro. 🏀🏐🏸🔥

𝘛𝘢𝘨𝘢𝘱𝘢𝘨𝘱𝘢𝘨𝘢𝘯𝘢𝘱 𝘯𝘢 𝘱𝘳𝘰𝘥𝘺𝘶𝘴𝘦𝘳: 𝗚𝗻𝗴. 𝗔𝗶𝗹𝘆𝗻 𝗟𝗮𝗯𝗮𝗷𝗼, 𝗚𝗻𝗴. 𝗔𝗹𝗹𝘆𝘀𝘀𝗮 𝗕𝗮𝘂𝘁𝗶𝘀𝘁𝗮, 𝗚𝗻𝗴. 𝗚𝗶𝗻𝗮 𝗣𝗮𝗻𝗲𝘀, 𝗮𝘁 𝗚. 𝗥𝗲𝘅 𝗘𝗯𝗮𝗿𝗹𝗲
𝘜𝘭𝘢𝘵 𝘯𝘪𝘯𝘢: 𝗬𝘃 𝗝𝗮𝘀𝗺𝗶𝗻, 𝗥𝗮𝘆𝗺𝘂𝗻𝗱 𝗚𝗶𝗴𝗮𝗻𝘁𝗼, 𝗧𝗵𝗲𝗿𝗲𝘀𝗲 𝗩𝗶𝗯𝗮𝗿, 𝗮𝘁 𝗥𝗵𝗮𝘆𝗺 𝗧𝗿𝗶𝗻𝗶𝗱𝗮𝗱
𝘎𝘢𝘸𝘢 𝘯𝘪: 𝗔𝗹𝗹𝗲𝗻 𝗖𝗮𝗻𝗶𝘇𝗮𝗿𝗲𝘀

11/09/2026

𝗧𝗶𝗻𝗶𝗴 𝗜𝘀𝗸𝗼𝗹𝗮𝗿, 𝗺𝘂𝗹𝗶𝗻𝗴 𝗻𝗮𝗴𝘁𝗮𝗴𝘂𝗺𝗽𝗮𝘆 𝘀𝗮 𝗗𝗦𝗣𝗖 2026 🏅

Ipinamalas ng mga batang mamamahayag ng Tinig Iskolar ang kanilang husay, talas, at determinasyon sa pagsabak sa Division Schools Press Conference (DSPC) 2026 noong Setyembre 7-9, 2026.

Sa iba’t ibang kategoryang kanilang nilahukan, naipakita nila ang kanilang kakayahan sa pagsulat, pagguhit, pagbabalita, at paghahatid ng makabuluhang impormasyon, sa gabay ng kanilang mga tagapagsanay at tagasuporta. Nagbunga ang kanilang paghahanda, pagsisikap, at pagtutulungan matapos makamit ang iba’t ibang parangal sa mga indibidwal at pangkatang kategorya.

Narito ang mga nagkamit ng karangalan sa iba’t ibang kategorya:

🎖️𝗧𝗶𝗻𝗶𝗴 𝗜𝘀𝗸𝗼𝗹𝗮𝗿 - 𝖮𝗉𝗂𝗌𝗒𝖺𝗅 𝗇𝖺 𝖯𝖺𝗁𝖺𝗒𝖺𝗀𝖺𝗇𝗀 𝖥𝗂𝗅𝗂𝗉𝗂𝗇𝗈 𝗇𝗀 𝖢𝖾𝖻𝗎 𝖢𝗂𝗍𝗒 𝖭𝖺𝗍𝗂𝗈𝗇𝖺𝗅 𝖲𝖼𝗂𝖾𝗇𝖼𝖾 𝖧𝗂𝗀𝗁 𝖲𝖼𝗁𝗈𝗈𝗅

🥇 Pahinang Balita
🥇 Pahinang Agham at Teknolohiya
🥇 Pahinang Lathalain
🏅 Pahinang Pampalakasan (4th)
🏅 Disenyo ng Pahina at Layout (5th)

𝙄𝙉𝘿𝙄𝘽𝙄𝘿𝙒𝘼𝙇 𝙉𝘼 𝙆𝘼𝙏𝙀𝙂𝙊𝙍𝙔𝘼

𝗣𝗮𝗴𝘀𝘂𝗹𝗮𝘁 𝗻𝗴 𝗣𝗮𝗻𝗴𝘂𝗹𝗼𝗻𝗴 𝗧𝘂𝗱𝗹𝗶𝗻𝗴
🥇 Wemaelyn Tangpos (1st Place)
𝙏𝙖𝙜𝙖𝙥𝙖𝙜𝙨𝙖𝙣𝙖𝙮: G. Julius Bryan O. Yburan

𝗣𝗮𝗴𝗴𝘂𝗵𝗶𝘁 𝗻𝗴 𝗞𝗮𝗿𝘁𝘂𝗻𝗴 𝗣𝗮𝗻𝗴-𝗲𝗱𝗶𝘁𝗼𝗿𝘆𝗮𝗹
🥇 Sharleia Alexis M. Villaester (1st Place)
𝙏𝙖𝙜𝙖𝙥𝙖𝙜𝙨𝙖𝙣𝙖𝙮: Gng. Ailyn O. Labajo

𝗣𝗮𝗴𝘄𝗮𝘄𝗮𝘀𝘁𝗼 𝗮𝘁 𝗣𝗮𝗴-𝘂𝘂𝗹𝗼 𝗻𝗴 𝗕𝗮𝗹𝗶𝘁𝗮
🥇Maria Gorriti O. Miñoza (1st Place)
🥉 Jillian Tish A Cular (4th Place)
🥉 Kiesha Sheldon C. Balaba (5th Place)
𝙏𝙖𝙜𝙖𝙥𝙖𝙜𝙨𝙖𝙣𝙖𝙮: Gng. Glocile P. Monin

𝗠𝗼𝗯𝗶𝗹𝗲 𝗝𝗼𝘂𝗿𝗻𝗮𝗹𝗶𝘀𝗺 (𝗙𝗶𝗹𝗶𝗽𝗶𝗻𝗼)
🥇Yv Rose Ibbu A. Jasmin (1st Place)
𝙏𝙖𝙜𝙖𝙥𝙖𝙜𝙨𝙖𝙣𝙖𝙮: Gng. Ailyn O. Labajo

𝙋𝘼𝙉𝙂𝙆𝘼𝙏𝘼𝙉𝙂 𝙆𝘼𝙏𝙀𝙂𝙊𝙍𝙔𝘼

𝗣𝗮𝗴𝗯𝗮𝗯𝗮𝗹𝗶𝘁𝗮𝗻𝗴 𝗣𝗮𝗻𝗿𝗮𝗱𝘆𝗼
🏆 Overall Radio Scriptwriting and Broadcasting - Champion

🥉Best Infomercial

𝘽𝙚𝙨𝙩 𝙉𝙚𝙬𝙨 𝙋𝙧𝙚𝙨𝙚𝙣𝙩𝙚𝙧
🥇Iza Alexis Roda

𝘽𝙚𝙨𝙩 𝙏𝙚𝙘𝙝𝙣𝙞𝙘𝙖𝙡 𝘿𝙞𝙧𝙚𝙘𝙩𝙤𝙧
🥇Liam Destan J. Gabunada

Mga Miyembro:
Khrishannie Chloe M. Hortezano
Iza Alexis P. Roda
Ayisha Cassy T. Genobatin
Steffany Kate A. Catipay
Ron John Daniel O. Boltron
Liam Destan J. Gabunada
Sheen Jobem O. Olayvar

𝙏𝙖𝙜𝙖𝙥𝙖𝙜𝙨𝙖𝙣𝙖𝙮: G. Ernesto A. Sumpoc

𝗣𝗮𝗴𝗯𝗮𝗯𝗮𝗹𝗶𝘁𝗮𝗻𝗴 𝗣𝗮𝗻𝘁𝗲𝗹𝗲𝗯𝗶𝘀𝘆𝗼𝗻
🏆 Overall TV Scriptwriting and Broadcasting - 3rd Place

🥇Best News Script
🥉Best Developmental Communication
🥉Best in Technical Application

𝘽𝙚𝙨𝙩 𝙉𝙚𝙬𝙨 𝙋𝙧𝙚𝙨𝙚𝙣𝙩𝙚𝙧
🥈Rhian Bhel T. Nepangue

Mga Miyembro:
Mary Juliana J. Sistual
Mikeala Dannasha P. Varron
Carl Emmanuel R. Orellano
Tanya Cassandra Balbuena
Rhian Bhel T. Nepangue
Jann Nicole Mangabon
Lorin Ysabel Zozobrado

𝙏𝙖𝙜𝙖𝙥𝙖𝙜𝙨𝙖𝙣𝙖𝙮: Gng. Ailyn O. Labajo

🏆 𝗖𝗼𝗹𝗹𝗮𝗯𝗼𝗿𝗮𝘁𝗶𝘃𝗲 𝗗𝗲𝘀𝗸𝘁𝗼𝗽 𝗣𝘂𝗯𝗹𝗶𝘀𝗵𝗶𝗻𝗴 - 2nd Place

Mga Miyembro:
Euan Audra D. Baguio
Mary Karylle P. Ilustrisimo
Jodhel Jay L. Micabalo
Derron D. Herico
Akiza Elrin E. Consad
Angel Grayce C. Avila
Jamella Faye M. Canillo

𝙏𝙖𝙜𝙖𝙥𝙖𝙜𝙨𝙖𝙣𝙖𝙮: G. Julius Bryan O. Yburan

🏆 𝗢𝗻𝗹𝗶𝗻𝗲 𝗣𝘂𝗯𝗹𝗶𝘀𝗵𝗶𝗻𝗴 - 2nd Place

Mga Miyembro:
Niña Louise C. Abear
Queenie Marie Baquero
Giann Manlakat
Rhaizabelle B. Gemina
Josh Imannuel D. Taneo

𝙏𝙖𝙜𝙖𝙥𝙖𝙜𝙨𝙖𝙣𝙖𝙮: Bb. Merutche Canoy

𝗗𝗶𝘃𝗶𝘀𝗶𝗼𝗻 𝗦𝗲𝗰𝗼𝗻𝗱𝗮𝗿𝘆 𝗘𝗱𝗶𝘁𝗼𝗿𝘀' 𝗚𝘂𝗶𝗹𝗱
𝙏𝙧𝙚𝙖𝙨𝙪𝙧𝙚𝙧 - Angel Grayce C. Avila, 𝘐𝘬𝘢𝘭𝘢𝘸𝘢𝘯𝘨 𝘗𝘢𝘵𝘯𝘶𝘨𝘰𝘵 𝘯𝘨 𝘛𝘪𝘯𝘪𝘨 𝘐𝘴𝘬𝘰𝘭𝘢𝘳

Maligayang pagbati sa lahat ng mga kalahok ng DSPC 2026! Sa bawat pagsubok na hinarap, higit na nahubog ang kakayahan, tapang, at dedikasyon ng Tinig Iskolar patungo sa inaasam na tagumpay. Sa bawat salitang isinusulat at kuwentong ibinabahagi, nawa’y patuloy kayong maging tinig ng katotohanan sa larangan ng pamamahayag.

𝘐𝘴𝘪𝘯𝘶𝘭𝘢𝘵 𝘯𝘪: 𝗔𝘀𝗵𝗹𝗲𝘆 𝗕𝗮𝗿𝗼𝗻𝗴𝗼
𝘐𝘯𝘪𝘸𝘢𝘴𝘵𝘰 𝘯𝘪: 𝗞𝗶𝗲𝘀𝗵𝗮 𝗕𝗮𝗹𝗮𝗯𝗮
𝘒𝘶𝘩𝘢 𝘯𝘪: 𝗖𝗹𝗮𝗿𝗸 𝗠𝗲𝗻𝗱𝗿𝗼𝘀
𝘋𝘪𝘴𝘦𝘯𝘺𝘰 𝘯𝘪: 𝗝𝗼𝘀𝗵 𝗩𝗶𝗹𝗹𝗮𝗺𝗼𝗿

11/09/2026

𝗕𝗮𝗴𝗼𝗻𝗴 𝗬𝘂𝗴𝘁𝗼, 𝗕𝗮𝗴𝗼𝗻𝗴 𝗣𝗮𝗺𝘂𝗺𝘂𝗻𝗼 ✒️

Sa bawat pagtiklop ng mga pahina ng isang aklat, may mga bagong tauhang ating makikilala. Bawat isa ay may kani-kaniyang natatanging kakayahan, kasanayan, at kuwentong hatid.

Inihahandog ng 𝗧𝗶𝗻𝗶𝗴 𝗜𝘀𝗸𝗼𝗹𝗮𝗿 ang mga karakter sa likod ng bawat tagumpay—ang aming lupon ng mga patnugot. Kilalanin natin sila, tuklasin ang kanilang mga kakayahan, at abangan ang mga tagumpay na kanilang aabutin.

𝘼𝙣𝙜 𝙈𝙜𝙖 𝙆𝙖𝙬𝙖𝙣𝙞 𝙣𝙜 𝙋𝙖𝙩𝙣𝙪𝙜𝙪𝙩𝙖𝙣 𝙣𝙜 𝙏𝙞𝙣𝙞𝙜 𝙄𝙨𝙠𝙤𝙡𝙖𝙧, 𝙏.𝙋. 2026-2027

06/09/2026

𝗜𝗡𝗧𝗥𝗔𝗠𝗨𝗥𝗔𝗟𝗦 𝟮𝟬𝟮𝟲 | 𝐀𝐮𝐠𝐢𝐥𝐚𝐬 𝐋𝐮𝐦𝐢𝐧𝐚𝐫𝐢𝐚𝐬, 𝐧𝐚𝐬𝐢𝐤𝐰𝐚𝐭 𝐚𝐧𝐠 𝐢𝐤𝐚𝐥𝐚𝐰𝐚𝐧𝐠 𝐠𝐢𝐧𝐭𝐨 𝐬𝐚 𝐂𝐡𝐞𝐬𝐬 𝐆𝐢𝐫𝐥𝐬

Muling pinatunayan ng Augilas Luminarias ang kanilang husay at talas ng pag-iisip matapos masungkit ang unang puwesto sa Chess Girls category ng Intramurals ng Cebu City National Science High School noong Setyembre 2, 2026, na ginanap sa Earth Science Room.

“Nahirapan man kami sa iba pa naming mga kalaban, ngunit mas pinili na lang naming mag-focus at intindihin ang daloy ng laro,” saad ng isa sa mga manlalaro ng Augilas Luminarias.

Sa isang kompetisyong nangangailangan ng matinding konsentrasyon, estratehiya, at maingat na pagpaplano, nangibabaw ang Augilas Luminarias laban sa kanilang mga katunggali. Sa bawat galaw ng piyesa, ipinakita ng mga manlalaro ang kanilang pagiging kalmado at determinado upang makuha ang panalo.

Hindi lamang basta gintong medalya ang kanilang nakamit dahil ito na ang ikalawang pagkakataong nagwagi ang Augilas Luminarias sa Chess Girls. Dahil dito, nakamit nila ang kanilang ikalawang gintong medalya at muling napatunayan ang kanilang pagiging isa sa pinakamalalakas na koponan sa kategorya.

Sa gitna ng tensyon sa bawat laban, naging mahalaga ang tamang diskarte at mabilis na pagsusuri sa galaw ng kalaban. Bawat desisyon ay kailangang pag-isipang mabuti dahil maaaring magbago ang takbo ng laro sa isang maling galaw. Sa kabila nito, nanatiling nakatuon ang Augilas Luminarias hanggang sa huling galaw ng kanilang mga piyesa.

Samantala, nakuha ng Boca Prima ang ikalawang puwesto, habang nagtapos naman sa ikatlong puwesto ang Oculix Eternu. Parehong nagpakita ng mahusay na laban ang dalawang koponan, ngunit sa huli, ang Augilas Luminarias ang nangibabaw at nag-uwi ng gintong medalya.

Ang kanilang tagumpay ay bunga ng sipag, ensayo, disiplina, at pagtutulungan ng mga manlalaro. Higit pa sa medalya, ipinakita nila na ang chess ay isang larong nangangailangan hindi lamang ng husay kundi pati na rin ng konsentrasyon at kakayahang gumawa ng tamang desisyon sa ilalim ng pressure.

𝘒𝘢𝘵𝘩𝘢 𝘯𝘪: 𝗦𝗮𝗿𝗮𝗵 𝗗𝗮𝘃𝗶𝗱
𝘒𝘶𝘩𝘢 𝘯𝘪: 𝗚𝗮𝗲𝘆𝗹𝗹 𝗔𝗿𝗴𝗼𝗻𝗰𝗶𝗹𝗹𝗼 𝗮𝘁 𝗡𝗶𝗰𝗼𝗹𝗲 𝗖𝗲𝗷𝘂𝗱𝗼
𝘐𝘯𝘪𝘸𝘢𝘴𝘵𝘰 𝘯𝘪: 𝗞𝗵𝗮𝗹𝗶𝗹 𝗩𝗮𝗹𝗹𝗲𝘀

06/09/2026

𝗜𝗡𝗧𝗥𝗔𝗠𝗨𝗥𝗔𝗟𝗦 𝟮𝟬𝟮𝟲 | 𝐀𝐭𝐡𝐞𝐫𝐲𝐱 𝐕𝐚𝐥𝐭𝐨𝐫𝐚 - 𝐀𝐮𝐫𝐚𝐱𝐢𝐬, 𝐧𝐚𝐠𝐡𝐚𝐫𝐢 𝐬𝐚 𝐁𝐨𝐲'𝐬 𝐁𝐚𝐝𝐦𝐢𝐧𝐭𝐨𝐧

Septyembre 1 — Nangibabaw ang Grade 11 sa Boys' Badminton Singles matapos masungkit ang kampeonato sa parehong Singles A at Singles B, kapwa sa iskor na 2–0, sa ginanap na Intramurals ng Cebu City National Science High School. Samantala, itinanghal namang kampeon ang Grade 12 sa Boys' Doubles matapos magwagi sa iskor na 2–1.

Dating magkakampi, ngayon ay magkahiwalay na lumaban sa Singles, kapwa nakamit nina Paul Manliguez at Felipe Torregosa ng Atheryx Valtora ang gintong medalya. Sa kanilang unang pagsabak sa Singles, pinatunayan nila ang kanilang husay sa korte.

Naging dikit ang laban sa Singles A nang magharap sina Ivan Mangunay ng Grade 8 Aguilas Luminarias at Manliguez. Maagang umungos si Mangunay sa simula ng laro bago nakahabol si Manliguez. Tila nag-iba ang ihip ng hangin nang magpakawala siya ng sunod-sunod na palo, na tuluyang nagbigay sa kaniya ng panalo sa iskor na 2–0 (15–13, 15–13).

“Nakatulong ito para mas mapalalim ang pananampalataya ko. Nag-aalala ako bago ang laban, pero hindi naman dapat diretso ang landas mo. Ano ang silbi ng pananampalataya mo kung sigurado na ang lahat ng mangyayari? Napatunayan ko na kailangan mong magtiwala sa Diyos, dahil ang Panginoon lamang ang may hawak ng buhay mo,” paalala ni Manliguez sa kaniyang sarili.

Nagdomina naman kaagad si Torregosa sa Singles B matapos paulanan ng mga palo ang katunggali na si Zyler Gabutan ng Grade 10 Oculix Eternu, at tuluyang sinungkit ang panalo sa iskor na 2–0 (15–11, 15–4).

"Napatunayan ko sa panalong ito na kaya kong makamit ang isang bagay basta may tamang estratehiya at sapat na paghahanda. Nakatulong din ito para magkaroon ako ng higit na kumpiyansa sa sarili,” ani Torregosa.

Sinungkit naman nina Jhazient Lastimosa at John Concepcion ng Auraxis ang panalo kontra kina Michael Pintor at Cedric Tangpos ng Oculix Eternu sa isang dikit na tatlong-larong bakbakan, 2–1 (15–8, 11–15, 15–11).

“Malaki ang kahulugan nito para sa akin dahil nakatulong kami sa aming batch na makamit ang panalo. Ito na rin ang aming huling laro sa high school, kaya malaking bagay sa akin na makapag-iwan kami ng magandang alaala bago matapos ang aming high school journey,” ayon kay Lastimosa.

𝘒𝘢𝘵𝘩𝘢 𝘯𝘪: 𝗛𝗮𝘇𝗲𝗹𝗹𝗲 𝗢𝗰𝗹𝗶𝗻𝗮𝗿𝗶𝗮
𝘒𝘶𝘩𝘢 𝘯𝘪: 𝗔𝗹𝘁𝗵𝗲𝗮 𝗧𝗮𝗺𝗶𝗿𝗼𝘆, 𝗚𝗮𝗲𝘆𝗹𝗹 𝗔𝗿𝗴𝗼𝗻𝗰𝗶𝗹𝗹𝗼, 𝗮𝘁 𝗡𝗮𝘁𝗵𝗮𝗻 𝗠𝗲𝗻𝗱𝗿𝗼𝘀
𝘐𝘯𝘪𝘸𝘢𝘴𝘵𝘰 𝘯𝘪: 𝗙𝗿𝗮𝗻𝗰𝗲 𝗣𝗲𝗻𝗱𝗶𝗷𝗶𝘁𝗼

06/09/2026

𝗜𝗡𝗧𝗥𝗔𝗠𝗨𝗥𝗔𝗟𝗦 𝟮𝟬𝟮𝟲 | 𝐊𝐀𝐌𝐏𝐄𝐎𝐍 𝐒𝐀 𝐈𝐊𝐀𝐋𝐀𝐖𝐀𝐍𝐆 𝐏𝐀𝐆𝐊𝐀𝐊𝐀𝐓𝐀𝐎𝐍: 𝐀𝐠𝐮𝐢𝐥𝐚𝐬 𝐋𝐮𝐦𝐢𝐧𝐚𝐫𝐢𝐚𝐬 𝐧𝐚𝐬𝐮𝐧𝐠𝐤𝐢𝐭 𝐚𝐧𝐠 𝐠𝐢𝐧𝐭𝐨 𝐬𝐚 𝐒𝐜𝐫𝐚𝐛𝐛𝐥𝐞

Nangibabaw ang Aguilas Luminarias (Ikawalong baitang) na binubuo nila Zoe Kaelin T. Balazo, Andrea Faye A. Praise, Abrianna M. Toleroso, Erin Grace S. Feliscuzo, at Xynaix Casey Muyot sa makapigil hiningang tagisan ng scrabble sa Intramurals 2026 noong ikalawa ng Setyembre sa Advance Chemistry room ng Cebu City National Science High School at nakapagtala ng 15 na panalo at +1541 na spread.

“Masayang masaya po talaga ako na muli po kaming nagwagi at nakapagtala ng panalo sa aming batch, sa tingin ko po ang pagiging positibo at isang goodluck mula sa kay A.D ang nakapag panalo sa akin,“ ani ni Zoe Kaelin T. Balazo na lider ng koponan ng scrabble ng Aguilas Luminarias.

Mula simula hanggang sa katapusan, isang nakakamanghang galing na ang ipinamalas ng scrabblers ng ikawalong baitang. Nagkaroon sila ng isang pangmalakasang line up at matalinong distribusyon ng kanilang mga miyembro sa paglagay kay Balazo sa ikaunang board at si Feliscuzo sa ikaapat na board. Sila may nasa kanilang ikalawang taon pa lamang sa SciHi, pinatunayan nilang bagkus bata pa sila, isa silang hindi matitibag na puwersa sa larangan ng scrabble.

Hindi naman nagpatinag ang iba pang mga nakababatang mga scrabblers sapagkat nakuha ng Oculix Eternu (ikasampung baitang) ang pilak sa iskor na 13.5 at ang Solix Solara (ika-siyam na baitang) naman ang naka tanso sa 9.5 na puntos.

“Sa mga ka scrabblers ko jan, huwag po kayong sumuko, magsanay nang magsanay lang kayo hanggang maabot niyo ang panalo. Maging positibo po tayo at maging disiplinado,“ ani ni Balazo sa mga iba pang manlalaro ng scrabble.

Plano ni Balazo na maging isang propesyonal na manlalaro ng scrabble, naniniwalang siyang kayang-kaya ang kahit ano basta mag-ensayo ka lamang. Pinapatunayan nito na hindi lang hanggang sa Intramurals magagamit ang inyong galing sa isports, magagamit din ito sa iyong kinabukasan.

𝘒𝘢𝘵𝘩𝘢 𝘯𝘪: 𝗔𝗻𝗴𝗲𝗹 𝗔𝘃𝗶𝗹𝗮
𝘒𝘶𝘩𝘢 𝘯𝘪: 𝗔𝗻𝗴𝗲𝗹 𝗬𝗼𝘂𝗻𝗴
𝘐𝘯𝘪𝘸𝘢𝘴𝘵𝘰 𝘯𝘪: 𝗝𝘂𝘀𝘁𝗶𝗻𝗲 𝗤𝘂𝗶𝗻𝗮𝗻𝗼𝗹𝗮

04/09/2026

𝗜𝗡𝗧𝗥𝗔𝗠𝗨𝗥𝗔𝗟𝗦 𝟮𝟬𝟮𝟲 | 𝐎𝐜𝐮𝐥𝐢𝐱-𝐀𝐮𝐫𝐚𝐱𝐢𝐬-𝐒𝐨𝐥𝐢𝐱: 𝐍𝐚𝐧𝐠𝐮𝐧𝐚 𝐬𝐚 𝐆𝐢𝐫𝐥𝐬’ 𝐁𝐚𝐝𝐦𝐢𝐧𝐭𝐨𝐧

Dinomina ng Grade 10 Singles A ng Oculix Eterno at Grade 12 Singles B ng Auraxis ang Girls’ Badminton Singles matapos nilang makuha ang tig-2–0 na panalo. Samantala, nanaig naman ang Grade 9 Doubles ng Solix Solara, 2–1, sa Cebu City National Science High School Gymnasium noong ika-1 ng Setyembre 2026.

Parehong pinaulanan ng matinding palo nina Arriahna Araneta ng Grade 10 Oculix Eterno laban kay Shyne Neri ng Auraxis, at Lyra Malaki ng Grade 12 Auraxis laban kay Gabi Llenes ng Grade 8 Aguilas Luminarias, mula sa una hanggang sa matapos ito, 2:0(21-9) para sa Oculix Eterno, habang 2:0(21-4) naman para sa Auraxis.

Pinakitaang gilas ng mga manlalaro ang kanilang katunggali at nakapokus lamang sa kanilang layunin sa ganap na ito — ang makakuha ng gintong titulo para sa kani-kanilang batch.

“Sobrang saya ko talaga dahil ito ang pinakaunang gintong titulong napanalunan ko. Siguro dahil sa maayos kong galaw at matiwasay na daloy ng laro kaya ko nakuha ang Singles A na kampeonato,” ani Araneta ng Oculix Eterno ng Grade 10.

Ayon naman kay Malaki ng Grade 12 - Gauss, “Masaya ako dahil napanatili ko ang titulong kampeonato sa Girls’ Singles, at sana kapag ako ay aalis na dito ay nakagawa ako ng pamana sa SciHi at nakapagbigay ng inspirasyon sa mga susunod pang henerasyon para laruin at mahalin ang isports na ito.”

Samantala, pinangunahan ng Grade 11 Aetheryx Valtora ang unang laro, 1-0 (15-11). Bumawi naman sina Lia Ballesteros at Athea Baloro ng Grade 9 Solix Solara sa ikalawang set, 1-1 (15-4).

Lubos na kinakabahan ang bawat manlalaro sa Doubles dahil sa magkadikit-dikit na iskor na nakuha — dagdag pa nito, nakatatlong slides pa sila bago makuha ang gintong titulo, 2:1(20-18).

“Noon ay sumali lang ako sa badminton dahil may summer training ako noong Grade 6 at ayaw kong masayang iyon, pero ngayon, mas naganahan akong maglaro dahil napamahal ako sa badminton at dahil nandito rin si Lia. Nagpatuloy ang aming pag-eensayo at nakikita naming napabuti ang aming komunikasyon sa isa’t isa,” dagdag pa nina Ballesteros at Baloro ng Grade 9 - Neon at Krypton.

Sa pagtatapos ng mga paligsahan, maghahanda naman ang mga nanalo para sa susunod na yugto ng kanilang karera, ang district meet.

𝘒𝘢𝘵𝘩𝘢 𝘯𝘪: 𝗖𝗵𝗲𝗿𝗶𝗹𝗼𝘂 𝗣𝗮𝗻𝘁𝗮𝗷𝗼
𝘒𝘶𝘩𝘢 𝘯𝘪: 𝗔𝗹𝘁𝗵𝗲𝗮 𝗧𝗮𝗺𝗶𝗿𝗼𝘆, 𝗞𝗵𝗹𝗼𝗲 𝗢𝗹𝗶𝘁𝗿𝗲𝘀, 𝗮𝘁 𝗠𝗲𝗹 𝗠𝗼𝗻𝘁𝗮𝗹𝗯𝗮𝗻
𝘐𝘯𝘪𝘸𝘢𝘴𝘵𝘰 𝘯𝘪: 𝗠𝗮𝗿𝗶𝗮 𝗠𝗶𝗻𝗼𝘇𝗮

03/09/2026

𝗜𝗡𝗧𝗥𝗔𝗠𝗨𝗥𝗔𝗟𝗦 𝟮𝟬𝟮𝟲 | 𝐀𝐭𝐡𝐞𝐫𝐲𝐱 𝐕𝐚𝐥𝐭𝐨𝐫𝐚 𝐚𝐭 𝐎𝐜𝐮𝐥𝐢𝐱 𝐄𝐭𝐞𝐫𝐧𝐨 𝐧𝐚𝐧𝐠𝐮𝐧𝐚 𝐩𝐚𝐫𝐚 𝐬𝐚 𝐤𝐨𝐫𝐨𝐧𝐚

Sa gitna ng masiglang palakpakan at sigawan ng mga estudyante, umangat ang kumpiyansa at talento sa Mr. at Miss Intramurals 2026, na ginanap sa School Oval ng Cebu City National Science High School (CCNSHS) noong unang araw ng Setyembre, 2026.

Sa hanay ng mga kababaihan, kinuha ni Angel Louise D. Young ng Atheryx Valtora (ika-11 na baitang) ang korona bilang Miss Intramurals 2026. Sa kaniyang kumpiyansa at tindig, naging kapansin-pansin ang kaniyang presensya sa kompetisyon. Hindi lamang korona ang kaniyang naiuwi, dahil kinilala rin siya bilang Best in Production.

Samantala, naging 1st runner-up si Niña Gabrielle H. Rodriguez ng Auraxis (ika-12 na baitang), habang naging 2nd runner-up si Elia Ann M. Asentista ng Solix Solara (ika-siyam na baitang).

Sa kabilang panig naman ng entablado, naghari si Joran Raphael Escanilla ng Oculix Eterno (ika-10 na baitang) bilang Mr. Intramurals 2026. Sa kaniyang pagharap sa kompetisyon, ipinakita niya ang kumpiyansa at presensyang nagdala sa kaniya sa pinakamataas na puwesto.

Sinundan siya ni Chad Matrix G. Ubas ng Auraxis (ika-12 na baitang) bilang 1st runner-up, na nakamit din ang Best in Sports Wear. Samantala, si James Robert Aya-ay ng Atheryx Valtora (ika-11 na baitang) ang nagtapos bilang 2nd runner-up.

Hindi rin nagpahuli ang Aguilas Luminarias (ikawalong baitang), na nag-uwi ng dalawang espesyal na parangal. Kinilala si Melecio III S. Castañares bilang Best in Production, habang si Divine Grace S. Tampus naman ang nagkamit ng Best in Sports Wear.

Sa huli, ang Mr. at Miss Intramurals 2026 ay naging matagumpay sa pagkakaroon ng mga bagong tagapangalaga ng korona.

𝘒𝘢𝘵𝘩𝘢 𝘯𝘪: 𝗗𝗮𝗿𝘆𝗻𝗻𝗲 𝗖𝗮𝗻𝗶𝗹𝗹𝗼
𝘒𝘶𝘩𝘢 𝘯𝘪: 𝗫𝘆𝗿𝗮 𝗚𝗲𝗮𝗹𝗼𝗻, 𝗔𝗲𝗶𝘀𝗵𝗮 𝗚𝘂𝗶𝗹𝗹𝗲𝗺𝗲𝗿, 𝗔𝗯𝗲𝗴𝗮𝗶𝗹 𝗔𝗺𝗼𝗱𝗶𝗮, 𝗮𝘁 𝗞𝗵𝗹𝗼𝗲 𝗢𝗹𝗶𝘁𝗿𝗲𝘀
𝘐𝘯𝘪𝘸𝘢𝘴𝘵𝘰 𝘯𝘪: 𝗦𝗵𝘆𝗻𝗲 𝗡𝗲𝗿𝗶

31/08/2026

𝗜𝗡𝗧𝗥𝗔𝗠𝗨𝗥𝗔𝗟𝗦 2026 | 𝗗-𝗗𝗔𝗬: 𝗔𝗡𝗚 𝗣𝗔𝗚𝗦𝗜𝗞𝗟𝗔𝗕 𝗡𝗚 𝗞𝗔𝗛𝗘𝗟 𝗡𝗔 𝗔𝗚𝗢𝗦 🏆

Dumating na ang araw ng huling martsa, huling lipad, at ang huling sigaw! ⚡️💥

Sa pagputok ng liwanag ngayong umaga, sumiklab ang kahel na apoy ng Ika-12 Baitang—isang bagang hindi kailanman mamamatay. Apat na taong naghanda, at sa ating huling taon, wala na tayong ititira pa. Saksihan ang paghahari ng 𝗔𝗨𝗥𝗔𝗫𝗜𝗦! 💫

Taglay natin ang bagsik ng karanasan at ang dugong kahel na kailanman ay hindi matitinag. Sa bawat patak ng mga pawis at hiyaw, iiwan natin ang isang markang hindi na mabubura sa kasaysayan ng paaralan. Para sa huling pagkakataon, mga 𝗦𝗰𝗶𝗛𝗶𝘆𝗶𝘀𝘁𝗮𝘀, itaas ang ating bandera! 🧡 Ito na ang ating huling sayaw—at ang ating walang katapusan na tagumpay. ✨

𝘒𝘢𝘵𝘩𝘢 𝘯𝘪 𝗠𝗮𝗿𝘆 𝗜𝗹𝘂𝘀𝘁𝗿𝗶𝘀𝗶𝗺𝗼
𝘋𝘪𝘴𝘦𝘯𝘺𝘰 𝘯𝘪 𝗝𝗵𝗮𝗶 𝗦𝗮𝗰𝗮𝗺𝗮𝘆 at 𝗝𝗼𝘀𝗵 𝗠𝗮𝗿𝘁𝗶𝗻𝗲𝘇

Tinig Iskolar

13/09/2026

11/09/2026

11/09/2026

06/09/2026

06/09/2026

06/09/2026

04/09/2026

03/09/2026

31/08/2026

Address

Website

Alerts

Shortcuts

Share

Category

Listing takedown request