14/11/2025
NEWS UPDATE: Gipahibawo sa kagamhanan sa dakbayan sa Danao nga wala'y face-to-face classes sa tanang lebel sa syudad hangtud sa dugang pahibawo.
Samtang ang mga school heads maoy responsable sa paghimo og alternative learning modalities nga uyon sa kahimtang sa ilang tunghaan.
Si Mayor Nito Durano niluwat og Executive Order Number 89, series of 2025 kabahin niini nga nagmando sa pagpadayon sa klase pinaagi sa alternative learning delivery modalities sa tanang level sa public ug private schools sa syudad hangtud sa dugang pahibawo.
Mao kini ang tipik sa post sa Danao City Government:
📍Wala’y face-to-face classes sa tanang level sa tunghaan— public & private— hangtud sa dugang pahibalo.
📍Magpadayon ang klase pinaagi sa alternative learning modalities (sama sa Modular/Distance Learning, Online, Performance-based tasks ug uban pang pamaagi)
📍 Ang mga School Heads ug Administrators adunay gahum sa pagpili sa pinaka-angay nga learning modality, schedule, ug transition plan padulong sa face-to-face, depende sa kahimtang sa ilang tunghaan ug sa estudyante.
Kini aron mahatagan og igo’ng panahon ang atong mga pamilya, tunghaan, ug komunidad nga makabangon gikan sa sunod-sunod nga kalamidad.
📸: Danao City Government
